|
رد: اسألة المقابلة الشخصيه لجامعة الامير محمد
الحين هذي الاسئله عشان يحددوو مستوآك بالانجليزي ولا اشلون ؟؟
والحين لو ادرس سنه تحظيريه كم سمتسر والسمستر الوآحد بكم ؟؟؟ وجزآك الله خييييييير اخوي ,, بتتعب معنآآآ,, |
رد: اسألة المقابلة الشخصيه لجامعة الامير محمد
هالاسئله يبون يشوفونك مستوى الواحد بالسبيكنق .. التحضيريه سنه ونص بقنر و انترميديت و ادفانس .. وابتداء من انترميديت تقدرين تدرسين رياضيات ( انتردكتري الجبرا ) وفي ادفانس تقدرين تاخذين بري كايكلس اذا تخصصك هندسه و انترميديت الجبرا اذا تخصصك بزنس وهي مو داخله بالمعدل
وقليل الي يدخل من اول مستوى .. الاغلب من ثاني مستوى .. وتصير عليه التحضيريه سنه كامله السمستر الواحد بـ 27 الف و 500 .. السنه بـ 55 الف الدفع اثناء التسجيل 500 و الشهر الاول عشره والشهر الثاني عشره والشهر الثالث سبعه .. وبكذا صارت 27 الف و 500 وبالتوفيق ان شاء الله . |
رد: اسألة المقابلة الشخصيه لجامعة الامير محمد
اووووف والله كثير يعني الدراسه كلها فوق 250 الف
وهذا اذا قدرنا ننجح في كل المواد والله ودي ادخل فيها بس محتاااره وخايفه تخلص فلوووسنا،،، شرائك اخوي ادخلها ولا اشيلهااا من راسي،؟؟ |
رد: اسألة المقابلة الشخصيه لجامعة الامير محمد
هالجامعه الناس مخلينها الخيار الاخير .. اذا ما قبل بالجامعات الثانيه يجي ويدرس فيها .. او ما جاب القدرات والتحصيلي
كما تعرفين ان الجامعات الثانيه تتطلب شروط ومعايير صعبه .. ( قدرات وتحصيلي وثانويه = درجه موزنه ) وبعد القبول من الصعب الواحد يختار تخصصه .. يروحون يختارون له تخصص ثاني جامعة محمد التخصص الواحد الي يبيه راح يدرسه و شروطها مقدور عليها وفوق ذا كله يقدر الي درس شرعي وندم انه يدرس بالجامعه هندسه .. انا اشوف انها زيها زي الجامعات برى ولا فيها ظلم من الدكاتره .. اما السعودي اذا صار دكتور قام يصعب الشي او يتعمد رسوم الي يدرسون عنده قدمي على كل مكان وشوفي وش راح يقبلك واختاري بينهم عذرا على الاطاله |
رد: اسألة المقابلة الشخصيه لجامعة الامير محمد
انا خااايفه يا m3golah_10-sane من اختبار المستوى
بالله اذا انت اختبرته علمنا بالتفاصيل شي من جد يخوف |
رد: اسألة المقابلة الشخصيه لجامعة الامير محمد
الاختبار ما يخوف .. مجرد بس تحديد المستوى .. اذا مستواك ضعيف بيحطونك بالمستوى الاول .. اذا ان مستوى حليو وفاهمه شوي بحطونك بالمستوى الثاني .. اذا مستواك حلو مره وينقصك بعض الاشياء بالكتابه بيحطونك بالمستوى الثالث
لان المستوى الثالث مهم مره بخصوص كيف تكتب عن موضوع معين او تقتبس شي بدون نسخ وتغير ببعض الكلمات كيف تكتب مقال باللغه الانجليزيه مرتب الافكار حنا ما تعودنا نكتب بالعربي وانا من الناس الي ما اعرف اعبر بالعربي خخخخخخخخخخخخخخ اذا باللغه العاميه اوكيه .. فاغلب الناس يجون المستوى الاخير ليتعلمو بعض المهارات اي سؤال عندك بس حطيه .. وانا برد عليك << قلب المنتدى سوالف |
رد: اسألة المقابلة الشخصيه لجامعة الامير محمد
طيبببببب اخوي عندي سؤال
كل من قالوله نسويلك مقابله شخصيه واختبارالبليسمنت معناه انه مقبول؟ |
رد: اسألة المقابلة الشخصيه لجامعة الامير محمد
اخوي يعني اذا كلموني عساس اجي للمقابله معناتها اقبلوني ؟؟
طيب فيه ناس يرفضونهم بعد المقابله؟؟ :) وشكرا |
رد: اسألة المقابلة الشخصيه لجامعة الامير محمد
الواحد يسوي الي عليه ويختبر ويوريهم مستواه .. بعدها هذا قرار جامعه .. على حسب علمي ان اغلب الي يقدمون مقبولين الا فئه قليله لا ادري ما الاسباب
|
| All times are GMT +3. الوقت الآن حسب توقيت السعودية: 10:54 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه