ملتقى طلاب وطالبات جامعة الملك فيصل,جامعة الدمام - هنا الجواب الكافي عن أي أستفسار يتعلق بجامعة الأمير محمد بن فهد

رد: هنا الجواب الكافي عن أي أستفسار يتعلق بجامعة الأمير محمد بن فهد

حبيت اسأل عن معهد جامعة الامير محمد بن فهد للغه الانجليزيه

كل حاجه تخصه

وشكراً

رد: هنا الجواب الكافي عن أي أستفسار يتعلق بجامعة الأمير محمد بن فهد

السلام عليكم ورحمة الله وبركاته ...

عندي عدة اسئله حبيت اسأل عنها ,,,
السؤال الاول: انا نسبتي 78 %علمي واختبار القدرات67% هل تقبلني الجامعه ولا .. لازم نسبه معينه طبعآ خريج عام 1429_1430؟

السؤال الثاني: لازم المقابله الشخصية وكتابة المقال باللغه الانجليزيه.. وهل له شغل في قبولي ولا ..لا لأ ني اعرف واحد دخلها بدون كتابة المقال؟

السؤال الثالث: واختبار تحديد المستوى له شغل في قبولي؟

السؤال الرابع: متى التسجيل المبكر للجامعه ؟

ويعطيك الف عافيه ع الموضوع ,,, جعله الله في موازين حسناتك

دمتم بحفظ الله ورعايته

رد: هنا الجواب الكافي عن أي أستفسار يتعلق بجامعة الأمير محمد بن فهد

سلامـ,,

بجاوب عليكـ..SALEM..لأنو اشوف استفسآرات كثيرهـ ولاأحد يرد عليها وبجاوب اللي بعرفهـ

عندي عدة اسئله حبيت اسأل عنها ,,,تفضل اسألـ..السؤال الاول: انا نسبتي 78 %علمي واختبار القدرات67% هل تقبلني الجامعه ولا .. لازم نسبه معينه طبعآ خريج
عام 1429_1430؟
نسبتك يقبلوها والقدرات مايطالبون فيها, والقبول إن شاء الله يقبلوك.... لا مو لازم نسبهـ معينهـ
بس ضحكتني وشلونـ خريج عام 1429_1430هـ ,, قصدكـ خريج هالسنهـ الا هي 1428-1429هـ..

السؤال الثاني: لازم المقابله الشخصية وكتابة المقال باللغه الانجليزيه.. وهل له شغل في قبولي ولا ..لا لأ ني اعرف واحد دخلها بدون كتابة المقال؟

طبعا" لازم هذا من شروط الجامعهـ ... اكيد لهـ شغل في قبولك والمقال مو شرط تعبر ورقه كامله عادي حتى لو نصها وإن شاء الله موفق

السؤال الثالث: واختبار تحديد المستوى له شغل في قبولي؟

الأختبار هذا اللي قلته من شوي الا هو المقال والمقابلهـ واسأله ع الكمبيوتر تحلها يعني بسيطهـ وهذا كل الأختبارات اللي مسوينها لك عشان يحددون مستواك إنك تكون مستوى ( أول , ثاني ,ثالث) ..

السؤال الرابع: متى التسجيل المبكر للجامعه ؟

اتوقع انتهى بس مدري لأني أنا توني مسجلهـ والحين اللي مفتوح اتوقع حق الصيفي ويمكن بيفتحون التسجيل
حق خريجين هذا السنهـ والله العالم
وتابع موقعهم وهذا الملتقى وشوف متى التسجيل لسنه الجايهـ

موفق و إن شاء الله يقبلوك

رد: هنا الجواب الكافي عن أي أستفسار يتعلق بجامعة الأمير محمد بن فهد

مشكوره اختي بنوتهـ الشرقيهـ

يعطيك الف الف عافيه ... طمنتيني والله

اما سالفة 1429_1430هـ>>>> تعرفين مع الربشه والخووف تخربط

بس اسميحيلي اقولك انك احرجتيني:: الله يسامحك:mh35:

ع العموووم جعله الله في ميزان حسناتك

وبالتوفيق للجميع

رد: هنا الجواب الكافي عن أي أستفسار يتعلق بجامعة الأمير محمد بن فهد

طيب سؤالي ما حد يجاوبني عليه ؟.؟؟؟؟؟؟؟؟؟

تكملة دراسة لكلية المجتمع ماااااااااكوو؟:s12:

رد: هنا الجواب الكافي عن أي أستفسار يتعلق بجامعة الأمير محمد بن فهد

هل يحتاج الدراسه في الجامعه التوفل

رد: هنا الجواب الكافي عن أي أستفسار يتعلق بجامعة الأمير محمد بن فهد

الســـــــــــلام عليكم وصبحكم الله بالخيــــــــــــــــــــــــر

انـــــــــــا عنــــــــــــــدي كم ســـــــــــــــوال ..........

اولآلا / انا سجلت يوم الثلاثاء الي فات والحين احنا يوم الاربعا يعني اسبوع ولا احد رد علي انا مقبول ولالا

وبالنسبة لللاختبار الي هو التعبير ع ما اعتقد مو ذاك الزود يعني خربطت والي بالكميوتر هم مثل التعبير خربط والمقابله مع دكتور عمر عميد شوون الطلاب المقابلة مفروض انجلش بس خليتها عربك (( عربك )) المهم اني احس ماراح يقبلوني بس الله يستر

ثانيا / هل الدراسه فيــها صعبة ولا متوسطة يعني يقدر الواحد يمشي فيها بدون ما يشد حيله

ويعطيكم العااااااااااااافيه والله يوفقكم ويوفقنا على ما يحب ويرضا

رد: هنا الجواب الكافي عن أي أستفسار يتعلق بجامعة الأمير محمد بن فهد

مرحبا أخوي عشق بدوي

اليوم ( الأربعاء ) اختبرت في الجامعة ، وبالعكس حسيت أن الاختبار كان سهل

و الـ essay كانت مواضيعه تقدر تقول شوي مالها داعي ، يعني مافيه شي كثير أقدر أكتب عنهم ...

و المقابلة الشخصية المفروض أنها تكون باللغة الانجليزية لأن الغرض منها تحديد مستواك في التحدث باللغة الإنجليزية

و الاختبار هو لتحديد المستوى فقط ، يعني أياً كانت النتيجه القبول بإذن الله سوف يتم قبولك ، إن نجحت في الاختبار

ستبدأ بالسنة الأولى من التخصص اللي قدمت عليه، و إذا كانت نتيجتك في الاختبار غير مرضية ستحتاج لسنة تحضيرية

** لكن أنا استغربت أنهم ما اختبرونا Math للحين ، متى الاختبار ؟ وهل ستكون الأسئلة باللغة العربية أو الانجليزية ؟ **

عذراً على الإطاله

تحياتي لك

نور الأوطان

رد: هنا الجواب الكافي عن أي أستفسار يتعلق بجامعة الأمير محمد بن فهد

يعطيـــــــــــــــــــك العافيه نور الاوطان

ابشررررررررررررررررك اتصلو فيني واقبلوني

واختبار الماث على ما اعتقد مافيه

وبالتوفيق ان شاء الله

رد: هنا الجواب الكافي عن أي أستفسار يتعلق بجامعة الأمير محمد بن فهد

السلام عليكم

أنا سجلت أمس بالجامعة السبت1/8/1429

كيف أأكد تسجيلي؟؟

كيف أعرف أني مقبولة؟؟

هل يتأخرون في الرد<<< يعني كم ياخذون؟؟؟؟؟؟؟؟؟

تحياتي