|
كالعادة : الاكاديمية الدولية تسرح طلابها
السلام عليكم ورحمة الله وبركاته
اخواني اعضاء وزوار المنتدى اسعد الله اوقاتكم بكل خير انا راح ابدأ بخبر الاغلاق حنا طلاب معهد الاكاديمية الدولية بحفر الباطن داومنا لمدة اسبوع لغة انجليزية وفجأة وبدون سابق انذار اتفاجأ باتصال من الاكاديمية يقولون لي ان الدراسة الغيت عندنا لا شعوريا قلت للمصري الي كلمني حنا نلعب والا شنو بالضبط انا مداوم عندكم وجايب كتب طلبتوها مني وجايب مستلزمات ومتابع مع الاستاذ قالي بكل برود انا مالي شغل المهم انك تجي تسترجع فلوسك وتاخذ ملفاتك والله يا اخوان لما رحت للاكاديمية شفت الطلاب الي هناك حالتهم تقطع القلب الي يصارخ ويقول انتم ضيعتوا مستقبلي انا ماسجلت بالجامعات بسببكم اني مقبول عندكم والي يقول انا نقلت بيتي من الذيبية الى حفر الباطن بسبب هالمعهد واخرتها تسكرون وفي شباب باول عمرهم جايين كلهم طموح للدراسة والدوام بالمعهد ويتفاجؤون بالخبر الكارثة والله يا اخوان حتى المنكوبين في الدول الظالمة ما بين على اشكالهم مثل هالملامح المليئة بالحزن والكآبة والضياع والمصيبة عذرهم يقولون انتم كلكم 19 طالب ماتكفون يعني بين قوسين حنا ما يشبعنا مليون او مليونين نبي أكثر يا اخوان انتم مثل ما انتم عارفين ان المعهد يتبع لنفس المؤسسة الي فتحت كلية الغد واغلقوها والخبر الي ماتعرفونه انهم اغلقوا الاكاديمية الدولية الي بالزلفي وقالولهم تبون تدرسون الحقونا المجمعة او القصيم العام الماضي تقريبا الى متى وهذه المؤسسة تلعب بالناس وتضيع مستقبلهم بلا حسيب او رقيب او حتى احد قدر يكلمها ويوقفها عند حدها والمصيبة الاعظم سكوت كل من وزارة التعليم العالي و هيئة التخصصات الصحية على مثل هذا التصرف صدق الي قال من امن العقوبة اساء الادب والحين لو تحطون انفسكم يا طلاب المعهد القدامى بمكانهم وش راح تسوون علما ان كل الجامعات ماراح تقبل خريجي السنة هذي في العام القادم لان اغلب الجامعات من شروطهم انهم يكونون من خريجي نفس السنة يا اخوان حنا عايشين للاسف في غابة وليس دولة كما نعتقد القوي ياكل فيها الضعيف اتمنى من الاعضاء والزوار ان يفيدوني بعدة اشياء اولها وشلون نوصل الخبر الى الجرايد نبي نكشف هالمؤسسة التعليمية الفاشلة الي همها شلون تاكل فلوس الضعوف بدون مراعاة ظروفهم والشي الثاني وش تنصحونا ندرس وهل في كلية او معهد او مدرسة او بقالة تدرسنا داخل حفر الباطن من اول كان السعودي يمسك ملف اخضر ويدور وضايف الحين صار ماسك ملف اخضر ويترجى المعاهد والكليات الاهلية انهم يدرسونه صار امله دراسة ومستقبل مظلم وارفع راسك انت سعودي |
رد: كالعادة : الاكاديمية الدولية تسرح طلابها
ماتدري يمكن خيره
والله يوفقكم ويرزقكم باللي احسن منه |
رد: كالعادة : الاكاديمية الدولية تسرح طلابها
موضوعك االمني صراحه :icon9:
انا قدمت ع الأكاديميه و صرت ادرس لمدة اسبوع هي شكلها الخارجي ما يوحي انها كليه او معهد يستحق الدراسه فيه ! لدرجه القاعات بشقق !!! ما اقول الا حسبنا الله و نعم الوكيل و الله يعوضكم باللي هو افضل و الله ياخذ حقكم |
رد: كالعادة : الاكاديمية الدولية تسرح طلابها
b u t t y
يعطيك العافية على المرور واسعدنا تشريفك عز سنان اولا مشكور على مرورك وتشريفك لموضوعي وثانيا اذا انت توك مسجل بالاكاديمية حاول تلحق على جميع المعاهد الثانية وتسجل عندهم لان الاكاديمية مستلمها واحد ظالم وطاغية الله ينتقم منه وممكن باي لحظة يقولون لك امسك الباب وخذ فلوسك ماعاد حنا بحاجة فلوسك اغتنينا |
رد: كالعادة : الاكاديمية الدولية تسرح طلابها
المفروض يوم انهم بـ سكرون الاكاديمية ما يقبلونكم اساسا و يقولون لكم مو الحين كذا فجأه الله يعينكم ومآتدري يمكن تكون خيره لكم قول الحمدالله ع كل حآل و المشوآر قدآمك قدم ع اي معهد ثآني أو كلية أو عندك الانتسآب المطور ع السمستر الثآني اذا تبي أو انطر الى السنه الجآيه ان شاءالله تقبلك جآمعة حكوووميه افضل لك من انك تدفع و تخسر نفسك ربي يسهل اموووركم و يكتب لكم كل خير ان شاءالله موفقين جميعاً ..~ |
رد: كالعادة : الاكاديمية الدولية تسرح طلابها
لاحول ولاقوة الابالله حاولو توصلو للمسؤلين مأساتكم :41jg:*
|
رد: كالعادة : الاكاديمية الدولية تسرح طلابها
شواقهـ & ميشو
مشكورة على مرورك المعطر والحمدلله على كل حال وهذا انتي قلتي المفروض ولكن النظام ما يمشي الا على الضعوف لمحة شجن اذا كان خصمك القاضي فمن تقاضي ؟ اذا كان اغلب المسؤولين بالصحة عندهم معاهد وكليات واذا كلش كلش كان شريف له نسبة من ارباح بعض المعاهد مثل ما قلت للي قبلك النظام يقول ممنوع هالشي ومرفوض لكن لنا الله حنا المواطنين الي صرنا اضحكومة للشعب الخليجي بصفة خاصة وللعالم العربي بصفة عامة يا امة ضحكت من جهلها الامم ومشكورة على مرورك |
رد: كالعادة : الاكاديمية الدولية تسرح طلابها
والله يا اخوان لو القى دولة تضفني وتقدر رغبتي للدراسة وتخليني احد مواطنينها
قسم بالله مستعد اوقع على تعهد ماعاد اطب السعودية كلها |
رد: كالعادة : الاكاديمية الدولية تسرح طلابها
نفس الشي صار باكاديمية مكة حقت البنات بس احنا مو قالوا بيقفلوها لا نادوا ثلاث ارباع البنات وقالولهم اسحبوا ملفاتكم وحنرجعلكم فلوسكم بحجة ايش بحجة ان معدلاتهم ماهي مناسبة طيب اذا ماهي مناسبة وماهي مطابقة للشروط ليش تقبلوهم من البداية اقسم بالله حزنوني كثير بس لو اقولك ايش عملوا البنات والله راحوا اشتكوا للامارة وجات جريدة عكاظ والمدينة لا تسكتوا والله روحوا اشتكوا عليهم الدنيا ماهي فوضى ولعب اسفة كثرت بالكلام بس والله من حرتي
|
رد: كالعادة : الاكاديمية الدولية تسرح طلابها
وعليكم السلام ..
الخيره فيما اختارها الله ..وهذا مكتوب واحسن هم وانزاح منك ..لان مافي وظايف لحمله الدبلوم .. والاكاديميه قفلت مافي تسجيل .. دام عندك 47 الف لاتدفعها للاكاديميه ومستقبل غير مضمون والشهاده دبلوم روح ادرس بالاردن بكالوريوس ب47 الف واذا نجحت بالسنه الاولى يحولونك لحساب الدوله .. واذا تبي توصل صوتـــــــــــــــــــــك أكتب بجريده سبق الالكترونيه بالتوفيق أخوي |
رد: كالعادة : الاكاديمية الدولية تسرح طلابها
مو شيء جديــد ع الاكاديميه هذي حركااتهم :hhheeeart4:
يمكن خيره من الله |
رد: كالعادة : الاكاديمية الدولية تسرح طلابها
هونهااااااااااا وتهووووون والله يعينكم بجد حالتكم تعور القلب
والاكادميه لا حسيب ولا رقيب صار اللعب ع المكشوف واغلب الطلاب المتخرجين حالتهم بعد صعبه والسبب اختبار الهيئة يعني ع قولتهم وين ما تطقهااااا عوجه :(177): والله يعوضكم باللي هي احسن منهااااااااااا وابسط حاجه تسوها ع الاقل اتصلو ع الهيئة ويمكن الله يرسل لكم انسان له كلمه وعنده ذمه وضمير ويساعدكم الله يوفقكم |
رد: كالعادة : الاكاديمية الدولية تسرح طلابها
لوحة رمادية
تعددت الاسباب و الموت واحد !! كلنا بالهوى سوا اللهم اختلفت الطريقة وشلون يصرفون الطلاب يعطيك العافية على مرورك احلى دكتورة تتوقعين بعد كل هالي صار فيني حيل للمغامرة من اول وجديد ؟ للاسف الواحد الحين يخاف من الدراسة لسببين اولها التعيين وثانيها انهم يقفلون الدراسة مشكورة اختي على مرورك وتعطيرك للصفحة |
رد: كالعادة : الاكاديمية الدولية تسرح طلابها
متاهات الغروب
المصيبة هي سكوت المسؤولين مع ان الحدث تكرر اكثر من مرة ولكن لا حياة لمن تنادي يعطيك العافية على المرور حمودي المملكة حتى ولو اتصلنا على الهيئة لا تنسى اننا في غابة والقوي ياكل الضعيف مثل ما قلت الهيئة همها وشلون تغث الناس وتسكر المجالات قدامهم رغم ان الي سوته الاكاديمية مخالفة صريحة للانظمة والقوانين ويعطيك العافية على المرور |
رد: كالعادة : الاكاديمية الدولية تسرح طلابها
اقتباس:
و عقبال ما الكل يغتني عنهم و يلاقي مكانن سنع |
رد: كالعادة : الاكاديمية الدولية تسرح طلابها
عز سنان
الف مبروك وعقبال التخرج والوظيفة والله يستر من المعاهد الخاصة صارت تتمنن بفلوسنا |
رد: كالعادة : الاكاديمية الدولية تسرح طلابها
والله من جد خوفتوني من هالأكاديميه .. وهذا وأني مقبله عليها ..:Cry111: للحين مادقوو مشان القبول .. الحمد الله والششكر ! لو ضليت بمعهد المواساه ابرك لي ><" الله يعيييييييينك أخووووي والله حالتكم صعبه .. بس ان شاء الله الله يعوضكم بالتي هي أحسن .. ماوقفت الدنيا على الأكاديميه ولا على المعاهد .." الله يوفقكم يارب جميع |
رد: كالعادة : الاكاديمية الدولية تسرح طلابها
اخي صقار المني حقا ماتقول وللاسف يوجد في اناس لايهمهم الا الكسب المادي فقط
ثانيا - اعتقد بان كلامك مبطن امل ان تربى بنفسك عنه |
رد: كالعادة : الاكاديمية الدولية تسرح طلابها
انا معا الرأي الي يقول لا تدرسوا دبلوم
كون حملة الدبلوم تم ايقافها الى اجل غير مسما انا انصح الشباب والصبايا بالدراسه البكلريوس سواء داخل المملكه او خارجها اظمن واحسن لكم انتو بس توكلوا على الله وما خاب من توكل عليه والاكادمية ذي بعد كم سنه سنتين خلاس راح تختفي هي و 12 معهد مثلها من ع الخريطه الا اذا تطوروا وصاروا يدرسوا بكلريوس معا اني اشك انهم بهذا الذكاء عموماً الله يجعلها لكم خيره ان شاء الله |
رد: كالعادة : الاكاديمية الدولية تسرح طلابها
قرار الربيعه بتوقيف توظيف الدبلوم كان جراء رفع خطابات من خريجي البكالريوس حيث ان الدبلومي يصبح اخصائي و يتساوى مع اللي معه بكالريوس
لجل كذا طلع القرار اختي بكالريوس مختبرات تقول بنرفع خطاب لربيعه بعد كم اسبوع لجل ينظر في مستشفانا فيه موظفين دبلوم ماسكين اخصائي !!!!!! يعني المرض من هالبكالريوس |
رد: كالعادة : الاكاديمية الدولية تسرح طلابها
شذاوي
مشكورة على مرورك وتعطيرك للصفحة وبالنسبة لقبولك انا اقول روحي يمهم واساليهم لان احتمال كبير جدا يقولون الغينا الدراسة القرني يعطيك العافية اخوي على المرور والنصيحة وعافاك ربي ولاتحرمنا اطلالتك الرائعة |
رد: كالعادة : الاكاديمية الدولية تسرح طلابها
max3
يعطيك العافية على المرور الرائع ولا عدمناك عز اسنان يعطيك العافية على المرور المعطر وبالنسبة لخريجي البكالوريوس الربيعة ماعمره سال عن ابن امه من الي ماتوا بالاخطاء الطبية تبيه الحين يسال الخريجين بكالوريوس او دبلوم الربيعة انسان اثبت فشله بالعمل كوزير واتمنى انه يرجع الى فصل التوائم افضل له ولنا الناس الحين وصلت للقمر ووصلوا الى علم مانقدر نجيبه ولا بعد 100 سنة والربيعة ترك كل العلم والتطوير والدنيا كلها عطاها سيفون وجاي الى لقمة عيش خريجي الدبلومات بحجة رفع مستوى كفاءة للاسف انهم رفعوا من مستوى كفاءة الطلاب وايضا رفعوا من مستوى البطالة وارفع راسك انت سعودي !!!!!! |
رد: كالعادة : الاكاديمية الدولية تسرح طلابها
لآحول ولا قوه الا بالله :106:
الله يعوضكم بأحسسن من الاكاديميه :Cry111: |
رد: كالعادة : الاكاديمية الدولية تسرح طلابها
أدميتوآ قلبي
قسم موضوع يعور القلب من جد , ضياع مستقبل + تلأعب عيني عينك وش ذأ وين حنآ فييه لأ حول ولا قوة الا بالله ربك على الظالم السسسؤال الى متى يعني يلعبون فينآ , و كل شوي منزلين قرار .. والله لو ادري ان في هـ الحوسه كلها و المشاكل رحت برآ ادرس ولا أقربهآ الادرن تعليم :(177): الله يعين بس |
رد: كالعادة : الاكاديمية الدولية تسرح طلابها
وتستمر الحياة
ويستمر مسلسل جشع التجار وضحاياهم المواطنين مشكورين على مروركم |
رد: كالعادة : الاكاديمية الدولية تسرح طلابها
الاكاديمية اغلقت بعض برامج الدبلوم بناء على خطاب هيئة التخصصات الصحية
وهذا الافضل وبما انك في البداية ليه ماتسجل في كلية الغد وتاخذها بكالوريوس او اي كلية ثانية المهم مايكون دبلوم لانه وظيفيا ماعاد له قبول .. |
رد: كالعادة : الاكاديمية الدولية تسرح طلابها
ياخوي الي بسبق تكككفى تكلم عنا وقول ترا اقسم بالله شيء يبط القلب والكبد؟؟؟ياخي انا بموووت والاقي وظيفهياخي زوجي موظف بشركه وراتبه 4200عندنا اجار بيت ب1500شهريا وعندناقرض الزواج ب750وزوجي طلع قرض ب30000 عشان ادرس بالاكاديميه وتنتف الراتب طبعا غير اساوري الذهب الي بعتها عشان اسجل بها ولا يفوتني التسجيل كان املي بالله ثم بهالاكاديميه اني بتخرج وبلاقي وظيفه واساعد زوجي يويل اممممي انا كيف بنجيب عيالعلى هالعيشه كل الي ابيه وظيفه ووالله اتكلم عن الف بنت اعفها على نفس الحال؟؟؟؟كش كششششششهم والحركه البايخه؟؟؟:Cry111:
|
رد: كالعادة : الاكاديمية الدولية تسرح طلابها
الله يعينكم والله
عندنا بعد البنات صار معهم كذا الاسبوع اللي فات وربي من جد كسرو خااطري .. بس الله كريم ويعينكم يارب .. من جد صايره مهزله بالمعاهد الصحيه :017: |
رد: كالعادة : الاكاديمية الدولية تسرح طلابها
الله يعينكم
انسوا الاكاديميه لان قفلو التسجيل وبخصوص اللي بقالهم مستوى راح يسفرونهم والسكن على حسابهم شعارهم:41jg: اخوكم عبدالمجيد:bawling: |
رد: كالعادة : الاكاديمية الدولية تسرح طلابها
انااقولكم نزلو الاعلان في الجريدة
ويمكن المسؤلين لاشافو عدد كبير من العاطلين بسبب هالموضوع يمكن وزارة العمل تسوي لكم شي او تشوف لكم حل |
رد: كالعادة : الاكاديمية الدولية تسرح طلابها
اخوي لو كنت متابع للهيئه الصحيه كنت لاحظت ان المعاهد والاكاديميه ملغيه من الترم اللي فات ماكان في تسجيل يقولون خلاص معد يستقبلون
|
رد: كالعادة : الاكاديمية الدولية تسرح طلابها
وانا بعد درست اسبوعين في الاكاديمية في ينبع ومتحمس وفي الأخير قالو قفلنا
الله ينتقم منهم والحين دخلت الكلية التقنية :icon9: |
رد: كالعادة : الاكاديمية الدولية تسرح طلابها
أخوي الصقار
أنا حاس بمعاناتك لانه أنا ذقتها وجربتها أخذت سنه معدلي التم الأول ممتاز والثاني رايح فيها انا الاكاديمية ترا مسميها ااديمية القرارات لاأنه كل يوم طالع لنا قرار وغير كذا أنا بقولك حاجه أنا حاولت أسحب ملفي وتخصصي طب طوارئ وكل من قلتله قال وين تروح خلك في الأكاديمية مستقبلها مضمون ومدري وشلون قلت معليه وناس أيدتني وقالت اطلع ولا تقعد فيها دقيقه وهذا الي صار طلعت وسحبت ملفي قدمت على جاماعت كبيره هنا بعضهم قبلني وبعضهم لا ومن ضمنهمجامعة الملك فيصل بالأحساء إدارة اعمال إنتساب الي أنا فيها ألحين ومرتاح انام في البيت وما أروح أو شي أروح وين ما أبي لدرجه اليوم زرت الأكاديمية لانه مهما يسوون وتتنرفز من الدكاتره ويهاوشونك أو يضربونك ترا والله يبغون مصلحتك لانك بعدين بتتذكر كلامي وبتتحسف على انك تهاوشت معهم تدري وش سويت أنا رحت وسلمت عليهم كلهم وصفيت النفوس وعلاقتي فيهم ألحين الحمدلله تمام وأنا انصح واحد معي بالاكاديمية قلت يا فلان اطلع ترا ما راح تستفيد وتذكر كلامي قال لا انا أبي الاكاديمية شهادة دبلوم طب طوارئ قلت كفوك وبتتذكر كلامي وطلعت وهو فيات الىألحين ومستى ثالث خاصة الكلام أنت ودك ياصل صوتك للمسؤولين صح أنا إعلامي وموهوب راسلني على الخاص وكلمني وانا ان شاء الله بسوي الي أقدر عليه لاني ألحين أحضر لعمل إذاعي جديد وقضاياه كثره |
رد: كالعادة : الاكاديمية الدولية تسرح طلابها
والله نفس اللي صار لنا في منكوبيه ينبع \هذا شيء فيه مؤامرة علي الشباب السعودي بمساعدة و \ص الله لايوفقه
|
| All times are GMT +3. الوقت الآن حسب توقيت السعودية: 04:00 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام