|
رد: لبس الرياضة؟؟
:s12:
ترى الرياضة ماهي شي حرام << حرام ومفسده :000: ..ليه اهي بتسوي رياضة ولا بترقص !!! |
رد: لبس الرياضة؟؟
مـآ توقفـت ع ـآلـآهـآلي بسس!! يمــكن تتــع ـرض ـآلـبنت لــظروف صــح ـيه أو بع ـضهن مــتزوج ـه وح ـآمل وتتـغ ـيب مـج ـبوره تضيع منهـآ ـآلـدرج ـآت وين تـع ـوضهـآآ :/ هــو صــحيح ح ـلو ريــآضــه وليـآقـه و.........ـآلـخ بس آللي تـبي آلـرششـآقـه تـدلهـآ :d,بدل تـج ـبر ع ـليهآ كـ منــهج بـآلمــخ ـتصر آلمــفيد أششـوف بلـآهـآ يكـون أفـــضل ..:119: |
رد: لبس الرياضة؟؟
صبايا لا تتنازلون ع الحصص ذي , والله انها تغيير جو بلا القرف اللي عندنا بكلية الاداب
وععععععععععععععععععععععععععععع الين الليل يا حضكم بس |
رد: لبس الرياضة؟؟
اقتباس:
معليش بس بعلق نيابة عنه وش المفاسد بنظرك بالرياضه هاه ؟؟؟ ياخي متى تبطلون تتحكمون في الدوله يا خي بسببكم صرنا دول عالم ثالث واحنا نملك اكبر مخزون نفط بالعالم يعني عندنا مقومات ومع كذا دول عالم ثالث ليه بنظرك بسببكم ياللي حارمين البنت من ابسط الاشياء عطني آيه او حديث يقول ان الرياضه حرام ياخي الصحابيات كانو يتسابقون مع الرسول ومع الصحابه انتو لمتى فاهمين ان الدين تعصب ؟؟ وبعدين ليه تقول عنه تفكير علماني لايكون طالب بفصل الدين عن السياسه وانا مانيب داريه اقول الخلا بس ان كان فيكم قوه وشجاعه ورجوله روحو الحد الجنوبي وحاربو مو تتفلسفون ع البنات وحصه رياضه والله لو الواحد قالكم روحو حاربو انكم تقمطون ام العافيه فالحين بالكلام والتأمر اترك عنك بس اي والله والمصيبه الواحد لا تزوج له وحده ثانيه قال والله الاولى دبه ومااااااااش ماهيب رشيقه وطلع فيها 600 مليون عذروب ياخي خلها تشغل نفسها بالرياضه قدام الله وخلقه احسن مما تشغل نفسها بالاعجاب والحب والمخاواه و المكالمات والخرابيط ومثلك عارف ذي الامور |
رد: لبس الرياضة؟؟
مشاعل حبيبتي،،
التطور والتحضر مو على حصتين رياضة وحقوق مدري وش هي تطالبين فيها؟ مثل ايش محرومين منها احنا البنات ؟! التحضر فعلاً أخلاق وعقل وعلم.. مو مهم نصير من الدول الأولى ولا الثالثة ولا العاشرة.. أنتي ف النهاية وش بتصيرين له ؟! كنتي هنا ولا هناك.. إذا كنتي نفس الشخص ونفس أسلوب الحياة .. ما تفرق إذا كنتي بالأولى ولا الثالثة!! وكون وجودك ف الأولى ما يعني نجاح حياتك ع الاطلاق! ولا يعني يا حبيبة وجودك ف الثالثة -على كلامك- إنك في ظروف معيقة لكل نجاحات وتطور لذاتك ولبلدك! ثاني شي.. أبي أصحح معلوماتك: اقتباس:
الصحابيات ما كانوا يحتكون مع الصحابة ف الشارع إلا ويلصقون ف الجدران حتى يبتعدون عن الرجال -وهم صحابة- قدر الإمكان.. حتى إن غبار الجدار يلتصق بعباياتهن رضي الله عنهن جميعاً.. فكيف تقولين يتسابقون معهم!!!! الرسول سابق عائشة رضي الله عنها وهي زوجته.. لكن مو قدام الصحابة!! وهم في طريقهم للمدينة بعد ما انتهوا من الغزوة أمر الصحابة أن يتقدمون .. ثم تسابق مع عائشة رضي الله عنها وصلى الله على حبيبنا لوحدهم.. كوني أكثر هدوء ف التحاور يا جميلة.. وكوني مقتنعة باللي تقولينه! |
رد: لبس الرياضة؟؟
سوري داخله عرض بينكم بس انا عندي كومنت بسيط على كلام الأخت عايشة ..
