|
برنامج المنح الدراسية للجامعات والكليات الاهليه..~ "نتائج 2009/2010 تم الاعلان عنها"
http://www5.0zz0.com/2009/06/03/17/622532380.jpg يبدأ التقديم لبرنامج المنح الدراسية للجامعات الأهليه التابع لوزارة التعليم العالي من 1/9/1430هـ إلى 29/9/1430هـ (شهر رمضان فقط), على النحو التالي: 1- المستجدون: # معدل تراكمي في الثانوية العامة لا يقل عن 85% # نسبة اختبار القدرات لا تقل عن 65% 2- المنتظمون: # معدل تراكمي في الجامعة لا يقل عن 2,75/4 على كل طالب/ـة لا يستفيد من البرنامج وينطبق عليه الشروط المذكورة: أولاً: التقدم بتسجيل طلب منحة دراسية في موقع الوزارة الجديد: (( http://grants.mohe.gov.sa )) ثانياً: تقديم الأوراق الآتية إلى مكتب المنح الدراسية في الجامعة: # صورة عن الطلب # صورة عن الهوية الوطنية # صورة السجل الاكاديمي ( للمنتظمين ) # صورة اختبار القياس ( للمستجدين ) # صورة طبق الأصل لشهادة الثانوية العامة ( للمستجدين ) # صورة من خطاب القبول في الجامعة ( للمستجدين ) # صورة من إيصال الدفعة الأولى للجامعة ملاحظه: * تعبئة نموذج طلب المنحة لا يعني قبول الطلب. * الرجاء الالتزام بالإجراءات المذكورة والتقيد بالمهلة المحددة, وإلا ستخسر الطالبة تلقائياً إمكانية الحصور على المنحة الدراسية. ختاماً/ اتمنى اني قدرت افيد كل طالب وطالبه كان وده يعرف اكثر عن المنح الدراسيه .. لاتنسوني من دعائكم=) http://www.higheredjobs.com/images/A...ges/3180_1.gif |
رد: برنامج المنح الدراسية للجامعات والكليات الاهليه..~
يعطيكي الف عافية.....هذا اللي كنت بدور عليه
لكن عندي سؤال هل يجب علي التسجيل اولا في الجامعة بعدها اطلب منحة؟ هل عند التسجيل في الجامعة تؤخذ علي رسوم....و كم هي الرسوم؟ |
رد: برنامج المنح الدراسية للجامعات والكليات الاهليه..~
اقتباس:
وبالنسبه للرسوم مو فاكره .. & Good Luck |
رد: برنامج المنح الدراسية للجامعات والكليات الاهليه..~
اذا كان تنطبق علي الشروط هل بكون مقبول يعني كم نسبة اني ادخل البرنامج اذا كان الشروط تنطبق على
|
رد: برنامج المنح الدراسية للجامعات والكليات الاهليه..~
يعطيكم العافية. طيب اذا انا كان عندي من السنة اللي فاتت و جبت المعدل هل لازم اقدم مرة ثانية ؟ ولا خلاص هي تستمر اذا كان المعدل 2.75 و فوق؟
|
رد: برنامج المنح الدراسية للجامعات والكليات الاهليه..~
اناا اعرف نظام المنح في كلية الرياض الاهليه واتوقع ينطبق على المنح في جميع الكليات
بالنسبة للسنة الاولى : (للحصول على منحة +استرداد المبلغ المدفوع) بشرطين فقط:- 1- تكون نسبة الثانوية فوق 85 % 2- تكون نسبة القدرات فوق 65 % اذا انطبق عليك هالشرطين تدفعي المبلغ حق الترم الاول هو 30 الف ريال .. وقبل ماتكملي الترم بشهر تقريبا يرجعولك المبلغ كامل 30 الف ريال .. ويكون الترم الثاني مجاناا بالنسبة للسنة الثانيه : (للحصول على منحة) بشرط:- يكون معدلك حق السنة الاولى 3.75 من 5 وهكذا بقية السنوات واذا اخذتي في اي سنة من السنوات معدل اقل من جيد جدا يعني اخذتي جيد تاخذي منحة جزئية .. يعني يدفعولك نص المبلغ فقط اذا ما انطبق عليك الشرطين .. تدفعي لسنة كامله (للسنة الاولى) .. واذا اخذتي معدل 3.75 من 5 .. تاخذي السنة الثانيه منحه وهكذا بقية السنوات ان شااء الله فهمتووني والله يووفقكم |
رد: برنامج المنح الدراسية للجامعات والكليات الاهليه..~
الحين انا مخلص البقنر
وجايب في الرايتنق +c وفي الكومانيكيشنb هل يحسبوني منتظم كم نسبتي من 4 بالتقريب في البانر كاتبين التقدير بس مافيه درجات ولا شي وش السالفه |
رد: برنامج المنح الدراسية للجامعات والكليات الاهليه..~
يعني ما يهمهم كم مضت على الشهاده ؟
حتى لو اكثر من خمس سنوات عادي ؟ طيب والي نسبتها 84 ما تنقبل؟ |
رد: برنامج المنح الدراسية للجامعات والكليات الاهليه..~
moha مافهمت عليك .. :g2: هدوء الروح .. ايه عاادي .. ع حسابك بس المنح لا واذا جبتي في اول سنه تخصص من 3.57 او فووق ممكن تجيكي منحه.. :g8: & Good Luck |
رد: برنامج المنح الدراسية للجامعات والكليات الاهليه..~
يعطيك العافيه
|
رد: برنامج المنح الدراسية للجامعات والكليات الاهليه..~
يعني لازم اسجل بالجامعه اول؟؟
بعدين اقدم على المنحه؟؟؟ طيب متى بينتهي التسجيل؟؟؟ |
رد: برنامج المنح الدراسية للجامعات والكليات الاهليه..~
مو فاهمة شئ عن الموضوع!
بس سجلت بالمنحة وانا مو من طالبات جامعة الامير محمد بن فهد؟؟!!!!! يصير؟؟ ابي اعرف بالتفصيل:sdfgdsf: انا ماامتحنت قدرات نهائيا لاني متخرجه من سنتين يعني قبل قرار القدرات؟؟!!!! :o3: :c8: اذا في حد يشرح لي كل شئ من طقطق للسلام عليكم بكون لكم من الشاكرين يعطيكم العافية:119: |
رد: برنامج المنح الدراسية للجامعات والكليات الاهليه..~
ألف شكر على الموضوع التفصيلي أختي ღMs.Kღ ماقصرتي الله لايقصر من عمرك ويوفقك ان شاء الله عندي سؤال بالنسبة للمنح ، أنا سجلت في الجامعة الترم اللي طاف وعديته ولله الحمد بمعدل طيب ألحين، لازم أسجل في الجامعة بعد قبل ماأقدم على المنح وألا كيف؟؟؟ وألف شكر مره ثانية على كل من وضح لنا |
رد: برنامج المنح الدراسية للجامعات والكليات الاهليه..~
اللي عرفته لازم تكون مسجل بالجامعة بعدين تقدم على طلب منحه |
رد: برنامج المنح الدراسية للجامعات والكليات الاهليه..~
مشكورة اختي دانا على التوضيح
الله يعينا اليوم اضبط التسجيل ونشوف وضعهم في أحد راح قدم اوراقه والا بعد مافي؟ |
رد: برنامج المنح الدراسية للجامعات والكليات الاهليه..~
العفوو ..
