ملتقى طلاب وطالبات جامعة الملك فيصل,جامعة الدمام - أيّ استفسار خاص بكلية الجبيل الجامعية .. هنا

- منتدى الكلية الجامعية بالجبيل (https://vb.ckfu.org/forumdisplay.php?f=85)

رد: أيّ استفسار خاص بكلية الجبيل الجامعية .. هنا

اقتباس:

المشاركة الأصلية كتبت بواسطة shad (المشاركة 6877624)

موعد حضوري لهم كاتبينه بتاريخ ٨/١٠ يعني الاحد

لو حقين يوم السبت كلهم حطوا الرغبه الأولى تصميم داخلي
ممكن يروح علي التخصص وما اقدر اختاره بسبب الامتلاء ؟ :icon9:

ولا يمنعونهم انهم يغيرون ترتيب تخصصاتهم اللي اختاروها بالموقع :looking_anim:؟

وبعدين ترتيب ايام المقابلات على حسب ايش ؟ مو على حسب المدرسه! هل هو على حسب النسب الاعلى؟

+هم يختارون لي الجدول حقي و ما اقدر اغيره او اخلي يوم اوف ؟
+ تسليم مفتاح اللوكر اقدر اختار مين ابغى معي باللوكر نفسه ؟ او حظك نصيبك :(284): < من اللحين تحاتي :biggrin:

بالنسبة للتخصصات ماتختارين التخصص إلا بعد ماتجتازين السنة التحضيرية مو وقت التسجيل
مدري هذا على أيامنا :biggrin: لاتخافين مو فايتك شي إن شالله هم بيفتحون المجال للطالبات بالتسجيل إلى الفترة المحددة بعدين يعلمونك أخر شي إذا أنت مقبوله أو لا هذا على وقتي أذكر طلبو منا نهاية السنة التحضيرية نختار التخصص لمين خلصو من كل البنات بعدين بدو ينقحون:biggrin:

وأيام المقابلات تترتب على حسب النسب يعني يبدون بالي نسبهم عالية بعدين تحت

السنة التحضيرية هم يرتبون لك جدول مستحيل يصير لك أف لأن مودكم بتكون كثيرة أنا مو قصدي أخوفك صح كثيرة بس بتصير سهله إن شاء الله إذا شديتي حيلك بس إذا تخصصت أنت تسوين جدولك

بالنسبه للوكر ههههههه وش قصدك يعني بتكونون بنتين تتشاركون بلوكر واحد هههههه من كبر اللوكر عاد ترا رخيص بالترم 25 ريال بس وبالسنة 50 ريال

إلا إذا كان قصدك اللوكر الصغير الي تحته لوكر ثاني طويل هذا اللوكر خاص لبنات التصميم الداخلي يعني محد يقدر يستأجره غيرهم

رد: أيّ استفسار خاص بكلية الجبيل الجامعية .. هنا

اقتباس:

المشاركة الأصلية كتبت بواسطة آسم العضو (المشاركة 6878012)

بسم الله الرحمن الرحيم

السلام عليكم ورحمة الله وبركاته

للاسف انا سجلت في الجامعية بعدين غيرت وسجل في الصناعية <<< نظام سيء انك تسجل في وحدة بس

المهم قبلتني لكن هل اقدر انقل للجامعية يعني بعد السنة التحضيرية .؟

وفيصل لو رحتها هل اقدر انقل للجامعية .؟

بانتظار الرد

أنا أخوي كان بالصناعية وكان نظامهم سيء جدا بعكس الجامعية وحاول ينقل للجامعية بس ماقبلوه مدري ليش المهم أنا أنصحك حاول تنقل للجامعية لأن نظامهم مره حلو وقوي

رد: أيّ استفسار خاص بكلية الجبيل الجامعية .. هنا

اقتباس:

المشاركة الأصلية كتبت بواسطة medoo711 (المشاركة 6878657)

سلام عليكم ..

اخوي انا قدمت على كلية الجبيل الجامعية لكن للأسف ما قبلوني فيها ..

هل فيها نظام دفعات والا بس مه وحده والا كيف نظامهم ؟؟

وعليكم السلام فيه مجال الترم الثاني يفتحون باب القبول والتسجيل و إن شالله يقبلونك

رد: أيّ استفسار خاص بكلية الجبيل الجامعية .. هنا

اقتباس:

المشاركة الأصلية كتبت بواسطة في الجبيل (المشاركة 6880305)

صفحة التقرير !!!! وشو ذي

سوري عالازعاج

صفحة التقرير هي اللي تاخذينها معك الجامعه يوم المقابله!
شوفي ادخلي على ملفك بتطلع لك الاشياء اللي تطبعينهم بتلقينها من ظمنهم

رد: أيّ استفسار خاص بكلية الجبيل الجامعية .. هنا

اقتباس:

المشاركة الأصلية كتبت بواسطة بسمة مودة (المشاركة 6880411)

على وقتكم كنتوا تختارون التخصص قبل البدأ بالدراسه يعني بعدين يأكدونه لكم على نهاية السنه؟
اوكيييي =)) انا احسب نفس المدرسه كل 2 يتشاركون بواحد

اشكرك مره افدتيني

رد: أيّ استفسار خاص بكلية الجبيل الجامعية .. هنا

اقتباس:

المشاركة الأصلية كتبت بواسطة halooy (المشاركة 6880376)

انا بدخل الجينيور اللحين و ع ايامي
كانوا يعيدون و يرددون بسالفة التخصص
بس بآخر سنة البرب قالوا حددوا تخصصكم
لان كثير يدخلون و نهاية السنه يطلعون هذا اذا ما كان ع بداية السمستر الثاني
ف لا تخافين من سالفة التخصص و ان شاء الله تدخلين التخصص اللي تبغينه و اللي فيه خير لج

المقابله ههههه ينقال انها مقابله
بس عشان يتأكدون انج سليمه لا خلصتي اوراقج تروحين تسلمين ملفج لوحده
و هي تسألج كمن سؤال و تتوكلين ع الله ما يعتمد ع المدرسه و لا على درجات

بالنسبه للجدول هو جدولين حق البرب
و ما تقدرين تعدلين فيه بحيث انه يصير عندج اووف يعني
لان عندج انقلش و الانقلش يوميا تاخذينه

و بالنسبه للوكر موب اللحين لكن اذا بدت السنه و استقرت الامور يعطونج
اللوكر حق شخص واحد و ما تقدرين تتحدين مكانه هو حظك نصيبك يعني :)

هذا ع حسب اللي اعرفه
ان شاءالله اكون افدتج

بالتوفيق

اوكي بما انك راح تتخصصي السنه لما جاك القبول بالجامعه
كنتي تختارين التخصص قبل الدراسه زي هذه السنه ؟ ولا كيف؟يعني شالفايده نختاره بعدين اخر السنه بنغيره وممكن يروح علي
والجدولين اختار واحد منهم او هم يختارونه لي على حسب التخصص؟
وايش طبيعة الاسئله اللي يسألوننا اياها في المقابله وفي اختبار تحديد المستوى
لا ما اتوقع اللوكر ايام الدراسه! كاتبينه لنا بيوم حضوررنا للجامعه قبل البدأ بالدراسه من ضمن الخطوات استلام مفتاح اللوكر :Looking_anim:

رد: أيّ استفسار خاص بكلية الجبيل الجامعية .. هنا

اقتباس:

المشاركة الأصلية كتبت بواسطة بسمة مودة (المشاركة 6880439)

وعليكم السلام فيه مجال الترم الثاني يفتحون باب القبول والتسجيل و إن شالله يقبلونك

لا شكرا اختي لكن طلع في نظام الدفعات والدفعه الثانية قبلت فيها ولله الحمد ..
وفي باقي على مأظن دفعتين ..
وشكرا على ردك :119:

رد: أيّ استفسار خاص بكلية الجبيل الجامعية .. هنا

~:rose:

هلا يآعسسسل ... shad

آنت من الثآنويه الثآنيه :004:

حبيت آسأل آي فصل 1ولا2ولا3ولا4

آنــآآ من 3 ... علمي

آتمنى تكوني الليّ ببآلي ؟! :Looking_anim:

رد: أيّ استفسار خاص بكلية الجبيل الجامعية .. هنا

استغفر الله

الله يسامح العبقري اللي مسوي انك بس تسجل في الصناعية او الجامعية بس :017:

رد: أيّ استفسار خاص بكلية الجبيل الجامعية .. هنا

أنا أخوي ما إنقبل مع العلم إن نسبته الموزونه78.3
وهومقدم على الجامعية
الحمد لله على كل حال