بنات فرع الدمام اللي مسجلات دبلوم لغة انجليزي ..
 

السلام عليكم


ليت يكون هنا اجتماع لكل البنات اللي ماخذين دبلوم او كورسات للغة الانجليزي


الدوام بيكون يوم السبت لكن الانجليزي بيبدا يوم الاثنين



الساعه 8 الى 12

ليت توضحون لي كيف نظامهم ؟؟

انا جربت الصيفي وقالولي الصيفي يختلف عن وقت المدارس

من تعرف تفيدني !!

جعلها للجنه وماتمسها النار ابد ..................

رد: بنات فرع الدمام اللي مسجلات دبلوم لغة انجليزي ..
 

اللي اعرفه احنا دوامنا من 8ل12
لكن الانقلش اشوفهم مرات من 9
عموما روحي يوم الاحد و شوفي جدوولك

رد: بنات فرع الدمام اللي مسجلات دبلوم لغة انجليزي ..
 

وعليكم السلام

انا رحت أمس اسجل دبلوم إنجليزي

قالت الموظفة أجيهم السبت حتى تكون الاستاذة موجودة وتسوي تحديد المستوى


أكيد دوام الإنجليزي يوم الإثنين ؟ الموظفة ماذكرت لي هالشيء

قالت تسوين تحديد مستوى وتدخلين الكلاس


بالنسبة للدوام قالت فيه أربع أوقات أختار اللي يناسبني

من 8 إلى 11 ومن 9 إلى 12 صباحي وفيه بالمساء من 4 إلى 7 ومن 5 إلى 8

رد: بنات فرع الدمام اللي مسجلات دبلوم لغة انجليزي ..
 

انا كلمتهم ومستواي الثالث بيكون علشان كذا قالت الاستاذه يوم الاثنين

وتحديد الوقت على حسب الاستاذه

صحيح كلامك طموح اربع اوقات يكون

انا بالصيف اخترت من 10 الى 12

والحين بشوف اللي يناسبني واكييد ابيه صباحي

وبإذن الله اختار من 8 الى 10

بكلمهم السبت الصباح وان احتجت التفاهم فيس تو فيس رحت لهم عصر السبت


وراح اكون هنا واقول لكم كل شي

واتمنى دايم نشوفكم هنا وتقولون تجاربكم

رد: بنات فرع الدمام اللي مسجلات دبلوم لغة انجليزي ..
 

بنات دقيت عليهم اليوم قالواا الدراسه تبدا الاسبوع هذا

اما دبلوم الانجلش تبدا 8/9 من 9 الى 12


في احد مسجله هالدبلوم وقالو لها نفس الشي ؟؟

رد: بنات فرع الدمام اللي مسجلات دبلوم لغة انجليزي ..
 

انا دقيت عليهم الحين سألت عن دوام دبلوم الانجليزي
قالت فيه بنات بدأو اليوم وبنات يبدأون يوم الاثنين

بروح اسجل بكره او بعده

رد: بنات فرع الدمام اللي مسجلات دبلوم لغة انجليزي ..
 

انا دقيت الاربعا اللي فات وقالت مستوى ثالث بيبدون يوم الاثنين اللي هو بكره

وامس دقيت عليهم قالو الدبلوم الاسبوع الجاي

مع العلم ان اللي يردون مختلفات مو وحده مسنتره على التلفون ع طول

شكلي بروح لهم بكره واعرف السالفه المضبوطه

اشكركم على الرد ونتمنى وجودكم هنا دووووم

رد: بنات فرع الدمام اللي مسجلات دبلوم لغة انجليزي ..
 

انا ودي ان الدراسة تبدأ الاسبوع الجاي لاني ماضبطت اموري باقي

وما ابي اتأخر بالمحاضرات

اذا رحتي بكره قولي وش يصير معك

بالتوفيق عزيزتي

رد: بنات فرع الدمام اللي مسجلات دبلوم لغة انجليزي ..
 

دقيت عليهم اليوم العصر

وقالو الدبلوم من المستوى الثالث بيبدأ بـــ 10 /9

يعني يوم الاثنين الجاي


انتي في اي مستوى

لازم تروحين تحددين مستوى علشان هالاسبوع في دبلومات من مستويات 1 و 2

عادي تقدرين تروحين صباح او مساء

اذكر قبل جيتهم بعد المغرب واختبرت وحددت مستواي


موفقه ياااارب

رد: بنات فرع الدمام اللي مسجلات دبلوم لغة انجليزي ..
 

يعني الدبلوم المستوى الاول والثاني بدأو هالاسبوع ؟

طيب كيف طريقة تحديد المستوى يطولون وإلا لا

ومشكورة :)

رد: بنات فرع الدمام اللي مسجلات دبلوم لغة انجليزي ..
 

تحديد المستوى نوعا ما دقيقه

سماعات وكمبيوتر واسئله بعضها تنحل لمجرد القراءه وبعضها تحل من سماع السؤال
غرفه صغيرة وتنحلين لحالك وبراحتك بدون وقت محدد


وبعد ماتخلصين بخمس،دقايق يتحدد مستواك


واييه بعد،امتحان الجهاز،في امتحان بالورقه اسئله وتجاوبين عليها

عن نفسك وعن الحياة تقريبا مثل المحادثات


موووفقه يارب



انصحك تروحين قبل مايفوتك الدروس

رد: بنات فرع الدمام اللي مسجلات دبلوم لغة انجليزي ..
 

بنات فيه وحده من حي بدر ولا احد ولا الفيصليه ,, محتاجه مواصلات وياليت يكون فيه احد معاي :139:

مابي لحالي وقسسم تجيني هواجيس وش كثرها وغير ان المركز بعيد :Looking_anim:

تكفون بنات ردوو عطوني ارقام باصات توصيل للمركز

رد: بنات فرع الدمام اللي مسجلات دبلوم لغة انجليزي ..
 

هذي المشكلة الحاصله

الله يسهل امرك ويوفقك ويوفقناا اجمعين

رد: بنات فرع الدمام اللي مسجلات دبلوم لغة انجليزي ..
 

امس بدينا اول درس لليفل 3

في احد هنا كان من الحضور امس

صباحي طبغاا من 9 الى12

رد: بنات فرع الدمام اللي مسجلات دبلوم لغة انجليزي ..
 

السلام عليكم ..

بنات كيف الدبلوم عندهك تنصحون فيه ؟ وكم سعره ؟