نقصد اوراق المنح ولا التقديم للجامعه؟ |
رد: برنامج المنح الدراسية للجامعات والكليات الاهليه..~
لا قصدي اورق المنح
وبعدين ، في ؟؟ تقديم اوراق للجامعة بعد التسجيل المبدأي وألا كيف؟؟ أنا سجلت من قبل وعديت سمستر واحد، طبعا ألحين لازم أسجل من جديد من البانر للسمستر الجاي، هل يحتاج أوراق ثانية أقدمها؟؟ ماأدري ، بس ماأعتقد ، شرايكم ؟؟ وانتي أختي دانا ، شنو وضعك ، توك متخرجة من الثانوي وبتسجلين في الجامعة وألا كيف؟؟ معليش اعذرونا على كثرة الأسئلة ، حاليا الوضع عندي ملخبط Confused إن شاء الله احل الازمة اللي عندي |
رد: برنامج المنح الدراسية للجامعات والكليات الاهليه..~
أنا ما فهمت :s
الحين انا قدمت بموقع الوزاه عالمنحه .. وش علي اسوي الحين ؟؟ |
رد: برنامج المنح الدراسية للجامعات والكليات الاهليه..~
اقتباس:
اقتباس:
& Good Luck |
رد: برنامج المنح الدراسية للجامعات والكليات الاهليه..~
Thanks alot ღMs.Kღ
باقي شغلة ، ألحين التسجيل للجامعة في البداية عن طريق هذا الرابط، صح؟ http://pmu.edu.sa/enn/banneradmissionapp.asp يعني اسجل كأني جديد، أختار السمستر المطلوب وأسجل، أبغى أتتأكد؟؟ |
رد: برنامج المنح الدراسية للجامعات والكليات الاهليه..~
طيب الحين ايصال الدفعه الاولى , وصوره عن الطلب ؟؟ من وين اجيبهم ؟؟
واروح هناك لمكتب المنح واعطيهم اياها عادي طبيعي ؟؟ طيب هذي المنحه وش سالفتها ؟؟ أدفع شي والا ما أدفع لأني اشوف كاتبين لتخصصات الهندسه والحاسب يعطونك منحه 40 الف للسنه وتخصصات الاداره 20 الف للسنه طيب محمد مو السمستر بـ 55 الف كيف يغطي ؟؟!!!! ومشكوووووره تعبتك معي |
رد: برنامج المنح الدراسية للجامعات والكليات الاهليه..~
اقتباس:
والتسجيل يكون عن طريق الموقع من Banner self server وتختاار السمستر الجاي وتسجل جدولك :119: وهو عن طريق هذا الربط .. http://www.pmu.edu.sa/enn/bss.asp اقتباس:
لما تسجل في الجامعه لازم تدفع دفعه اولى.. اللي هي 10.000 خذ منها صووره ومن ورقه القبوول اللي يدووك اياها وحط كل الطلبات هادي في ملف واديها لمكتب المنح مو عارفه ايش اسم المكتب بالضبط.. .. اسأل عنه وبيقولولك عليه ..في الجامعه وقدم ع موقع الوزاره .. لأنو لو قبلووك بيطاابقوا الاوراق اللي اديتهم مع المعلووماات اللي حطيتها في تقديم طلب المنحه اللي راح تجيهم من موقع الوزاره .. وبالنسبه للتغطيه ايه ماتغطي كل الرسووم يعني لو جتك منحه بـ 40 انت يكوون عليك تدفع 15 الف كل سنه .. :119: وان شاء الله اكون افدتك.. دعوااتك .. :119: & Good Luck |
رد: برنامج المنح الدراسية للجامعات والكليات الاهليه..~
شكرا على التوضيح اختي ღMs.Kღ
أعجز عن تعبير امتناني لأجوبتك وصبرك علينا Keep it up :thumbs-up: بس تعالي باقي ماكملتي :D ألحين دخلت على صفحة البانر، وبعدها Student Registration ألحين وين بالظبط، يعني على أطول أروح اضبط الجدول من دون أي شيء قبلها وألا كيف لأن عندي حاليا يقول ماأقدر أضيف شيء This term is not available for Registration processing. Please select another term or return to the menu and choose a different option. عارف اني زودتها شوي، بس ملعيه على اجر ان شاء الله :cheese: الله يعطيك العافية |
رد: برنامج المنح الدراسية للجامعات والكليات الاهليه..~
ايه تدخل من Student Registration وبعدها تسوي جدولك عاادي,, بس مايمديك تسوي جدولك الا لما تدفع الدفعه الاولى الـ 10 الاف .. :cheese: بس مااظن تسجيل الجدااول الحين مفتووح! .. الا اذا عندك خبر من الجاامعه .. ياليت تقولي عليه ^_____^ اقتباس:
لا عادي شدعووا .. :119: عااد احنا في شهر فضيل.. ودعوااتكم .. ^______^ واي استفساار ثاني.. ان شاء الله اقدر افيدك فيه .. |
رد: برنامج المنح الدراسية للجامعات والكليات الاهليه..~
اقتباس:
هلا أخوي انا توي متخرجه من الثانوي وسجلت بالجامعة وانقبلت وواللحين قدمت بطلب منحه بس انتظر القرار منهم بالقبول :119: |
رد: برنامج المنح الدراسية للجامعات والكليات الاهليه..~
يالله التوفيق للجميع
ماقصرتي اختي ღMs.Kღ ، اجوبتك كلها واضحه زي الشمس :119: الله يعينا نروح لهم وندفع القصد :011: هلا بك أختي DANA ان شاء الله تعجبك الجامعة وماتندمين على أي شيء وبالتوفيق لك :119: |
رد: برنامج المنح الدراسية للجامعات والكليات الاهليه..~
الحين بنات العام كانت منحتهم يدرسون بمحمد بن فهد مجاناً
كيف هالسنه صار فيه دفع ؟؟ |
رد: برنامج المنح الدراسية للجامعات والكليات الاهليه..~
حتى العام نفس الشي :) .. |
رد: برنامج المنح الدراسية للجامعات والكليات الاهليه..~
أختي flakenet
هي المنحة تصل إلى 50 ألف،أو 40 ألف، أو 20 ألف على حسب تخصصك والباقي عليك، يعني الدفع فيك فيك :011: |
رد: برنامج المنح الدراسية للجامعات والكليات الاهليه..~
السلام عليكم شباب وبنات صباح الخير جميعا، اخباركم؟؟ امس رحت الجامعة أو بالاحرى ابوي راح لأني ماأقدر>>> مكروف في الدوام ماأقدر أروح :011: ماعلينا، قدمت اوراقي وهي: # صورة عن الطلب # صورة عن الهوية الوطنية # صورة السجل الاكاديمي ( للمنتظمين ) وبالنسبة لـ # صورة من إيصال الدفعة الأولى للجامعة ماطلب شيء بحكم اني من المنتظمين :praying: بس المستجدين لابد من ذلك :mh19: وبالنسبة لنتيجة، على كلامه ان شاء الله بعد العيد بالله التوفيق لنا ولكم :119: |
رد: برنامج المنح الدراسية للجامعات والكليات الاهليه..~
موفقين :119:.. |
رد: برنامج المنح الدراسية للجامعات والكليات الاهليه..~
طيب أني عندي سؤال .. اني الحين قدمت بموقع الجامعه وبعدين طلبت منحه عن طريق الموقع ..!
الحين شسوي ؟؟ .. كيف اعرف اني انقبلت بالجامعه ؟؟؟ علماً بأني ماسلمت اوراقي للجامعه .. خبري اسلم اوراقي للجامعه اذا انقبلت ..!!؟ |
رد: برنامج المنح الدراسية للجامعات والكليات الاهليه..~
هلا فيك ღMs.Kღ الله يوفقنا معاك :119: أهلين اختي شذاووي بالنسبة لك، ألحين لازم تكلمينهم وتسألينهم عن التسجيل وموعد امتحان القبول ولو تروحين لهم يكون احسن :mh19: و الله يوفقك ان شاء الله |
رد: برنامج المنح الدراسية للجامعات والكليات الاهليه..~
صباح الخير :)
وتقبل الله طاعتكم .. أنا توني مسجله في الموقع هنا خصيصا عشان عندي استفسارات كثيرة وكلي أمل اني القى منكم الردود وأتمنى انكم تساعدوني استفساري الأول هل التسجيل في الجامعه لسه مفتوح لأنو لمن ادخل ع الموقع ما يفتح معاي نظام البنر فما ادري اذا الخلل من النت او انو قفلوا التسجيل او يمكن اني مادخلت الرابط الصحيح ثاني شغله انا ابي اقدم ع المنحه بس انا متخرجه من 3 سنوات فهل يقبلوني لاني لمن قريت الشروط تبع المنحه ماكان من ضمنها سنة التخرج اهم شي المعدل وانا الحمد لله معدلي الثانوية مرتفع اتمنى انو تفيدوني باستفساراتي باسرع وقت عشان لو في فرصه اسجل ماتروح علي الله يجزاكم خير وانا استفدت كثير من التساؤلات المطروحه وردود الأعضاء وخصوصا الأخت Ms.k بانتظاركم :Cry111: |
رد: برنامج المنح الدراسية للجامعات والكليات الاهليه..~
أهلين أختي sawsan ، صباح النور :119: حياك الله في منتدنا المتوضع وإن شاء الله تستفيدين وتفيدين خلينا نجاوبك على استفساراتك الاول: نعم لسه مفتوح :119: بالنسبة للتسجيل، فليس من موقع البانر، بما انك مستجدة فتسجيلك من هذا الموقع وهو Admission http://pmu.edu.sa/enn/banneradmissionapp.asp لما تدخلين على الموقع اختاري First time user account creation وبعدها كملي طريقك وان احتجتي مساعدة، بإذن الله ماحد راح يقصر :119: الاستفسار الثاني: بالنسبة لسنة التخرج، فمو معطينها أي بالي :mh19: بإمكانك التقديم بدون أي مشكلة، أهم شيء توفين الشروط الآخرى من التسجيل الانتظامي في الجامعة وغيره وأخيرا بالتوفيق لك :119: |
رد: برنامج المنح الدراسية للجامعات والكليات الاهليه..~
يعطيك العافيه اخووي ع ردك ماقصرت .. بس بما انك متخرجه من3 سنين مااتوقع انك اختبرتي ذيك الفتره اختبار قدرات وتحصيلي [اختبار القبول] .. سو لو كنتي تبي تقدمي ع المنح لازم تختبريهم :g2: واي خدمه احنا حاضرين .. وان شاء الله نقدر نفيدك باللي نقدر عليه ..:119: & Good Luck |
رد: برنامج المنح الدراسية للجامعات والكليات الاهليه..~
يعطيكم العافية ماقصرتوا
مشكور اخوي ع الرد كفيت و وفيت [س الظاهر انا المشكله عندي بالجهاز ماتفتح الصفحه عندي تطلع لي فاضيه مافي خيارات Done بحاول افتح الموقع من جهاز 2 وان شاء الله يضبط معاي ......................... اممممم اختي Ms.k شككتيني هههههه مدري اذا الامتحان اللي عندي مايعتبر قدرات فهذا شي 2 انا اختبرت امتحان وقت التقديم ع جامعة الفيصل وقت اللي تخرجت من الثانوية وكان مقسم تحصيلي وقدرات بس مدري من ردود الأعضاء شكيت انو كان عندنا اختبار قدرات وانو توه جديد ان شاء الله نفسو لأنو ماتوقع في مجال " وقت " الحين انو اقدم اختبار قدرات :sdfgdsf: في انتظار ردودكم ريحتوا بالي الله يريح بالكم ان شاء الله ان شاء الله يكون لنا نصيب في التسجيل بالجامعه :) / \ / \ sawsan |
رد: برنامج المنح الدراسية للجامعات والكليات الاهليه..~
لأ اكيد اختبرت :cheese: أقول لك كيف عرفت :mh19: لأني بكل بساطة اختبرت اختبار القدرات :d5: وأنا الان حاليا لي 5 سنوات من تخرجي من الثانوية، وبالنسبة للإختبار التحصيلي، فليس مطلوب :mh19: توكلي على الله و الله يوفقك :119: تعديل Edit: أختي سوسن، لا معليك الاختبارات اللي قدمتيها هي المطلوبة :119: |
رد: برنامج المنح الدراسية للجامعات والكليات الاهليه..~
:020:
شكرا ألف أخوي تعبتك معاي الله يسعدك دنيا وآخره يعطيك ألف عافية والله يوفقك دعواتكم انو تتسهل أموري بس موقع الجامعه قاهرني مو راضي يضبط معاي بحاول فيه الظهر من جهاز 2 طيب سؤال أخير طرى ع بالي الحين كيف الدوام في الجامعه في رمضان عشان لو حبيت أروح أقدم الأوراق ؟ و سؤال كمان عشان أطيّر الشك من بالي اختبار القدرات عادي يكون من 3 سنوات والا شرط يكون تبع السنة هذي ؟ ويعطيكم العافية وشكرا مرة 2 أخوي :) |
رد: برنامج المنح الدراسية للجامعات والكليات الاهليه..~
حياك اختي ولو :119: بالنسبة للدوام في رمضان فهو من الساعة 9 إلى 3. واختبار القدرات ماعليهم من السنة ، انا من قبل خمس سنوات وماقالوا شيء :119: الله يوفقك |
رد: برنامج المنح الدراسية للجامعات والكليات الاهليه..~
نشكر الاخوة والاخوات على هاي المعلومات المفيدة جدا ولكن عندي بعض الاستفسارات التالية ارجو منكم مساعدتي قدر المستطاع ولكم جزيل الشكر:
ان احد الطلبة المسجلين في الجامعة لهذه السنه ان شاء الله ابدا الدراسة بعد العيد. 1-انا خريج سنة 1423 2-اختبار القدرات اول سنة يطبق علينا في ذلك العام وجبت 61 3-معدل الثاتوية 94 علمي 4-درست السنه الماضية في الجامعة العربية المفتوحة وخلصت 20 ساعة بمعدل 3.44 من 4 5-سجلت بجامعة الامير محمد لهذه السنه وانقبلت نهائي ومستواي ادفانس واستلمت خطاب القبول على اساس اني محول من جامعة اخرى وراح يعادلولي الساعات 6- دفعت للجامعة الدفعة الاولى 10.000 اللي ابغى اعرفها هل يحق لي التقديم على برنامج المنح كطالب مستجد ام كمنتظم؟ وهل القدرات ليست مهمة بالنسبة لي لاني مختبر القدرات قبل ست سنوات واللي اعرفه ان صلاحية اختبار القدرات سنتين فقط. |
رد: برنامج المنح الدراسية للجامعات والكليات الاهليه..~
مساكم خير :)
مشكور أخوي ع الرد والتفاعل انا الحين دخلت من جهاز 2 وضبط معاي الموضوع وفتح الموقع ودخلت ع التسجيل بس حابه اتأكد هل في حانه معين للمنحه والا هو التسجيل نفسه وبعدين ع المنحه من موقع الوزارة ؟ وسؤال 2 في التسجيل في سؤال Do u wish 2 apply 4 financial aid? اجيب بـ yes حتى لو انا ابي اقدم ع المنحه والا كيف وسؤال كمان " اسمحوا لي زهقتكم بكثر الأسئلة :t1: " الحين بعد ماقدم ع الموقع شو المفروض يصير ؟ وطبعا اكيد التقديم ع المنح لازم ابدأ الدراسة بعد العيد مافي سمستر 2 صح ؟ وبس واذا في اي معلومات او نصايح عندكم لا تبخلوا فيها ترى مضيعين ومحتاجين من يساعدنا :) وانتوا بصراحه ما قصرتوا :d5: امممممممممم سؤال ثانوي شنو احسن التخصصات ؟ انا خاطري ادرس Interior design بس متردده وفي بالي شي عن الكمبيوتر فشنو تنصحون ؟ في انتظاركم |
رد: برنامج المنح الدراسية للجامعات والكليات الاهليه..~
هلا والله فيك اخوي EID03 والله قضيتك اشوية عويصة :mh19: انت عارف من الشروط للتقديم على المنح ان تكون معدل اختبار القدارت 65% للطلبة المستجدين لذلك لاأعتقد انك تقدر تقدم بشهادتك الثانوية، انا اقترح عليك انك تقدم بشهادة العربية المفتوحة بس مش أكيد يقبلونها :mh19: ... أمممم من الافضل انك تروح الجامعة وتسألهم عن مشكلتك وشوف شلي ينصحونك فيه هناك شخص اسمه هاني الدوسري المشرف على المنح رحله واسأله عن مشكلتك واذا بغيت تكلمه، هذا رقمه 038498861 دوام الجامعة من الساعة 9 الى 3 تقريبا أتمنى اني قدرت افيدك، مابي انصحك بشيء ويمن يطلع غلط لذلك رح هناك وقدم استفساراتك واقتراحاتك عليهم وبالله التوفيق |
رد: برنامج المنح الدراسية للجامعات والكليات الاهليه..~
مساء النور أختي sawsan، الحمدلله مشى الوضع تمام معك :119: بالنسبة للتسجيل للمنح، فلايوجد شيء في موقع الجامعة :mh19: ولكن هناك سؤال صغير في اخر التسجيل في الفقرة Additional Information كما حددتي ذلك Do you wish to apply for Financial Aid? Yes اكيد لازم تضعين نعم وبالنسبة للتسجيل للمنح، فهو من موقع اخر من الوزارة، وهذا هو الموقع http://grants.mohe.gov.sa/ وبعد ماتقدمين على موقع الجامعة، المفروض يدقون عليك :mh19: ولكن انتي بادري بالاتصال عليهم وسؤالهم عن موعد المقابلة والاختبار ولو تروحين لهم يكون احسن، لأنك لابد ترسلين اوراقك لهم بالنسبة لسؤالك عن المنح، مافهمته مضبوط؟؟ بالنسبة للتخصصات، Interior design ماعندي اي فكره عنه ابدا طبعا تخصص الكمبيوتر قوي بإذن الله التخصص يعتمد عليك كليا، لازم تفكرين شلي يمكن تبدعين فيه اكثر وراح تحبين شغلته الميول هي المفروض تحدد مصيرك، واذا اشوي متوهقه زي :000: اسألي من حولك لأنهم يعرفونك اكثر و الله يوفقك |
رد: برنامج المنح الدراسية للجامعات والكليات الاهليه..~
مشكووووووووور أخوي ع الرد السريع وافادتك لي
تقبل الله صيامكم وطاعتكم عندي كمان استفسار الحين بعد ما اقدم في الموقع للجامعه هل القبول تلقائي للمنحه يعني لو انا مستوفية الشرطين ونسبتي فوق الـ 96 و القدرات فوق 75 هل احصل القبول ع المنحه بعد ما ادفع الـ 10000 واذا ما اقبلوني هل العشرة ترجع ليوالا كيف ؟ :000: ومشكور مرة 2 ويعطيك الف عافية تعبتك معاي |
رد: برنامج المنح الدراسية للجامعات والكليات الاهليه..~
رجعنا لكم بعد ماأنقطع المنتدى :Cry111: الحمدلله ان رجع :119: السلام عليكم اختي sawsan بالنسبة للقبول، مع الآسف مافي شيء أكيد، مالك الا الدعاء وإن شاء الله ربنا يوفقك ويوفقنا اجمعين الجامعة راح ترشحك، والوزارة هي اللي تختار :mh19: وبالنسبة للـ 10,000 فهي شرط من شروط الجامعة للتقديم على المنحة فلذلك لابد انك تدفعينها أما اذا ماقبلوك المنح، ماأدري اذا راح ترجع لك وألا لا :mh19: وأخيرا، لاحد يستحي يسألنا، اللي نقدر عليه راح نجاوبه وألا مانقدر عاد الله يعينكم تبحثون شوي :mh19: وبالتوفيق للجميع |
رد: برنامج المنح الدراسية للجامعات والكليات الاهليه..~
طيب ، اني الحين رحت الجامعه وامتحنت والحمد الله الامتحان كان ســهل وميســر اموره ..!
بس الرايتنق اشوي جبت فيه العيـــد :000: الموهم .. الحين متى اقدم على طلب المنحه .؟؟ اذا طلعت نتائج القبوول ؟؟ أو الحين اقدم عادي ..؟؟ ارجوكم ساعدوووني ..!:praying: |
رد: برنامج المنح الدراسية للجامعات والكليات الاهليه..~
طيب مافيه ماجستير
سوري على الدخله |
رد: برنامج المنح الدراسية للجامعات والكليات الاهليه..~
أهلين أختي شذاووي إن شاء الله فالك التوفيق :119: بالنسبة للتقديم، عادي تقدرين تسجلين في موقع المنح من دون مشكلة بإذن الله بس بعدها لازم ولابد انك تروحين الجامعة وتستفسرين عن نتيجتك وعن ماهية الخطوة الثانية؟ ممكن يقولون لك خلاص، ادفعي الدفعة الاولى وسجلي جدولك. كذا بعدها تروحين لمكتب المنح، وتقدمين اوراقك عندهم وبالله التوفيق مرحبا فيك اختي فيزيائية زمانها حياك الله معانا، بالنسبة للماجستير في هذي الجامعة فهي تقدم فقط برنامج واحد وهو درجة الماجستير التنفيذى فى إدارة الأعمال |
رد: برنامج المنح الدراسية للجامعات والكليات الاهليه..~
عن نفسي شخصياً مابقدر أروح للجامعه واستفسر عن النتيجه ، انا لمن رحت سألت الموجوده في المكتب .. عن النتيجه وقلت لها متى راح تطلعون النتائج قالت راح نطلعهم بعد يوم يومين كذا ، على الجوال كذا اتصال .. او افتحو بريداتكم الالكترونيه بعد .. هيك قالت لي .. المشوااااار جداً طوويل من البلد لين الجامعه .. اسمع بالقبول واروح اقدم اوراقي الشخصيه مو مشكله .. بس اروح مشان النتيجه قدر الله ماطلع لي قبووول .. واني متعنيه الجامعه .. لذلك مابعرف شو اسووي انتظرهم زي ماقالت لي .. ! ولا شنو ..! |
رد: برنامج المنح الدراسية للجامعات والكليات الاهليه..~
الله يعينك، والله هذول ماينضمنون، ساعات يصفطون وألا ينسون لأنهم انكبوني في السمستر اللي طاف، قالوا لي راح ندق عليك ولا دقوا انا اللي دقيت بعمري وتأكدت من كل شيء أجل مالك الا تكلميهم :mh19: هذا رقمهم 038964554 وتقدرين تروحين على السنترال بالضغط على "صفر" مع الاسف ماأقدر أفيدك بأي رقم من ناحية البنات :011: إن شاء الله ღMs.Kღ عنده علم ببعض الارقام وتفيدك وبالله التوفيق |
رد: برنامج المنح الدراسية للجامعات والكليات الاهليه..~
والله اني احترت من امتحنت لين اليوم وانا انتظر مر اكثر من يوم ويومين .. :000: اتصلت بالرقم اللي عطتيتني اياه بس ماحدا رد عليي .. نكبه والله ، رحت لها بنفسي وقلت لها لو سمحتي متى راح تطلعون النتائج .. واعتمدت على كلامها وسألتها على وين راح تطلعونهم .. قالت راح نتصل او نرسل لكم عالبريد ومتابعه الاتصال والبريد اول بأووول ولاشفت شئ .. والمصيبه انووو لو انقبلنا وماودينا الاوراق اهم ماخبرووونا ولا قالو لنا تعالو بأنفسكم استفسرو على القبووول .. وبيقولو لنا راح عليكم ومادري شنوو ..!!:000: الله يعين يارررب .. >< |
رد: برنامج المنح الدراسية للجامعات والكليات الاهليه..~
مشكلتهم السنترال في رمضان ... محد حولك مع الاسف الشديد :011: وأنا مامعي اي رقم من قسم البنات، آسف جدا :011: ماأقول ألا إن شاء الله يدقون عليكم :praying: |
رد: برنامج المنح الدراسية للجامعات والكليات الاهليه..~
لا مشكووور أخوووي انت ماقصرت الا عليك سووويته ..
ان شاء الله يدقون علــينا .. :s12: |
رد: برنامج المنح الدراسية للجامعات والكليات الاهليه..~
اللي مقدم السنه اللي فاتت وتم قبوله في المنح هل يحتاج يقدم مره ثانيه ؟! :mh19: |
رد: برنامج المنح الدراسية للجامعات والكليات الاهليه..~
قدمت اوراقي لمكتب المنح بالجامعه وويكتبون لي بالموقع
حالة الطلب : يجب تقديم المستندات مع انو انا قدمت اوراقي لمكتب المنح داخل الجامعه وخلصت كل الاجراءات المطلوبه ودفعت الدفعه الاولى:000: |
رد: برنامج المنح الدراسية للجامعات والكليات الاهليه..~
هلا بك أخوي أمير الذوق بالنسبة للتقديم مره ثانية، اعتقد لابد منه :mh19: وإذا بغيت تتأكد، هذا رقم هاني الدوسري المشرف على المنح 038498861 أهلين بأختي دانا ماشاء الله عليك :d5: كل شيء تمام معاك بإذن الله، انتي اعطيهم وقت وإن شاء الله راح تتغير حالة الطلب :119: نفس الشيء صار معي، وماتغيرت ألا بعد فترة أسبوع إلى اسبوعين>>>> ماني متذكر :mh19: ولكن تطمني، إن شاء الله ربنا يوفقك ويوفقنا اجمعين |
رد: برنامج المنح الدراسية للجامعات والكليات الاهليه..~
آآمين الله يوفق الجميع
ويعطيك الف عافيه أخوي FoxDie ع الرد السريع :119:. |
رد: برنامج المنح الدراسية للجامعات والكليات الاهليه..~
أهلييييييييييين
مساء الخير :119: شذاووي انا شابكه ع النت مخصوص عشانك لان توي دقيت ع الجامعه وطبعا كله السنترال اللي يرد الموهيم دقيت ع الرقم اللي دقوا علي منه يوم تحديد امتحان القبول واللي ترد أمريكية وكلمتها بالانجلش وعطتني هذا الرقم تفضلي ودعواتك لي وبشرينا بالقبووووووول :mh001: 8499260 ............................. أختي dana اذا ممكن تخبريني شو الأوراق المطلوبة اللي قدمتيها لمكتب المنح لانو بكره او اللي بعدو رايحه ادفع القسط الاول ومرة وحده بقدم اوراقي لمكتب المنح :cheese: فياريت تساعديني بالمطلوب دامك قدمتي " للاثنين " انا لسه ما قدمت ع الموقع بالتوفيق للجميع وفي انتظارك يا شذاووي تبشرينا والحلاوة لي :g20: |
رد: برنامج المنح الدراسية للجامعات والكليات الاهليه..~
sawsan
هلا اختي .. والله اليوم اهم اتصلو فيني وقالو لي مبروك قبولك بالجامعه ..:119: وقالت لي يوم الاربعاء اخر يوم تسليم الوثائق ..ومشكووووره ماتقصريييين .. والحين صايره معاي مشكله .. انو اني سجلت بامنحه قبل لااسجل في الجامعه وبعدين سجلت بالجامعه بعد ماامتحنت وخلصت في الجامعه .. رجعت البيت بدخل ملفي في المنح .. بس مو راضي يدخل وكله يقووولي كلمة سر خطأ او اسم مستخدم واني متأكده ان الاثنين صح .. رقم السر واسم المستخدم .. الحين اقدر اقدم مره ثانيه :Cry111: اولا ؟؟ |
رد: برنامج المنح الدراسية للجامعات والكليات الاهليه..~
أختي sawsan الأوراق المطلوبة موجودة في أول رد من هذا الموضوع، ارجعي الصفحة الأولى :119: بس تأكدي قبل ماتروحين أنك مسجلة بموقع المنح، عشان تطبعين ورقة حالة الطلب وبالتوفيق لك هلا أختي شذاووي مبروك عليك القبول وإن شاء الله عقبال المنحة :119: بالنسبة لتسجيل في موقع المنح، مافي مانع لو سجلتي قبل ماتسجلين بالجامعة :mh19: أنتي حاولي تتأكدين من اسم المستخدم وكلمة المرور، وعشان تتأكدين أدخلي على هل الموقع http://grants.mohe.gov.sa/ForgetPassword.aspx وحطي رقم الهوية أو البريد الالكتروني، عشان يرسلون لك المعلومات وبإذن الله امورك طيبة. وبالتوفيق لكم جميعا :119: |
رد: برنامج المنح الدراسية للجامعات والكليات الاهليه..~
طيب انا سويت اللي قلت لي عليه .. ورسلت رقم الهويه .. والبريد الالكتروني معاً .. مع ان واحد من الاثنين ..
ممكن اعرف كيف تضمني او تقبلني المنحه ومتى وكيف ؟؟ ولازم يرسلووو لي اليوم معلوماتي ... !! لاني بكره اروح اقدم اوراقي الاصليه .. والاربعاء اخر يوم تسليم الوثائق ..! :Cry111: |
رد: برنامج المنح الدراسية للجامعات والكليات الاهليه..~
اهلين أختي شذاووي أول ماتدخلي البريد الأكتروني، على طول راح يكتب لك "تم الارسال بنجاح" شيكي على أيميلك وإن شاء الله راح تحصلينه واذا كان في خطأ أو غير موجود البريد الألكتروني، راح يعطيك "البريد الالكتروني غير موجود" تأكدي تماما راح يرسل في نفس اليوم، شيكي على Inbox و Spam او Junk وبالنسبة لضمان المنحة، مع الاسف مافي ضمان :011: والنتيجة راح تكون بعد رمضان بإذن الله:mh19: وبالنسبة لتسليم الأوراق، طلع خبر جديد، أقرئي الموضوع هنا :119: http://www.ckfu.org/vb/showthread.php?t=44349 |
رد: برنامج المنح الدراسية للجامعات والكليات الاهليه..~
انا فتحت بريدي ولا لقيت شئ .. يا إلهــي .. متباعتنه على اساس بيوصل لي ..
والحل يعني .. مو راضي يفتح معاي الملف .. يؤؤؤؤ شنو هذا .. مافيه ضمان للمنحه .. يعني لو ماتضمني المنحه .. بضل ادرس على حسااابي علطووول لآخر سسسسنه ؟؟؟ ماكنت بعرف >< .. الله يسااااعدني ياااارب .. :011: |
رد: برنامج المنح الدراسية للجامعات والكليات الاهليه..~
أختي شذاووي أرجع وأأكد المفروض لما تضعين رقم الهوية أو البريد الالكتروني، في النهاية راح يطلع لك "تم الارسال بنجاح" تأكدي تماما أو 100% اني رسالة جديدة راح تجيك على البريد في لحظتها حاولي مع البريد أفضل عشان تتأكدين ان مافي مشكلة في البريد اللي وضعتيه وبعدها عطينا الحالة، هل تم الارسال أو لا؟؟ إن شاء الله مافي مشكلة من الموقع، جربي من كمبيوتر ثاني أو انترنت ثاني للتأكد :mh19: بالنسبة للمنح، اليوم مكلم المسؤول عن المنح ويقول ان الامور طيبة ومافي خوف لاطالما كانت درجاتك مناسبة وعالية وغير ذلك يقول ان الاغلبية راح تنقبل بإذن الله >>> نتمنى ذلك :praying: مالك الا الدعاء والأتكال على الله، و الله يوفقك والجميع :119: |
رد: برنامج المنح الدراسية للجامعات والكليات الاهليه..~
:cheese: دام مشان الدرجات والنسبه الحمد الله مو خايفه .. ولو ادرس على حسابي سنتين .. مو مشكله ..
الحين المشكله في البريد كتبو لي تم الارسال بنجاح .. بس اني دخلت البريد ومانرسلت لي رساله هذي المشكله .. بكره اذا وديت اوراقي .. الاصليه .. بيسألووو عن حالة الطلب لازم اطبعها مدري شنو واني مشكلتي ابغى ادخل ملفي .. شكلي راح اقدم من جديد .. :Cry111: .. والله اخووي مانرسل لي شئ اقوولك متابعه البريد او بأأووول .. وكاتبين لي تم الارسال بنجاح ورسلت لهم رساله شكورى ..!! :bawling: ولاردوو عليي ..:011: |
رد: برنامج المنح الدراسية للجامعات والكليات الاهليه..~
رسالة شكوى، والله اللي مادروا عنك :000: والله غريبة ياأختي، لأني أنا كنت مسجل مرتين، الأسم الأول ماعجبني، فرحت سجلت مره ثانية بأسم آخر طبعا لازم يكون البريد الألكتروني مختلف في الأثنين، فجربت على الأثنين وأرسلوا لي على طول :mh19: ممكن ماراحت على الـ Inbox، ممكن تحصلينها في ملف ثاني :mh19: عموما انتي جربي سجلي مره ثانية وشوفي شنو يعطيك، لأن احتمال لما تضعين معلوماتك، بيقول المعلومات متوفرة موجودة لدينا :mh19: مجرد حدس ليس ألا :mh19: جربي وأعطينا النتيجة، وتمنيات لك بالتوفيق :119: |
رد: برنامج المنح الدراسية للجامعات والكليات الاهليه..~
اخوي foxdie الرقم اللي عطيتني اياه يعطيني السنترال ويبدا يعد ارقام .. الخ
ابي اكلم هاني الدوسري مباشرة كيف ؟! |
رد: برنامج المنح الدراسية للجامعات والكليات الاهليه..~
هلا بك اخوي أمير الذوق
والله غريبة هذا الرقم 038498861 ماخذه من البطاقة الشخصية بتاعته حاول تجرب في اوقات الدوام اللي من الساعة 9 إلى 3.30 العصر، أو حاول تروح لهم السبت وتستفسر بنفسك انا اليوم رايح الجامعة الساعة 1، بس اقهروني مافي احد :017: كلهم مشوى :o3: للمعلومية انا شخصيا ماكلمته من قبل، ولكن الشايب الله يطول بعمره هو اللي متكفل بالشغلة بحكم ارتباطي بالعمل فماأقدر اتفرغ لهم، الشايب كلمه قبل أمس واعطاني بعض التفاصيل :mh19: مالا ان تجرب مره ثانية وألا اطلبه من السنترال، وعسا الله احد يرد :mh19: وبالتوفيق، وخبرنا بالمستجدات |
رد: برنامج المنح الدراسية للجامعات والكليات الاهليه..~
انتظرت واجد وماشفت شئ وصلني .. ممكن اني اسجل بأسم مستخدم ثاني وبنفس البيانات ..وعلى نفس الجامعه ..؟؟
:103: بس غريبه اسم المستخدم وكلمة السر متأكده منهم عدل ..!! اشك اني انوو وصلت لهم المعلوماااات .. بس ياترى وش اللي يضمن !! راح اسجل بالموقع االمنح مره ثانيه !؟ |
رد: برنامج المنح الدراسية للجامعات والكليات الاهليه..~
عجيييب :000: يالله مالك الا تسجلين مره ثانية وإن شاء الله ماراح تكون مشكلة :praying: بالتوفيق لك، ولاتنسين تخبرينا بالمستجدات :mh19: |
رد: برنامج المنح الدراسية للجامعات والكليات الاهليه..~
يعطيك العافيه اخوي Foxdie ابشرك اتصلت ورد علي الاستاذ هاني الدوسري
ما قصرت يالغالي حبيت اشكرك |
رد: برنامج المنح الدراسية للجامعات والكليات الاهليه..~
سؤؤال ؟
اذا درست سنه تحضيريه .. " ليفل 1 " او ليفل 2 " .. معناتها ادرس سنين ؟؟؟ يعني دراسه ليفل 1 سنه بروحها .. وليفل 2 سنه بروحها ولا كييييف ياريت احد يفهمني ..! |
رد: برنامج المنح الدراسية للجامعات والكليات الاهليه..~
حياك اخوي أمير الذوق، ولو حنا بخدمتكم الحمدلله الامور طيبة معك :119: أهلين اختي شذاووي، أمممم والله ماعندي معلومة أكيدة لإستفسارك اللي اعرفه ان اليفل يكون سمستر واحد مو سنة كاملة، و الله اعلم :mh19: إن شاء الله اختي Ms.K تعطيك الكلام الأكيد ألا صحيح، بشرينا وش صار معك في موقع المنح :mh19: عسا إن شاء الله تيسرت امورك :119: |
رد: برنامج المنح الدراسية للجامعات والكليات الاهليه..~
لحضه التسجيل خلص ولا لا؟
بكم السنه؟ وفيه اقساط ولا لا؟ |
رد: برنامج المنح الدراسية للجامعات والكليات الاهليه..~
لا بالنسبه لليفلات اختي شذاوي
لما تقدمين يختبرونك اختبار لغة ويحددون مستواك ( بيقنر - انترميديت - ادفانس ) وبناء عليها يحطونك في المستوى المطلوب يعني لو حطوك بيقنر تدرسي سنه ونص ( 3 سمسترات ) ولو حطوك انترميديت سمسترين ( سنه ) وادفانس ( سمستر واحد ) أو يمكن اذا عديتي الاختبار تروحي على الكور على طول بدون سنه تحضيريه |
رد: برنامج المنح الدراسية للجامعات والكليات الاهليه..~
اختي ورده حساويه بالنسبه للتسجيل للمنح ما انتهى اما التسجيل في الجامعه والله ما عندي علم اكيد
السنه بـ 55 ألف وفيه أقساط |
رد: برنامج المنح الدراسية للجامعات والكليات الاهليه..~
امير الذووق كفيت ووفيت ..
عسااك ع القووه .. :g8: |
رد: برنامج المنح الدراسية للجامعات والكليات الاهليه..~
FoxDie
سجلت مره ثانيه الحمد الله مافيه اي اشكال ..:119: .. أمير الذووق .. اي انا امتحنت امتحان لغة وقالو لي سنة تحضيريه طيب .. بس ماحددو لي بالضبط وييين :no2: وضمن اي قسم حطووني .. ؟؟ |
رد: برنامج المنح الدراسية للجامعات والكليات الاهليه..~
اهلين شذااوي ..
لما يقبلووك يعطووك ورقه قبوولك وفيها مكتووب مستوااك .. :119: |
رد: برنامج المنح الدراسية للجامعات والكليات الاهليه..~
حاطين لي انترميديت .. يعني ادرس سنه كامله .. طيب يعني السنه اللي بعدها ادرس ادفانس سمستر واحد .. وبعدين علطووول التخصص ؟؟:mh19:
|
رد: برنامج المنح الدراسية للجامعات والكليات الاهليه..~
لا بتدرسي بس سنه ..
سمستر انترميديت وسمستر ادفاانس .. :119: |
رد: برنامج المنح الدراسية للجامعات والكليات الاهليه..~
صاحبتي بينقر ممكن تشرح لي كيف بتدرس .. كم سمستر ؟؟
وسامحيني اختي صرعتكم بالاسئله بس لازم اعرف كل شئ .. !:c8: |
رد: برنامج المنح الدراسية للجامعات والكليات الاهليه..~
اقتباس:
In English Beginner = 1.5 Year and Half (3 Semester)l Intermediate = 1 Year (2 Semester)l Advance = 0.5 Half Year (1 Semester)l You might understand better :cheese: عادتا مايكون السمستر = نص سنة، و2 سمسترين = سنة كاملة أتمنى وضحت الفكرة معك ألحين :119: معليك أول سنة أو بداية السنة راح تكون شوية لخبطة أو محيرة :sdfgdsf: بس بعد بكم يوم راح تتعودين على الوضع ويبقى كل هذي ذكريات حلوه :049: |
رد: برنامج المنح الدراسية للجامعات والكليات الاهليه..~
مرحبــآ .,
الحين انا قدمت ع المنحهً .., لآزم اسجل بالجامعه واسلم اوراقي وادفع القسط الاول ؟.!! |
رد: برنامج المنح الدراسية للجامعات والكليات الاهليه..~
صباح الخير :)
مشكووووورين كثير ع المساعده وطبعا انا انقبلت و حطوني لفل ادفانس :g2: وامتحنت ماث :150: وقدمت ع برنامج المنح بس ننتظر :praying: دعواتكم نبي تجاربكم ونصايحكم كيف الدراسة اول بداية وكيف بالنسبة للـفل الادفانس كم مادة اتذكر قريت بالردود 5 بس ابي اعرف شنو المواد والدوام مع المدارس صح ؟ مبسوطة حدي بس متوترة حبتين :cheese: مو لاقية للحين مواصلات :bawling: امممم انا تخصصي Interior design ابي نعلومات عنه من اللي يدرسون بالجامعه وبسسسسسسسسس :g20: وأخيرا صرت PMU Studen:mh001: |
رد: برنامج المنح الدراسية للجامعات والكليات الاهليه..~
أهلا اختي gome over :)
بالنسبة للخطوات اللي قلتيه هو الصح المفروض تكوني مقدمة ع الجامعه و مختبرة الاختبار ودافعه القسط بس ماعندي فكره اذا التسجيل لسه مستمر بالجامعه او لا اللي اذكره انو اخر موعد 22 رمضان بس مش متأكده هذا الرقم دايركت ع قسم القبول والتسجيل تفضلي 8499260 وبالتوفيق .................... شذاووي مبروك القبول ومبروك ع اللفل ويالله كلها سنة وتدخلي ع التخصص :d5: وان شاء الله نشوفك |
رد: برنامج المنح الدراسية للجامعات والكليات الاهليه..~
مبروك عليك اختي sawsan وعقبال المنح بإذن الله :119: بالنسبة لبرنامجك، مع الآسف ماعندي خلفية عنه :Cry111: إن شاء الله غير ينفعك :mh19: بالنسبة للدراسة راح تكون في 3 October إذا ماخابني ظني بعدين لاتخافين ولاتتوترين، توكلي على الله وثق بنفسك وبإذن الله امورك راح تكون بخير :119: الله يوفقك :119: |
رد: برنامج المنح الدراسية للجامعات والكليات الاهليه..~
عندي آستفسآر ..
آخوي سجل بالمنحه الحمدالله .. لازم يسجل بموقع الجآمعه ولا لأ خلاص ؟ |
رد: برنامج المنح الدراسية للجامعات والكليات الاهليه..~
أهلين أختي آرنووبه أخوك لازم يكون مسجل بالجامعة، هل سجل وقدم الاختبار والمقابلة؟ وألا كيف وضعه :mh19: |
رد: برنامج المنح الدراسية للجامعات والكليات الاهليه..~
السلام عليكم
عندي سؤال للعندهم منح سابقه,هل صحيح أن المبلغ للمنحه تتغير على حسب التخصص:mh19: |
رد: برنامج المنح الدراسية للجامعات والكليات الاهليه..~
نعم يتغير ع حسب التخصص، أنت وش تخصصك؟ |
رد: برنامج المنح الدراسية للجامعات والكليات الاهليه..~
أنا تخصصي نظم معلومات اداريه
بس هل أخوي عندك منحه سابقه |
رد: برنامج المنح الدراسية للجامعات والكليات الاهليه..~
طيب اللي معدلهم 3 وشوي بس مو 3.75
وتطلع لهم المنحه جزئية اذا ارتفع معدلهم في الترم الأول ترجع المنحه كامله ولا لآ |
رد: برنامج المنح الدراسية للجامعات والكليات الاهليه..~
لا يا أختي يحق للطالب المنتظم الحصول على المنحه الكامله
اذا كان معدله 2.75 مش 3.75 |
رد: برنامج المنح الدراسية للجامعات والكليات الاهليه..~
أهلين أخوي essa212675
لا ماعندي منحة سابقة، ولكن هذا موضح كامل في موقع المنح بالنسبة للتقسيم تفضل موقعهم وأقرأ بنفسك http://grants.mohe.gov.sa/brief.aspx هلا بك اختي فلفلة أعتقد ماقصر اخوي essa212675 وضح لك اللبس :119: ألف شكر :d5: |
رد: برنامج المنح الدراسية للجامعات والكليات الاهليه..~
شكرا جدا :d5:
|
رد: برنامج المنح الدراسية للجامعات والكليات الاهليه..~
بس انا معدلي 3.12 وطلعت لي منحه جزئية:Cry111:
|
رد: برنامج المنح الدراسية للجامعات والكليات الاهليه..~
أختي الموقع مو موضح بشكل خاص عن المعدل المطلوب، ولكن هذي الشروط اللي ممكن تفيدك:
ب ) المنحة الدراسية الجزئية. يمنح الدارس الذي أنجز أثناء دراسته بالكلية فصلاً دراسياً بتقدير ( جيد ) منحة دراسية جزئية تغطي 50% من الرسوم الدراسية ثالثاً: تنخفض نسبة المنحة لأصحاب المنح الكاملة إلى 50% في حالة انخفاض المعدل الدراسي أثناء الدراسة، وترتفع نسبة المنحة لأصحاب المنح الجزئية إلى 100% في حالة ارتفاع المعدل الدراسي أثناء الدراسة. من كلامك :mh19: أفهم انك اخذتي منحة من قبل، صح وألا لا؟ اذا اخذتيها، ممكن تفيدينا بالخطوات اللي مريتي عليها مع موقع المنح والجامعة :mh19: |
رد: برنامج المنح الدراسية للجامعات والكليات الاهليه..~
متى يا جماعه تطلع نتائج المقبولين في المنحه:mh19:
|
| All times are GMT +3. الوقت الآن حسب توقيت السعودية: 01:11 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه