|
لازم ردوود اليوم بايييز الله يخليكم
بسم الله الرحمن الرحيم
السلام عليكم ورحمه الله وبركاته حبيت اسألكم : انا قبلوني الجامعه قسم تمريض >> هل هو قبول نهائي ولا مبدئي وين اروح اقدم اوراقي والساعه كم شهادتي الاصليه عطيتها لجامعه ثانيه هل ممكن اني اقدم بصوره من شهادتي الاصليه >> طبق الاصل مختومه من قبل المدرسه كيف طريقه المقابله >> يعني اسئلتهم ياليت تحطولي امثله ولكم مني الف شكر :d5: |
رد: لازم ردوود اليوم بايييز الله يخليكم
وانا بعد زيك نفس الاسئله ومقبووله بالتمريض.. أنا عكسك دفتر العائله مو معي عندي صورة وعندي بطاقتي الاحوال ماادري يقبلونها او لا وانا ماادري متى يجيني دفتر العائله ... ومتى نقدم الاوراق بالضبط ؟؟ تحياتي .. احساس أنثى |
رد: لازم ردوود اليوم بايييز الله يخليكم
ياهلا فيكم بنات
بداية الف الف مبروك القبووول بالنسبة الحين القبول اذا ماخاب ضني خلاص نهائي طبعاً التمريض مافيها مقابلة شخصية كل الي مطلوب منكم تشوفون الأيام الي مطلوب فيكم تقدمون فيها اوراقكم لجامعة الملك فيصل على حسب نسبكم طبعاً تروحون لجامعة الملك فيصل بالدمام - مبنى الطب الجديد ( مبنى 65 ) وهناك يابنات بتلقون في الطابق الثاني مكتب عمادة القبول والتسجيل وهناك تقدمون كل اوراقكم طبعاً يابنات لازم النسخ الأصلية ماينفع صووورة وطبعاً اكيد تنفع بطاقة الأحوال بس يابنات احتاطوووااا يعني انا خذيت معاي السنة الي راحت الأثنين الأحوال والعايلة حاولوا تاخذون كل شي علشان ماتروحون وتجوووون واي سؤال ثاني سألوا انا في الخدمة :119: |
رد: لازم ردوود اليوم بايييز الله يخليكم
مرحباا .. ألف مبرووووك على القبول .. نرحب فيكم نيرساتنا الجدد :D بالنسبة للإستفسارتكم .. تقديم أوراقكم راح يكون إن شاء الله يوم السبت 1\8 .. وراح يستمر الى يوم الأثنين 3\ 8 طبعا تاخذون معاكم كل الأوراق الرسمية الأصلية .. شهادة الثانوية وشهادة حسن السيرة والسلوك .. ودفتر العائلة .. امم بعد لا تنسوا تاخذون معاكم صور لكم .. واخذوا صورة للشهادة وشهادة السيرة ودفتر العائلة احتياطا .. إحساس .. عندك 3 أيام لتقديم أوراقك .. تقدري يوم السبت تروحي تاخذي شهادتك الأصلية من الجامعة الثانية .. علشان تقدميها لللجامعه لأن راح يشترطوا الأصلية .. امم طبعا راح يوقعونكم على تعهد .. ويعطوكم ورقة للفحص الطبي في مستشفى التعليمي في الخبر .. امم مثل ماقالت اختي ريم .. التمريض مافيه مقابلة شخصية .. بس يبقى عليكم تسليم الأوراق الرسمية والفحص الطبي .. صح .. لا تنسوا الملف الأخضر :cheese: بالتوفيق ان شاء الله .. |
رد: لازم ردوود اليوم بايييز الله يخليكم
إيلاف _ ريم
مشكورين على الردود وربي يعطيكم الف عافيه |
رد: لازم ردوود اليوم بايييز الله يخليكم
العفو ولو
واحنا بالخدمة بأي وقت :119: |
رد: لازم ردوود اليوم بايييز الله يخليكم
طبعاً تروحون لجامعة الملك فيصل بالدمام - مبنى الطب الجديد ( مبنى 65 )
^^^^^^^^^^^^^^^^^^^^^^^^ انزين المبنى داخل الجامعه او برا الجامعه وين بالضبط المبنى الله لايهينكم ممكن تجاوبوني :g2: |
رد: لازم ردوود اليوم بايييز الله يخليكم
يسلمووو للي جاوبوناااا ... بس صح وينه بالضبط هالمبنى ارجوووكم افيدوناااا << شكل انا واحساس بندج وحنا ندور المبنى ...:lllolll: |
رد: لازم ردوود اليوم بايييز الله يخليكم
انا رسلت لي الأخت احساس 31
رسالة خاصة وشرحت لها مكان المبنى بكتبه اهني مرة ثانية عاد انا مو دليلة بس هذا الي قدرت عليه :lllolll: انتي اول ماتوصلين للجامعة طبعاً مايحتاج اقول لج جامعة الملك فيصل كبيييييرة كبييييرة وفيها مدن جامعية طبعاً مكتوب عند كل بوابة شنو داخلها بتلقين مكتوب على مكان قسم التصميم الداخلي وعلى بوابة سكن الطالبات في بوابة شكلها بوابة رئيسية مو مكتوب عليها شي بس مكتوب مدخل الطالبااات بتشوفينها على يمينج وعلى يسارج بتشوفين المدينة الجامعية الي قاعدين يبنونها بتشوفينها ارض كبيرة وحوسة فيها مبنى جديد وعمال وعفسه المهم دخلي البوابة الي قلت لج طبعاً الحين احنا بعدنا بالسيارة لمه تدخلين بتلقين مواقف وبتلقين مبنى على اليمين ومبنى على اليسار الي على اليسار يدخلج على كلية خدمة المجتمع فما عليج منه تروحين الي على اليمين اهنييييي راح تكون حياتج الدراسية كلها تدخلين فيه الحين ابوج ينتظرج برا وانتي دخلي بتلقين مثل الغرفة الي طبعاً لمسؤولات الامن والسلامة طلعي منها وامشي سييييده على ايدج اليمين وبتلقين في النهاية مثل الفتحة دخلي فيها وبتلقين جدااامج مبنى كبييير مكتوب عليه من فوق 65 ودخلي فيه وطبعاً عمادة القبول والتسجيل في الدور الثاني يعني صعدي فوق ولفي يسار وبنهاية الممر بتلقين المكتب مفتوح طبعاً لاتنسوون الملف الاخضر مبنى 65 حتى وانتي بالسيارة من برا طالعي فوق وبتلقينه الرقم واضح وروحي جهته اتمنى اني وصفت لج عدل ولا تخافين هناك موجودين السكيورتريه تقدرون تسألونهم لو لاقدر الله ضعتوا وهم داخل الجامعة في مسؤولات الأمن وطالبات يدرسون صيفي والله لو كنت ماخذة صيفي جان من عيوني وصلتج للعمادة بس مثل ماقلت لج الي يسأل مايضيع وصحيح احنا توهقنا الجامعة كبيرة بس حفظناها شبر شبر اذا في شي مو واضح قولولي وانا ماراح اقصر :119: |
رد: لازم ردوود اليوم بايييز الله يخليكم
اي والله صادقهـ ( احساس انثى ) شكلنا بندج
بس الله يسهل علينا :praying: >> مشكوووووورهـ ريم |
رد: لازم ردوود اليوم بايييز الله يخليكم
العفو حبيبتي
وانا بالخدمة بأي وقت :119: |
رد: لازم ردوود اليوم بايييز الله يخليكم
يسلمووو ريم الله يعطيك العااافيه ...
<< كان خاطرها تشوووفك بس يالله انشالله بالايام الدراسيه هع هع << متاثره بالثانوويه.. تحياتي .. احساس أنثى |
رد: لازم ردوود اليوم بايييز الله يخليكم
هههههههههههه
ان شاء الله يكون في لقاء في الجامعة وحياكم الله في حياة التمريض ويانا :119: |
رد: لازم ردوود اليوم بايييز الله يخليكم
تطمنوا ماراح تضيعوا .. ريم وصفت لكم المكان .. وان شاء الله اذا ماعرفتوا المبنى أسألوا موظفات الأمن أو الطالبات اللي هناك << ماكأنها منهم :D بالتوفيق لكم يارب .. |
رد: لازم ردوود اليوم بايييز الله يخليكم
السلام عليكم
الحمد لله طمنتوني لاني بكره ان شاء الله رايحه الجامعه كنت خايفه من المقابلة مشكوووووووووووووورين على الرد بارغم مو انا اللي كاتبتنه |
رد: لازم ردوود اليوم بايييز الله يخليكم
العفو حبيبتي
واذا عندج اي استفسار تفضلي إيلاف منوورة الجامعة لوووووووووول :) |
رد: لازم ردوود اليوم بايييز الله يخليكم
لو سمحتوا ابغى اعرف متى تقديم الاوراق اقصد الوقت متى الى الساعه كم بسرعه ردو ؟؟؟؟
|
رد: لازم ردوود اليوم بايييز الله يخليكم
صباح الخير .. ريم تسلمي اختي ^_* أنوار الكوثر .. الدوام الرسمي يبتدي من الساعه 8 يعني لو وصلتي الجامعه قبل ماراح تلقي الموظفات .. بالتوفيق ان شاء الله .. :praying: |
رد: لازم ردوود اليوم بايييز الله يخليكم
شكرا حبيبتي على الرد
|
رد: لازم ردوود اليوم بايييز الله يخليكم
يعطيج العافية إيلاف على الأجابة
ومثل ماقالت الدوام يبدا ثمان واتوقع الحين رجعتوا من الجامعة وان شاء الله تكون امورك تسهلت يارب :119: |
| All times are GMT +3. الوقت الآن حسب توقيت السعودية: 07:03 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام