|
موضوع مهم لجميع طلا وطالبات الاكاديميه حياكم
السلام عليكم ورحمة الله وبركاته احبتي طلاب وطالبات الاكاديميه بجميع فروعها بانحاء المملكه فعلا جميل ان نكووون في مكان واحد وذلك للرقي هاهنا ولذلك احببت ان اطرح موضوعا مميزا ويختلف عن ماتعوناه من التساؤلات الكثيره نخرج عن الروتين الذي تعودناه احبتي هنا استغل وجودكم للمشاركه بابداء رأيكم بكل شيء عن التعامل عن الدراسه عن الدكاتره عن الاداريات اذا احد اساء لك تروي قصتك هنا لكن نريد الاحترام المتبادل لكي لانغتاب احد تريدين ان تشيدي بدكتوره او دكتور وتشكريها هنا مكانكم تريدي ان تشكري اداريه او اداري عن حسن تعاملها معكم ولباقتها هنا مكانكم تريدي ان تهدي او تهدين ورودا لاحد افتقدتيه في الاجازه هنا مكانكم نريد ان نبرز مجهودات من تعبوا لاجلكم مالشيء الذي يعجبكم بهم مالشيء الذي تودي ان تضعيه اقتراحا او تضعه اقتراحا ليفيدنا :love080: نريد مافي قلوبكم ان يكتب ويترجم هنا باحساسكم جائتني الفكره واحببت ان اسردها لكم ارجوا ان تحووووز على رضاكم وان تشاركوا معنا:d5: ملاحظه : ارجوا مراعاة الله في كل مايكتب وعدم التبلي على احد لان الظلم ظلمات يوم القيامه |
رد: موضوع مهم لجميع طلا وطالبات الاكاديميه حياكم
واااااااااااااااااااااااااااااو
صج فكرهـ فلهـ وجداً شي جميل وفقتي غاليتي على هذا الطرح الرآئع والمميز ربي يسعدك ويوفقك دووووم يسعدني اكون اول وحده ارد عليك واشوف الموضوع بجد شي حلو مشكوره يالغلا دمتي بتميز |
رد: موضوع مهم لجميع طلا وطالبات الاكاديميه حياكم
هلابك حبيبتي توته تسلمين يالغلا وربي ردك يبشر بالخيرررررر احرجتيني كثير كثير بانتظار تواجدك لتشاركينا بتعليق حول اكاديميتك واي الدكاتره تعجبك طبعا اللي يدرسونك بقسمك واي اداريه تحسين انها تستاهل وسام وتحسين تعاملها توب ولا تتمنين انها تروح لمكان اخر واي شيء ايضا عن الاكاديميه واي شي يدور بخاطرك ودك تسردينه هتهنا الف شكر لكي غاليتي ابهجني ردك :d5: |
رد: موضوع مهم لجميع طلا وطالبات الاكاديميه حياكم
مشكـوره إخـت نور .. ! انا جاتنــي الفكــره لكـن أجلت الطرح لأول اسبوعيـن بالدراسـه .. حيث يكون تم تكويــن فكره عامه عن الاكاديميـه لهذه السنـه من تغييرات ومستجدات بذهن الطالبات ..!! دمتـي بود ولي تعليـق آخر إنشالله بعد اول اسبوع دراسـي :) |
رد: موضوع مهم لجميع طلا وطالبات الاكاديميه حياكم
يسلمك ربي ويخليك
بتملين من رقعة وجهي شكلي كل يوم بكتب اللي يصير بالأكادمية خخخخ |
رد: موضوع مهم لجميع طلا وطالبات الاكاديميه حياكم
هلابك غروووده
تسلمين يالغلاااا وانا مرحبه فيك الحين وبعدين حياك الله ومايمنع تكتبين كلمة شكر او حتى شيء ماودك تشوفينه شفتيه السنه اللي مضت او حتى الترم من ودك تشوفين وم ماودك تشوفين اي شيء سواء مميزات او عيووووووب واذا رحتي اول اسبوعين كمان ترجعين وتكتبين لكي تكووون الصوره واضحه مرة اخرى اهلا وسهلا بكي غاليتي:g20: |
رد: موضوع مهم لجميع طلا وطالبات الاكاديميه حياكم
هههههههههههههههههه توته تسلمين وربي يعطيك الف عافيه
هذا شيء طيب وايضا يساعد على توضيح كل شيء يدور بالاكاديميه وحياكم الله يالغالين |
رد: موضوع مهم لجميع طلا وطالبات الاكاديميه حياكم
الله يعافيك ويحفظك:s12:
والله يحييك <ما تلاحظين الأندفاع القوي :hahaha_2008: تصديقين ودي اداوم الحين واكتب خخخ:lllolll: يا حبي للكاتبه خخخ يوه صح الحين صار الفجر يعني باقي بس هاليوم وبسوي لكم قصة عن أول يوم بالأكادمية خخ:hahaha_2008: |
رد: موضوع مهم لجميع طلا وطالبات الاكاديميه حياكم
هلابك يالغلا توته
مرحبه فيك يالغاليه لكن احنا نبي شيء نستفيد منه يعني تتكلمين عن التعامل - شخصيه تعجبك تعاملها - مميزات اللي تحبينها بدكتوره او اداريه - يعني نبي نعرف الحلو واللي مو حلو باكاديمتك - شيء صارلك من قبل دكتوره او اداريه - شيء عجبك ماعجبك باكاديميه السنه هاذي - ايش الظاهره اللي مو حلوه بالاكاديميه والعكس وانشاءالله تداومي باكاديمتيك يالغلا وتقولي اي اكاديميه داومتي فيها والتطورات اللي صارت بالاكاديميه :s12: |
رد: موضوع مهم لجميع طلا وطالبات الاكاديميه حياكم
السلام عليكم
كيفكم يابنات ويااولاد الاكاديميه ايش صار عليكم شاركونا كيف كان يومكم السبت من درسكم اي الدكاتره وش رايكم فيهم اعطوكم الكتب ولا ايش عملتوا احكولنا عن مايصادفكم داخل الاكاديميات مشاكل مواقف اعجاب بمدرسه اداريه او العكس هاتوا حكاويكم :g8: |
رد: موضوع مهم لجميع طلا وطالبات الاكاديميه حياكم
مرحباااااااااااااااا
أنا أول وحدهـ بقول لكم ويش صار معي أول مادخلت واااااااي زحمة موت حر دخلت وقفت و إلا تجي بنت أوقفت جمبي وشكلها مو عارفة شي مثلي تماماً عاد أنا كنت بسألها و بسولف معها إلا هي تبداء واول ما قالت الحين ويشوا ويش نسوي؟ قلت لها والله مدري بس احتري المرسة اللي كانت هنا ترجع و نشوف الدنيا شصاير فيها قلت لها جديدة انتِ قالت ايه قلت لها انا كمان اول مره اجي هنا واداوم تأهيلي أنتِ صح قالت ايه المهم قمنا نفرفر بالأكادمية وألاقي ربعي اللي بالمدرسة و يعني قمنا ورحنا لقاعة رقم عشرة و تجمعنا و كلش حركاااات من ناحية الطلاب والمدرسين اخلاق مره تمام بعدين أقول لكم وش صار أما عن الأكادمية كبنايه عاديهـ بالمره لسه باقي عليها كم شغله بسيطه والكتب بكره راح نستلمها طبعاً لازم ندفع 3000 بالأول ...<<لي رجعه بس والله تكسرت من المشوار توني الحين جايه من الدمام |
رد: موضوع مهم لجميع طلا وطالبات الاكاديميه حياكم
هلابك اختي توته ماقلتيلنا انتي اي فرع وانشاءالله تتوفقين
وانا مستغربه ليش مااخذتوا درووووووس لان الفروع الثانيه كلها اخذوا دروووس وحضروا محاضرات علشان مايصير عليكم ضغط اخر السنه وعلشان تتعرفون على الدكاتره ياريتكم دخلتوا علشان اسألك مع انه مايبين الحينا كيف التعامل وانشاءالله التعامل معاكم طيب لان كثير من البنات يصيرلها موقف من دكاتره او اداره ولاتعرف اين تتجه فهذا الغرض من الموضوع وانشاءالله تدفعي الرسووووم وتستلمي الكتب وتدخلي التأهيلي وياريت من الطالبات القديمات يتكلموا عن يومهم وعن مدحهم او شكاويهم ويسردونها هنا فهو لكم ولأجلكم دمتم بخير |
رد: موضوع مهم لجميع طلا وطالبات الاكاديميه حياكم
السلام عليكم
موضوع جميل وانشاءالله بسولفلك وش سوينا وكيف اخذنا الدروووووس ومن شرحها كويس ومين لا وحتى الاداريات ماراح اترك احد بقول من الطيبه وتعاملها كويس معانا بس اول يووووم اخذنا كتب واخذنا محاضرات عادي الوضع وراح اكمل لاني اشوووف الواحد 2 مواصله واكتب كل كل شيء شكرا |
رد: موضوع مهم لجميع طلا وطالبات الاكاديميه حياكم
اقتباس:
والله عطونا محاضرات من أول يوم وكل شي تمام وحلو بس صارت خربطهـ بالمعلمات والكلاسات انشاء الله كلها اسبوع وينتظم كل شي و مشاء الله ما بقى شي المديرة والمراقبات ما قالوه و البنات عارفين وشلون يحلون مشاكلهم بكل سهوله بس إذا بغت تسوي عمرها زعطهـ و تبي الهوشه من الله هذا شي ثاني اليوم البنات الله يهديهم تهاوشوا على الأماااكن سبب تااافهـ حده وصلت السالفه للإدارهـ يعني شي سخيف مع انها تقدر تحل المشكله بس سوت حالها زعطه المهم المدرسااات كلهم أوكي بس انجليزي لحين ما عطتنا ولامحاضرهـ ماأدري عنها ومدرسة الرياضيات جابوا لنا وحده بارده وصوتها حدهـ نايم ولا نسمعه اصلاً يالله انشاء الله يرجعون لنا اللي قبلها والكتب أستلمتها يمكن ثالث او رابع يوم لانو كااان مره زحمة وبس أنتي خبرينا عن الأيام لي رحت عندكم؟؟ |
رد: موضوع مهم لجميع طلا وطالبات الاكاديميه حياكم
السلام عليكم
موضوع جدا رائع وحلو ان شاء الله الكل يستفيد منه اول شي... انا بفرع الدمام تخصص اسنان ............. بصراحه اول اسبوع ماستفدنا شي!!! اصلا مافيه احد حضر! وثاني اسبوع برضو ماستفدنا واستاذة الانجليزي توها تجي يوم الاربعاء......... بس بصرااااحه الاداريات مرررره فله ويساعدون وماقصروا معنا و وضحوا كل شي لنا ومن ناحية المبنى مرررره حار:000: التكييف حقهم مره عدم! والمشكله انو المبنى 4 ادوار وباقي راح يفتحون الادوار الثانيه حسب علمي وحنا فطسنا من الحر!! والاصنصير مايشغل!!:000: ان شاء الله يصلحونه:011: وبس هذا اللي في بالي الحين:119: واي شي يصير راح اكتبه هوووون:119: |
رد: موضوع مهم لجميع طلا وطالبات الاكاديميه حياكم
كيفكم أخباركم عساكم بخير بصراحهـ توي أحس بالضغط بسبة مدرسة الرياضياااات وإلا كل شي كان اوكي ما عدى المبنى اللي قاموا شوي شوي يعدلون فيه انشاء الله للأحسن والإدارهـ كلش بارده من ناحيهـ مشاكل الطلاب لكنهم يحاولون في تحسين المبنى والله لو أنهم يوسعونه يكون أفضل خخخ http://i448.photobucket.com/albums/q...94182334-4.gif |
رد: موضوع مهم لجميع طلا وطالبات الاكاديميه حياكم
مرحباااااااااا اليوووم كان فلهـ <<طاحت من على الدرج خخخخخخ و كااان يوم مدري شلون وصارت هوشهـ بين طالبه ومعلمهـ والصراحه احس المعلمة معها حق وهم الطالبه المهم القصه ومافيها أنو المعلمة دائماً وأبداً يعني مو أبداً لكن أغلب الأحيان تختار الطالبااات اللي قاااعدين في آخر الدنيا وبالذات اللي في الزاويه وحده من البنات اليوم تفجرت ويوم سألتها المدرسه سؤال عن الدرس اللي قبل قالت الطالبه لا والله يعني الفصل ما فيه إلا أنا قالت لها المدرسه ايش فيك سألتك أنا سؤال قالت الطالبه وكلا أنا اللي أجاوب أنا ماراح أجاوب وأنا لعلمك حافظه الدرس حفظ وأعرف الجواب بس ما أبي أجاوب قالت لها ما تبغي تجاوبي ليه؟ قالت لها كذا بس ما ابغى اجاوب قالت المدرسه طيب أطلعي برااااا قالت الطالبه ما ابي اطلع سكتت المدرسه ومدري أيش بالضبط أكتبت على السبوره بس كان عن المحاضره وانها ماراح تشرح وقالت لنا الوحده الرابعه خلاص اعتبروها مشروحه وتصرفوا فيها وطلعت و في مجموعه من الطالبات راحوا يتفاهموا مع المدرسه قالت لهم أنا ماراح أشرح إلا لمى تطلع البنت براااا ويوم قلنا للبنت رفضت انها تطلع وقالت انا ماسويت شي غلط وصار نقاااش حاد بين الطالبه والبنات والبنت كانت تتكلم بعصبيه مالها داعي :017: لين البنت قررت تنسحب من الأكادميه بكبرها وطلعت والبنات حاولوا يهدونها بس هي مدري وش فيها المهم قلنا للمدرسه انها طلعت وجات وكانت المحاضره مره تجنن بس البنت شكلها كلش مو جايه عشان تدرس وبس هذي سالفتهم اتمنى انوا ما حد يسوي مثل ماسوت هالبنت لانو تصرفها غلط في أسلوب تفاهم وبعدين المدرسه شافتها تسولف من بدايه المحاضره واول ما قومتها قومتها هي تعبت بقوم ارتاح تكسرت اليوم بصراحه يكفي طيحتي من الدرج خخخ |
رد: موضوع مهم لجميع طلا وطالبات الاكاديميه حياكم
هههههههههه
لا بجد اليوم انا سمعت انه كااان حلو يمكن لااني غبت عن الاكادميه اول مره اغيب واحس اني لو ماغبت احسن بس البنات وعدوني انهم يعوضوني بكره ههههههه من الوناسه توته ترى بجد الابله حاطه عينها على دي البنت كله تقومها تقولي ماعد فيه الهي ههههه لو انا كنت اليوم بالكلاس كان ماخليتهم يتزاعلون كنت لطفت لهم الجو ههههههههه :g4: |
رد: موضوع مهم لجميع طلا وطالبات الاكاديميه حياكم
أي والله صحيح يا الذوووق خلاص بعد أيش تبين تلطفينه بعد ما البنت انسحبت من الأكادميه يا حليلك والله فااااااااتك نوص عمرك |
رد: موضوع مهم لجميع طلا وطالبات الاكاديميه حياكم
هيه تصااااااالحوا الناس
<<مو لله البنت تقول ما رضوا لها تنسحب لانها انسحبت قبل كذا خخخخ |
رد: موضوع مهم لجميع طلا وطالبات الاكاديميه حياكم
تسلمووووووووووووووووووووووووووووووووووون عالمرور ياقلبي
|
رد: موضوع مهم لجميع طلا وطالبات الاكاديميه حياكم
^_^
يسلموو ع الطرررررررررررررح بالاحساااء ظلم كبيرر للطالباات اللي جنبي تااخذ اجوبتي تطلع احسن مني ومعدلهاا اقوا مني وهيه ورقتهاا نفس ورقتي |
رد: موضوع مهم لجميع طلا وطالبات الاكاديميه حياكم
مشكورة اخت نور
|
| All times are GMT +3. الوقت الآن حسب توقيت السعودية: 01:43 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه