استفسار وارجوكم ما تقصرو معاي
 

يا شباب انا عندي كم سؤال وابيكم تردو عليي واكون شاكر وممنون لكم
انا موضف ارامكو ودوامي من 7 الى 4 وابي ادرس هندسة كهربائية او مكنيكية واطلبكم تردو عليي

س1.هل اقدر اخد اليي 8 ساعات دراسية في السمستر واقسمه على يومين فقط في الاسبوع ؟

س2. هل مادة الكالكولاس سهلة او صعبة ؟ والدكاترة يتساهلو مع الطلاب فيها او لا ؟ والشرح عدل او لا؟

س3. هل المدرسين الي يدرسو بالليل يشرحو عدل او لا ووصلو المعلومة الى الطالب او لا ؟

س4. هل استطيع اني التحق بالبعثة الداخلية ادا جبة معدل زين في الجامعة؟

واخيرا..... شنو التخصص الي تنصحوني اني ادرسة وراح يكو ن سهل عليي لاني موضف والوقت ضيق

يا شباب تكفون ردو عليي وتكونو قدمتو اليي خدمة ما انساها طول عمري
وشكرا

رد: استفسار وارجوكم ما تقصرو معاي
 

مرحبا فيك اخوي، ولو اللي نقدر عليه راح نساعد فيه :119:

ج1 بإمكانك تاخذ حتى 20 ساعة ولكن لازم تضبط وقتك لأن الدعوى فيها دراسة من جد

ج2 الكالكولاس، ماادري عنها صراحة ولادكاترتهم لأني مااخذته قبل، توني منزلها، بس ع خبرتي مع بعض الدكاترة الاخرين، يعني الحمدلله ممتازين

ج3 نعم، وكل واحد على مستواه، في بعضهم راااائعين بمعنى الكلمة والبعض الاخر ماعنده ماعند جدتي، يعني لاتخاف هم مهتمين بالمساء لأن كثير منهم يعتقد ان طلابهم افضل بكثيير من النهاري

ج4 نعم تستطيع ولكن لابد ولازم تأخذ 12 ساعة لكل سمستر عشان تعتبر منتظم

بالنسبة للتخصص فهو يعتمد عليك اعتماد كلي :praying:
أولا انت وش وضيفتك الحالية؟
وهل انت مستمتع بها؟
وصحيح ابي اسألك، انت وين دوامك وكم تبعد عنك الكلية :mh19: ؟؟

رد: استفسار وارجوكم ما تقصرو معاي
 

مشكور يا اخوي وما قصرت بس الي ابي اعرفة اكثر الان

ان اقدر انزل اليي 12 ساعة دراسية عشان اصير منتضم بس بشرط انها تكون مقسمة على يومين
فقط في الاسبوع حتى لو اضغط الجدول ضغاط على هاليومين... مع العلم ان دوامي في الليل؟

ويا شباب تكفون جاوبوني عن المواد الدراسية الى الكهربا او المكنيكا هل هي صعبة او لا(لوفي شخص درس التخصص وعند خبرة)

مع العلم اني موضف فهل الهندسة راح تكون عليي سهلة او صعبة ادا نزلة ساعات قليلة

وارجوكم يا شباب انكم تعطوني الافادة الكاملة عن هادي الاستفسارات باسرع وقت

وشكرا

رد: استفسار وارجوكم ما تقصرو معاي
 

مع الاسف الشديد اخوي مستحيل يكون 12 ساعة في يومين للدوام المسائي :no2:
أولا لأن هناك 5 أو 6 ساعات للنظام المسائي وهو من الساعة 5 العصر الى 11 تقريبا
وثانيا يستحيل بسبب المواد نفسها، انت اصلا ماتقدر تختار وقت المادة على كيفك
هم يضعون الجداول مع الاوقات وأنت تظبط جدولك عليها :mh19:

بالنسبة لتخصصات الكهرباء والميكانيكا ماعندي خبرة فيها
ومره ثانية بسألك انت وش وضيفتك الحالية؟
وهل انت مستمتع بها؟
وابي اسألك، انت وين دوامك وكم تبعد عنك الكلية ؟؟

وبالله التوفيق :119:

رد: استفسار وارجوكم ما تقصرو معاي
 

انا تخصصي كهرباء
ودوامي في راس تنورة

طيب يا اخوي foxdie اقدر اني اخد ثمان ساعات واقسمه على يومين
وشكرا على جهودك يا اخوي

رد: استفسار وارجوكم ما تقصرو معاي
 

حلو حلو، يعني عندك خلفية عن الكهرباء :mh19:
طبعا هذا راح يساعدك كثييييير، وبعدين ليش تفكر بالميكانيكا :no2:
انت اشتغلت في ارامكوا وشايف وضع الميكانيكا ووضع الكهرباء في العمل، مافي مقارنة خير شر :000:

وبالنسبة للساعات، مافي شيء مضمون أبدا خاصتا في مسائي
ساعات يكون المجال جدا جدا محدود وتضطر ع جدول مو بكيفك :Cry111:
اسأل مجرب ولاتسأل خبير :011:
يعني لازم تراجع الجداول كل سمستر وعليها تحدد اذا كان في مجال يومين وألا ثلاثة أو أربعة وإلخ...

ماأدري ليه يااخوي تبيها في يومين بس :mh19: شل المانع اللي عندك؟؟
وبعدين راس تنورة، كم تبعد من الكلية؟؟

رد: استفسار وارجوكم ما تقصرو معاي
 

لان الهندسة تحتاج الى مداكرة وادا داومت اكثر من يومين ما راح اقدر اداكر

عشان كدة انا ابي دوام ما يزيد عن يومين

فادا في حل بحيث اني اضبط جدولي على يومين يا اخوي قول اليي

وشكرا

رد: استفسار وارجوكم ما تقصرو معاي
 

تكفى يا خوي شوف اليي حل من خبرتك

رد: استفسار وارجوكم ما تقصرو معاي
 

والله ياخوي مالك حل الا تقلل الساعات :mh19: اذا بغيتها بس في يومين
بس حط في بالك انه التخرج راح تزيد سنواته، اللي بياخذ اربع سنوات بياخذ 6 الى 8 ساعات

الغالب في الجامعة عنده من ثلاثة ايام الى خمسة :mh19:
أنا السمستر اللي طاف كان اربعة أيام وهذا السمستر صار كامل خمسة ايام :Cry111:
معاناة ولكن اللي يبي الدح مايقول اح على قولتهم :000:
لازم تتعب اشوي وتضحي وتدعوا الله يوفقك :praying:

رد: استفسار وارجوكم ما تقصرو معاي
 

طيب يا اخوي لو كنت ناوي اخد الهندسة في 6 سنوات الى 7
وفي نفس الوقت الي قلت لك (يومين في الاسبوع)
هل راح يتناسب مع عدد السنوات الي قلتها لك او لا

ثاني شي ... هل معقولة ان الدوام المسائي ما اقدر اضبط جدولي بحيث اخد اي مواد تكمل لي ثمان ساعات لمدة يومين ...

يعني لو نزلت لي مادة محاضرتها ساعتين من الساعة 5الى7 ..... ما اتوقع ان من 7 الى 11 راح يكون ما في اي مادة اقدر انزلها

ادري اني اديتك يا اخوي بس كل هادا لاني ابي اعرف ادا كنت اقدر ادرس فيها او لا

وشكرا

رد: استفسار وارجوكم ما تقصرو معاي
 

أممممممم والله مااقدر اعطيك اياه بالظبط لأن لازم ندرس الخطة الدراسية لتخصصك :mh19:
يعني كل تخصص لها خطة دراسية تختلف عن الاخر :mh19:
انا تخصص لدي 132 ساعة، تخصصك ممكن يزيد او ينقص

وبالنسبة للدوام المسائي، مع الاسف الشديد ان الجداول قد تصعب لدرجة ماتتوقعها لأن عدد الطلاب قليل في بعض السمسترات :bawling:
طبعا بالنسبة للكهرباء والميكانيكا، ممكن ماتحصل صعوبة لأن كثير من اللي مختارين هل التخصصين ولكن يضل المسائي ليس بتوفر النهاري :011:
لازم تحط في بالك انك لست الوحيد اللي يدرس، لازم تضبط جدولك مع اخوياك، ولازم تماشيهم :mh19:
لأن ان تقدموا عليك وخلصوا مواد انت ماخلصتها، ممكن السمستر اللي بعده ماتحصل احد ياخذ معك نفس المادة اللي ماخلصتها، اتمنى فهمت قصدي؟؟

والاوقات، ماتقدر تتوقعها، كل سمستر يختلف عن الاخر بحسب توفر الدكاترة والطلاب والخ
بالنسبة لي ماأقدر اعطيك كلام اكيد لأن بجد وروني الشيب في سالفة الجداول :017:

شوف اذا انت قادر ومستطيع وناوي تضحي، ليش ماتجرب سمستر وتشوف الوضع بنفسك :praying:
أول سمستر مااعتقد راح تحصل مشكلة لك، الجدول ممكن يتوفر باللي تبيه ولكن السمسترات اللي بعدها ممكن اشوية تتصعب :000:

ولو ياخوي، اللي عندك قوله، وإن شاء الله ان توفرتي لدي الاجابة ماراح اقصر :119:
و الله يوفقك يارب :praying:

رد: استفسار وارجوكم ما تقصرو معاي
 

يعني تتوقع اخوي ان اغلب الطلاب يريدو اداومو كل يوم

طيب انا زي ما قلت لك انا عادي عندي لو طولت في الدراسة حتى لو كانت 7 سنوات

بس الي فهمته من كلامك ان ممكن ادا داومت يومين او ثلاثة وفي مواد ما خلصتها والطلاب خلصوها ممكن اني اتعطل لان ما راح يكون في طلاب

بس انا اتوقع ان حتى لو طلاب خلصو ....... اتوقع 70% ان في قروب ثاني راح يكون موجود وانضم اليه

وش رايك اخوي في كلامي ادا ممكن او لا

انا بنتضار ردك

وشكرا

رد: استفسار وارجوكم ما تقصرو معاي
 

لا والله ماحد يبي، بس ساعات الواحد يضطر خاصتا اذا كان يبي يكمل 12 ساعة ، زي حالتي تمااااااما
السمستر اللي طاف كان عندي يوم واحد فاضي، السمستر هذا ولا يوم دخيييييلك
الله يعينا، علما ان حالي شوية صعبة ولكن لازم نصبر ونتصابر ونحاول نجد الحلول بأي طريقة، وإن شاء الله التوفيق من الله

حلوه اذا ماعندك مشكلة، توكل على الله، بس تأكد ان مافي شيء مضمون ان حصل قروب ثاني ومع ذلك لابد من التفائل

ماادري بس مااعتقد راح تواجه مشكلة كبيرة لو اخذت هندسة الكهرباء او الميكانيكا لأن الطلاب ينجذبون لها اكثر
وبالتوفيق لك :praying:

رد: استفسار وارجوكم ما تقصرو معاي
 

انا اتوقع بعد كدا
بس لاهنت اخوي دام انك في الجامعة ابيك تسئل لي ناس يدرسون هندسة في المساء عن حالتي ادا ممكن اني انزل لي ساعات قليلة ولا اتعطل في الدراسة .... يعني ما اتعطل بحيث اني احصل قروب ثاني

وثاني شي انا اخطط اني اخد صيف كل سنة فهل اقدر او لا

(ناوي انزل لي 5 ساعات كل صيف)

مشكور يا خوي على هادي الوقفة الي وقفتها ويايي

بس تكفى رد لي على هادا الاستفسار باسرع وقت

وشكرا

رد: استفسار وارجوكم ما تقصرو معاي
 

اممممم مااعتقد ان في احد يقدر يفيدك لأن مافي احد يقدر يتنبأ بما يحمله المستقبل :000:

أخي انت في الوقت الحالي، السمستر الاول أو الثاني لن تواجه مشاكل في كمية الساعات اللي تريدها
بس المشكلة في المستقبل، هل راح تتوفر لك مواد وألا لا؟
أتمنى انك فاهمني ؟؟

بالنسبة للصيف، نعم مافي مشكلة

وهذا واجبنا اخوي ولو :119:

رد: استفسار وارجوكم ما تقصرو معاي
 

هلا اخوي

يا اخوي انا صار لي طول اليوم ادق على الجامعة وماحد يرفع

ممكن تقول لي كيف اقدر اكلمهم واستشيرهم عن موضوع الساعات

وادا ممكن تقدر تقول لي في اي وقت اقدر اروح الجامعة واستشيرهم عن موضوعي يعني من الساعة كم الى كم اقدر اروح وتكون الادارة فاتحة

واي قسم في الادارة ممكن يفيدني ادا رحة لهم في الموضوع اكثر

وشكرا

رد: استفسار وارجوكم ما تقصرو معاي
 

هلا بك اخوي rb25turbo
والله مع الاسف هل اليومين ماحد صاير يرد على التلفون :Cry111:
في رجال سنع وكفو ممكن يفيدك كثير بس مع الاسف توه طالع اجازة :011:
لذلك ماراح ينفع اعطيك رقمه، والحق ماعندي غيره :000:
لذلك لازم تروح الجامعة بنفسك وتسأل عن هل الشغلات
والناس اللي راح تنفعك هم مكتب التسجيل ودوامهم من الساعة 8 الصباح الى 4 العصر
في المسائي نادراا مايداومون :011:

رد: استفسار وارجوكم ما تقصرو معاي
 

يا شباب الحين كيف اقدر اني اعدي السنة التحضيرية كاملة

او يضل لي منها بس سمستر

وهل الجبرة سهل او صعب

واخيرا ابيكم تشوفو لي اي طريقة بحيث اني اقدر انزل لي بس 10 ساعات واوزعها على يومين في الليل ... اي طريقة

مع العلم اني انا دارس في ارامكو والانقلش الي عندي متوسط

وشنو تنصحوني اسوي عشان اعدي السنة التحضيرية

رد: استفسار وارجوكم ما تقصرو معاي
 

أووووه حبة حبة علينا :sdfgdsf:

أممم السنة التحظيرية تاخذ 3 سمسترات :mh19: يعني سنة ونص
أما الجبرة تعتمد عليك، اذا كنت جيد ايام المدرسة، إن شاء الله ماراح تواجه مشاكل كثيرة
لأن كلها من المتوسط والثانوي

اما توزيع الساعات يعتمد اعتماد كلي على الجدوال المطروح لكل سمستر
مانقدر نحدد لك شنو بالظبط، حتى نرى وندرس الخطة الدراسية للتخصصك وجدول المواد للسمستر المطلوب
ماهي صعبة اذا كنت تريد 10 ساعات فقط في السمستر الاول من الدراسة

أما السبيل للنجاح في السنة التحظيرية فهو سهل جدا وهو الاجتهاد والمثابرة :cheese:
تابع مع المدرس وخلص واجباتك اول بأول وربنا يوفقك:119:

صحيح أنت سجلت والا بعدك :mh19: ؟؟؟

رد: استفسار وارجوكم ما تقصرو معاي
 

انت با سجل ان شاء الله السمستر الثاني

رد: استفسار وارجوكم ما تقصرو معاي
 

أها، يعني توك مادخلت الاختبار ولاشيء :mh19:
أجل حظر نفسك اشوي بالنسبة للانجليزي والماث

وإن شاء الله سهلات :119:

بالتوفيق لك