التطور والتحضر مو على حصتين رياضة وحقوق مدري وش هي تطالبين فيها؟ << طبعا اكيد ان التحضر والتطور مابيوقف على حصتين رياضة بس هذي من ابسط ابسط الحقوق اللي محد له حق يتدخل فيها او يعترض عليها .. وتصير عيب وحرام :000: عند بعض الناس |
رد: لبس الرياضة؟؟
هلا حبيبتي..
معليش عذريني على كلامي.. لكني ماني فاهمة ليش تسمونها حقوق ؟ وش دخل ؟! بعدين الرياضة ما يحتاج لها حصص وو مدري ايش ودرجات ! ما تسوى! ولا الكل يرغب بالشي هذا -بغض النظر إذا كان عندها ظروف أو لا- وأحس شكلنا بيصير سخيف جداً وكل وحدة تناقز يمين يسار وهوبة ويلااا! خلي عنك.. والله ف البيت تاخذين راحتك.. وحتى ف النادي ما فيه لا درجات تخسف بك ولا مدربة تناحسك مرات! وبتكون حريصة على صحتك أكثر من المدربة اللي حريصة على -درجاتك-! والحصص اللي -لو- كانت في الكلية بتكون فقط تمارين وو.. لكنها مش خاصة للتنحيف ومعروفة التمارين الخاصة بالتنحيف والتمارين العادية اللي ممكن تكون يومية أو أسبوعية.. تقولين ليه؟ لأن الكلية ما يعتبرون نفسهم في نادي! عشان كذا اللي تقول عشان نضعف ... تراها مهيب ضاعفة لو بتعتمد على تمارينهم وعلى حصصهم الرياضية!! وبعد الحصة تروح للكفتيريا وشسمه .. وتملي بطنها! |
رد: لبس الرياضة؟؟
[align=center]
اقتباس:
ههههههههههههههههه :hahahahahah: بس حقيقة جملة معبرة قهر مالحقت على الموضوع الا متأخر بس يالله اسمعوني وانا اخوكم الرياضة ككل حلوة ومفيدة ولاهي حرام ولا شي بس البنات لهم ضع والشباب لهم وضع لأن بعض الرياضات ماتليق في البنات خاصة انها تعتمد على القوة البدنية والعضلات والخشونة وهذه تفسد أنوثة البنت يعني مثلا ينفع البنت تقعد تناقز زي المصروعه على قولة اختي الكريمة ! عز الله طارت الفطرة السليمة اكيد ماينفع . بعدين هاذي تجر عادات سلبية للبنت حتى على حياتها الاجتماعية بدون ماتحس واسمعوا الكلام مني , ووو معظم النار من مستضغر الشرر , اعيد واقول أنا أأيد الرياضة وبقوة للبنات بس اهم شئ مايترك الحبل على الغارب ويكون لأهل الصلاح دور وحكم حتى ماتكون الرياضة المفيدة باب لفتنة لها اهداف من الخارج (ممكن) .. وماتخفى علينا فتن الليبرالية وطقتهم ببلادنا الحبيبة و الله يكفينا وياكم شرهم ويفضحهم وأن ويرد كيدهم بنحورهم ويخذلهم [/align] |
| All times are GMT +3. الوقت الآن حسب توقيت السعودية: 03:04 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام