|
دفعة 2009 كل مايختص بدراسة التمريض
مساء الخير للجميع ..
بداية ألف مبروك القبول للدفعة الجديدة دفعة 2009 في كلية التمريض في جامعة الملك فيصل للبنات .. أتمنى لكن التوفيق في حياتكن الجامعية التي ستكون مليئة بالمغامرات والأحداث الجديدة عليكن ... فأنتن قبل كل شيء قد انتقلتن من مرحلة الدراسة المدرسية البسيطة إلى عالم فسيح وهو المرحلة الجامعية .. لن أقول بأن الأمور ستكون سهلة عليكن .. ولن أقول ستكون صعبة .. ففي كل تخصص تكمن صعوبة مجهولة .. ولكن بالجد والاجتهاد والمثابرة بأذن الله ستكون الأمور أسهل بكثير .. و أنا هنا أقدم لكم هذا الموضوع الذي سيكون شامل لكل صغيرة وكبيرة تنتظركن .. بسم الله نبدأ ¨°o.O (البداية ) O.o°" اول شي مثل ما انتوا عارفين طبعاً سويتوا الفحص الطبي وسلمتوا اوراقكم وكل هاذي الأمور ... في ورقة عطوكم اياها المستشفى وسلمتوها للجامعة الي بدورها صورتها وخذت الأصل وعطتكم الصورة صح؟؟ في شغلة من فوق في الورقة مكتوب رقم الطالب .. وهو رقم مكون من تسعة ارقام مبتدأة بـ 2090 وهو رقم الطالبة الجامعي واهو الي راح يستمر معاها طول فترة الدراسة .. فالطالبة في الجامعة لاتعرف بأسمها بقدر رقمها الجامعي .. حيث أنه لا تحتسب لها نتيجة أي امتحان ما لم تكتب رقمها في الجامعي في الخانة المخصصة له في ورقة الأمتحان .. حتى بعدين ان شاء الله نتايج الأمتحانات ماتقدرون تطلعونها الا بهالرقم .. نصيحتي / حاولوا دائماً تكون هالورقة معاكم في بداية الدراسة خصوصاً بتكونون لسه ماحفظتوا الرقم بس ترى مع الوقت راح تعتادون وتحفظونه مثل اساميكم .. ¨°o.O (الأسبوع الدراسي الأول ) O.o°" راح تبدأ الدراسة في يوم السبت تاريخ 11/10/1429 هـ راح تكونون متواجدين في نفس المبنى الي قدمتوا فيه اوراقكم وهناك قبل لا تدخلون إلى مبنى 65 من برا كلش بتشوفون قاعة مكتوب عليها ( قاعة المحاضرات العامة ) أهني راح يكون لكم فيه حفل ترحيب بالمستجدات لمدة يومين السبت – الأحد راح تكون فيه محاضرات و تعريف بالكليات .. وراح تكونون مع بعض .. الطالبات المستجدات لكلية الطب الطالبات المستجدات لكلية العلوم الطبية الطالبات المستجدات لكلية التمريض الطالبات المستجدات لكلية العمارة والتخطيط طبعاً راح يعرفونكم على نظام الكلية و تشوفون بنات خريجات من الكليات وتسمعون تعليقاتهم وبنات من السنوات المتقدمة وتسمعون تعليقاتهم على الدراسة وغيره .. وغيره الكثير .. طبعاً في يوم السبت راح يسوون لكم جولة على الجامعة .. المباني .. المعامل .. المكتبة .. الكفتيريا .. واماكن كثيرة راح تشوفونها .. يعني مافي دراسة خلال هاليومين راح تقضونهم في التعرف على الجامعة والطريقة المتبعة وكل شي .. وطبعاً راح يعطونكم اوراق مفيدة فيها نظام الكلية .. والخطة الدراسية وغيرها الكثير .. نجي الحين ليوم الأثنين .. في هاليوم راح تكون لكم محاضرة للترحيب بالمستجدات في مبنى كلية التمريض .. طبعاً مبنى كلية التمريض اهو المبنى الي يلي مبنى الثقافة الأسلامية ويطلق عليه أسم ( c 3 ) – ( ج 3( وهاذي المحاضرة راح يلقيها عليكم عميد كلية التمريض محمد حجازي بيتكلم لكم عن الكلية وتاريخها ومبادئها وغيرها وغيرها .. وطبعاً بالأضافة إلى المعيدات في الكلية والي ماتحضرني أسمائهم وبالأضافة إلى منسقة كلية التمريض الأستاذة شادية والي صج راح تحبونها لتعاملها الطيب معانا ومع جميع الطالبات .. بالإضافة إلى الدكتورة ميرفت وغيرهم من الي راح تتعرفون عليهم .. طبعاً راح يقومون بتقسيم الدفعة إلى مجموعتين ( قروب 1 وقروب 2) وراح يعلقون لكم قوائم المجموعتين فكل وحدة لازم تعرف اهي من أي قروب لأنه حتى الكلاسات الدراسية بتكون مختلفة بين القروبين ونفس الشي الجدول الدراسي .. وراح تكون لكم جولة في الكلية نفسها تشوفون اقسامها ومعاملها وكلاساتها .. طبعاً المبنى جداً جميل وجداً مميز وجديد بعد وراح تحبونه وترتاحون فيه.. نصيحتي / انتبهوا لهالثلاث ايام زين لأنها راح تفيدكم في اشياء كثيرة . الحين نجي للجد شوية .. لعبتوا وتونستوا بهالكم يوم ؟؟ خلاص نروووح للجد الحين .. طبعاً راح أكتب لكم المواد الي راح تدرسونها في السمستر الأول واسماء الدكتورات المتوقع انهم يدرسونكم .. 1/ مادة الثقافة الإسلامية ( الدكتورة هبة بكر آل خميس ) سعودية . 2/ الفيزياء الطبية التطبيقية ( الدكتورة أمل القحطاني ) سعودية . 3/ الكيمياء ( الدكتورة هيا ) سعودية . 4/ اللغة الانجليزية ( الدكتورة غزالة ( باكستانية ) ، الدكتورة روز ماري ( امريكية ) الدكتورة كيث ( بريطانية ) الدكتورة ريم ( سعودية ) ) 5/ مقدمة في أساسيات التمريض و أخلاقيات المهنة ( الدكتورة حنان كفافي ، الدكتورة ميرفت أدهم ، الدكتورة كميليا صابر ( مصريات ) ) هذولا المواد الي راح تدرسونهم في السمستر الأول .. قبل لا اتكلم عن مادة مادة .. اول شي راح اتكلم عن الجدول الدراسي .. خلال يومي الثلاثاء والأربعاء من الأسبوع الأول راح يعلقون لكم أرقام السي آر أن للمواد لكلا القروبين .. ماهي أرقام الـ crn ؟؟ لكل مادة دراسية في لها رقم خاص فيها .. وطبعاً لازم تسجلون هالمواد في نظام البنر في موقع الجامعة عن طريق ادخال رقم السي آر أن الخاص بهالمادة .. ولمه يصير حزتها بعلمكم بكل شي .. طريقة التسجيل .. وغيرها وغيرها .. طبعاً لازم تنتبهون لشغلة .. ارقام السي آر أن للقروب الأول تختلف عن ارقام السي آر أن للقروب الثاني فلازم تاخذون الأرقام الخاصة بالقروب الي انتوا فيه .. طبعاً الجداول مختلفة بين القروبين من حيث اوقات المحاضرات وغيرها وغيرها .. ما هي طبيعة المحاضرات ؟؟ الحين بكلمك عن طبيعة المحاضرات .. طبعاً راح يكون لكم جدول اسبوعي تمشون عليه وراح تعطيكم اياه الكلية نفسها .. المحاضرة الأولى تبدأ الساعة ثمان الصبح .. وطبعاً نهاية الدوام تختلف من يوم ليوم على حسب جدولكم .. بس في السمستر الاول سنة اولى كحد اقصى يكون نهاية دوامنا الساعة ثلاث العصر ... واحياناً الساعة 12 الظهر .. طبعاً في بريك لكل السنوات ولكل الجامعة من الساعة 12 ظهراً حتى الساعة الواحدة ظهراً لتأدية الصلاة .. الحين نجي نتكلم عن مادة مادة وشلون طريقة محاضرتها .. مادة الثقافة الإسلامية : مكان المحاضرة / مبنى الثقافة الإسلامية . عدد المحاضرات / محاضرة واحدة في الأسبوع . مدة المحاضرة / ساعتين متواصلتين . ملاحظات / راح تحتاجون انكم تكتبون الي تكتبه الدكتورة على البورد بالإضافة للتعليقات الي تقولها .. وطبعاً الدراسة باللغة العربية في هالمادة وسهلة جداً وهم بعد معاها تسميع قرآن في نهاية السمستر .. وايضاً انتوا مطالبين بالمشاركة في المحاضرة علشان درجات المشاركة . مادة الفيزياء الطبية التطبيقية : اقسام المادة / نظري وعملي . عدد المحاضرات / محاضرة واحدة للنظري ومحاضرة واحدة للعملي في الأسبوع . مدة المحاضرة / ساعة واحدة للنظري ، ساعتين للعملي . مكان المحاضرة / النظري في الكلاسات الدراسية في كلية التمريض ، العملي في المعمل في مبنى المعامل . ملاحظات / مممممم المادة سهلة وحلوة ترى حدها وممتعة في الدراسة وفي العملي جداً بتستمتعون وطبعاً لازم تطبقون الي تاخذونه في العملي وتدونون ملاحظاتهم في اللاب منول والي اهي ملزمة العملي وتسلمونها في نهاية المحاضرة للدكتورة وراح تعطيكم درجات عليها من اربع ... وطبعاً في نهاية السنة درجات العملي تضاف لدرجات النظري .. وما يحتاج اقول لكم انه لغة الدراسة في هالمادة بالأنجليزي . مادة الكيمياء : اقسام المادة / عملي ونظري . عدد المحاضرات / محاضرتين في الأسبوع للنظري ومحاضرة واحدة للعملي . مدة المحاضرات / ساعة للمحاضرة الواحدة للنظري وساعتين للعملي . مكان المحاضرات / النظري في الكلاسات الدراسية والعملي في مبنى المعامل في معمل الكيمياء . الملاحظات / بالضبط نفس مادة الفيزياء . مادة اللغة الأنجليزية: اقسام المادة / قرمر ، رايتنغ ، ريدنغ ، لسننغ ولكل قسم دكتورة . مكان المحاضرات / في نفس الكلاسات الدراسية . ملاحظات / ممتعة لأبعد حد وراح تحبون الأنجليزي حزتها . مادة مقدمة في التمريض واخلاقيات المهنة : مكان المحاضرات / في نفس الكلاسات الدراسية . عدد المحاضرات / محاضرة واحدة في الأسبوع . مدة المحاضرات / ساعتين . ملاحظات / هالمادة شوي شدوا حيلكم فيها لأنها كلها بالأنجليزي و حاولوا تترجمون وتذاكرون أول بأول وكل شي بيتسهل ان شاء الله . هاذي كل المواد وطبعاً راح تبدأون دراسة على هالمنوال .. ولاتنسون تفصلون لكم لاب كوت أبيض للمعامل الفيزيا والكيميا لأنه الي ماتلبس لاب كوت تتنقص درجات .. وتفضلوا هالموضوع فيه اسماء كتب راح تفيدكم في مشوار دراستكم للتمريض http://box4.exaservers.com/~kfusorg/...ead.php?t=6158 اتمنى اني افدتكم وان شاء الله قدمت معلومات كافية ووافية والي عندها سؤال عن أي شي تقول لي وانا بجاوبها .. واحب انوه انه ان شاء الله راح احاول اسوي لكم جولة في الجامعة للاماكن الي مايودونكم لها الجامعة في جولتهم .. اتمنى لكم التوفيق .. مع تحيات مشرفة ملتقى كلية التمريض : ريــــــم |
رد: دفعة 2009 كل مايختص بدراسة التمريض
مجهود جميل اختي ريم .. أكيد راح يستفيدوا منه النيرسات الجدد .. يعطيك العافية .. :119: |
رد: دفعة 2009 كل مايختص بدراسة التمريض
الله يعافيج حياتي
وان شاء الله يلقون الفايدة المرجوة :) |
رد: دفعة 2009 كل مايختص بدراسة التمريض
يعطيك العافيه ريوووووومه ماقصرتي وفيتي ..
بس المحاضرات وشلووون لازم نكتبها يعني مافي ملازم كتب شــي..؟؟ تحياتي .. احساس أنثى |
رد: دفعة 2009 كل مايختص بدراسة التمريض
ياهلا والله فيج اختي
بالنسبة للمحاضرات طبعاً الأسلمك انتي راح تكتبين وياها بس بالنسبة للمواد الثانية ففي أول محاضرة راح تدخل الدكتورة وتعرف عن نفسها ومادتها وتكتب لكم اسم الكتاب والمؤلف الي راح تذاكرون منه وطبعاً تشترونهم اما من طالبات السنة الي راحت الي اهم احنا او من المكتبات جرير والعبيكان و في مادة الأنترودكشن الي اهي المقدمة راح يعطونكم ملازم للمحاضرات تطبعونها بعد كل محاضرة واتمنى اني افدتج :) |
رد: دفعة 2009 كل مايختص بدراسة التمريض
مشكورة أختي الله يعطيك العافية ممكن إستفسار... ما طبيعة اللبس لطالبات كلية التمريض.. ولونة؟؟؟؟؟؟؟؟؟ تحياتي |
رد: دفعة 2009 كل مايختص بدراسة التمريض
ياهلا والله فيج
بالنسبة للبس طبعاً النظام يقول : لبس طالبات كلية التمريض يكون بلوزة بيضه وتنورة سودا وحذاء وانتي بكرامة ابيض بس طبعاً سنة أولى عادي يلبسون اي لون واي شكل ومامرة خالفوا على هالشي بس لمه تروحون سنة ثانية وتبدأ روحة المستشفى اهني لازم تلبسون الي قلته لج بالأضافة للاب كوت الأبيض والله يوفقكم واي سؤال انا حاضرة :) |
رد: دفعة 2009 كل مايختص بدراسة التمريض
يعطيك العافيهـ
على مجهودك ريم وان شالله في ميزان حسناتك اكثر من رووووعهـ دمتي بود |
رد: دفعة 2009 كل مايختص بدراسة التمريض
العفووو
وانا بالخدمة بأي وقت :) |
رد: دفعة 2009 كل مايختص بدراسة التمريض
يعطيييييييييج ربي الف عاااااافيه ماتصدقين قد شنو ريحتيني
ياليت اشوفك وابوسك تسلميييييييين والله |
رد: دفعة 2009 كل مايختص بدراسة التمريض
الله يعافيج حياتي والله
واحرجتيني :c8: وان شاء الله لنا لقاااء في الجامعة :119: |
رد: دفعة 2009 كل مايختص بدراسة التمريض
السلام عليكم ورحمة الله وبركاته
مشكوره ياريم على الجهود الرائعه عندي سؤال وهو هل مسموح تسجيل المحاضرات ؟هذا السؤال الاول والبالطو ابيض ولا رمادي ؟هل الدراسه صعبه ؟ اتا موشاطره بالانجليزي واجد يعني اقدر امشي ؟والسؤال الاخير هل المحاضرات احنا اللي انلخصها ولا شنو ؟ |
رد: دفعة 2009 كل مايختص بدراسة التمريض
العفو عزيزتي
بالنسبة لتسجيل المحاضرات تقصدين بأي اداة تسجيل كالمسجلات وغيره ؟؟؟ طبعاً ممنوع حبيبتي وبالنسبة للاب كوت فأهو لازم ابيض مثل الي يلبسونه الأطباء والدراسة بتكون سهلة للي يشد حيله وبالنسبة للأنجليزي طبعاً حاولي تقوين لغتج بقراية الكتب في الأجازة وبعدين سنة اولى اهيه تقوية للغة الانجليزية يعني لاتحاتين بهالخصوص بس شدي على عمرج ومرني لغتج الانجليزية ومع الوقت بتعتادين وآخر سؤال بالنسبة للمحاضرات الي يصير انه محاضرات الثقافة الأسلامية الدكتورة تشرح وتكتب على البورد وانتوا تكتبون في دفتر المحاضرات وغير جذي انه في مادة الأنترودكشن وجذي راح تطبعون اوراق المحاضرات من الكوبي سنتر وتذاكرون منهم وبالنسبة المواد الثانية راح يعطونكم اسماء الكتب الي تذاكرون منهم لاتحاتين بس تبدأ الدراسة بتفهمين كل شي وكل شي بتشوفينه واي شي تحتاجينه قوليه .. :) |
رد: دفعة 2009 كل مايختص بدراسة التمريض
سلام ريم .... الله يعطيج العافيه ....
بس عندي كم سؤال ؟؟؟ الملابس شلون تكون قالوا لنا انه لازم تكون قميص ابيض وتنوره سوده وكتروا من الجزم البيضاء ... صحيح ولا لا؟؟؟ ونحتاج لاب توب لو لا؟؟؟ ومترجم؟؟ و في بطاقه سمعت انها ضروريه وما نقدر ندخل الا بها شقصتها وكيف نحصل عليها بسرعه؟؟ واسفه احس اني كثرت بالاسئله و عذبتج وياي............. |
رد: دفعة 2009 كل مايختص بدراسة التمريض
ســــــــــــلام ...
مشكوووره ريم .. انبسطت بهالموضوع ؟؟ ^_^ افهم من كلامك أول يومين مابفترق عن صديقاتي الي بالطب والعلوم الطبيه >>> ونااااااااااسه .. حركاااااااااات الا تعالي .. شنو امريكيه وبريطانيه وباكستانيه >>> هذول ناس مامنهم أمل يتكلمون كلمه وحده عربيه >>> ياخوووفي :000: ريام >> شنو سويتي بأول محاضره دخلتيها بالانجليزي ؟؟ وكيف تعودتي ؟؟ تدرين أخاف انحرج بين البنات على اللغه :c8: وش قصة الدراسه الصيفيه ؟؟ هل هي اجباريه ام لا ؟؟ ووشنو المواد الي تدرس بالصيف ؟؟ مسموح لنا بكل المواد او لا ؟؟ أسمع ان السواق يشترط عمل بطاقه له ؟؟ يعني مااعرف شلون ؟؟ هل صحيح الكلام او لا ؟؟ طولت كثير ؟؟ ياللا معليه :119: |
رد: دفعة 2009 كل مايختص بدراسة التمريض
ياهلا والله اختي
الله يعافيج وتفضلي سألي مثل ماتبين بالنسبة لسؤالج عن الملابس طبعاً اهوا النظام قميص ابيض وتنورة سودة وجزم وانتي بكرامة بيضا بس طبعاً هالشي ماينطبق على وجودج في الجامعة يعني مثلاً في سنة اولى وجزء كبير من سنة ثانية انتي ماراح تروحين المستشفى تشتغلين بس بتكونين موجودة في الجامعة فعااااااااااادي تلبسين اي لون واي شكل واي جزمة يعني اللبس النظامي اهوا يكون في المستشفى مع اللاب كوت بالنسبة لللاب كوت اي نعم راح تحتاجينه في لاب الفيزكس ولاب الكمسرتي السمستر الاول طبعاً لو تنسينه تتنقصين درجات فلازم تجيبينه والمترجم اكيد بكل السنوات انتي بحاجة لمترجم اما اطلس الصغير او الوافي في جهاز الكمبيوتر او كتاب دكشنري كفي وبالنسبة للبطاقة فأنتي تقصدين البطاقة الجامعية في اول اسبوع تروحين إلى مبنى الطب القديم وهناك بتشوفين تبع الامن والسلامة مكتب خاص لهم تاخذين لج ورقة تعبينها لأستخراج بطاقة جامعية وتكتبين فيها معلوماتج وتسلمين لهم صورة لج 4 في 6 وبعدين عاد تراجعينهم لمه تخلص يعني تتأخر كثير الغالب تخلص على نهاية السمستر الأول وانتي وحظج بس حاولي خلال الأسبوع الأول تاخذين هالورقة تعبينها ضروري علشان تطلع لج البطاقة بسرعة بالنسبة لدخول الجامعة يعني نادر يفتشون على البطاقات بس احياناً عند البوابة الرئيسية للجامعة مو للكلية .. يطلبون منا نطلع البطاقة قبل لا ندخل بس لا تشيلين هم سنة اولى مايدقوون عليهم لأنه لسه مابعد تخلص بطاقاتهم بس حاولي مثل ماقلت لج تسوينها بسرعة وتخلينها عندج طول الوقت وان شاء الله اني افدتج واي سؤال ثاني انا حاضرة :) |
رد: دفعة 2009 كل مايختص بدراسة التمريض
وسمعت انه في اخر سنه ثانيه خصوصا لبنات التمريض تسجيل او تقديم في ارامكوا ..
ويش قصته ؟؟؟ |
رد: دفعة 2009 كل مايختص بدراسة التمريض
اني اعني اللاب توب مو اللاب كوت نحتاجه لو لا؟؟؟؟
|
رد: دفعة 2009 كل مايختص بدراسة التمريض
ياااهلا والله ايموووو
اقتباس:
اي حبيبتي اول يومين بتكونون مع بعض طب + تمريض + علوم طبية + عمارة وتخطيط اقتباس:
طبعاً ممنوع يتكلمون معاكم كلمة وحدة عربي بس ترى يعرفون عربي بس ممنوع يتكلمون او تتكلمين معاهم عربي لازم انجليزي طول الوقت بس لا تخافين ترى شوي شوي تتعودين يعني ماكنت اتخيل اني بيوم بسوولف مع دكتورة غزالة بالأنجليزي :g8: اقتباس:
بالنسبة لأول محاضرة انجليزي حضرتها كانت رايتنغ للدكتورة غزالة ما اخفي عليج كنت خايفة بس والله حسيت بمتعة مابعدها متعة ترى دروس الانجلش حدها حدها ممتعة وحلوووة وراح تحبينها فلاتخافين كل الامور سهلة :g8: واهم شي لاتخلين سالفة الحرج من البنات تسيطر عليج يعني انتي جاية تتعلمين عادي غلطتي مرة مرتين عشر بس بالأخير تتعلمين واهم شي شااركي وتكلمي في كلاس الأنجلش ترى هاذي الطريقة الي تخلي لسانج يتعود على اللغة اقتباس:
الدراسة الصيفية طريقتها انها قبل نهاية السمستر الثاني يعلنون عن عدة مواد تنزل بالصيف ولج الأختيار اما انج تبين تدرسينها او لا على حسب ظروفج في بنات يكونون مثلاً حاملين مادة فتنزل في الصيف ويدرسونها ويفتكون منها وفي بنات يبون يخففون الضغط عليهم في السنة الي بعدها فيدرسون شي بالصيف بالنسبة للمواد الادارة اهي الي تحددهم وهم بعد انه مثلاً لو عدد كبير كان حامل الكمستري يقدرون هالبنات يرفعون خطاب يوقعون فيه ويكتبون اساميهم بمطالبتهم بنزول الكمستري في الصيف علشان يفتكووون ويقدمون هالخطاب للادارة ويجي الخبر بعد فترة بسيطة طبعاً في لوحة الاعلانات بيعلقون اسماء المواد الي بتنزل وارقام السي آر ان حقينها ووقت تسجيلها في نظام البنر وهالشي انتي مخيرة فيه على حسب ظروفج اقتباس:
بالنسبة للسواق بالفعل لازم بطاقة له تسوينها في اقرب فرصة اهي عبارة عن ورقة راح يعطونكم اياها تقريباً اول يوم في حفل المستجدات يعبيها ولي امرج الله يحفظه ويرفقها بصورة له وصورة للسائق اربعة في ستة وصورة من بطاقة الأحوال للسائق بعدين يسلمها ولي الامر لمكتب الامن والسلامة الي في الجامعة قسم الرجال بس يسلمها بعدين انتي تستلمينها من مكتب الامن والسلامة قسم النساء وتكووون في شنطتج كـــــــل يوم وماتنسينها لأنه احيانا يفتشون عليها عند البوابة الرئيسية :119: اقتباس:
:119: |
رد: دفعة 2009 كل مايختص بدراسة التمريض
ياهلا فلاااور
اقتباس:
تفضلي هالرابط موضوع للأخت الهوجاس وفيه كل مايختص بارامكو http://www.ckfu.org/vb/showthread.php?t=12483 اقتباس:
بالنسبة للاب توب السمستر الأول ماراح تحتاجينه بس راح تحتاجينه في السمستر الثاني في مادة الأنفورمتك واي سؤال ثاني تفضلي :119: |
رد: دفعة 2009 كل مايختص بدراسة التمريض
اهلا
مشكوووووووره حبيبتي ريام >> ادلعك .. عارفه انك ريم هع طيب واذا كلموني .. مابعرف اتكلم كلمتين على بعض ,, أسكت هههههههههههه يعني متى أسويها .. الحين أو بعد الدراسه؟؟ يعطيك العافيه |
رد: دفعة 2009 كل مايختص بدراسة التمريض
لوووووووول احلى دلع
لا صدقيني بتتعودين على الكلام معاهم دربي نفسج والبطاقة تسوينها حبيبتي بعد ماتبدأ الدراسة واي سؤال تفضلي سئلي وانا بجاوبج :119: |
رد: دفعة 2009 كل مايختص بدراسة التمريض
انتي خلصتي سنه اولى؟؟؟؟
والجوال لازم بدون كاميرا؟؟؟ |
رد: دفعة 2009 كل مايختص بدراسة التمريض
^_^
اسمع يقولون بنات مايلحقون في كتابة المحاضره ..؟؟ في محاضرات الكمستري والفيزكس واخلاقيات في التمريض والانجلش ؟؟ نكتفي بالكتب او نسجل كمان المحاضره ؟؟ اسمع ان فيه بنات الي بالتمريض مراحل متقدمه يعطون بنات الي بعدهم المحاضره وهم يعدلون فيها لأن مايلحقون ؟؟ ؟؟ بنتعبك ويانا ..^_^ |
رد: دفعة 2009 كل مايختص بدراسة التمريض
ياهلا فيكم
اقتباس:
لازم الجوال بدون كاميرا اقتباس:
ياهلا حبيبتي بالنسبة لكتابة المحاضرات انا عن نفسي كنت ألحق يعني عادي بس خليج وياها على الخط وكتبي وراها وخلاص بتقدرين وبالنسبة للتسجيل بأدوات التسجيل ممنوع :no2: وبالنسبة لمادة اخلاقيات التمريض فأنتي بس راح تسمعين الشرح وبعدين تشترين المحاضرة من الكوبي سنتر بس لازم تكونين حريصة انه محاضراتج تكون كاملة اول بأول واي سؤال ثاني تفضلوا :119: |
رد: دفعة 2009 كل مايختص بدراسة التمريض
طيب لو مثلا مالحقت على محاضره ؟؟؟
في محاضرات الكمستري والفيزكس والانجلش ؟؟ نكتفي بالكتب او نسجل كمان المحاضره ؟؟ اقصد تسجيل بالكتابه ؟؟؟ |
رد: دفعة 2009 كل مايختص بدراسة التمريض
حبيبتي بالنسبة للكتابة في المحاضرة
في الفيزكس والكمستري لازم تكتبين ويكون معاج الكتاب بالنسبة للأنجلش يختلف من مادة لي مادة يعني مادة الريدنغ الي تكون في كتاب الهويمن بدي والهلث اكيوبيشن هاذي بس الكتاب والرايتنغ الكتاب وبعد تكتب لكم كم شغلة كتبوها اللسننغ الكتاب وتكتبون فيه والقرمر الكتاب وهم بعد اهيه تكتب الشرح على البورد وتقدرين مثلاً تتعاونين مع زميلاتج في كتابة المحاضرات وراح تقدرين ان شاء الله بتتعودين على الوضع واي سؤال ثاني تفضلي :119: |
رد: دفعة 2009 كل مايختص بدراسة التمريض
الله لا يحرمنا منك ي اريم ... غذبناش معانا....
انتي رايحه سنه ثانيه؟؟؟؟ |
رد: دفعة 2009 كل مايختص بدراسة التمريض
مشكووووووووره خيتي
ماقصرتي ويعطيك الف عافيه ســـــلام عموما اذا عندي شي مرح اتردد |
رد: دفعة 2009 كل مايختص بدراسة التمريض
اقتباس:
العفوو حبيبتي واي شي تحتاجونه انا في الخدمة والسنة الجاية انا بكون في سنة ثانية :119: اقتباس:
واي شي تحتاجونه انا موجودة :119: |
رد: دفعة 2009 كل مايختص بدراسة التمريض
:d5:
جزاك الله خيرا وكثر من أمثالك |
رد: دفعة 2009 كل مايختص بدراسة التمريض
الله يجزي الجميع الخير
ان شاء الله :119: |
رد: دفعة 2009 كل مايختص بدراسة التمريض
ربي يعطيك ألف عافيه
بصراحه بدونش كنا بنضيع ماقصرتي والله الحين يعنووو هم بيقسموا الدفعه من قبل والا اذا تجمعنا بيقسمونا قصدي هل بيكون عشوائي يعنووو بنتفرق انا وصاحباتي كرهت هذي الحركه في المدارس ومشكوووره من جد ريحتيينا.. |
رد: دفعة 2009 كل مايختص بدراسة التمريض
ان شاء الله دوم الراحة
حبيبتي انا بقول لج الي سووه لنا يوم الأثنين لمه رحنا الكلية قالوا في ثلاث مجموعات a و b و c وقالوا كل وحدة بنقول اسمها تقول اي قروب تبي طبعاً صار فوضى وصار بنات يقولون مادري شنو وبنات مادري شنو يبون قاموا قسمونا إلى مجموعتين ونزلوا الأسماء واهيه غير قابله للتغير يعني خلاص شي ثابت بس مو مشكلة ترى المعامل الدفعة مقسمة فيها ثلاث مجموعات علشان تكفي المعامل فيعني لو صاحباتج ماكانوا معاج في قروب الكلاس بيكونون معاج ان شاء الله في قروب اللابات والله يوفقج واي سؤال انا بالخدمة :) |
رد: دفعة 2009 كل مايختص بدراسة التمريض
ماهذا يا إلهي ؟؟ :Cry111: حرااام اني اذا صرت بروحي احس نفسي هبله ماني ماني تشكرات ريم تعبتش معاي واذا طلع عندي سؤال برجع لش دمتي في حفظ الرحمن |
رد: دفعة 2009 كل مايختص بدراسة التمريض
حبيبتي
ترى راح تعتادين على الوضع وترى الجامعة مو مثل المدرسة يعني النقل من قروب إلى قروب مايصير عندهم وترى بتتعودين على الوضع وبعدين لمه تمشين بالسنوات مو شرط الي وياج بنفس الكلاس بمحاضرة تكون وياج في محاضرة ثانية وصدقيني بيكون الوضع عادي واي سؤال تفضلي سئلي :119: |
رد: دفعة 2009 كل مايختص بدراسة التمريض
اول شي
يعطيش ربي الف عافيه والله اشياء كثيره ماكنت اعرفها عن جد ماقصرتي:119: وماشالله عليكم قلتو كل شي نحتاجه تقريبا :d5::d5: انا عندي استفسار بسيط بالنسبه للاب توب لو كان فيه كيمرا مزدوجه تتوقعين عادي نستخدمه ولا ...... ولي عوده انشالله تحياااااااااتي |
رد: دفعة 2009 كل مايختص بدراسة التمريض
ياهلا والله حبيبتي
الله يعافيج واحنا بالخدمة بالنسبة للاب توب الي محتوي على كاميرا فما في اي تفتيش يكون في الجامعة على هالسالفة يعني كثار بنات يجيبون بس يغطون الكاميرا بلزقة عن الحلال والحرام لوووووول بس لاتخافين نهائياً مافي تفتيش على اللاب توب او اي شي ثاني واي سؤال تفضلي انا حاضرة :119: |
رد: دفعة 2009 كل مايختص بدراسة التمريض
يسلمووو الله يعطيكم العافيه ..
اسئله كنت جاهله عن اجوبتها .. لاعدمناك ريوووما .. ـأمنياَت طفلهـ .. |
رد: دفعة 2009 كل مايختص بدراسة التمريض
الله يسلمج حبيبتي
والله يعافيج واي سؤال في بالج سئلي ولج مني ان شاء الله الأجابة وبالتوفيق :119: |
رد: دفعة 2009 كل مايختص بدراسة التمريض
امممممم مشكووورة و ما قصرتي
بس عندي طلب يعني لو تعرفي طالبة تقدر تعطينا نفس المعلومات بس عن كلية العلوم الطبية التطبيقية لأن للأسف ما اشوف احد يتكلم عن هالكلية :s11: |
رد: دفعة 2009 كل مايختص بدراسة التمريض
ياهلا والله عزيزتي
للأسف ماعرف طالبات من كلية العلوم الطبية ولو عندي معلومات كان افتقدج بس كتبي اسئلتج في قسم الكلية وان شاء الله بيردون عليج الطالبات :119: |
رد: دفعة 2009 كل مايختص بدراسة التمريض
مشكورة و ما قصرتي اختي ريم
بس للأسف يا ما و يا ما سألت و لا أحد رد عالعموم شكراً |
رد: دفعة 2009 كل مايختص بدراسة التمريض
اممممممم طيب ...
إذا في أحد يقدر يفيدني وين مبنى كلية العلوم الطبية ؟؟؟؟؟؟ :000: |
رد: دفعة 2009 كل مايختص بدراسة التمريض
هاااي عليكم
للمره الثانيه انتو كنتو تتكلمو من قبل عن بطاقه للسواق مدري ايش انا للحين مافهمت ويش سالفتها ذي وهل هي ضروريه ولا لا ؟؟ ويعطيش العافيه خيتوو تحيااااااتي |
رد: دفعة 2009 كل مايختص بدراسة التمريض
لمـــار .. أنتو المفروض يكون عندكم بطاقتين .. وحده بطاقة جامعية .. والثانية تصريح للسائق الي راح يوصلك للجامعه .. طبعا بعد ماتداوموا .. راح تعبوا استمارات وتسلموهم لمكتب الأمن .. البطاقة الجامعية انتي تسلمي اوراقها مع صورة لك .. وبعد فترة تراجعيهم وتستلمي بطاقتك الجامعية .. أما التصريح .. تعبي الأستمارة ويسلمها ولي أمرك مع صورة له وللسائق الى مكتب الأمن .. وانتي تراجعيهم بعد فترة وتستلميه .. أتمنى أكون أفدتك .. :119: |
رد: دفعة 2009 كل مايختص بدراسة التمريض
اقتباس:
اهلين أريج الورد .. الي أعرفه انو مبنى كلية العلوم الطبية يكون بقسم الأولاد .. بس عادة ماتدواموا هناك في السنة الأولى .. لأن طالبات العلوم الطبية في السنة الأولى ياخذوا محاضراتهم في مبنى اللغة الأنجليزية ومبنى الثقافة الأسلامية ومبنى الطب القديم * أ * وهاذي المباني كلها في نفس المكان الي قدمتوا فيه أوراقكم .. هاذي المعلومات الي عندي ^_* ان شاء الله تفيدك .. :119: وبالتوفيق .. |
رد: دفعة 2009 كل مايختص بدراسة التمريض
لمار / إيلاف ماقصرت فديتها وجاوبت على سؤالج
اريج الورد / اعرف وحدة من طالبات كلية العلوم الطبية و مشتركة في الملتقى خلال هاليومين ان شاء الله بقول لها تدخل وتكتب موضوع في قسم الكلية واحنا بالخدمة :119: |
رد: دفعة 2009 كل مايختص بدراسة التمريض
اقتباس:
مشكوورة و ما قصرتي اختي قصدك بنفس المكان اللي هو المبنى الجديد ؟؟؟ و شكراً مرة ثانية :c8: |
رد: دفعة 2009 كل مايختص بدراسة التمريض
اقتباس:
و الله يوفقك يا رب ان شاء الله ما يطول الموضوع لأن نبغى نتطمن شوي :no2: شكراً :119: |
رد: دفعة 2009 كل مايختص بدراسة التمريض
الي تقصده إيلاف مبنى الطب القديم
مو الجديد اهوا بالقرب من قاعة المحاضرات العامة على العموم اول يوم بسووون لكم جولة وبتشوووفونه :) |
رد: دفعة 2009 كل مايختص بدراسة التمريض
يعطيك العافيه .. موضوع جد مفيد.. |
رد: دفعة 2009 كل مايختص بدراسة التمريض
الله يعافيج حبيبتي
وانا بالخدمة :119: |
رد: دفعة 2009 كل مايختص بدراسة التمريض
الله يعافيج
|
رد: دفعة 2009 كل مايختص بدراسة التمريض
تسلمين اختي على المرور
وانا بالخدمة :) |
رد: دفعة 2009 كل مايختص بدراسة التمريض
امممممممممم
أختي ... راح ازعجك شوي ... بس متى راح ينزل نفس الموضوع بس لبنات العلوم الطبية ؟؟؟ بالانتظار :c8: |
رد: دفعة 2009 كل مايختص بدراسة التمريض
ياهلا والله فيج حبيبتي
لا ازعاج ولاشي بس للأسف البنت الوحيدة الي اعرفها من كلية العلوم الطبية اعرفها في الماسنجر بس ولحد الحين ماشبكت ولا اشوفها تدخل وانا قاعدة احاول اوصل لها صدقيني لو عندي اي معلومات كنت افدتج بس عطيني فرصة يمكن اقدر اوصل لها وانا بالخدمة :119: |
رد: دفعة 2009 كل مايختص بدراسة التمريض
مرحبا
يعطيكم العافيه .. ريم لو سمحتي بس بغيت اسال عن تأكيد التسجيل .. وش سالفتها ؟؟ مشكووووره ويعطيج العافيه .. |
رد: دفعة 2009 كل مايختص بدراسة التمريض
حبيبتي بالنسبة لتأكيد التسجيل
هذا يختص لسنة ثانية فما فوق يعني لا تشيلون هم هذا مو لكم لاحقين عليه واي سؤال ثاني انا بالخدمة :119: |
رد: دفعة 2009 كل مايختص بدراسة التمريض
عندي سؤال عن السكن هل فيه سكن في الجامعه وهل فيه احد منكم ساكن فيه وبكم ؟؟؟؟
والسؤال الثاني عن المكااااافئه يقولون ما يعطون اياها الى في السمستر الثاني صحيح ؟ |
رد: دفعة 2009 كل مايختص بدراسة التمريض
ياهلا والله انوار الكوثر
اقتباس:
وطبعاً مجاني بس تقدمين فيه اوراقج وتنتظرين لمه يطلع لج مكان انا السنة الي راحت قدمت ولا طلع لي الا السنة وبالنسبة للمكافأة فأهي شهرية تستلمينها من بداية السمستر الأول كل شهر .. واي سؤال ثاني انا موجودة :119: |
رد: دفعة 2009 كل مايختص بدراسة التمريض
تسلمين ياقلبي
والله يعطيكي العافيه على هالمجهوود |
رد: دفعة 2009 كل مايختص بدراسة التمريض
الله يعافيج
:119: |
رد: دفعة 2009 كل مايختص بدراسة التمريض
عندي سؤال مهم شنو نظام اوقات الاختبارات بكلية التمريض ؟؟ يعني في اوقات محدد معروفه وثابته على طول السمستر او على حسب الدكتوره متى ماتحدد تحدد؟؟ |
رد: دفعة 2009 كل مايختص بدراسة التمريض
اقتباس:
ياهلا والله :bgs15: وقت الامتحان خلال السنتين اللي راحوا كان كل اسبوع يوم السبت من 8 الى 9 :049: الكليه تحدد وقت الامتحانات ممكن يكون ميد اختبار واحد منتصف السمستر + الفاينل او يكون اكثر من اختبار بالعاده يكون اختبارين + الفاينل :mh515: هذا يشمل كل المواد ما عدا اللغه الانجليزيه يكون كويزات اسبوعيا لكل ماده رايتينغ ريدينغ ليسنينغ غرامر بالاضافه الى الفاينل اخر السمستر :spying2: وبالنسبه للفاينل الوقت محدد وتلقينه هنا http://www.kfu.edu.sa/Registration/time1_1.asp :D بدايه الاختبارات النهايه للفصل الاول يوم السبت 12/2/1430 الموافق 7-2-2009 بالنسبه للوقت المحدد يوم السبت من 8 الى 9 اذا ما كان في امتحان ما راح يكون فيه شي :hahaha_2008: يعني اول محاضره راح تكون 9 واي استفسار انا بالخدمه :sunglasses2: |
رد: دفعة 2009 كل مايختص بدراسة التمريض
الله يعطيك العافيه يا ريم ع المجهود المتعوب عليه الف شكر لك :119: ونصيحه مني لدفعه 2009 شدوا حيلكم من اول يوم مثل ما يقول المثل لا تاجل عمل اليوم الى الغد وابعدوا عن اصدقاء السوء والي تقول لك خل نطنش المحاضره لا تسمعي لها كل المحاضرات مهمه وحضورك للمحاضره في مصلحتك مواد سنه اول سهله اجتهدوا ولا تنسون ترى فيه مكافئات تفوق المعدل اذا نزل ما راح يرتفع الا بالموت المعدل اذا نزل راح يقطع عنك المكافئات كل ماده بسنه اولى مواد اساسيه تتعلق بمواد غيرها بسنه ثانيه وحطوا في بالكم انكم اذا حملتوا ماده راح تتاخرون بالتخرج فشدوا حيلكم من البدايه :g8: وبالتوفيق |
رد: دفعة 2009 كل مايختص بدراسة التمريض
مشكوره حبيبتي الهوجاس..:g8: يعني افهم ان غالبا يكون في اختبار واحد في الاسبوع الي اهو يوم السبت ولا اكثر من اختبار واحد في الاسبوع؟ :g2: ويعطيك العافيه على النصايح الحلوه كثري منها حتى نستفيد :oao: |
رد: دفعة 2009 كل مايختص بدراسة التمريض
Touch of Pink على حسب ممكن تصير عندكم اختبار واحد في الأسبوع .. وممكن احيانا اكثر من واحد .. وممكن مافيه .. يوم السبت من 8 الى 9 .. هاذي ساعة اختبار ثابته كل اسبوع .. بعض المواد تختبروهم في هاذي الساعه .. وبعضهم في وقت الكلاسات مثل كوزات الأنجليزي .. لا تخافي كثير .. راح تتعودوا ع الوضع ان شاء الله .. بالتوفيق .. :119: |
رد: دفعة 2009 كل مايختص بدراسة التمريض
ايلاف والهوجاس فادوج حبيبتي
واي سؤال احنا موجودين :) |
رد: دفعة 2009 كل مايختص بدراسة التمريض
شوووكراً للجميع ..:cheese: |
رد: دفعة 2009 كل مايختص بدراسة التمريض
:119: شكرا لريم على الموضوع الحلو وهم الاساله الحلوه من البنات بس بشويش علينا يامشرفات :Cry111: خوفتوني من الدراسه وصرت اتخيلها صعبه ترى انا على فكره ماعندي مشكله بلانجليزي يعني اقدر اقول حلوه :g11: وقاعده اقويها من الحين هههههههههههههههههه صرت اشيل اثقال يعني :mh35: مشكورين حبيباتي وانشاء الله التقي فيكم وبالتوفيق للجميع
|
رد: دفعة 2009 كل مايختص بدراسة التمريض
لا حبيبتي لاتخافين ولا شي
ترى سنة اولى سهلة وحلوة بس لازم تشدين على روحج شوية من البداية ولا تهملين حضور اي محاضرة لأنه لو شردتي من محاضرة بعدين وقت الكوزات والفاينل بتحسين بقيمتها فلاتشيلين هم بس ذاكري اول بأول وماكو الا كل خير :) |
رد: دفعة 2009 كل مايختص بدراسة التمريض
مشكورة اختي على الجهود:119:
|
رد: دفعة 2009 كل مايختص بدراسة التمريض
العفو ولو
واحنا في الخدمة :) |
رد: دفعة 2009 كل مايختص بدراسة التمريض
.... السلام عليكمـ ورحمة الله وبركاته ...
اختي ريم اشكر لكِ جهودكِ انا انقبلت تمريض في فيصل الدمام شفت في هذا الموضوع كاتبه ولاتنسون تفصلون لكم لاب كوت أبيض للمعامل الفيزيا والكيميا لأنه الي ماتلبس لاب كوت تتنقص درجات .. ابي استفسر هل في موديل معين للاب كوت ولا اي موديل؟!! وجزاك الله خير ...وربي يوفقك ويوفقنا جميعا يارب.. |
رد: دفعة 2009 كل مايختص بدراسة التمريض
عزيزتي bright smile الف مبروك على القبول والله يوفقك ان شاء الله
بنسبه لسؤالك عن الابكوت ..مافيه موديل معين اي موديل .. اهم شي ابيض :cheese: وان شاء الله نشوفك نيرس تتجولي بلابكوت الابيض :119: ومشكورة خيه ريم على الموضوع ..افدتي الطالبات الجدد :119: |
رد: دفعة 2009 كل مايختص بدراسة التمريض
الله يعطيج الف عافية ندوووش على الأجابة
والعفو حياتي ونوورتي الصفحة :119: |
رد: دفعة 2009 كل مايختص بدراسة التمريض
مشكووره اختي ندى على الرد..
والله يوفقنا جميعا ياااااااارب:praying: |
رد: دفعة 2009 كل مايختص بدراسة التمريض
اي سؤال ثاني تفضلي حبيبتي
:) |
رد: دفعة 2009 كل مايختص بدراسة التمريض
شكراا ريم ..
ماعندي الحين اي سؤال بس اي استفسار عندي ما راح اتردد ومشكووووره ع المجهود الرائع..:d5::d5: |
رد: دفعة 2009 كل مايختص بدراسة التمريض
العفووو حبيبتي
وانا في الخدمة :119: |
رد: دفعة 2009 كل مايختص بدراسة التمريض
:s11:مشكورة وايد اختي وعندي سؤال انا من الحسا وابي اعرف با النسبه لسكن بكم في الشهر
|
رد: دفعة 2009 كل مايختص بدراسة التمريض
اختي لو سمحتي ممكن تقولين لي ايش هو لون البالطو في كليةالتمريض في جامعة الملك فيصل ضرووووووري الحين :lllolll:محتاجه:c8:
|
رد: دفعة 2009 كل مايختص بدراسة التمريض
اختي نور اليقين
نفس حالتي من الحسااا طبعاً السكن في سكن الطالبات الجامعي وهذا على حساب الحكومة طبعاً ماتدفعين شي بس لازم تقدمين اوراقج عند عمادة شؤون الطالبات في الجامعة والأوراق عبارة عن : صورة من بطاقة العائلة و طلب من ولي امرج وموافقته على التحاقج بالسكن و اثبات من عمدة الأحساء موثق بشهود أنج من سكان الأحساء قدمي اوراقج عند رباب عبدالهادي مسؤولة السكن وانتظري لمه يطلع لج يعني لازم تتعبين شوية وتروحين وتجين على ما يطلع لج سكن وباالنسبة للون اللاب كوت فأهو ابيض وبالتوفيق :119: |
رد: دفعة 2009 كل مايختص بدراسة التمريض
مشكوووووره اختي الصراحه استفدت اكثير من الموضوع لأن أنا طالبه مستجده:119::119::119::119::119:
|
رد: دفعة 2009 كل مايختص بدراسة التمريض
العفوو حبيبتي
ولو عندج اي سؤال او اي شي تحسينه غامض ومو مفهوم قوليلي وانا في الخدمة :) |
رد: دفعة 2009 كل مايختص بدراسة التمريض
انا حبيت اسأل متى بينزلوا لنا النتايج الباقيه عالبنر؟
لاني ابغى اطمن على الكيمياء بالذات.:mh08: |
رد: دفعة 2009 كل مايختص بدراسة التمريض
ياهـ الكيمياا كاابوووس..اشوه افتكيت منه...:000:
|
رد: دفعة 2009 كل مايختص بدراسة التمريض
يسلموووووووووووو ياعسل مجهود راااااااااائع الله يوفقك
|
رد: دفعة 2009 كل مايختص بدراسة التمريض
احد عندهـ اي سؤال..:119:
|
رد: دفعة 2009 كل مايختص بدراسة التمريض
اول شي مثل ما انتوا عارفين طبعاً سويتوا الفحص الطبي وسلمتوا اوراقكم وكل هاذي الأمور ...
في ورقة عطوكم اياها المستشفى وسلمتوها للجامعة الي بدورها صورتها وخذت الأصل وعطتكم الصورة صح؟؟ في شغلة من فوق في الورقة مكتوب رقم الطالب .. وهو رقم مكون من تسعة ارقام مبتدأة بـ 2090 الفحص الطبي سويناة في المستشفى وقالوا لينا ان احنا الي بنسلمه للجامعة واذا في اي شي احنا بنتصل يعني ما عطونا ورقة مصوره ولا شي |
رد: دفعة 2009 كل مايختص بدراسة التمريض
مافهمت..انتي تسألين ولا تعطين معلومه :000:
|
رد: دفعة 2009 كل مايختص بدراسة التمريض
^
^ ^ خخخخ اسأل يعني ما عطونا رقم جامعي من وين نحصلة؟ |
رد: دفعة 2009 كل مايختص بدراسة التمريض
هههههههههه رقم الطالب نفسه الرقم الجامعي..
اللي يبتدي بـ 2090 وهذا الرقم راح يكون اسمك الثاني.... ومنه بتدخلين البانر....ومنه بينعرف اسمك ... اذا تبين الصراحه..اناا حافظته اكثر من اسمي...:119: |
رد: دفعة 2009 كل مايختص بدراسة التمريض
طيب انا قالولي المستشفى ان الجامعه هي بتاخذ النتيجه ولا عطوني شي ليكون فيه شي مهم ما سويته ولا رحت للجامعه:bawling:
|
رد: دفعة 2009 كل مايختص بدراسة التمريض
اقتباس:
ولا اني صراحة ما اخدت شي من المستشفى هم قالوا الينا خلاص :cheese: |
رد: دفعة 2009 كل مايختص بدراسة التمريض
هههههههههههههههههه..
انااا اذكر اني اخذت ورقه ولا استفدت منهااا... ماعليك ان شاا الله سهاله... وانتي اصلااا لماا تروحين مبني التمريض اكيييد راح فيه ورقه مكتوب فيهاا كل اسمااء البنات وجنب كل اسم الرقم الاكاديمي حقهاا اللي هوو نفسه رقم الطالب واللي هو نفسه الرقم الجامعي...:cheese: لاتحاتين حبيبتي..انتي دامك سلمتي الاوراق الرسميه معناتك مقبوله عندهم.. انااا اعرف وحده حتى المستشفى حق التحاليل مااراحت..بس سو لهاا سالفه...بس هكو هي معناا.. يعني عااادي....لاتخافين :t1: |
رد: دفعة 2009 كل مايختص بدراسة التمريض
شكرا noni ريحتيني الله يريحك دنيا واخره:praying:
|
رد: دفعة 2009 كل مايختص بدراسة التمريض
بناات موضوعي اللي كتبته وينــه..شسالفه احد حـــذفه :t1:
|
رد: دفعة 2009 كل مايختص بدراسة التمريض
:praying: مشكوووووووووووووووووووووورين وايد لأن استفدت كثيرررررررررررررررررررر
|
| All times are GMT +3. الوقت الآن حسب توقيت السعودية: 09:47 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام