|
التطبيق في المستوى الثالث والرابع
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين كيف حالك إن شاء الله دائما بخير ؟ ياجماعة الخير عندي سؤال بسيط عن التطبيق في المستوى الثالث والرابع هل فيه استفادة منه ولا لا ؟ لانني سمعت من ناس انك ماتستفيد شئ مغير تناظر بس . فارجو من الشباب والصبايا التفاعل ويقولون لنا الفائدة من التطبيق في المستوى الثالث والرابع . |
رد: التطبيق في المستوى الثالث والرابع
كلامك صحيح اخوي ناظر وبس الا اذا حصلتلك واحد كفو بيخليك تشتغل ولا تستعجل عندك 6 اشهر بطبق لين تقول بس.................
|
رد: التطبيق في المستوى الثالث والرابع
وجهة نظري فيه استفادة وتعتمد على
1-المكان اذا كان يعطي اهتمام بالمتدرب 2-اذاكان المتدرب يبدي اهتمام ورغبة في التدريب (بعنى يكون فضولي شوي يسأل يناقش في امور المختبر طبعا من خلال اللي درسه ويزيد عليه اشياء او معلومات اذا عنده يعني يكون فاهم اقل شي وش عنده في كتبه حق الاكاديمية..........الخ) بالنسبة لي مكان تدريبي اللي اخترته روعه يهتم بالمتدرب مع اننا كنا نتضايق اذاانشغلوا شوي عنا بس نقول طبيعة عملهم لان موطول الوقت راح يكونوا فاضيين يعني في عينات وفي مرضى راح تكون لهم الاولوية بالطبع( بس بصراحة ولا يوم نزلنا تدريب الا وجمعنا كم معلومة وتعلمنا شيء ولو بسيط) تحياتيييييييييييييييييييييييييي :g8: |
رد: التطبيق في المستوى الثالث والرابع
تستفيد معلومات علشان فترة الامتياز تعرف وش تسوي
|
رد: التطبيق في المستوى الثالث والرابع
شكرا على الردود
|
رد: التطبيق في المستوى الثالث والرابع
العفو
|
رد: التطبيق في المستوى الثالث والرابع
بصراحه المستشفي الي الطبق فيه مايعطون اهتمام
وخاصه اذا كنت من الاكادميه ماخذين فكره عنا ان كسلانات |
رد: التطبيق في المستوى الثالث والرابع
اذا وصلنا للحق:...........واحد دافع شي وشويات من ابسط حقوقه انه يطلب الدكتور نفسه يكشف عليه مو حتى الممرض فما بالك لو كان متدرب
|
رد: التطبيق في المستوى الثالث والرابع
سلاااموووه
واللهي اللي اشوفه انا لافي فايده ولا هم ولا يعلموك شي ونصيحه مني صير ملقوف وتتعلم بس شويات احنا الحين صار لنا تقريبا اربع اشهر ولا ستفدنا شي وماستفدت الا لما رحت مستوصف خاص باجازه الصيف هنا تتعلم عدل |
رد: التطبيق في المستوى الثالث والرابع
يعني ماهتم بالتطبيق مره بما ان اغلبيتكم ماستفاد شئ طيب اذا الواحد غاب كيف نظام المستشفى معه يركزون بالغياب ولا ماعليهم ؟
|
رد: التطبيق في المستوى الثالث والرابع
هلا
والله يمكن على حسب المستشفى والمعهد احنا لاعبين لعب ومانشوف سوو شي اذا تبي تتعلم تلقف وقول لهم كيف كذا وكيف كذا |
رد: التطبيق في المستوى الثالث والرابع
طيب شكرا لك
|
رد: التطبيق في المستوى الثالث والرابع
ممكن سؤال بعد اذنك
هل التطبيق ينحسب بدرجات معينه يعني له شهاده ولا ينحسب مع معدل الاتخبارت المواد وينجمع مع بعض يعني انا ثالث اللحين وخلصنا تطبيق كيف اعرف مستوايه في التطبيق ,,, |
رد: التطبيق في المستوى الثالث والرابع
اخي طب طوارئ انا رايي انك تكون مهتم بالتطبيق سواء مستوى 3 او 4 لان فيه تقييم للطالب يكون بين الاكاديمية وجهة التدريب بس طبعا احنا ماندري كيف كان تقييمنا(يعني سري)
وبعدين يمكن المستشفى يعجب فيك ك طالب مجتهد وشاطر يطلبك للتوظيف |
رد: التطبيق في المستوى الثالث والرابع
:mh19::mh19: معقولة ؟؟؟؟؟؟؟؟؟؟؟؟؟؟؟ بس انت شايف ردود الاعضاء وغير الناس الي سالتهم كلهم يقولون مانسوي شئ مغير نطالع فكيف تقولي يطلبوني للتوظيف او يقيمووني وانا ماسوي شئ مغير اطالع ؟؟؟؟؟؟؟؟؟
:mh19::mh19::mh19::mh19: |
رد: التطبيق في المستوى الثالث والرابع
انا وحده مجربه التطبيق صراحه علي حسب المدير والطاقم الطبي طالع بعيونك واسال علي قد ماتقدر علي شان تكون عندك شوي خبره بالامتياز بس استفدنا بس شوي لان احنا مو مشتهيات نعرف:g20::g11:
|
رد: التطبيق في المستوى الثالث والرابع
:mh19: طيب خلوك تسوين شئ ولا تسالني وتطالعين فقط ؟
|
رد: التطبيق في المستوى الثالث والرابع
صراحه اذا اثبت وجودك من اول يوم عندك جراه بالشغل اصريت عل انك تقوم بالمهمه تعمل كل شي تبيه صدقني تقدر تعمل بيدك وتطبق انا كنت اخذ الابره من يد اللممرضه ادقها بمريض ولا ارد عليها بس اخليها بجنبي اذا اخطيت تنبهني اذا كنت ساكت عادي عندهم اذا سكت طالع بعيونك:000:
|
رد: التطبيق في المستوى الثالث والرابع
لا لا اخوووي طب طوارىء...............
<تناظر فيهم وهي معصبه <ههههههههههههههه لا تغيب... نصيحه مني.......... ما اقولك... انا لما كنت بمستوى ثالث..كل اسبوع.. نخصص يوم ونروح للتطبيق... ولا مره عالجنا مريض ولامره شخصنا حاله........ بس تدري وش استفتدت من هالروحه؟؟؟ اني كنت اقعد قدام خشه الدكتور <ههههههههههه والله كنت انا وصديقاتي نقعد قدام عينه..... وكل كلمه يقولها نكتبها...مخصصه دفتر بس للتطبيق...عشان اكتب معلومات منه..... يعني ما اذكر ولا مره غبت بيوم التطبيق.... بعدين انت اذا تشوف الدكتور زين وشرحه حلو ويعلمك كل صغيره وكل كبيره..هذا من حسن حضك... <<< فيه دفعه ثانيه من نفس قسمي بس بمستوصف ثاني..تقول خويتي الدكتور حقنا مو زين مايعرف يشرح... تقول ليش ادوام ونا ما افهم عليه...... يعني نصيحه اذا ان الدكتور الي يشرح عليكم زين..لا تفوت الفرصه عليك... لانك راح تستفيد منه معلومات راح تفيدك بعدين.. وأسأله بعد عن كل شي انت موفاهمه... يعني لاتقول اغيب ومدري وشو لالا لا.... والله يوفقك ويوفق الجمييييييييع يارب.................. |
رد: التطبيق في المستوى الثالث والرابع
:119: بس انا ابغى اشتغل مابغى اقعد اسولف معه او اساله كفاية الدكتور الي عندنا بالاكاديمية والمدرسين اسالهم لين اطفش ..
:s12: مادري احس اني ماراح استفيد من التطبيق في المستوى الثالث والرابع ؟ |
رد: التطبيق في المستوى الثالث والرابع
طب...انت في اي مستوى الحين؟؟؟؟
|
رد: التطبيق في المستوى الثالث والرابع
المستوى 2
|
رد: التطبيق في المستوى الثالث والرابع
طيب...
اذا انت ماتبي تتكلم مع الدكتور ولا حاب تتعلم منه.... خلاص ع راحتك.... وع فكره ترا في ست شهور اخر الدبلوم... يعني راح ان شاء الله تشتغل وووتعلم.. وبالتوفيق يارب... |
رد: التطبيق في المستوى الثالث والرابع
انا قصدي مو اتعلم من الدكتور او مابغى اطبق لكن حسب ماسمعت من الناس الي طبقت في المستوى الثالث والرابع كلهم يقولون مغير تطالع بس ولا احد استفاد شئ السؤال الي يطرح نفسه
هل التطبيق في المستوى الثالث والرابع يستاهل اني اكون نظامي واحضر التطبيق ولا ماراح استفيد شئ منه لاني مابغى اضيع وقتي على شئ ماستفيد منه ؟ |
رد: التطبيق في المستوى الثالث والرابع
النظام بالتطبيق لا عادي مافيه اي شي...يعني كانك رايح للاكاديميه بس اتجهه للتطبيق ههههههه
وشسسمه.............طب اسمعـــــــــــــــني................ انا صراحه اشوف من قسمي اكثر فتره الغياب في فتره التطبيق........... بس انا اقولك عن نفسي وخبرتي يعني.>اخص اخص ههههههههههههههه........... صحيح اني اروح اطالع.........ع قولتك... وابقق عيوني ....<ههههههه..... بس صراحه مستفيده ... يعني لو اشوف ان روحتي مافيها فايده.. كان مارحت ولا شلت هم التطبيق............. بس انا اشوف اكثر الي هنا يقولون ان التطبيق ماله داعي.............. صحيح..انتم تبون تطبقون ع مرضى...بس اذا كنتم تتدربون بمستوصف مافيها الا كم مريض....وهالكم مريض...مايرضون ان المتدربين يطببون عليهم؟؟؟؟؟؟؟.... وش الحل...يعني خلاص بلاه هالتطبيق؟؟؟؟؟؟؟ لا والله...انا صراحه اروح واقعد قدام الدكتور...وكل شي يقوله ادونه عندي بالدفتر......... بعدين صراحه فرررررق فرررررق كثير بين الدكتور الي بالمستوصف..وبين الاستاذه الي بلاكاديميه... الاستاذه الي بلاكاديميه تخرررررررر لك هالاكتاب وبس............ حتى انها تشرح اشياء مال امها داعي,,, يعني بس زياده بالمعلومات.... اما الدكتور الي بالمستوصف.. يقولك بس المهم... يقولك اذا جاك مريض وش تقول؟؟ وشلون تتصرف معه .. وش اول حاجه تسويها اذا شفت المريض في حاله كذا او كذا....؟؟؟؟ ...يعني بلامختصر يعلمك حاجات ان كنت تدرسها عند الاستاذ بس ع الماشي..؟؟؟؟؟؟؟ انا صراحه علمتك الي عندي ويكيفك عاد.......... وبالتوفييييييييييييييق ..واتمنى اني ماكنت سببت لك صداع بالهالسالفه ههههههههههههه |
رد: التطبيق في المستوى الثالث والرابع
هههههههههههههههههههههههههههههه لا ماقصرتي ومشكورة وانا بجرب التطبيق في المستوى الثالث يمكن يعطفون علينا ويخلونا نشتغل
|
رد: التطبيق في المستوى الثالث والرابع
أولا: السلام عليكم .....
ثانيا : أنا ضعت في السالفة مني قادر أفهم الموضوع وأشارك معاكم لكن أنا عندي أستفسار وتكفون اللي عنده علم يفدني أنا الان في المستوي الثالث وباقي علي الانتهاء من الدراسة مستوي واحد اللي هو الرابع راح يكون السنة الجاي انا شاء الله تمام > واحد داخل جو :praying: المعروف أنو التطبيق اللي هو فترة الامتياز 6 أشهر يكون بعد ما انتهي من الدراسة كاملة هل أقدر أخذ التطبيق الان قبل ما انتهي بترم ويحسبلي أني طبقت اللي هي فترة الامتياز 6 أشهر بعد ماأنتهي المستوي الرابع أسف علي الاطالة بس تكفون اللي عنده خبر لا يبخل علي ...... تحياتي ...... |
رد: التطبيق في المستوى الثالث والرابع
الدمعه ياقلبي حياااااااااااااااااااااااااااك.................... شاركينا النقاش عادي هههههههههههه
وشسسسمه؟؟؟؟؟؟؟؟؟؟؟؟؟؟؟؟ يعني قصدك تبين تدرسين فتره الامتيار وانتي لسلا ما درستي مستوى رابع؟؟؟؟؟؟ اذا كان قصدك كذا.. ما اتوقع انك راح تحصلين ع الامتياز وانتي لسى مادرستي مستوى رابع........... لان فتره الامتياز تكووووووووووووووون شااااااااااااااامله ع كل المسسسسسستويات................ من الاول للرااااااااااااااااااااابع................. يعني لازم تكونين دارسه كل المستويات قبل لاتروحين لفتره الامتياز...... يالله الله يوفقك ياقلبي..................... |
رد: التطبيق في المستوى الثالث والرابع
اقتباس:
هلا فيك يا الطالبة الطموحه هذا أولا ثانيا ياليت نمت ولا رجعت شغلت الكمبيوتر وشفت رديك اللي نورني من جد لكن تركي حطمتيني علي الاخر لكن هذا الواقع راح اسمعوا منك أو من غيرك شكرا وما في ابلغ من كلمة شكرا علي الرد وتسلميلي ياقلبي ...... ثالثا الله يسلمك ويخليك ويحفظكي أنا تري ولد مو بنت تري خليتيني أروح أشفو بيانتي انا ايش كتبت وتصبحي علي خير ... تحياتي ... |
رد: التطبيق في المستوى الثالث والرابع
ههههههههههههههههههههه الدمعععععععه..............
اياااااام سوري ماعليش هههههههههههههههههههههههههههه يالله الله يوفقنا جميييييييييييييييييع يارب..................... |
رد: التطبيق في المستوى الثالث والرابع
شوف اخوي انا طبقت المستوى الثالث والرابع واقول لك وش صار معـي من إلـى ,,
اول شي طبقت بمستشفى الجآفل جنوب الريــآض , من ناحية الافاده شي اكيد خلوني اطبق واحشر والدينهم واحشر الفلبينيات ماعلي منهم اخش بعيونهم لاتصير بارد الاكاديميه دافعه فلوس يعني يبغاك تطبق مايبغاك تطالع فيهم ,, وفيه دكتور الله يذكره بالخير قال لي هالكلام مانساه طول عمري [ الطلاب عندنا فيهم حيآء وحنى مانقدر نخليهم يطبقون بالغصب مانا مجبورين فيهم تبي تطبق طبق ماتبي حضورك كاشوفه مثل عدمه لابد من ممارسه + الترم الرابع طبقنا بمستشفى الرعاية الي بالريان وعاد بدا الصياعه وكرهه المستشفى هههه وثلاثة ارباع التطبيق والله افقع انا وخوياي ماعندك احد هههههه لاكن من تجربتي لتطبيق خل وجهك مغسول بمرقـه هم ماهم بناسبينك ولا هم يقربون لك ماعليك من احد هههه نصيحه مني تقبل مروري :$ |
رد: التطبيق في المستوى الثالث والرابع
ههههههههههه يسلمووووووووووووووو بدر
|
رد: التطبيق في المستوى الثالث والرابع
سلام
اخ طب طوارئ انا اتكلم عن نفسي لان هذا اللي حصل معي مدير المختبر طلب اوراقي وال c.v حقي وقاللي انهم يبوني اتوظف عندهم بس انا طبعا قلت انا طموحي وظيفة حكومية بس اعطيكم اوراقي ما عندي مشكلة اني اشتغل في خاص فترة هيه خبرة واستفيد لين الله يفرجها وتطلع الوظيفة في وزارة الصحة وانا مازلت عند رأيي انو التطبيق مستوى 3و4 يفيدك حتى لو ناظرت بعينك احفظ في مخك او سجل اللي تاخذه نظري في دفتر خاص واحفظه لفترة الامتياز (6 اشهر) استفيدمن المعلومات اللي جمعتها وخللك شاطر لان مثل ماتعرف فترة الامتياز فيها تقييم وبالتوفيق لكم ياااااااارب:praying: |
رد: التطبيق في المستوى الثالث والرابع
اها اجل مادام كذا نحضر مافيه مشكلة
|
| All times are GMT +3. الوقت الآن حسب توقيت السعودية: 12:28 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام