|
طالبات الأكاديمية بالخبر ,, و بـــــس
السلام عليكم ,, أنا طالبة بالأكاديمية في الخبر نظام الدبلوم الجديد و صقيقاتي بعد شوي بيسيّرون !! بدأنا الربع الأول تحضيري و نزل قرار بسمــاح الابتعاث لحملة الدبلوم وناسة :d5: دوامنا من 8 إلى 12 كل يوووم , و أحيان في محاضرة أو محاضرتين و ما تتعدى 3 في اليوم ندرس في التحضيري : رياضيات , ثقافة إسلامية , فيزياء , مقدمة في الحاسب , مادة توجيه سلوكي متعيجزة أقوم أجيب اسمها أمممممممم أي استفسار حاضرين ,, |
رد: طالبات الأكاديمية بالخبر ,, و بـــــس
الله يوفقك انشاء الله
وين مكانها بالخبر وايش التخصصات اللي فيها وهل كل الدبلومات فيها ترم تحضيري واخر سوءال كيف معلماتها وفيها مسائي ومشكوره مقدما |
رد: طالبات الأكاديمية بالخبر ,, و بـــــس
الله يوفقك إنتِ بعد يا قلبي شفتي بوابة الخروج لمستشفى التعليمي ؟؟ هي عندها تقريباً ,, بعد معجنات بابل في مبنى أورنج و التخصصات : محاسبة , برمجة , شبكات ,, في مسائي بس ما أعرف التفاصيل أما المعلمات ,, أنا ( بالنسبة لي ) فووووق الممتاز لأني فعلاً لي رغبة بالدراسة ,, و أدخل المركز مبتسمة و سلام هنا و هناك ممكن كثير غيري يقولون عكس كلامي ,, بس على نياتكم ترزقون صح ؟ و الله مرة كنت مكتئبة و متضايقة و لما دخلت مرررة انبسطت رغم إن عندي مشكلة مادية ,, و رميت الهم وراااااي ,, و ربي رزقنا بالكلاس ببنت زاحــفة ربي يسعدها ههههههههههههه أي استفسار لا تترددين ,, و حياك الله ,, |
رد: طالبات الأكاديمية بالخبر ,, و بـــــس
تسلمين ياقلبي كلك ذوق
حمستيني لها والله انا قريت انه فيه دبلوم رعاية صحية بس شكلها موموجود بفرع الخبر |
رد: طالبات الأكاديمية بالخبر ,, و بـــــس
^
^ هذي اكاديميه التعلم مش الاكاديميه الصحيه ! / عوافي خيتو على الموضوع سؤال في دبلوم محاسبه ماليه بهالفرع ؟ والتخصص يكون من البدايه ولا الترم الاول يكون تحضيري ؟ يعني لما اسجل ما اقول لهم ابي الدبلوم هذا ادرس تحضيري بعدين اختار القسم صح ؟ |
رد: طالبات الأكاديمية بالخبر ,, و بـــــس
رايا لا ما عندنا ,, الاكاديمية تقنية مو صحية !! ديم ,, ايه يا قلبي في محاسبة و لازم التحضيري لنا كلنا بس إنتٍ لو اخترتي محاسبة تدرسين نفس المواد اللي كتبتها إلا الفيزياء , تاخذين بدالها مادة في مباديء إدارة الأعمال و على فكرة ,, ترى مو ترم كامل تحضيري ,, ( ربع فقط ) يعني شهرين أظن ( 8 أسابيع ) لأن الدراسة مقسمة لأرباع ,, المعذرة ما دخلت من أول ما توقعت أحد يتحمس ,, و يسأل خخخخخخ تحياتي ,, |
رد: طالبات الأكاديمية بالخبر ,, و بـــــس
البرامج التدريبية
1/ تقنية المعلومات INFORMATION TECHNOLOGY تفاصيل البرنامج : http://www.academyoflearning.com.sa/program/it.htm 2/ المحاسبــــة Accounting تفاصيل البرنامج : http://www.academyoflearning.com.sa/...accounting.htm 3/ ادارة الأعمال BUSINESS AMINISTRATION تفاصيل البرنامج : http://www.academyoflearning.com.sa/...inessadmin.htm 4/ التأمين Insurance تفاصيل البرنامج : http://www.academyoflearning.com.sa/.../insurance.htm 5/ خدمة العملاء Customer Service تفاصيل البرنامج : http://www.academyoflearning.com.sa/...merservice.htm 6/ الإدارة المكتبية Office Administration تفاصيل البرنامج : http://www.academyoflearning.com.sa/...instration.htm 7/ الرعاية الصحية HEALTH CARE تفاصيل البرنامج : http://www.academyoflearning.com.sa/...ealthecare.htm 8/ التصميم للإنترنت والتصميم الفني Web and Graphic Design تفاصيل البرنامج : http://www.academyoflearning.com.sa/.../webdesign.htm هذا الكلام موجود بالموضوع المثبت معلومات اكادمية التعلم بس شايفه انه مو كل التخصصات موجوده بالخبر غريبة ليه |
رد: طالبات الأكاديمية بالخبر ,, و بـــــس
كلنا لما دخلناها كنا متشققين من الوناسة ولما طلعنا :sdfgdsf: هههه وموضوع العاطلات اللي فوق يشهد
اختي ديم هالمركز اسمة اكاديمية التعلم الكندية لا يقصون عليكم بسالفة الابتعاث لان الدفعات اللي قبلكم نصبوا عليهم بسالفة راح تكملوا باكلريوس في جامعة فيصل وجامعة العلوم التطبيقة بالبحرين والاردن ولين يومك مالهم حس الله يوفقك ياقلبووووو |
رد: طالبات الأكاديمية بالخبر ,, و بـــــس
صحيح طموحي فوووووووووووووووووووووووق
و لكن أحسن من مذلة جامعتنا اللي تخرجك و هي ما تبي تخصصك يعني وش الفايدة على الأقل أدرس شي أنا أحبه و من ناحية الابتعاث ههههههههههه تكفين عاد اللي فاتحين الوزارة ينتظروني أتنازل و أقدم خخخخخخخخخخخ و الواحد أهم شي يكون عنده كفاءة الشهادة هذي يبلها و يشرب مويتها يعني يدرس سنتين و يجيك ما يدري وش يسوي !!! في كل الأحوال ضياع فلوس و لا ضياع نفووووس << مع كلياتنا 4 سنين مناحر مع الكلية و تتخرجين على البيت يلاااااااا ربك يعين ,, |
رد: طالبات الأكاديمية بالخبر ,, و بـــــس
حابه اطرح سوال لاني من خريجات هذي الاكاديميه قبل ماينقلونها واول دفعه تقريبا ابي اعرف في احد كمل جامعه وعادلوله المواد اللي تم دراستها
|
رد: طالبات الأكاديمية بالخبر ,, و بـــــس
عزتي مالها حدود ... انا شفت بنات بالجامعة العربية كانوا بالاكاديمية بس مدري هم كملوا على الدبلوم او بدو من البداية فيها ..:000:
|
رد: طالبات الأكاديمية بالخبر ,, و بـــــس
انا متخرجه من 2008 ولااحد رضى يعادل لي وفوق كل شي نفس كلامكم قالو لنا في امكانيه ابتعاث
ماني محطمتك وااااجد بس ياكثر مايطمعون الناس وكافي رفعو منها الختم الكندي يعني وش الفايده صدقوني كلام في كلام ربي يرزززقكم لكن لاتحلمون واجد هذا اللي اقوله ماستفد الا اشياء بسيطه جدااا وهذا اتا اكمل دراستي انتساب الحين بس نصيحه لاحد يحلم ويطير فووووووق موفقين يارب |
رد: طالبات الأكاديمية بالخبر ,, و بـــــس
الا انا صديقاتي في العربيه عادلووو لهم تقريبا 13 ساعه بس ماحذفو الماده اختي
وفوق هذا العربيه اصلا موش ولابد وكلنا نعرف هالشي |
رد: طالبات الأكاديمية بالخبر ,, و بـــــس
هلا اختي هل شهادتها مضمونه ؟؟
وهل تدريسهم حلووو؟ وبكمم ؟ وهل في بنات كم الجبيل ؟؟ :119: ياليت على الخاص وارسلس رقم الاكادميميه .,, ودي اسجل طفشت من البيت :icon9: الله يوفقك ,, لااتنطنشيني |
رد: طالبات الأكاديمية بالخبر ,, و بـــــس
هل في بنات من الجبيل ؟*
|
| All times are GMT +3. الوقت الآن حسب توقيت السعودية: 02:34 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه