ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   منتدى الكلية الجامعية بالجبيل (https://vb.ckfu.org/f85)
-   -   هل التسجيل في كلية الجبيل الجامعية بالواسطة؟ (https://vb.ckfu.org/t203365.html)

S.Ebrahim 2011- 7- 23 11:03 AM
هل التسجيل في كلية الجبيل الجامعية بالواسطة؟
 
السلام عليكم ورحمة الله وبركاته

الموضوع باين من عنوانه

هل للواسطة دور في قبول الطلاب في الكلية الجامعية ؟؟

لاني كنت جالس مع الشباب وقالي واحد من اخوياي اذا ماعندك واسطة لاتسجل في الكلية الجامعية وانصحك بالكلية الصناعية <<< هل الكلام ده صحيح

وياريت من الي انقبلو في الكلية الجامعية في السنوات السابقة انهم يقولو لنا كم كانت نسبتهم الموزونة ؟؟ وكم درجاتهم في الرياضيات والانجليزي ؟؟ وهل دخل بواسطة او لا <<بصدق وصراحة

ارجو الرد في اسرع وقت لان التسجيل والتعديل على البيانات بينتهي اليوم

وششكرا

T7mLTeK 2011- 7- 23 11:40 AM
رد: الواسطة في الكلية الجامعية
 

وعليكم السلام ورحمة الله وبركاته

الكلام غير صحيح

قبول الطلاب يتم حسب النسب الأعلى فالأعلى
والأولوية لطلاب وطالبات الجبيل ومن ثم الأقرب فالأقرب
وذلك لعدم توفر السكن سواء للطلاب أو الطالبات

لا تصدق كلام "فلان قالي، فلان يقول خويه، .. إلخ"
إشاعات ما لها آخر

أما النسبة الموزونة تختلف من عام إلى عام حسب عدد المسجلين
وتعتمد على درجاتهم في الثانوية العامة والتحصيلي والقدرات
ما تستفيد من النسب المقبولة للعام الماضي شيء

اتمنى لك التوفيق

عـزام الشمري 2011- 7- 23 02:18 PM
رد: الواسطة في الكلية الجامعية
 
مثل كلام الاخ تحملتكـ وماعندي اي زياده


موفق وفالك القبول

T7mLTeK 2011- 7- 23 02:34 PM
رد: هل التسجيل في كلية الجبيل الجامعية بالواسطة؟
 

تم تعديل عنوان الموضوع ليتناسب مع محتواه

S.Ebrahim 2011- 7- 23 04:34 PM
رد: هل التسجيل في كلية الجبيل الجامعية بالواسطة؟
 
مشكورين ورحم الله والديكم

الحممد الله الحين ارتحت .. والله من اول ماسمعت الكلام وانا قاعد على اعصابي ابي اتأكد منه هل هو صحيح والله لا والحممد الله طلع الكلام ده غير صحيح ( اشاعات )

ومشكورين مرة اخرى واذا ربك كاتب لي نصيب في الجامعة راح انقبل وإن شاء الله يكون لي نصيب فيها

ياااارب وفق الجميع لما تحب وترضى

Hak 2011- 7- 23 08:40 PM
رد: هل التسجيل في كلية الجبيل الجامعية بالواسطة؟
 
أنا من مدينة سيهات وانقبلت في الدفعة الثانية من السنة الماضية

ودرجاتي القدرات 82 التحصيلي 73 المدرسة 92,48

وانقبلت بدون واسطة

S.Ebrahim 2011- 7- 23 10:28 PM
رد: هل التسجيل في كلية الجبيل الجامعية بالواسطة؟
 
اقتباس:
المشاركة الأصلية كتبت بواسطة Hak (المشاركة 4062366)
أنا من مدينة سيهات وانقبلت في الدفعة الثانية من السنة الماضية

ودرجاتي القدرات 82 التحصيلي 73 المدرسة 92,48

وانقبلت بدون واسطة
ياهلا والله اخ ( Hak ) ماشاء الله درجاتك حلوة .. وعقبال ما تتخرج بامتياز ( A+ )

يعني كلية الجبيل الجامعية فيها دفعات مو بس دفعة وحدة

ومشكوور يالغالي على المعلومات

ماجستير رياضيات 321 2011- 7- 24 02:22 AM
رد: هل التسجيل في كلية الجبيل الجامعية بالواسطة؟
 
شوف بقولك بالشي اللي انا اشوفه ..ايه والله اغلب القبول للبنات بالواسطه والله بنت خالتي دخلت بالواسطه..اما انتوا يالعيال ماادري بس ترى الكليه الجامعيه تقبل الساقط واللاقط ..لاتحاتي وتشيل هم ان شاء الله بتنقبل ...والواسطه لاعبه دور بالكليه ..اتمنى لك التوفيق

S.Ebrahim 2011- 7- 24 02:37 PM
رد: هل التسجيل في كلية الجبيل الجامعية بالواسطة؟
 
اقتباس:
المشاركة الأصلية كتبت بواسطة احلى دكتوره (المشاركة 4064156)
شوف بقولك بالشي اللي انا اشوفه ..ايه والله اغلب القبول للبنات بالواسطه والله بنت خالتي دخلت بالواسطه..اما انتوا يالعيال ماادري بس ترى الكليه الجامعيه تقبل الساقط واللاقط ..لاتحاتي وتشيل هم ان شاء الله بتنقبل ...والواسطه لاعبه دور بالكليه ..اتمنى لك التوفيق

هههه .. والله طلعت نتايج القبول وماقبلوني دخلت على الموقع
http://89.237.132.101/acceptedS/login.aspx
وقالولي نأسف لم يتم قبولك .. بالتوفيق غاليتي ( احلى دكتورة)

ماجستير رياضيات 321 2011- 7- 24 02:43 PM
رد: هل التسجيل في كلية الجبيل الجامعية بالواسطة؟
 
اقتباس:
المشاركة الأصلية كتبت بواسطة s.ebrahim (المشاركة 4066499)
هههه .. والله طلعت نتايج القبول وماقبلوني دخلت على الموقع
http://89.237.132.101/accepteds/login.aspx
وقالولي نأسف لم يتم قبولك .. بالتوفيق غاليتي ( احلى دكتورة)
ويـــــــــــــــــــــاك ان شاء الله ..بس يااخوي لاتخاف ترى الكليه قبولهم على اكثر من دفعه اذا مااقبلوكم هالمره بيقبلونكم الدفعه الثانيه واذا مااقبلوك الدفع الثانيه بيقبلونك الدفعه الثالثه ..لين رمضان يقبلون وان شاء الله بيقبلونك..
طيب وش رايك تروح الجامعه وتكلمهم ؟؟ روح لشوؤن الطلاب وقول ماقبلتوني وفي دفعا ثانيه وممكن بتقبلوني ولالا ؟؟ فرع الطلاب مررررررررره طيبين ومتفاهمين عكس الطالبات
ههههههه اتمنى ماادوخت راسك وانا وخيتك

لحظه صمت ! 2011- 7- 24 03:49 PM
رد: هل التسجيل في كلية الجبيل الجامعية بالواسطة؟
 
انا انقبلت بس ملفي بالدمام

وصراحه ماشوف شي مغري في الكليه :mh12:

الـوآفـي 2011- 7- 24 03:50 PM
رد: هل التسجيل في كلية الجبيل الجامعية بالواسطة؟
 
طيب انا درجآتي فالثانوية (( 94.68% ))
والقدرات 74%
والتحصيلي 68%
والرياضيات 96
والانقليزي 89
ودخلت على رابط القبول وماقبلوني :Cry111:

ابغى اعرف فيه امل اني انقبل ولا لا

:mh318:

عـزام الشمري 2011- 7- 24 03:51 PM
رد: هل التسجيل في كلية الجبيل الجامعية بالواسطة؟
 
^^^^

وش تخصصكـ في الدمام

عـزام الشمري 2011- 7- 24 03:54 PM
رد: هل التسجيل في كلية الجبيل الجامعية بالواسطة؟
 
اقتباس:
المشاركة الأصلية كتبت بواسطة الـوآفـي (المشاركة 4066786)
طيب انا درجآتي فالثانوية (( 94.68% ))
والقدرات 74%
والتحصيلي 68%
والرياضيات 96
والانقليزي 89
ودخلت على رابط القبول وماقبلوني :Cry111:

ابغى اعرف فيه امل اني انقبل ولا لا

:mh318:

اعرف شخص نسبته المركبه 81% ولم يتم قبوله :icon9:

لكن اتمنى لك التوفيق والقبول في الدفعات القادمه

الـوآفـي 2011- 7- 24 03:57 PM
رد: هل التسجيل في كلية الجبيل الجامعية بالواسطة؟
 
طيب اقدر اعرف كيف احسب النسبة المركبة

الله يستر والله اني خآيف انهم ما يقبلوني :mh12:

هدوء البنفسج 2011- 7- 24 04:41 PM
رد: هل التسجيل في كلية الجبيل الجامعية بالواسطة؟
 
احس ماعندي امل اني انقبل هناا :bawling:

اقول هذي بس الكلية الجامعية صح

مالها دخل بالقبول بالمعهد << ولا انا غلطانة

¬»ģє6άř●● 2011- 7- 24 04:43 PM
رد: هل التسجيل في كلية الجبيل الجامعية بالواسطة؟
 
^
الا بالاعلان مكتوب نتائج الكليات والمعاهد بالجبيل

S.Ebrahim 2011- 7- 24 04:53 PM
رد: هل التسجيل في كلية الجبيل الجامعية بالواسطة؟
 
اقتباس:
المشاركة الأصلية كتبت بواسطة احلى دكتوره (المشاركة 4066535)
ويـــــــــــــــــــــاك ان شاء الله ..بس يااخوي لاتخاف ترى الكليه قبولهم على اكثر من دفعه اذا مااقبلوكم هالمره بيقبلونكم الدفعه الثانيه واذا مااقبلوك الدفع الثانيه بيقبلونك الدفعه الثالثه ..لين رمضان يقبلون وان شاء الله بيقبلونك..
طيب وش رايك تروح الجامعه وتكلمهم ؟؟ روح لشوؤن الطلاب وقول ماقبلتوني وفي دفعا ثانيه وممكن بتقبلوني ولالا ؟؟ فرع الطلاب مررررررررره طيبين ومتفاهمين عكس الطالبات
ههههههه اتمنى ماادوخت راسك وانا وخيتك
إن ششاء الله ربي يسسمع منك وانقبل في الدفعة الثانية ... بس متى راح تطلع الدفعة الثانية ؟؟؟ لأن انا تم قبولي في جامعة الملك فيصل بالاحساء ( طب بيطري ) ومتردد اسلم الاوراق والله لا ..

لالا بالعكس مادوختي راسي بل ريحتيني يوم قلتي ان في دفعة ثانية وثالثة

هدوء البنفسج 2011- 7- 24 04:56 PM
رد: هل التسجيل في كلية الجبيل الجامعية بالواسطة؟
 
طيب سؤال ثااني
المعاهد والكلية
طيب كيف نعرف احنا مقبولين بالجامعة ولا العهد طبعا للمقبولين
يكتبون لهم

احنا لما جينا نسجل ماخترنا الكلية الجامعية ولا المعهد كيف ؟؟!

S.Ebrahim 2011- 7- 24 04:58 PM
رد: هل التسجيل في كلية الجبيل الجامعية بالواسطة؟
 
اقتباس:
المشاركة الأصلية كتبت بواسطة لحظه صمت ! (المشاركة 4066777)
انا انقبلت بس ملفي بالدمام

وصراحه ماشوف شي مغري في الكليه :mh12:
هـلآآ والله فيك اخوي ( لحظة صمت ) اذا انقبلت في الجبيل الجامعية او الصناعية انصحك انك تروح لان مستقبلها مضمون والشركات تجي تاخذك قبل ماتتخرج من الكلية بس اهم شي معدلك يكون 3 وفوق
طيب انت وش قبلوك في الدمام ؟؟

لحظه صمت ! 2011- 7- 24 04:58 PM
رد: هل التسجيل في كلية الجبيل الجامعية بالواسطة؟
 
تخصصي هندسه بالدمام

واتوقع قبولي بفيصل بنفس الشي بعد او صيدله

هل كليه الجبيل الجامعيه تستحق مشوار 80 كيلو يوميا ؟ :(204):

S.Ebrahim 2011- 7- 24 05:01 PM
رد: هل التسجيل في كلية الجبيل الجامعية بالواسطة؟
 
اقتباس:
المشاركة الأصلية كتبت بواسطة هدوء البنفسج (المشاركة 4066951)
احس ماعندي امل اني انقبل هناا :bawling:
تفائلو بالخير تجدوه
اقول هذي بس الكلية الجامعية صح
هذي نتائج القبول حق الصناعية والجامعية
مالها دخل بالقبول بالمعهد << ولا انا غلطانة
ونتائج المعهد ما ادري عنها بس اتوقع معاهم .. وبــآلتوفيق ..

S.Ebrahim 2011- 7- 24 05:05 PM
رد: هل التسجيل في كلية الجبيل الجامعية بالواسطة؟
 
اقتباس:
المشاركة الأصلية كتبت بواسطة هدوء البنفسج (المشاركة 4067012)
طيب سؤال ثااني
المعاهد والكلية
طيب كيف نعرف احنا مقبولين بالجامعة ولا العهد طبعا للمقبولين
يكتبون لهم

احنا لما جينا نسجل ماخترنا الكلية الجامعية ولا المعهد كيف ؟؟!
كيف ماخترتي الكلية الجامعية او المعهد ؟؟ يعني تسجيل البنات يختلف ؟؟
انا لما سجلت خيروني بين ثلاثة خيارات ( الجبيل الجامعية - الجبيل الصناعية - المعهد )

انتي ماخيروك بين الثلاث ؟؟

ماجستير رياضيات 321 2011- 7- 24 05:06 PM
رد: هل التسجيل في كلية الجبيل الجامعية بالواسطة؟
 
هـــــــــــدوء البنفسج ..المعهد لطلاب اما الطالبات مالهم الا الكليه الجامعيه ..

ليه ماتدخل طب بيطري وتدرس واذا جبت معدل حلووو حل ولجامعه الطب احسن من الجامعيه

وانت ياللي انقبلت هندسه ليه ماتروح وتسلم اوراقك عصفور باليد وعلى عشره على الشجره انت استخير والخيره فيما اختارها الله

S.Ebrahim 2011- 7- 24 05:08 PM
رد: هل التسجيل في كلية الجبيل الجامعية بالواسطة؟
 
اقتباس:
المشاركة الأصلية كتبت بواسطة لحظه صمت ! (المشاركة 4067021)
تخصصي هندسه بالدمام

واتوقع قبولي بفيصل بنفس الشي بعد او صيدله

هل كليه الجبيل الجامعيه تستحق مشوار 80 كيلو يوميا ؟ :(204):
مبرووك يالغالي بس انا اقول ان هندسة الجبيل الجامعية افضل بكثير من هندسة الدمام لأن مناهج الجبيل مقاربة لمناهج جامعة الملك فهد ( البترول ) .. وهي تستحق هالمششوار
ومايحتاج تضرب هالمشوار يوميا لان الكلية عندهم سكن على ما اعتقد

الـوآفـي 2011- 7- 24 05:08 PM
رد: هل التسجيل في كلية الجبيل الجامعية بالواسطة؟
 
طيب متى تطلع اسماء المقبولين في الكلية الجامعية ,.؟؟

S.Ebrahim 2011- 7- 24 05:11 PM
رد: هل التسجيل في كلية الجبيل الجامعية بالواسطة؟
 
كيف يعني اذا جبت معدل حلو احول لكلية الطب؟؟ انا سمعت انك ماتقدر تحول من طب بيطري الى طب بششري

S.Ebrahim 2011- 7- 24 05:16 PM
رد: هل التسجيل في كلية الجبيل الجامعية بالواسطة؟
 
اقتباس:
المشاركة الأصلية كتبت بواسطة الـوآفـي (المشاركة 4067080)
طيب متى تطلع اسماء المقبولين في الكلية الجامعية ,.؟؟

النتايج طلعت اليوم الي انقبل رسلو اليه رسايل على الجوال
وهذا رابط النتايج http://89.237.132.101/acceptedS/login.aspx

Hak 2011- 7- 24 05:17 PM
رد: هل التسجيل في كلية الجبيل الجامعية بالواسطة؟
 
لا تستعجلو توكم في بداية القبول

Saint Laurent 2011- 7- 24 05:29 PM
رد: هل التسجيل في كلية الجبيل الجامعية بالواسطة؟
 
من جد متى نتايج القبول للدفعه الثانيه

S.Ebrahim 2011- 7- 25 09:41 PM
رد: هل التسجيل في كلية الجبيل الجامعية بالواسطة؟
 
اقتباس:
المشاركة الأصلية كتبت بواسطة hak (المشاركة 4067123)
لا تستعجلو توكم في بداية القبول
هلا والله بالغالي
اخوي انت متى تم قبولك في الكلية الجامعية في الفترة الثانية بعد ماسلمو الدفعة الاولى الاوراق والله قبل ؟؟


All times are GMT +3. الوقت الآن حسب توقيت السعودية: 06:21 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه