|
مواقف فترة الامتياز
السلام عليكم ورحمة الله وبركاته ......
ممكن الكثير هنا مايعرفوني لاني كنت هنا من فتره واحس اني مره غريبه عنكم لاني ماشوف احد من اللي كانو هنا ... ممكن ماحد يعرف طبعي وحبي لكل خير لاي كان حابه احكي كلم عن فترة امتيازي مواقف فيها واشياء ندمت عليها كثير ماتتصورون وش قد فترة العملي هي الفتره اللي ماستوعبت بالنظري ممكن تتفوق بالعملي ..وفتره صراحه انا باذات خسرت فيه الشي الكثير لاني بطبعي في خجل واحس بالقرف بسرعه ..وخوافه كثير نفسي ترجع واغير من هالطباع لجل اتعلم اشياء ماستوعبتها .. كنت الف المستشفى غرفه اي مريضه ادخل عليبها واقيس الضغط والحراره والعلامات الحيويه كامله ..عادي كثير نطرد من غرف المرضى وخاصه من المريضات السعوديات ..... مره دخلت مع طبيبه لجل اشوف علامات مريضه زفتني ذيك الزفه حلف بالله مالمسها تقول مو عايفه نفسي والله انكسر خاطري بس تعودنا ...ونموت بالعجائز يحبي لهم مايقولون اي شي ..بس الله يعافية يابنتي.. فيه منا اللي انهت الامتياز تعرف انجلش وضرب الابر وفيه اللي متحسفه الان ومتعرف وضعيات وزوايا ضرب الاب وماتعرف تركب مغذي ...واللي بقوله للي قرب امتياز او في يوم امتياز لا تغيبين او تتسلين بهالفتره ...لانك مره راح تتعبين وقت الوظيفه .... دعواتكم لي بالتوفيق اختكم مزن لعوب |
رد: مواقف فترة الامتياز
موفقه أختي الغالية ...:106::106:
|
رد: مواقف فترة الامتياز
مزن لعوب ..
عجبني كلآمك بآلحيل بآلحيل بآلحيل:mh318: تخيلت نفسي كذآ وآنآ أطبق :( بس بدري علي توني بروح مستوى ثآلث :mad: << آلمشوآر طويل بآلتووفيق يـآرب |
رد: مواقف فترة الامتياز
موضوع حلوو كثيييير ياليت الكل يتفاعل ويكتب موقف
من فتره امتياز او فتره التدريب علشاان نستفيد .. يسلموو مزن لعووب ..:119: |
رد: مواقف فترة الامتياز
اممممم احد المواقف اللي صارتلي
جهاز الضغط الاكتروني ... كان مشبوك بالفيش المهم مسويه حالي واثقة بنفسي ....وسحبته ولادريت انه مشبوك واسحبه بسرعه وصلت يمكن 3او4 امتار ....إلا وهو طرنق بوجهي ....طبعا السلك مشبوك ماانتبهت تدرون وش سويت ...أقرب لفه رحت ولارجعت للقسم ذآك :mh318: |
رد: مواقف فترة الامتياز
وبخصوص الاستفادة والله يابتكلون بردات وجه الى ماتتطفشون
بس لازم تتعلمي لاتقولين زي استحي والله العظيم اني نادمة الثلاثة شهور اللي ماتعلمت فيه شي والسبب الحياء ..بكرة لاتوظفت ماحد نافعني :(107): فكل وحدة تحاول تتعلم :119: طبعا اغلبيه المرضى مايحبون سعودية ولامتدربه تشتغل عليهم فآذا احد سألك قولي منقوله ..او وحدة غايبة وجاي مكانه يعني صرفي ..:biggrin: |
رد: مواقف فترة الامتياز
يوووووووووووووووووه
تحمسسست أبي آططططبق آبي آطططبق |
رد: مواقف فترة الامتياز
أبي اطبق .......أبي اطبق .........
أبي امي ......أبي ابوي ........ لا جد حمستوننننننننا واحنا لسى بدري علينااااااااا تسلمون على التجارب الحلوة..بالذات مزن مشكووووورة خيوه . |
رد: مواقف فترة الامتياز
جزاكم الله خير و الله يوفقكم و نشوف الكادر السعودي يملأ المستشفيات و المراكز و ما ذلك على الله بعزيز مزن لعوب :: رجاء خاص لا تقطعينا نبغى نستفيد من خبرتك و لو بالقليل بارك الله في جهودك و مسعاك :d5: |
رد: مواقف فترة الامتياز
أقول مزن ماينفع آطالب بآجازة برمضان ...:(107):
على الاقل اول اسبوع ....؟؟؟ |
رد: مواقف فترة الامتياز
اقتباس:
تقدرين بحالتين اما عذر رسمي مثلا مستشفى او تكلمين الدكتوره او الدكتور المشرف على الامتياز ...وهذي صعبه لانك لازم توقعين حضور وانصراف ودفتر الحضور والانصراف بيد المشرف عليكم بس بالعاده مايكون طول الاسبوع تطبيق يعني 4 ايام او 3 ايام معاك خميس وجمعه فقط واذا اقسموكم شفتين راح تداومين من 7.30 الى 1 ظهرا والشفت الثاني 1 الى 4.30 طبعا راح يقسمونه ثلاث شهور صباحي وثلاث شهور مسائي |
رد: مواقف فترة الامتياز
بسم الله الرحمن الرحيم السلام عليكم ورحمة الله وبركاتة اولاً احب اشكرك على هالموضوع الجميل واللي يرجعنا للفترة الامتياز جد كانت فتره حلوووه مره وما تنسي الله يذكرها بالخير اغلب اللي رد اشوفهم من التمريض اما انا بكون غير عنكم انا بقسم الصيدلة لاكن تمريض ولا صيدلة احنا تحت مبنى واحد ونتعامل مع المرضى وان جينا للمواقف فهي كثيره منها يضحك ومنها يبكي لاكن يزيدنا اصرار وتقدم بان أحنا نتعلم اكثر انا احب الموافق لي لما يسالني الدكتور سؤال على اني مو عارفه شي وينصدم بالاجابة الصحيحه الصاروخيه تلحقها ابتسامة عريضه ناتجه عن الثقه بالنفس والنصر على اعتقاد الدكتور باني ما اعرف شي اخر شي :064: كلمة للي راح يكون بالتدريب قريب واللي بالتدريب حالياا : انك تنتهز فرصة التدريب وتتعلم الكثر لان الدراسه شي والتدريب شي ثاني ولازم يكون عندك ثقه وشجاعه عشان تواجه الاشياء والمشكلات الصعبه اللي بتواجهاا اثناء تدريبك ولا تنسى :wink:الورقة والقلم عشان تدون فيه المهم اسال اذا ما عرفت هذا مو عيب العيب انك دوم تكون جاهل وما تعرف شي اسفه:119: على الاطاله بس الموضوع شدني و قلت لازم ارد عليه موفقه ان شالله وربي يعطيك العاافيه |
رد: مواقف فترة الامتياز
هلا هلا حي الله اختي مزن
:53: لا تخافين انا من اللي يذكرونك :(284):انا اذكر يوم اسجل هنا بالمنتدى كنا نشارك سوا تقريبا قبل سنتين :biggrin: ايام ما كنا طلاب المهم ما لكم بالطويله طبقنا والحمدلله عدت الامور على خير طبعا حنا تطبيقنا ثلاث شهور فقط لان الباقي بالهلال الاحمر المهم اذكر من المواقف الطريفه كنا يوم من الايام بالريسوس وجتنا حاله خطره واحد مصاب وفيه اصابات خطيره بالراس وتحديدا قطع بفروه الراس المهم ما فيه الا دكتور واحد وممرضه وحده انا دخلت عرض معهم :(284): والدكتور يخيط الراس وانا واقف اطالع قال لي امسك راسه وانا كل ما خطت غرزه انت اضغط الراس وطلع الدم :mh12: وانا قلت اوكي والدكتور يشتغل وانا اضغط وبالاخير اعجبه شغلي وقال لي ابكلم الهيدنيرس يرفع تقييمك :53: قلت لا يا دكتور انا اطبق هنا :mh12: يوم قلت كذا ويستلمني تهزيء كيف تدخل معانا بعمليه خطيره وكيف وكيف :Cry111: ويوم اخذت علقه :41jg: قال لي لكن برافو شغلك شغل واحد من زمان هنا :mh318: طبعا انا بالمستشفى ملقوف ولا يهمني احد :(269): مره من المرات تقريبا اول اسبوع بالتطبيق جانا مريض وقال الدكتور ركبوا له نورمال سالاين وجتني الممرضه قالت تعرف قلت ايه :hahahahahah: وانا من جنبها ما اعرف المهم قلت بسم الله :33_asmilies-com: وانا اللي افتح له الوريد :mh12: واتوقع للحين ينزف :(284): برضو هزأتني الممرضه بس بعدها صرت احسن احد بالعالم :(204): يعني نصيحه للي بيطبق اهم شي لا تستحي وجرب كل شي لانه بدون التجربه ما راح تتعلم |
رد: مواقف فترة الامتياز
هلا ـ بمزن لعـوب
حي الله هالطلـه الحـلوهـ ع طاري المواقف لي رجعه بس حبيت اسلم عليك موووووووفقه |
رد: مواقف فترة الامتياز
مووضوع حلو ..يعطيكـ العافيه مزوون ...
انا سبق ونزلت موضوع مششابه له ..بس مدري وين ختفى ..:(107): انا الحين بفترهـ التدريب ..باقي لي شهر رمضان وشهر عششرهـ وخلاص اختمـ التدريب ..:bawling: بس ناااااااااااااااااقلهـ هم ..تعدوت ع اجواء المسسستشفى..يعني ماني متحمله اقعد كم شهر فاضييه ع مايجي اختبار الهئيه ...:Cry111: بالنسسبه للمواااااااقف ............مواقف كثيرهـ بس كلها ممتعه ..:(204): بس انا بقول نصيحه للي مقبلين ع فترهـ التدريب ..:53: اي احد يبي يتعلمـ ..لا يسستنى آآي احد يسسحبه من يدهـ ويقول تعال اعلمكـ .. لان بالمستشفى كلن مااسسكـ له شغله ..ومو فاضي احد .. يعني انت بنفسسكـ اششتغل ..واسأل واسستفسر عن كل صغيرهـ وكبيرهـ .. وثاني شي ...للبنآآآآآآآآآآآآت ...أأأنسسن شغله انا اسستحي او انا اخجل او او ... لأن انتي بمجال يعرضكـ للاحراج ..من قبل مرضى او دكاترهـ او مراجعين .. يعني لازم مهئيه انكـ تكونين قد هالمجال الي انتي دخلتيه... انا الفترهـ الا راحت تدربت عن دكتور سسعودي ..كنت بالبدايه اسستحي .وارتبكـ ..بس بعدين شوي شوي .. فكرت قلت شلون ابي اصير شاطرهـ وومميزهـ من غير ما اششتغل واسساله عن كل شي ..\ وفعلا ..بذلت كل مجهوودي ............والحمدالله ..صار يتعامل معاي ع اني ممرضــه مومتـــدربه .. وفي حاجه مهمه بقولـــها .... أأأأأأأأأأأأأأهمـ شي أأأأأأأأأأأأأأأأهمـ ششي.. السسسسسسسسسرـعــه .. الشـــغله الي تحتاج ربع سساعه ..خليها تكون بخمس دقايق .والي تكون بسساعه خليها تكون بنص سساعه لأن السسرعه جزء من الششطارهـ.. في دكتورالله يسسعدهـ من ثاني اسسبوع من تدريبي ..شافني واقفه مع الممرضات ما اسسوي شي ..مو مثل الممرضات كلن ماسكه لها شغله ومحتااسه ... شكـ بأأمري ..قال انتي تدريب<== كان حاس بس يبي يتأأكد ... قلت اي انا تدريب قال تعالي معاي... قالي اول شي البسسي قلفز ابي اغير جرح ... قعدت نص ساعه ونا ع مافتحت القلفز وع ما لبسسته ههههههههههه .. قال ششفتي كم خذا منكـ وقت بس ع لبس القفلز .........انا سكت صرآآحه لان كلامه صحيح ..:tongue: خلصنا غيار الجرح .وقعد ينصحني ..:000: قال انا عندي اهم شي بالممرضه السسرعه ..ما تعتمد ان احد يسساعدها...:(204): ادري طولت كلامـ......بس عششاني بفترهـ التدريب لازم تسسمعون مني مواقف ونصايح .. لأأن اذا ما نفعتكمـ ماضرتكمـ..:(204): موفقين يارب ..:106: |
رد: مواقف فترة الامتياز
بالتوفييق
|
رد: مواقف فترة الامتياز
هههههههههههههههههههههههههههههههههههههههه < ميت ضضحك تدرون انا يكرشوني يهاوشوني الدكتور شوي ويمردخني وانا قاط معاهم واطالع لهم واشتغل معاهم اتوقع يقولون وش هالزقه هذا ... :71: بس عادي عند مصلحتي وعند فايدتي اسوي كل شي عادي ماعليك منهم اهم شي تستفيدين وتعلمين : وكل شي اسئل فيه الدكتور وناشب له اتكلم معاه انقليزي يعني ( منششف حلقه ) :hahahahahah: الله يوفقققك يارب .. :hhheeeart4: |
| All times are GMT +3. الوقت الآن حسب توقيت السعودية: 04:36 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه