ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   منتدى كلية ادارة اعمال (https://vb.ckfu.org/forumdisplay.php?f=8)
-   -   [ قسم : المحاسبة ] .. جميع الاستفسارات (https://vb.ckfu.org/showthread.php?t=141641)

بندر بن عبدالرحمن 2011- 2- 1 06:12 AM
[ قسم : المحاسبة ] .. جميع الاستفسارات
 
السلام عليكم

حفاظاً على تنسيق المنتدى
تم فتح هذا الموضوع لـ الاستفسار عن كل ما يتعلق بـ قسم المحاسبة

محاسبة 1 ، محاسبة 2 ، و محاسبة تكاليف .... إلخ

سواء كان من ناحية وضع المواد أو لمعرفة وضع الأستاذ مُلقي المحاضرة

ليكون فائدة لـ جميع الطلاب

بندر بن عبدالرحمن 2011- 2- 1 06:20 AM
رد: [ قسم : المحاسبة ] .. جميع الاستفسارات
 
سـ يكون رد الافتتاح مني بـ رأي عن بعض أساتذة مقررات المحاسبة

1- احمد رجب :
دكتور متعاون ويعامل الطلاب كـ أبنائه وعلى استعداد بـ إعادة الشرح حتى تصل المعلومة ، اسئلته متوسطة المستوى ، ولكن لا يقوم بوضع اسئلة تحدّي .


2- مراد قاسم :
عدة طلاب قامو بـ مدحه لي ، وكما وصفوه بأنه متعاون جداً .


3- ايمن صابر علي :
يُعطي الطلاب حقه ، ولمن يستحق قد يأخذ أكثر من حقه


4- فتحي المديني :
للأمانة لم أجرب أن أكون طالباً لديه ، لكن جميع الذين أعرفهم ودرسوا لديه لم يمدحوه ابداً ، وحصل لي موقف معه يبين مدى غروره وأنه أفضل من الذي يتحدث معه



أتمنى من بقية الأعضاء التعاون ، ومن لديه اضافة سواء من وضعت أسمائهم أو أخرين ، أو كتابة نبذة عن أحد مقررات المحاسبة أتمنى وضعها هنا
وشكراً لكم

محاسبه 2011- 2- 1 02:09 PM
رد: [ قسم : المحاسبة ] .. جميع الاستفسارات
 
اريد استفسار عن المواد التاليه
1- قاعة بحث في المحاسبة

2- استخدمات الحاسب الالي في المحاسبة عند مراد قاسم عيد سليمان

طريقة توزيع الدرجات عند الدكاترة ونظام الشرح واسلوب التعامل

بالنسبة لقاعة البحث اي دكتور افضل

محاسبه 2011- 2- 1 10:28 PM
رد: [ قسم : المحاسبة ] .. جميع الاستفسارات
 
عبدالعزيز العيسى
دكتور مراجعة من افضل الدكاتره في الشرح والتعامل مع الطلاب والاحترام ويقدر جهود الطالب وياخذ كل طالب حقه تمام وصريح في جميع الامور ولايخدع الطلاب ويهمه ان الطالب يفهم كل التقدير والاحترام له ويعطى كل طالب ذو حقا حقه يعني في طلاب تاخذ ممتاز وفي طلاب ترسب حسب اجتهاد كل طالب اقسم بالله ان الدكتور عبدالعزيز العيسى من افضل الدكاتره بالجامعة الان اهم شي فيه اعطاء كل طالب حقه

حرام طالب يحضر وطالب يغب ويتساون في الدرجة مثل مايفعل بعض الدكاتره ام الدكتور عبدالعزيز العيسى من اهم الاشياء فيه الامانه والصدق والعدل

محاسبه 2011- 2- 12 03:20 PM
د علاءزهران او د محمد حسين الافضل
 
السلام عليكم


ان محتار بين الدكتور علاء زهران والدكتور محمد حسين في قاعة بحث في المحاسبة الرجاء من الجميع ينصحني من الافضل وطريقة الشرح والتعامل والاسلوب وطريقة المحاضرات للاهمية القصوى الرجاء التفاعل من اجميع واجركم على الله

الموت البطيء 2011- 2- 13 02:16 PM
رد: د علاءزهران او د محمد حسين الافضل
 
ما قد جربت الدكتور محمد حسين ..
د/ علاء زهران في المواد الثانيه شرحه واسلوبه حلو ولكن اختباراته صعبه // في قاعة بحث ينصحون بعض الطلبه نبتعد عنه لأنه يصعبها كثير

بالتوفيق للجميع

بومحمد007 2011- 2- 16 09:08 PM
تقيم دكتور محاسبه 2
 
السلام عليكم كيف الكم شباب؟
عندي سؤال بسيط الي عندة جوابه لايبخل علينا الله يخليكم
دكتور محمد الصغير للمادة محاسبه 2 ؟

Hassan Majeed 2011- 2- 16 10:02 PM
رد: تقيم دكتور محاسبه 2
 
عليكم السلام

سمعت واحد من الشباب يقول أنه شرحه توب و متساعد مع الطلبة كثير ، لكن عبد الرحمن المحارفي أشوفه منزل مبادئ محاسبة 2 و من جهتي أرى بأن الأفضلية له بحيث من ناحية الشرح ، الاختبارات ، الدرجات هو الأفضل .. : )

بومحمد007 2011- 2- 16 11:36 PM
رد: تقيم دكتور محاسبه 2
 
طيب اخووووي وين تنصحني افضل؟ اي واحد فيهم؟ وشكرا

Hassan Majeed 2011- 2- 17 09:46 AM
رد: تقيم دكتور محاسبه 2
 
^
^

إذا تبغى تمشي بالمادة و أنت مرتاح و تجيب درجات طيبة بإذن الله فخش عند المحارفي لأن ما في أحد خش عنده و ندم .. : )

بومحمد007 2011- 2- 17 09:58 AM
رد: تقيم دكتور محاسبه 2
 
يعطيك العافيه اخووووووي وماقصرت بيض الله وجهك
للاسف المحافي ماصار من نصيبي لانه عندي تعارض معاة
انا نزلت محمد الصغير وان شاء الله نمشي عندة

ابوالجوهرة 2011- 4- 7 06:47 PM
رد: [ قسم : المحاسبة ] .. جميع الاستفسارات
 
الشششكر للجميع ع المعلومــآت
وبالتوفيق للكــل
وششكــرآ

فلسفة 2011- 4- 15 06:29 AM
رد: [ قسم : المحاسبة ] .. جميع الاستفسارات
 
ابغى رقم معلمة محاسبة واحصاء يا حبذا بالخبر ومو مشكلة الدمام
ياليت ع الخاااص تكفوون

منتآز 2011- 4- 21 05:47 PM
رد: تقيم دكتور محاسبه 2
 
اقتباس:
المشاركة الأصلية كتبت بواسطة بومحمد007 (المشاركة 2792580)
السلام عليكم كيف الكم شباب؟
عندي سؤال بسيط الي عندة جوابه لايبخل علينا الله يخليكم
دكتور محمد الصغير للمادة محاسبه 2 ؟
اقسم بالله ان الدكتور محمد الصغير من افضل الدكاترة في الكلية نزل عنده وما راح تندم انا الحين اخذ عنده محاسبة ادارية وماشي زي الحلاوة وخلصت عنده تكاليف وخذت فل مارك
بالنسبة لشرحه من افضل الدكاترة في الشرح وما يخليك تروح بيتكم الا وانت فاهم كل اللي قاله ما يعطي واجبات واجب واسئلته نفس اللي في السبورة بس يضرب الارقام في اثنين او يقسم على اثنين ما يلف ولا يدور ويقولك كل التركات في المحاضرة بكل بساطة دكتزر خررررررررررافي

منتآز 2011- 4- 21 06:21 PM
رد: [ قسم : المحاسبة ] .. جميع الاستفسارات
 
السلام عليكم

بخش بالموضوع بدون مقدمات وراح ابدي رأي في الدكاترة اللي خلصت عندهم المواد واللي اخذ عندهم حاليا وباقي الدكاترة راح اقول لكم ما اسمع عنهم

طبعا ببدا بالدكتور محمد الصغير " بكل بساطة افضل دكتور محاسبة في الكلية والقريد عنده سهل جدا بالعربي تفهم المادة صح ويعطيك حقك " طبعا درست عنده تكاليف 2 والحين ادارية وماشي معاه زي الحلاوة

استاذ هاني شيتي " استاذ ممتاز ما يلف ولا يدور واجد متعاون مع االطلاب لابعد حد ويعاملهم معاملة اخوان طبعا غير موجود حاليا لانه يكمل دكتوراة " درست عنده موضوعات محاسبية مختارة

استاذ عبدالله الملحم " حليو " راح يكمل دكتوراة درست عنده شركات 2 وزي ما قلت كان حليو ويحب التريكات مجموع درجات التريكات في الكورس يمكن حول 15 درجة

دكتور جمال يوسف "مشى " شركات 1

انيس الخياطي " مشى" نقود وبنوك

الدكتور عبد العزيز العيسى " مشى " دكتور ممتاز وخذت عنده المراجعة

الدكتور عبدالرحمن المحارفي " الدكتور هذا راعي ضحك ومحاضرته ممتعة لابعد حد دكتور بشكل عام جيد في الشرح نوعا ما ولكنه يحترم الطالب لابعد حد وممكن يتهاوش مع الادارة والسبب هو الطالب وانا شخصيا اشوف انه دكتور يرفع من معنويات الطالب ويشجع الطالب السعودي اختباراته نوعا ما حلوة وبالنسبة للفاينل متوسط " اخذت عنده نظم معلومات محاسبية

الدكتور احمد رجب " دكتور ممتاز شرحه ممتاز متعاون مع الطالب " اخذت عنده محاسبة حكومية

الدكتور مجدي السيد ترك " الدكتور ممتاز شرحه على البروجكتر بالنسبة للنظري والحالات العملية تكتب وراه وبعد اسبوع ينزل تمارين مع حلولها يكررررررررررررررفك واجبات وبحوث وهذا من الاشياء اللي تعيبه لان الحضور والغياب والمشاركة والواجبات والبحوث كلها على بعضها مخصص لها 10 درجات بس ولكن بسكل عام الدكتور ممتاز" اخذ عنده الزكاة والضريبة

بالنسبة للدكاترة اللي ما اخذت عندهم :

علاء زهران يقولون شرحه ممتاز بس اسئلته صعبة

خالد عطيه مثل علاء زهران واغلب الطلاب ما يمدحونه

عيد حسن ممتاااااااز

فتحي الميدني بصراحة من بين 50 طالب واحد بس اللي يمدحه

ايمن صاير يمدحونه الشباب

ماهر ابو ليلى ممتاز في الشرح ولكن في الاختبارات يلف ويدور شوي


اتمنى اني ما نسيت احد وبالتوفيق للجميع

منتآز 2011- 4- 22 04:28 PM
رد: [ قسم : المحاسبة ] .. جميع الاستفسارات
 
تذكرت بعض الدكاترة

دكتور فؤاد المبارك : من افضل دكاترة المحاسبة في الكلية والشباب بصراحة يمدحونه خاصة في قاعة البحث والتدريب العملي

دكتور محمد حسين : محد يمدحه بصراحة وسمعت عنه شي فك مخي انه يعطي الطلاب دروس في المحاسبة الادارية صعبة مرة لدرجة ان في وقت اختبار مادته في طالب نسى الدرس وراح لدكتور ثاني قاله يا دكتور مو فاهم كيف جات هذي ولما طالع الدفتر مسك راسه الدكتور وقاله بصراحة ما اعرف احله . نو كومنت وربي

زياد الحملي : لامانة ماعرف عنه ولا معلومة

وبالتوفيق للجميع

mona33 2011- 4- 24 06:42 PM
رد: [ قسم : المحاسبة ] .. جميع الاستفسارات
 

لو سمحتوا بسألكم عن هالدكتور
عيد عوض حسن

من ناحيه الشرح والاسئله وهل يعطي درجات يساعد ولآآ ؟؟

وبعد مصري هو ولآ أيش جنسيته

ومشكورين = )

جامعي شايل هم 2011- 4- 27 02:07 PM
رد: [ قسم : المحاسبة ] .. جميع الاستفسارات
 
سلام عليكم جميعا
لو سمحتوا ابي استفسار عن المواد التاليه
محاسبة شركات 1 وشركات 2 وموضوعات محاسبيه مختاره من ناحيه صعوبتها او سهولتها
وابي استفسار عن الدكتور ماااهر ابو ليلى الله لا يهينكم وشكرا

محاسبه 2011- 4- 27 06:02 PM
رد: [ قسم : المحاسبة ] .. جميع الاستفسارات
 
افضل دكاترة المحاسبة وهم على النحو التالي :
1- عبدالعزيز ابراهيم العيسى
2- محمد حسين حجاج
3- هاني شيتي
4- محمد الصغير


ام خالد عطية ماحد يمدحه من الطلاب ابدا

منتآز 2011- 4- 28 02:51 AM
رد: [ قسم : المحاسبة ] .. جميع الاستفسارات
 
اقتباس:
المشاركة الأصلية كتبت بواسطة mona33 (المشاركة 3348876)

لو سمحتوا بسألكم عن هالدكتور
عيد عوض حسن

من ناحيه الشرح والاسئله وهل يعطي درجات يساعد ولآآ ؟؟

وبعد مصري هو ولآ أيش جنسيته

ومشكورين = )
شرحه ممتاااااااااااز وكل شي فيه اوكي بس في الاختبارات يحب يجيب تريكات حاول تفهم الدرس كويس ومن تسمعه يقول بافتراض ان صار كذا فتح مخك واسمع وش يقول لان هذا اللي بيجيك في الاختبار والله يوفقك على العموم انا مجرب الدكتور هذا وماخذ عنده a واشوف انه احسن من غير وبالتوفيق

منتآز 2011- 4- 28 02:57 AM
رد: [ قسم : المحاسبة ] .. جميع الاستفسارات
 
اقتباس:
المشاركة الأصلية كتبت بواسطة جامعي شايل هم (المشاركة 3368430)
سلام عليكم جميعا
لو سمحتوا ابي استفسار عن المواد التاليه
محاسبة شركات 1 وشركات 2 وموضوعات محاسبيه مختاره من ناحيه صعوبتها او سهولتها
وابي استفسار عن الدكتور ماااهر ابو ليلى الله لا يهينكم وشكرا

عليكم السلام

شركات 1 مادة حليوة بس انها تلعب في المخ شوي اصعب شي فيها التصفية وهو اخر درس بتاخذه في المادة ، المادة كلها قيود

شركات 2 مادة قريد وربي سسسسسسسسسهلة وما فيها اي فكرة الا اذا الدكتور يبي يصعبها وكلها قيود

موضوعات محاسبية مختارة هي نفسها محاسبة 1 و2 ومتوسطة اذا انت فاهم المحاسبات هذي وانجليزيتك كويسة بتاخذ a وانت تضحك

ماهر ابو ليلى يمدحونه الشباب من ناحية الشرح والاختبارات اللي يجيبها معقولة مو صعبة مرة وبالتوفيق

جامعي شايل هم 2011- 4- 29 07:10 PM
رد: [ قسم : المحاسبة ] .. جميع الاستفسارات
 
الله يعطيك الغافيه ويوفقك
شكررا جزيلا

mona33 2011- 5- 7 01:56 PM
رد: [ قسم : المحاسبة ] .. جميع الاستفسارات
 
اقتباس:
المشاركة الأصلية كتبت بواسطة منتآز (المشاركة 3373023)
شرحه ممتاااااااااااز وكل شي فيه اوكي بس في الاختبارات يحب يجيب تريكات حاول تفهم الدرس كويس ومن تسمعه يقول بافتراض ان صار كذا فتح مخك واسمع وش يقول لان هذا اللي بيجيك في الاختبار والله يوفقك على العموم انا مجرب الدكتور هذا وماخذ عنده a واشوف انه احسن من غير وبالتوفيق
شكر لك اخوي حلو بس خوفتني شوي هع بس حابه بعد أسألك أسئلته كثيره ولا فقرات قليله

حلو توزيع درجاته يعني ! :cool:

الله يعطيك العافيييه

منتآز 2011- 5- 14 03:36 AM
رد: [ قسم : المحاسبة ] .. جميع الاستفسارات
 
اقتباس:
المشاركة الأصلية كتبت بواسطة mona33 (المشاركة 3431672)
شكر لك اخوي حلو بس خوفتني شوي هع بس حابه بعد أسألك أسئلته كثيره ولا فقرات قليله

حلو توزيع درجاته يعني ! :cool:

الله يعطيك العافيييه

آسف يا اختي على التأخير

بصراحة انا مابي اخوفك بس بقولك الصدق ترا هذا الدكتور من النوع اللي يلعب على الوقت بعد يعني اذكر في الفاينل خلصت الاختبار قبل لا ينتهي الوقت بخمس دقايق وأسئلته كانت شاملة تقريبا ومافيه شي بالمنهج مو جايبه بالاختبار سواء في الاول ولا في الثاني ولا الفاينل توزيع درجاته حلو ومايحاسب على الناتج النهائي يحاسبك على الخطوات في التصحيح وما اذكر انه يطلب واجبات والله يوفقك يا اختي

رفيعة الشآن 2011- 5- 14 04:10 PM
رد: [ قسم : المحاسبة ] .. جميع الاستفسارات
 
لسسلام ..


بسال عن ها الدكتورين ..

د.خالد عطيه آو محمد حسين

في المحاسبه ؟

ميين افضل ؟

وش اسلووبهم..

يعطيكم العافيه

تسجيلي الاحد لاتتاخروون

mona33 2011- 5- 15 12:40 PM
رد: [ قسم : المحاسبة ] .. جميع الاستفسارات
 
اقتباس:
المشاركة الأصلية كتبت بواسطة منتآز (المشاركة 3476649)
آسف يا اختي على التأخير

بصراحة انا مابي اخوفك بس بقولك الصدق ترا هذا الدكتور من النوع اللي يلعب على الوقت بعد يعني اذكر في الفاينل خلصت الاختبار قبل لا ينتهي الوقت بخمس دقايق وأسئلته كانت شاملة تقريبا ومافيه شي بالمنهج مو جايبه بالاختبار سواء في الاول ولا في الثاني ولا الفاينل توزيع درجاته حلو ومايحاسب على الناتج النهائي يحاسبك على الخطوات في التصحيح وما اذكر انه يطلب واجبات والله يوفقك يا اختي
مرآ شكرا" ما تقصصر / الله يكتب لي ولجميع المسلمين الخير والصالح :)

mona33 2011- 5- 15 12:43 PM
رد: [ قسم : المحاسبة ] .. جميع الاستفسارات
 
اقتباس:
المشاركة الأصلية كتبت بواسطة رفيعة الشآن (المشاركة 3479384)
لسسلام ..


بسال عن ها الدكتورين ..

د.خالد عطيه آو محمد حسين

في المحاسبه ؟

ميين افضل ؟

وش اسلووبهم..

يعطيكم العافيه

تسجيلي الاحد لاتتاخروون

يا بطله رديت عليك في الموضوع اللي نزلتيييه :(269):

الله المستعان وانا أختك : )

منتآز 2011- 5- 15 05:10 PM
رد: [ قسم : المحاسبة ] .. جميع الاستفسارات
 
اقتباس:
المشاركة الأصلية كتبت بواسطة رفيعة الشآن (المشاركة 3479384)
لسسلام ..


بسال عن ها الدكتورين ..

د.خالد عطيه آو محمد حسين

في المحاسبه ؟

ميين افضل ؟

وش اسلووبهم..

يعطيكم العافيه

تسجيلي الاحد لاتتاخروون


الحمد لله رديت عليك قبل التسجيل

بس اشوف ان ما راح يفرق شي لأن وبكل الصراحة هذولا الاثنين من أسوء الدكاترة في الكلية في توزيع الدرجات والاختبارات ،،، يحبون شي اسمه تريكات ومستحيل الطالب ياخذ عندهم أي لأن يعطيك في المحاضرة شي والاختبار يدور حول المعلومة اللي تكلم عنها في المحاضرة بالنسبة لمحمد حسين في الادارية والله الشباب يحلفون انهم يتمنون 10 من 20 وفي الاخير اذا ما فيه الا هم انا افضل خالد عطية وبالتوفيق

منتآز 2011- 5- 15 11:42 PM
رد: [ قسم : المحاسبة ] .. جميع الاستفسارات
 
اقتباس:
المشاركة الأصلية كتبت بواسطة mona33 (المشاركة 3485795)
مرآ شكرا" ما تقصصر / الله يكتب لي ولجميع المسلمين الخير والصالح :)
آمين يارب

وان بغيتي شي انا حاضر ترا دفتري للحين ما قطيته اذا فيه مسائل ولا شي حطيها هنا بس ومالك الا طيبة الخاطر

mona33 2011- 5- 17 11:00 PM
رد: [ قسم : المحاسبة ] .. جميع الاستفسارات
 
اقتباس:
المشاركة الأصلية كتبت بواسطة منتآز (المشاركة 3490974)
آمين يارب

وان بغيتي شي انا حاضر ترا دفتري للحين ما قطيته اذا فيه مسائل ولا شي حطيها هنا بس ومالك الا طيبة الخاطر

مشكوور يا اخوي :) أجل تحمممل ههههههع بقط وجهي هينا

وابشرك دخلت لي الماده عند عيد :) الله يجزاك خير

منتآز 2011- 5- 19 04:33 AM
رد: [ قسم : المحاسبة ] .. جميع الاستفسارات
 
اقتباس:
المشاركة الأصلية كتبت بواسطة mona33 (المشاركة 3504062)
مشكوور يا اخوي :) أجل تحمممل ههههههع بقط وجهي هينا

وابشرك دخلت لي الماده عند عيد :) الله يجزاك خير
ولا يهمك وموفقة ان شاء الله وصدقيني لو تتابعين معاه اول بأول وما تغيبين وتعطين المادة حقها بتجيب a وانتي مغمضة

رينادR 2011- 8- 15 01:10 PM
رد: [ قسم : المحاسبة ] .. جميع الاستفسارات
 
ادارة الأعمال لها فروع صح في التخصص يعني ام محاسبة او ادارة مالية او تسويق ؟؟؟صح
طيب المحاسبة المالية ممكن لطالبات الادبي يدخلونها ؟؟؟؟؟؟؟؟؟؟؟؟؟؟
بالتوفيق

منتآز 2011- 8- 15 06:42 PM
رد: [ قسم : المحاسبة ] .. جميع الاستفسارات
 
صحيح

ايه يقدرون يدخلونها

رينادR 2011- 8- 16 12:07 AM
رد: [ قسم : المحاسبة ] .. جميع الاستفسارات
 
شكرا لك ع المساعده :d5:

سلم لم 2011- 9- 1 05:24 AM
رد: [ قسم : المحاسبة ] .. جميع الاستفسارات
 
الحين كماتعلمون ان الدراسه صارت انجلينزي بفيصل الحمدالله ..’’

طيب بعد السنه التحضيريه من كلية ادارة اعمال ..بالنسبه للتخصصات ..هل هي برضو بلانجلينزي ..اهم شي قولولي التخصص(ادارة ماليه _محاسبه) هالتخصصين اقوى شي بالنسبه لي .. ياليت تقولولي هل هي ايضا صارت انجلينزي ..

والله يوفقكم :)

منتآز 2011- 9- 5 05:29 PM
رد: [ قسم : المحاسبة ] .. جميع الاستفسارات
 
ما اعتقد ان هالنظام تطبق لان السمستر اللي راح اشوف طلاب ماسكين كتابة محاسبة ١نفس اللي درسته انا

وبالتوفيق

رينادR 2011- 9- 8 05:47 AM
رد: [ قسم : المحاسبة ] .. جميع الاستفسارات
 
جامعة الملك فيصل الي بالحسا هل غيرت نظامها وخلته مثل جامعة الدمام تكون اداره الاعمال بالانجليزي + سنة تحضيريه

الموت البطيء 2011- 9- 9 12:21 PM
رد: [ قسم : المحاسبة ] .. جميع الاستفسارات
 
السنه التحضيريه حاليا متواجدهـ هذهـ السنه الثانيه لها او الثالثه بالاحساء

اما ان دراسة كلية ادارة الاعمال بالانجليزي لسه ما اتوقع

No0oF 2011- 9- 10 11:54 PM
رد: [ قسم : المحاسبة ] .. جميع الاستفسارات
 
السلام عليكم\
حابه استفسر عن الدكتور اسامه صادق والدكتور محمد حسين
كيف شرحهم واسئلتهم

منتآز 2011- 9- 11 01:24 AM
رد: [ قسم : المحاسبة ] .. جميع الاستفسارات
 
اذا انهم حقين المحاسبة ولا واحد فيهم يعجبني

اسامة مو متاكد منه بصراحة

محمد حسين ما شفت واحد يمدحه واسئلته صعبة ويعقد الطالب ويطلع له قرون على الفاضي*

ع ـِشًّق~ 2011- 9- 11 02:52 AM
رد: [ قسم : المحاسبة ] .. جميع الاستفسارات
 
وَشَشٍ رَآآيٍكم بَ عيد عوض حسن /محَآآسَبه
:icon9:

No0oF 2011- 9- 11 04:37 AM
رد: [ قسم : المحاسبة ] .. جميع الاستفسارات
 
اقتباس:
المشاركة الأصلية كتبت بواسطة منتآز (المشاركة 4354470)
اذا انهم حقين المحاسبة ولا واحد فيهم يعجبني

اسامة مو متاكد منه بصراحة

محمد حسين ما شفت واحد يمدحه واسئلته صعبة ويعقد الطالب ويطلع له قرون على الفاضي*

:Cry111: شلوون يعني
لهدرررجه صعب يعني مايجيب من شررحه الي يشررحه اسئلته مستحيله الحل والا كيف

منتآز 2011- 9- 11 08:34 PM
رد: [ قسم : المحاسبة ] .. جميع الاستفسارات
 
بصراحة محمد حسين بالذات اسئلته صعبة لان اللي يشرحه يضيف عليه مليون شغلة في الاختبار بالعربي لازم يكون مخك نظيييييييييييييف وقت الاختبار ومركزة انا مابي احطمك بي اقول الصدق واللي يقولونه الشباب
السمستر اللي راح كنت اخذ ادارية عند محمدالصغير وفيه شباب عنده شفت دفاترهم وهم يذاكرون الفاينل انجنيت ومعطيهم كم نظري مو طبيعي يعني تقريبا الدرجات عنده ما تتعدى بي بلس

والله يوفقك*

منتآز 2011- 9- 11 08:35 PM
رد: [ قسم : المحاسبة ] .. جميع الاستفسارات
 
اقتباس:
المشاركة الأصلية كتبت بواسطة ع ـِشًّق~ (المشاركة 4355049)
وَشَشٍ رَآآيٍكم بَ عيد عوض حسن /محَآآسَبه
:icon9:
بكل بساطة دكتور ممتاز ويفهم واسئلته حلوة وتعامله حلو والله يوفقك

محاسبه ^_^ 2011- 9- 12 11:13 AM
رد: [ قسم : المحاسبة ] .. جميع الاستفسارات
 
السلام عليكم ورحمة الله وبركاته
ابغى استفسر عن
د.احلام الجندي في مادة محاسبة تكاليف 2 ، موضوعات محاسبيه مختاره
د.ايمن صابر سيد علي في مادة محاسبة شركات 2
من حيث اسلوبهم في المحاضره + طريقة اسألة الامتحان الشهري والنهائي+من وين نذاكر
وشكرا مقدما

ع ـِشًّق~ 2011- 9- 12 04:29 PM
رد: [ قسم : المحاسبة ] .. جميع الاستفسارات
 
اقتباس:
المشاركة الأصلية كتبت بواسطة منتآز (المشاركة 4362328)
بكل بساطة دكتور ممتاز ويفهم واسئلته حلوة وتعامله حلو والله يوفقك

مرت سنه 2011- 9- 19 07:09 AM
رد: [ قسم : المحاسبة ] .. جميع الاستفسارات
 
صبآح آلورد :love080:
عندي كذآ آستفسـآآر وي ليت مآتبخلون علينآ .. :mh318:

1- بخصوص المعدل / كيف اعرف معدل السمستر اللي فات من البانر عقب ماحاسوه علينا :icon9:
2- طالبات التدريب العملي / تعالو ي حبيلكم :love080::love080::love080:
وين رحتووو تتدربون ومع مين اخذتو المادة ؟ لآن آمجآد آلكومي قالت لنا دورو وابحثوو لي انتو عن شركات او بنوك او موسسات تستقبلكم :(107):
3- مشروع التخرج وماادراك مامشرووع التخرج :mh12:
كيف اخترتو مواضيعكم وابتديتو تجمعون المعلومات وترتبونها وهكا :bawling::bawling::bawling: علما اني مع سنية :bawling::71:
4- هل عادي ناخذ مشروع التخرج ومادة التدريب العملي بنفسسس السمستر :bawling:لاني احسسه مره ضغط علينا خصوصا ان المادتين يبغى لهم شغل طول السمستر :icon9:
شرايكم ؟؟:icon9:

ي رب سهل امورنا :000: آنتظركم ..:33_asmilies-com:

suleman11 2011- 9- 20 07:25 AM
رد: [ قسم : المحاسبة ] .. جميع الاستفسارات
 
بارك الله فيكم جميعاً

حبي اسرني 2011- 10- 16 11:29 PM
رد: [ قسم : المحاسبة ] .. جميع الاستفسارات
 
ياشباب وبنات انااا الحين الدكتور للي يدرسني لماده مبادى المحاسبه 1
د/علاء زهران احس شرحه مطوول ومافهم منه مع انه يعيد الشرح المحاضره اللي طافت قبل المحاضرة الجديده..

واكثر شي اعانيه في هالماده المنشأت صعبه ..:sdfgdsf:

منتآز 2011- 10- 17 05:37 AM
رد: [ قسم : المحاسبة ] .. جميع الاستفسارات
 
السؤال مو واضح

على العموم دكتور علاء زهران من افضل الدكاترة من ناحية الشرح

حاول تعيد سؤالك بصيغة ثانية وان شاء الله نقدر نفيدك

مريم .. 2011- 11- 30 01:57 PM
رد: [ قسم : المحاسبة ] .. جميع الاستفسارات
 
السلام عليكم
الله يجزاه بالجنه اللي بفيدني ..
رايكم بالدكاتره التاليين ..
أمجد الماجد
مهيب الحصان
أعبدالرحمن الحماد
عبداللطيف بلغرسه
إبراهيم التركي
محمد الجيزاوي
عبدالملك مزهوده
زياد الحملي
فؤاد الشيخ مبارك
محمد الصغير
بإنتظارككككككككم ..

منتآز 2011- 11- 30 06:26 PM
رد: [ قسم : المحاسبة ] .. جميع الاستفسارات
 
أمجد الماجد ما اعرفه
مهيب الحصان ما اعرفه
أعبدالرحمن الحماد يمدحونه الشباب ويقولون من افضل دكاترة التسويق وشغله كله ابحاااث
عبداللطيف بلغرسه يمدحونه الشباب
إبراهيم التركي ما اعرفه
محمد الجيزاوي من افضل دكاترة التسويق
عبدالملك مزهوده انا احب هالدكتور صحيح انه يكرف بس يعلم وممتاز وخلوق ويراعي ظروف الطالب
زياد الحملي ما اعرفه
فؤاد الشيخ مبارك ممتااااازز جدا
محمد الصغير اطلققققققققققققققق دكتور في الجامعة وفي المحاسبة وفي كل شي بكل بساطة دكتور كامل والكامل وجهه بتعب وانا امدح هالدكتور

ويا ليت كاتبة اسامي المواد عشان نقولك مين الافضل

موفقة

مريم .. 2011- 11- 30 09:28 PM
رد: [ قسم : المحاسبة ] .. جميع الاستفسارات
 
جزاك الله الف خير على التجاوب ..
المواد لطالب وليس لي عذرا اخي ..
الله يسعدك راح اكتب املواد وياليت تنصحني بالدكتور اللي تراه جيد من وجهة نظرك
محاسبة متوسطه
محاسبة تكاليف 2
إدارة الموارد البشريه
عقيده اسلاميه
النقود والبنوك
مفاهيم ادارة الاعمال
ادارة التسويق

الله يجزاك عنا خير ..

منتآز 2011- 12- 1 01:31 PM
رد: [ قسم : المحاسبة ] .. جميع الاستفسارات
 
اكتبي لي اسامي الدكاترة المتاحين

angooola 2011- 12- 2 04:14 PM
رد: [ قسم : المحاسبة ] .. جميع الاستفسارات
 
السلام عليكم
بغيت أسأل عن الدكتور أسامة عبد الصادق
في محاسبة 2
من ناحية الشرح والاختبارات

غريمة الشوق 2011- 12- 9 12:46 PM
رد: [ قسم : المحاسبة ] .. جميع الاستفسارات
 
الســــــــــــــــلام عليكم
بيلز ردو علي بسرعه
ابغا اسال عن الدكتور
د/خالد عبدالعزيز عطية << تدريب عملي
ايش رايكم بشرحه واسلوبه واسالته :000:
في انتظاركم لاني ودي احذفها واذا الدكتور زين بخليها لا تتاخرون

..الشمرية.. 2011- 12- 17 02:44 AM
رد: [ قسم : المحاسبة ] .. جميع الاستفسارات
 
السلااام عليكم

اسسعد الله اوقااتكم بالخييير

انا ماني حابة اسئل عن استاذ ولا عن مواد:sdfgdsf:
انا محتااجه حد يشرح لي المااده (المحاسبه) تكفووون

محتاااجه شرح لبعض المحاضراة فييها بليييز

الله يووفق الجمييع يارب :000:

:106::106:

منتآز 2011- 12- 17 09:44 AM
رد: [ قسم : المحاسبة ] .. جميع الاستفسارات
 
وشي المحاضرات اللي مو فاهمتها بالضبط وان شاء الله اني اقدر اخدمك

وحـداني1 2011- 12- 23 05:02 AM
رد: [ قسم : المحاسبة ] .. جميع الاستفسارات
 
السلام عليكم
انا طالب دفعة 2010 تخصص محاسبه
وان شالله في نهاية الفصل الحالي اكون خلصت حوالي 68 ساعه
ابي اعرف عن التطبيق متى يكون وقته وكيف طريقته
وهل له علاقة بمقرر التدريب العملي


ونفس الشي لمشروع التخرج
افيدوني جزاكم الله خير
وبالتوفيق للجميع في الاختبارات

منتآز 2011- 12- 23 11:50 PM
رد: [ قسم : المحاسبة ] .. جميع الاستفسارات
 
الله يوفقك ويسهل لك امورك

اول شي التدريب العملي يكوون في الصيف او في سمستر وانا انصحك تاخذه بالصيف طبعا ، تقدر تنزل المقرر بعد ما تخلص 90 ساعة ، مدته 10 أسابيع تشتغل في اي شركة في قسم المحاسبة ، طبعا تقدر تجتيب خطاب من اي شركة تعرفها وتشتغل عندهم واذا ما لقيت الجامعة يرسلونك لأي جهة متاحة ،

بالنسبة لمشروع التخرج هو عبارة عن بحث في اي مجال من مجالات المحاسبة ، طبعا هذا البحث غير عن باقي الابحاث لأن هالمرة بيكون احترافي شوي يعني بحث محكّم وبيعلمونك الدكاترة كل شي أهم ما في الموضوع انك تعرف عند مين تنزل المادة لأن الدكاترة يختلفون في متطلباتهم .


أتمنى اني أفدتك والله يوفقك

منتآز 2011- 12- 23 11:52 PM
رد: [ قسم : المحاسبة ] .. جميع الاستفسارات
 
نسيت اقولك

التطبيق هو نفسه مقرر التدريب العملي

وحـداني1 2011- 12- 25 01:09 AM
رد: [ قسم : المحاسبة ] .. جميع الاستفسارات
 
ييض الله وجهك ماقصر كفييت و وفيت

بس حبيت اسئلك
التدريب العملي في لها محاضرات

ومن افضل الدكاتره في المقررين ,
ومن السيئ او المعقد منهم عشان مانفكر ناخذ عندهم

الاردن 2012- 1- 27 02:09 AM
رد: [ قسم : المحاسبة ] .. جميع الاستفسارات
 
:Cry111: ابي خطه الدراسيه لتخصص المحاسبه عندكم ضروري
من الذيب اللي بيجيبهاااا :53:

بندر بن عبدالرحمن 2012- 1- 29 05:26 AM
رد: [ قسم : المحاسبة ] .. جميع الاستفسارات
 
http://www.kfu.edu.sa/ar/Deans/Admis...ccounting.aspx


هذا هي يا الاردن

وحـداني1 2012- 2- 3 07:50 PM
رد: [ قسم : المحاسبة ] .. جميع الاستفسارات
 
ياشباب
حبيت اسئل : مادتين اللياقه والصحه , الاخلاق والمذاهب الاسلاميه
هل هي مواد مظلوبه في التخصص

وشنو المواد العامه المطلوبه للجامعه

علما باني من دفعة 2010

mhamad alkader 2012- 2- 11 09:09 PM
رد: [ قسم : المحاسبة ] .. جميع الاستفسارات
 
بسم الله الرحمن الرحيم

السلام عليكم اخواني القايمين على المنتداء حفظني الله وايكم من كل شر

افيدوني عندي سبعه اسئلة في مبادئ المحاسبه مستوئ أول

ماعرفت اجاوب عليها ومن يفيدني ما بانسا جميله

بادعي له في كل صلاة انشاء الله

س 1 - تاسسة شركة راس مال قدمة على شكل اصوال والتزامات / 1 مليون مباني / 2 مليون ارضي / 3 مليون بضاعة / 3 مليون الاثاث / مليون وخمسمئة خزينه / 2مليون وخمسمئه بنك / مليون وسبع مئة سيارة / خمسمئة الف مدينون / مليون دائنون / 2 مليون قروض .

س 2 - سحب صاحب المشروع بضاعة بقيمة تكلفة قدرة مئة الف ريال .

س 3 - اقترظت الشركة من البنك مليون وخمسمئة الف معدل فائدة 5% سنوياَ على ان يسدد القرظ خلال عامين .

س 4 - باعت الشركة سيارة بقيمة ستمئة الف ريال علماَ بان قيمتها الدفتريه سبعمئة الف ريال .

س 5 - سحب صاحب المشروع مبلغ مليون وخمسمئة الف ريال ابعين في المئة من الخزئنة .

س 6 - باعت الشركة اله بقيمة خمسمئة الف ريال بشيك عماَ بان قيمتا الدفترية اربعمئة وخمسين الف ريال .

س 7 - سحب صاحب المشروع بظاعه بسعر السوق بقيمة ثلاثمئة الف ريال .


المطلوب / اعداد القيود اليومية .










zahrah22 2012- 3- 12 01:27 AM
رد: [ قسم : المحاسبة ] .. جميع الاستفسارات
 
[QUOTE=mhamad alkader;5747967][center]بسم الله الرحمن الرحيم

السلام عليكم اخواني القايمين على المنتداء حفظني الله وايكم من كل شر

افيدوني عندي سبعه اسئلة في مبادئ المحاسبه مستوئ أول

ماعرفت اجاوب عليها ومن يفيدني ما بانسا جميله

بادعي له في كل صلاة انشاء الله

[right][size=5][b]س 1 - تاسسة شركة راس مال قدمة على شكل اصوال والتزامات / 1 مليون مباني / 2 مليون ارضي / 3 مليون بضاعة / 3 مليون الاثاث / مليون وخمسمئة خزينه / 2مليون وخمسمئه بنك / مليون وسبع مئة سيارة / خمسمئة الف مدينون / مليون دائنون / 2 مليون قروض .
16501700 من مذكورين
ح \مباني , ح\ اراضي , ح\ بضاعة , ح\ اثاث , ح\ الخزينة او الصندوق .... الخ
16501700 الى ح\ راس المال (بالقيمة الاجماليه)

س 2 - سحب صاحب المشروع بضاعة بقيمة تكلفة قدرة مئة الف ريال .
مسحوبات بضاعة بتكلفة الشراء
من 100.000ح/ المشحوبات الشخصيه
100.000الي ح/ المخزون

س 3 - اقترظت الشركة من البنك مليون وخمسمئة الف معدل فائدة 5% سنوياَ على ان يسدد القرظ خلال عامين .
1500.000 من ح/ نقدية بالبنك
75000 من ح/ فوائد مدينة
142500 الى ح/ قروض -
س 4 - باعت الشركة سيارة بقيمة ستمئة الف ريال علماَ بان قيمتها الدفتريه سبعمئة الف ريال .
القيمة الدفترية 700000- 600000=100000
الخسارة 100000
من مذكورين
100.000 ح / مجمع الاستهلاك الالة
600.000 ح/ النقدية
100.000ح / خسائر بيع السيارة
600.000 الى ح / السيارة
س 5 - سحب صاحب المشروع مبلغ مليون وخمسمئة الف ريال ابعين في المئة من الخزئنة .
1500.000من ح \ المسحوبات ( المصاريف )
الى مذكورين
600000ح \ الخزينة
900000ح \ .....
س 6 - باعت الشركة اله بقيمة خمسمئة الف ريال بشيك عماَ بان قيمتا الدفترية اربعمئة وخمسين الف ريال .
من مذكورين
50.000ح / مجمع الاستهلاك الاله
450.000ح / البنك
الى مذكورين
450.000ح/ الاله
50.000 ح / ارباح بيع الاثاث
س 7 - سحب صاحب المشروع بظاعه بسعر السوق بقيمة ثلاثمئة الف ريال .
بسعر البيع . ويكون القيد
من 300000ح/ المسحوبات الشخصيه
30000الي ح/ المبيعات
المطلوب / اعداد القيود اليومية .




عسى أن أكون قد أفدتك!....تحياتي

zahrah22 2012- 3- 12 01:36 AM
رد: [ قسم : المحاسبة ] .. جميع الاستفسارات
 
سلاااام كيفكم صبااايااا وشباااب

ماطوول عليكم انا دبلوم محاسبة في اكاديمية التعلم :g2:
وسجلت في هالمنتدى الحلو :(269): عشان ابي اعرف هل فيه معادلة مواد مع الفيصل واكمل بكلوريا وشلووون وكيف ومتى .... تكفووون ابي همتكم ويااااي :119::106::rose:

أحلا زيزو 2012- 4- 7 02:12 AM
رد: [ قسم : المحاسبة ] .. جميع الاستفسارات
 
السلام عليكم حبيت اسألكم انا متخرجه من المعهد العالي التقني قسم محاسبه وودي اكمل بكالوريوس
كيف التسجيل انتساب بالجامعه ؟
هل فيه معادلة مواد وبكم الرسوم ؟
ابي احد يفهمني ياليت القى احد يفيدني
وشكرا

≈ Dкйџ 2012- 4- 22 11:30 PM
رد: [ قسم : المحاسبة ] .. جميع الاستفسارات
 
مساء الخير :004::rose:

ابي استفسر عن د. زياد الحملي
مالقيت عنه استفسارات كثيير :icon9:


:004::rose:



.

القلب النابض 2012- 4- 23 07:16 AM
رد: [ قسم : المحاسبة ] .. جميع الاستفسارات
 
اقتباس:
المشاركة الأصلية كتبت بواسطة أحلا زيزو (المشاركة 6114497)
السلام عليكم حبيت اسألكم انا متخرجه من المعهد العالي التقني قسم محاسبه وودي اكمل بكالوريوس
كيف التسجيل انتساب بالجامعه ؟
هل فيه معادلة مواد وبكم الرسوم ؟
ابي احد يفهمني ياليت القى احد يفيدني
وشكرا
التسجيل للانتساب بيكون بشهر 9رمضان

للتعرف اكثر

طرحي موضوعك بقسم التعليم عن بعد

ويعطونك تقرير مفصل


بالنسبة لمعادلة المواد تعادل لك اذا توصيف المقررات نفسه

تعادل

:biggrin:

رحاب الشوق 2012- 4- 25 04:49 PM
رد: [ قسم : المحاسبة ] .. جميع الاستفسارات
 
السلام عليكم انا بصراحه حابه القسم بس فيه سوال
هل القسم سهل
يعني اسهل من اداره اعمال
اتمنى المساعده

أحلا زيزو 2012- 4- 30 12:44 PM
رد: [ قسم : المحاسبة ] .. جميع الاستفسارات
 
القلب النابض مشكوره وماقصرتي

القلب النابض 2012- 4- 30 12:57 PM
رد: [ قسم : المحاسبة ] .. جميع الاستفسارات
 
العفوو اختي


بالتوفيق

لك

:biggrin:

رحاب الشوق 2012- 4- 30 10:38 PM
رد: [ قسم : المحاسبة ] .. جميع الاستفسارات
 
:Cry111:ردو علي الله سامحكم
انا حيرانه بين قسم اداره اعال
وبين
محاسبه وش هو السهل
ابغى فهم مش حفظ

منتآز 2012- 5- 1 04:35 AM
رد: [ قسم : المحاسبة ] .. جميع الاستفسارات
 
انا اشوف ان كل تخصص فيه حقه

انا لاني احب المحاسبة اشوفها سهلة ويبيلها فهم

ولاني اكره الادارة اشوفها صعبة ويبيلها حفظ

انا شخصيا انصحك بقسم المحاسبة لكثرة طلب سوق العمل على المحاسبين والمحاسبات ومستقبلهم الوظيفي اكبر من الادارة

بالتوفيق

suleman11 2012- 5- 1 08:29 AM
رد: [ قسم : المحاسبة ] .. جميع الاستفسارات
 
اتمنى لك التوفيق في تخصص المحاسبة

رحاب الشوق 2012- 5- 1 10:06 PM
رد: [ قسم : المحاسبة ] .. جميع الاستفسارات
 
ليه ماتردون على
انا حيرانه بين قسم اداره اعمال وبين محاسبه
وش الاحسن والاسهل ارجووووووووووووووا الرد

رحاب الشوق 2012- 5- 1 10:08 PM
رد: [ قسم : المحاسبة ] .. جميع الاستفسارات
 
مشكوووووووووووورين
الله يحرم يديكم من نار جهنم
ويوفقكم بحياتكم

رحاب الشوق 2012- 5- 1 10:10 PM
رد: [ قسم : المحاسبة ] .. جميع الاستفسارات
 
طيب معليه الدراسه فيه بالانجليزي
وكم ماده يدرسون
لا ان ابغي لما تخرج محاسبه ببنك:119:

منتآز 2012- 5- 2 01:08 AM
رد: [ قسم : المحاسبة ] .. جميع الاستفسارات
 
قبل اسبوع كان فيه ورشة عمل مع رئيس قسم المحاسبة وشاركوا فيها الطالب

وانا كنت احد المشاركين وطلبو بعض الطلاب ان التدريس يكون بالانجليزي

رئيس القسم د. عدنان الملحم قال ان الدراسة بالانجليزي راح تكون في السنة التحضيرية بس وفيه مادة وحدة من مواد المحاسبة راح تكون باللغة الانجليزية وهذا شي مفروض عليهم وسبب ان التدريس يجب ان يكون باللغة العربية انها لغة الطالب الام والدكتور حريص على فهم الطالب للمحاسبة اكثر من تنمية مهاراته بالانجليزي بمعنى كانه يقول علينا المحاسب وعليك الانجليزي اذا انت حاب تطور نفسك

اتمنى لكم التوفيق جميعا وتأكدو بأن اكتساب اللغة شي غير صعب ما دام فيه ارادة

منتآز 2012- 5- 2 01:09 AM
رد: [ قسم : المحاسبة ] .. جميع الاستفسارات
 
وفيه نقطة بعد اللي هي انك تبين تصيرين محاسبة في بنك

مادة محاسبة البنوك ( محاسبة المنشآت المالية ) راح تكون مادة اختيارية وليست اجبارية من القسم فاذا حابة تكونين محاسبة في بنك لازم تنزلين هذي المادة

اتمنى لك التوفيق

وحـداني1 2012- 5- 2 01:22 PM
رد: [ قسم : المحاسبة ] .. جميع الاستفسارات
 
شباب احد عنده معلومات عن الصيفي , فيه هالصيف وكيف تسجيله وشنو المواد الموجوده

رحاب الشوق 2012- 5- 2 02:32 PM
رد: [ قسم : المحاسبة ] .. جميع الاستفسارات
 
:119:شكرا اخوي منتاز والله يوفقك يارب ويوفق الجميع


All times are GMT +3. الوقت الآن حسب توقيت السعودية: 01:00 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه