الى كل طالب وطالبة متضرر/ة في جميع التخصصات والمستويات

[ناردين 1]

السلام عليكم
اخواني الكرام اخواتي الكريمات
تكرما ياليت نتعاون مع بعض اللي ابي اقترحه عليكم ولكم الحرية
كل طالب او طالبة عندهم متقرحات جديدة او تضرروا من قرارات وتغيرات الجامعة او مواد صعبة ومالها دخل بالتخصص تكتبون هنا مشكورين لامأمورين كلللللللللللللللل اللي خاطركم فيه وودكم يصير
عشان نوصل الوضع ل: داوود الشريان
ونحط حد لهاذي المهزلة وهذا من ابسط حقوقنا
اتمنى ان القى تجاوب منكم موفقين يارب
والي عندة وسيلة تواصل مع الشريان ياليت يدلني عليها.
وبالنسبة لي:
1/ حذف بعض المواد مثل قواعد البيانات والمواد التي يكثر بها الرسوب في السنة الأولى وتبديلها بمواد اخرى مفيدة وغير متعمقة ومختصرة لانها ليست من مواد التخصص
2/ اعادة ال 70 سؤال
3/ وضع حل جذري لمشاكل البلاك بورد

[Khaled.SU]

الشريان ما بيفيدك لكن التواصل من خلال تويتر الثامنه

اما مشاكلنا ف الجامعه ف مانبي شي غير سيرفر صاحي و دعم فني متواصل و تجاوب معنا متى ما طلبنا ذلك مو نطرهم حتى يتجاوبون معنا

و الاهم سالفة الاسئلة المقاليه وشوله ناس تدفع زينا تختبر مقالي وش هالتمييز ؟؟

[عشق القصيد]

بس ترا لابغيت الحق
الطالب ماله دخل بطريقه وضع الاسئله
موقفنا ضعيف
فعلا الموضوعي سهل بس عاد قدر الله وماشاء فعل
وللمعلوميه عندي 6 مواد مقاليه عشان لاحد يشطح وكذا
بش شنسوي نبي الشهاده
الله يوفق الجميع .

[الحلم1]

جربوا لية لا ولو اعرفف طريقة التواصل لاعطيتك لكن لو كان فية حلقة مستعدةة للتحدث

[Khaled.SU]

المشاركة الأصلية كتبت بواسطة عشق القصيد

بس ترا لابغيت الحق
الطالب ماله دخل بطريقه وضع الاسئله
موقفنا ضعيف
فعلا الموضوعي سهل بس عاد قدر الله وماشاء فعل
وللمعلوميه عندي 6 مواد مقاليه عشان لاحد يشطح وكذا
بش شنسوي نبي الشهاده
الله يوفق الجميع .

لا ي عزيزي من حقك انت دخلت الجامعه على هالاساس ف مالهم حق يغيرون طريقة الاسئلة بهالشكل ممكن يطبق ع المستجدين فقط اما ع القدامى فهو ظلم و اجحاف

انا ماعندي مقالي لكن فيه ناس انظلمت وانا بكره ممكن اكون منهم

[أبو تركي الرياض]

التواصل مع داؤود الشريان عبر

http://www.mbc.net/ar/programs/altha...%86%D8%A9.html


http://competition.mbc.net/althamena/topics.php

(وما يضيع حق وراه مطالب)

[دامو مستحيل]

معكم انا مقالي مقدر اختبر لو توصل انسحب من الجامعه وبعدين 70 سؤال ليش يشيلونه علشان الوقت طيب مددو ساعه الاختبار مو تحطون 50 سؤال

[أبو تركي الرياض]

1- زيادة عدد سيرفرات البلاك بورد وأن تكون ذات جوده عاليه.
2- فتح أيقونة درجات المشاركه قبل نهاية الوقت المسوح به . (لتفادي النقص وإكمال اللازم)
3- ترم صيفي بما لا يقل عن 15 ساعه.
4- الأسئلة تكون من 70 سؤال كما كانت .
5- تمديد وقت الإختبارات نصف ساعه.
6- وضع وسائل تواصل مباشره مع عميد التعليم الإلكتروني.

[دامو مستحيل]

المؤمن القوي افضل من المؤمن الضعيف فلازم مانسكت عن حقنا مافيه وعي بحقوق الطلاب والطالب نفسه مايعرف حقوقه حنا ماجادلناهم بالفلوس الي ياخذونها ولا نظام البلاك بورد المخيس والتأخيرات والنتائج الي تجلس شهور علشان تطلع فمن حقنا هالاشياء الي طلبناها تتنفذ

[الحلم1]

المشاركة الأصلية كتبت بواسطة khaled.su

لا ي عزيزي من حقك انت دخلت الجامعه على هالاساس ف مالهم حق يغيرون طريقة الاسئلة بهالشكل ممكن يطبق ع المستجدين فقط اما ع القدامى فهو ظلم و اجحاف

انا ماعندي مقالي لكن فيه ناس انظلمت وانا بكره ممكن اكون منهم

وحتى المستوى الاول حنا مادخلنا الا علشان انظمتها السابقة مثل 70 سؤال ودرجات المشاركة


1

- زيادة عدد سيرفرات البلاك بورد وأن تكون ذات جوده عاليه.
2- فتح أيقونة درجات المشاركه قبل نهاية الوقت المسوح به . (لتفادي النقص وإكمال اللازم)
3- ترم صيفي بما لا يقل عن 15 ساعه.
4- الأسئلة تكون من 70 سؤال كما كانت .
5- تمديد وقت الإختبارات نصف ساعه.
6- وضع وسائل تواصل مباشره مع عميد التعليم الإلكتروني

.




كلام من ذهب وين الفريدان يقراه[ويستفيد من يوم جاء الفريدان وشكله حاس الدنيا /size]