ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   منتدى طلاب و طالبات الجامعة العربية المفتوحة (https://vb.ckfu.org/forumdisplay.php?f=80)
-   -   استفسارت عن الجامعه قبل ما اسجل ..!! (https://vb.ckfu.org/showthread.php?t=25710)

انسانهـ 2009- 1- 3 12:48 PM

استفسارت عن الجامعه قبل ما اسجل ..!!
 
السلام عليكم ورحمة الله وبركاته ..

انا عندي كم استفسار عن الجامعه لاني ناويه اسجل فيهاا ..

ابي اسالكم عن المستقبل الوظيفي ..

يعني بالنسبه للادارة الاعمال اش المطلوب اكثر النظم الاداريه ولا الاقتصاد واش المجالات الي نقدر نشتغل فيها ..

وبالنسبه لتقنية المعلوماات ايضاا ..

واش الاصعب ادارة الاعمال ولا تقنية المعلومات وايهما افضل ومطلوب اكثر ..؟

ارجو تفيدوني ..^__^

بـــو أحــمــد 2009- 1- 3 08:50 PM

رد: استفسارت عن الجامعه قبل ما اسجل ..!!
 
و عليكم السلام و رحمة الله و بركاته

انسانهـ
إن شاء الله يفيدونك الأخوان و الأخوات

++c 2009- 1- 3 09:27 PM

رد: استفسارت عن الجامعه قبل ما اسجل ..!!
 
شوفي رح أجاوبك بشكل عام


بالنسبه للمستقبل الوظيفي هذا الشي مانقدر نحدده


لانه متغير مو ثابت


مثلا تخصص علوم حاسب عليه طلب هالأيام وعادي بعد خمس سنوات يكون سوق العمل مكتفي من هالتخصص


اذا أنتي حابه تطمني على المستقبل الوظيفي فيه طريقه


أنك تتصلي على الشركات وتسأليهم عن التخصصات المطلوبه بعد خمس سنوات وايش الي يحتاجوه من تخصصات


بس نصيحه أدخلي الشي الي تحبيه وصيري شاطره فيه بعدها لا تخافي على الوظيفه هي الي رح تجيلك


بالنسبه لتقنيه المعلومات وأداره أعمال ايش الأسهل


معروف أن تخصصات الأداره أسهل من تخصصات الحاسب


ولكـــن كونك بنت مجال تقنيه المعلومات بيكون أسهل لك في ناحيه التوظيف


صعب تكون البنت مديره في قسم او مراقبه عامه على موظفين <<< خبرك أحنا في السعوديه :cheese:


أتمنى من غيري يفيدك أكثر

موفقه ..:119:

روح الوفاء 2009- 3- 21 02:36 PM

رد: استفسارت عن الجامعه قبل ما اسجل ..!!
 
:d5:


:d5:

Mo0_0ony 2009- 5- 24 12:05 PM

رد: استفسارت عن الجامعه قبل ما اسجل ..!!
 
كان عندي نفس تساؤلك ... عن الادارة والتقنية واللي اعرفة ان التقنية اصعب بكثير من الادارة ...


طيب هل صحيح ان المنهج باللغة الانجليزية ؟؟

hassan1 2009- 6- 24 04:10 AM

رد: استفسارت عن الجامعه قبل ما اسجل ..!!
 
انا انصحك بصرف النظر عن الدراسه فيها


لان اعرف خريجين منها لم ينظر لشهادتهم غير المرمطه كل سنه بمبنى ومواد مالها دكاتره ومعتمدين على الفزعه

shooshoo 2009- 6- 27 09:10 AM

رد: استفسارت عن الجامعه قبل ما اسجل ..!!
 
يعني انتوو تنصحوون انو ماندخل الجااااااااااامعه..:c8:
واذا تنصحون كم ندفع؟؟؟؟لانو سمعت البنات السنه اللي فاتتانها بترم 50.000 فمدري ؟؟
وشهادتها معتمده ولا ؟؟؟

:mh19:

احلى ابتسامه 2009- 8- 18 01:32 PM

رد: استفسارت عن الجامعه قبل ما اسجل ..!!
 
انا ودي اسجل فيها
بس مادري اذا الشهاده معتمده اولا؟؟؟
واذا سجلت فيها بتوظف بشهادتها اولا

بليييييز ساعدونا

احلى ابتسامه 2009- 8- 18 01:36 PM

رد: استفسارت عن الجامعه قبل ما اسجل ..!!
 
وعندي بعد سؤال
ارامكو تقبل التوظيف بشهاددتها ولا؟؟؟

جـود 2009- 8- 24 10:01 PM

رد: استفسارت عن الجامعه قبل ما اسجل ..!!
 
السلام عليكم ،
اختي اذا على اعتمادها .. الكل يقول انها معتمده بكذا قسم بس مو كلها
يعني مثلا قسم الحاسب الالي اللي هو تقنيه المعلومات والحاسب معترف فيه ..
وأكيد على مدى خمس سنوات من الدراسه الا وهي معتمده !
انتي ادرسي وشدي حيلك و وكلي امرك لربك واذا على الوظيفه هذا رزق من ربي
ناس يتوظفون وناس لا ! وانا سمعت ان ناس تخرجوا من العربيه قسم تقنيه معلومات وتوظفوا =)
ما ابي منك الا الدعاء ان تتيسر اموري =)

مشوار الوله 2010- 3- 8 10:19 AM

رد: استفسارت عن الجامعه قبل ما اسجل ..!!
 
بصراحه انا الي اعرفه انه الجامعه معترفه فيها لدي وزارة التعليم العالي

وليست معترفه لدي أرامكوا ....بس الخبر هذا مش متأكد منه

واذا على الرسوم الاداريه اتوقع انها على حسب الماده الي راح تاخذينها

اتمني من الاعضاء الافاده اكثر والتوضيح

expatriate 2010- 3- 22 05:14 PM

رد: استفسارت عن الجامعه قبل ما اسجل ..!!
 
يسملو

بالتوفيق

الطموح‘ـة 2010- 5- 7 04:20 AM

رد: استفسارت عن الجامعه قبل ما اسجل ..!!
 
الجامعه العربيه معتمده بجميع تخصصآتهآ
والاسبوع الي رآح تم اعتمـآد باقي التخصصآت من قبل وزاره التربيه والتعليم العالي
وتم نششره بالجرآئد
اذا على الاعتماد < خلصصنآ من هالحكآيـه
الي تقول انهـآ الترم بـ 50,000 لا طبعـآ بالعكسس نظامها المادي يمشي ع حسب المواد واسعارها
واذا مو قادره بعد تدفعين في نظام تقسيط
اقتباس:

انا انصحك بصرف النظر عن الدراسه فيها
لان اعرف خريجين منها لم ينظر لشهادتهم غير المرمطه كل سنه بمبنى ومواد مالها دكاتره ومعتمدين على الفزعه

وانـا اعارضك بالفكره
الجامعه قويه بمناهجهآ بس لاتتكلم عن شي انت مادرسته او تاخذ من كلام غيرك
بس دآئمـآ عيبنآ اذا "ماوصلنا للي نبيه نرمي اللوم ع غيرنـآ"
هذا غير التخصصآت الجديده الي فتحت وماتوجد الا بالعربيـه نـآهيك باانهم كتبو بالعريض
انها بدئت تزاحم الجامعات الاخرى ..
..صرف النظر لمن لم يكن اساسا ناوي الدرآسـه فقط لمجرد اللهو !
اقتباس:

كان عندي نفس تساؤلك ... عن الادارة والتقنية واللي اعرفة ان التقنية اصعب بكثير من الادارة ...
طيب هل صحيح ان المنهج باللغة الانجليزية ؟؟

التقنيـه والاداره كلها بمستوى الصعوبه بس لازم الحظور والمذاكره ااول بااول
والمناهج كلها بالانقلش معاداا التخصصات التربيه بالعربي

soso1988 2010- 7- 9 10:27 PM

رد: استفسارت عن الجامعه قبل ما اسجل ..!!
 
انا انصح بعدم التسجيل فيها
لانها جامعه فاشله .. انا درست فيها 3 سنوات واللحين انسحبت ظلم بكل ماتحمله الكلمه من معنى
طبعا في التسجيل تلاقي المساعده وكلهم اذان صاغيه لكن وقت النتائج او تصحيح اغلاطهم الكثيره
مستحيل تلقين احد يرد عليك
استخيري والله يوفقك

soso1988 2010- 7- 9 10:31 PM

رد: استفسارت عن الجامعه قبل ما اسجل ..!!
 
اختي الطموحه انتي درستي فيها ؟
انا درست 3 سنوات تخيلي والان انسحبت لان لاوجود للانصاف فيها مطلقا
ولا حياه لمن تنادي طبعا
ادارتها فاشله بشكل رهييييييييييب
طبعا اذا تتحملي الشقى وحرق الدم والاعصاب سجلي فيها .. بس بيوم بتذكري كلامي وتندمي
مناهجها قويه لكن هذا بوحده مايكفي !
انا نسبتي بالثانويه 97.75
مع ذلك ماقدرت اكمل من الظلم مستحيل تاخذين حقك بالدرجات اسهل ماعندهم يحملوك الماده
طبعا هالمعاناه ماراح تحسي فييها الا بعد ماتنزلي مواد التخصص عشان لامجال للرجعه وكلها تخطيط طبعا
انا اتكلم من واقع تجربه مع تقنيه المعلومات والحاسب الالي

أمنية حياتي 2010- 7- 19 11:03 AM

رد: استفسارت عن الجامعه قبل ما اسجل ..!!
 
الاخت سوسو معقوولة نسبتها بهالقد ومنتي مسجلة العربية المفتوحة ؟ معقووووووولة ؟

طيب ليش ما سجلتي بالفيصل او قدمتي ع منح

اصلن لو كانت نسبتك بهالقد ما في مجال الواحد يدرس على حسابة

الا اذا كنتي ادبي فهذا شيء ثاني

برانكا 2010- 7- 19 06:22 PM

رد: استفسارت عن الجامعه قبل ما اسجل ..!!
 
السلام عليكم ورحمة الله وبركاته

أنا دخلت هالمنتدى عشان أسوي جوله على أقسام المعاهد لأني ناويه أسجل في معهد

بس شفت موضوعك وحسيت انه من الواجب أنبهك

أنا أدرس في الجامعة العربية المفتوحة من ثلاث سنوات

الجامعة معترف بها في وزارة التعليم العالي ومناهجها قوية وحلوة يعني تستفيدين من الدراسة فيها

لكن ... أنصحك ماتسجلين فيها دوري لك جامعة غيرها لأنهم نصابين

لو تدخلين على منتديات طلاب الجامعة العربية المفتوحة وتدخلين أقسام مواد التخصص بتقرين شكاوي الدنيا لأنهم يخلونك تدرسين عادي بس اذا دخلتي مواد التخصص تبدأ المشاكل لأنهم في رأيهم انك قطعتي مرحله وصعبه تتركين الجامعه

تخيلي اننا اغلبنا حملنا على مادة ومادتين والأسئلة صعبة مرة وتعجيزية والشرح موب ذاك الزود

يعني بصراحه خسارة فيها تعب وجهد وفلوس

أنا شخصياً بنسحب منها وادرس دبلوم لأن مافيه جامعه تقبلني

انتي الحقي على عمرك قبل ماتضيع سنينك فيها ودوري لك جامعه تقدر الجهد والتعب

جوري نجد 2010- 7- 22 06:13 PM

رد: استفسارت عن الجامعه قبل ما اسجل ..!!
 
بسم الله الرحمن الرحيم..
اولا من ناحيه الاعتراف فالجامعه معترف فيها من وزاره التعليم العالي ومن ديوان الخدمه المدنيه...
ثانيا الدراسه بالجامعه قوريه ويبيلها جهد من الطالب يعني ..
في مواد ماتحظرين غير مرة كل اسبوعين فلازم اول ماترجعين البيت ترجعين تدرسين كل اللي اخذتيه بذاك اليوم..
اغلب الطلاب بالجامعه يروحون المحاضرة ومايفتحون الكتاب الا المحاضرة اللي بعدها هذا غلط.!!!!
وبالتوفيق للجميع.....

gege26 2010- 7- 23 04:55 AM

رد: استفسارت عن الجامعه قبل ما اسجل ..!!
 
ابتعدوا عن الجامعه العربيه لانها اداريا فاشله هذا غير ان ادارتها في الكويت يعني لو تجين تستفسرين عن اي شي ماراح احد يقدر يفيدك وتدار الجامعه من الكويت وانا ضاع من عمري سنتين والحين ابنسحب خلاص لاني تعبت بصراحه تخبط اداري غريب عمرك شفتي جامعه تفتحين سجلك الاكاديمي اللي فيه الدرجات حقتك وتلقينها f وبعد يومين ثلاثه تطلع c+ او تلقين درجتك b+ وبعد كم يوم تدخلين تلقين c او تدخلين وتلقين f وانتي متاكده انك حاله عادي ياحبيلها الجامعه تمزح مع الطلاب وتفرفش معاهم جامعه مهزله وربي وانا نصحتك واذا تبين تجربين الله يوفقك بس بتذكرين كلامنا بالتوفيق

جوري نجد 2010- 7- 24 08:13 PM

رد: استفسارت عن الجامعه قبل ما اسجل ..!!
 
لكل جامعه ايجابيات وسلبيات ....
ونظام الجامعه يجبر الطالب انه يدرس بنفسه ..
لان لقاءه بالدكتور او الكوردنيتر مرة كل اسبوعين .....
احنا ماتعودنا على هذا النظام بالمدارس عشان كذا بنلاقي صعوبه بالبدايه لكن بعدين بنتعود وبنعرف وين النقاط المهم واللي تكرر غالبا .....

نـورهـ 2010- 7- 31 09:50 PM

رد: استفسارت عن الجامعه قبل ما اسجل ..!!
 
الله يعين ؟؟
ثناقضات x تناقضات
وأنا أشوف الي بيدرس أكيد لازم يعتمد على مجهوده الشخصي
سواء فيها او في غيرها ؟
بس الي يقهر بالموضوع انكـ تدفع مبلغ مش قليل وبالآخر تنصدم
والي حسيته من كلامك ان نظامها نفس نظام جامعة فيصل الدكتور يدخل يسدح
محاضرته يطلع فهمتي مافهمتي مو مهم مشكلتكـ ؟؟

..

الله يوفقكم جميعـــــــــــــــــــــــــــا يارب

جوليا2009 2010- 8- 7 12:07 PM

رد: استفسارت عن الجامعه قبل ما اسجل ..!!
 
gege26 + برانكا + soso1988 وغيرهم بسألكم انتم انسحبتوا من البكالوريوس واعتراضكم عليه صح
طيب دبلوم التربيه اللي مدته سنه وش رايكم فيه ابي ادخله بس من كلامكم عن الجامعه العربيه صراحه خفت يعني صعبه اضيع سنه او اكثر وانا ابي الدبلوم علشان التوظيف في الخدمه المدنيه
وش تنصحونني فيه
واذا احد يعرف دبلوم تربيه غير اللي في الجامعه العربيه ومعترف فيه من الخدمه المدنيه يكتبه لي

gege26 2010- 8- 9 10:55 PM

رد: استفسارت عن الجامعه قبل ما اسجل ..!!
 
اقتباس:

المشاركة الأصلية كتبت بواسطة جوليا2009 (المشاركة 1357563)
gege26 + برانكا + soso1988 وغيرهم بسألكم انتم انسحبتوا من البكالوريوس واعتراضكم عليه صح
طيب دبلوم التربيه اللي مدته سنه وش رايكم فيه ابي ادخله بس من كلامكم عن الجامعه العربيه صراحه خفت يعني صعبه اضيع سنه او اكثر وانا ابي الدبلوم علشان التوظيف في الخدمه المدنيه
وش تنصحونني فيه
واذا احد يعرف دبلوم تربيه غير اللي في الجامعه العربيه ومعترف فيه من الخدمه المدنيه يكتبه لي

بصراحه اختي انا مادري عن الدبلومات فيها كيف بس اناتكلمت عن نظام البكالوريوس فيها ضياع وانصح اي احد يبتعد عنها لانها مضيعه للوقت وللفلوس واهم شي للجهد والنفسيه تصير دمار فعلا واخيرا بلا فائده وزي ماحكيت تدار من الكويت يعني انتي في بلد والاداره في بلد اخرى وعشان تستفسرين عن اي شي بتلقين الموظفين بالرياض مايعرفون وش السالفه حتا الدرجات ترصد في الكويت والاساله تجي من الكويت وتخبط في الدرجات رهيب ممكن يحالفك الحظ بماده او اثنين لكن اكيد بتذوقين الظلم فيها وعشان كيذا جالسه انصحكم وبس واللي يبي يجرب فيها يدخلها اهم شي اني حكيت كلمت الحق وياليت لقيت احد ينبهني قبل مادخل ومن ناحية الدبلوم انصحك تدخلين منتدى الجامعه وتسالين عن الدبلوم التربوي لاتخافين الحين الطلاب معد صاروا يضحكون على بعض لو انه سئ زي البكالوريوس بيقولون لك اساليهم وانشاء الله ماراح يقصرون معك وبالتوفيق

الطالبة المعذبة 2010- 9- 5 06:39 AM

رد: استفسارت عن الجامعه قبل ما اسجل ..!!
 
أنا بعد خيتو ما انصحك في الجامعة المفتوحة ابداااااااا واتحدث من واقع تجربه مدتها سنة ونص الوضع في المفتوحة لايطااااااق ظلم مو طبيعيه ومافي احد يسمعك واتوقع لو تكلمين أصمخ كان سمعك ,,, بضيعين من عمرك ووقتك ودراهمك على الفاضي
انا ادرس فيها وافكر بالانسحاب ... وترى الانسحاب طيب




نصيحة
اجلسي في البيت ولاتروحي لهم
ما انكر انها قووووووية ومناهجة رووووعة من اقوى المناهج في المملكة بس هذا مو كفايه العمر يضيع على الرسوب ليه

تحياتي

جوليا2009 2010- 9- 5 10:58 PM

رد: استفسارت عن الجامعه قبل ما اسجل ..!!
 
انا اتكلم عن دبلوم التربيه هل فيه احد مجربه
البكالوريوس كذا بكل الجامعات صعب والرسوب فيه كثيرر
انا ابي تصير شهادتي تربوية بس

Gotcha 2010- 9- 15 02:36 AM

رد: استفسارت عن الجامعه قبل ما اسجل ..!!
 
اذا على العمر يضيع بالرسوب الله يسلم جامعة الملك فيصل ما تقصر بالاحباطات .... :(



طيب بنااات بسالكم عن باكالريوس التربية الخاصة ....... هل هو قوي هل له مستقبل وظيفي ...؟؟

الاغلب اللي انسحبوا وش كاااانت تخصصاتكم ؟؟

هل باكالريوس التربية الخاصة مو الدبلوووووم نفس الاقسام الثانية فيه رسوب .....للعلم انه يختلف عن الاقسام الثانية بالجامعة انه لغة المناهج عربية مو انجليزية .....


All times are GMT +3. الوقت الآن حسب توقيت السعودية: 09:06 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه