الاجازة الدراسية من العمل

[ouritme4u]

السلام عليكم
الخلل من ديوان الخدمة المدنية فليس لها الحق و التصرف في القطاع الخاص . لكن اذا بغيت حجر لهم اطلب اجازة بدون راتب بحيث لا ياخذون من رصيد اجازتك السنوية .

ولكن خذها مني في كل الامور وكل امرك لله وستعن به واذا حصلت وبعد ما تتاكد ترا رفعت يدك تدعي ربي قدام مديرك او صاحب الصلاحية لها الف مليون حساب .

[N-O-R-H]

الله يعين بس

[احساس جامعي]

شوف اخوي في نظام وزارة العمل

يحق لك تاخذ اجازه في اليوم اللي فيه الاختبار فقط

غير الايام هذي يمكنك تاخذ اجازه بدون راتب على حسب عدد الايام

وباذن الله تتيسر امورك

[زيدان9]

من ناحيتي عملت في الرياض وجدة وكنت اخذ اجازة اختبارات من العمل لمدة اسبوعين يعني فترة الاختبارات

وكانوا مرنين معي الى ابعد حد خاصة تعليم الرياض

ولكن الآن نقلت الى مدينة الاحساء وكان النظام عندهم غير مرن مطلقاً ،، اجازة في الايام الفعلية للامتحان او انك تاخذ اجازة اعتيادية محسومة من الرصيد السنوى مدة الاختبارات.

ان قبلت بالايام الفعلية تكون مشكلة كيف اذاكر ؟ وخاصة ان طبيعة عملي متعب جداً

وان اخذت اجازة فمشكلة بعد لانه استنزاف للرصيد

بصراحة حكومتنا العزيزة قادرة تشوف لنا حل وتساوينا بطلاب الثانوي على الاقل وتطبق علينا نظام اجازة اختبارات كاملة بدون حسم من الرصيد ... تشجيعاً للعلم

الله يكون بعوننا ويوفق الجميع

[اسمرني]

الفرج يجي قريب ان شاء الله افضل قطاع الحكومة اكيد بلا منازع

[!. سعودي كفو .!]

المادة التاسعة من لائحة الاجازات تقول :

المادة التاسعة:

للموظف الحق في التغيب عن عمله براتب كامل المدة اللازمة لأداء الإمتحان الدراسي بشرط
أن يقدم ما يثبت أدائه الإمتحان ومدته



يعني بس قدم لهم بيان بأختباراتك و أنتهينا.

[ملامح يوسفيهـ]

انا ماعطووووووووووووووووووووووووووووني ولا أجازه و السبب ان اختباري بالمساء وتناقشت معاهم قالو لا مع ان عقد العمل والعمال واضح ان المنشاه تعطي اجازه الحمدلله ع كل حال

[ابو بساام]

اول شي خلك ذكي واعطهم الشهادة بدون جدول الاختبار

ثانياً: نظام وزارة الخدمة المدنية واضح

المادة التاسعة:
للموظف الحق في التغيب عن عمله براتب كامل المدة اللازمة لأداء الإمتحان الدراسي بشرط أن يقدم ما يثبت أدائه الإمتحان ومدته0


النظام ماقال تاخذ اجازة في اليوم اللي تختبر فيه فقط

[ابو نواف 8]

اولا : الله ييسر لك امورك والجميع

ثانيا : اذا كان الاختبار برا منطقتك لك حق تاخذ اجازة دراسية ولا تخصم من رصيدك

ثالثا : اذا كان الاختبار بنفس المدينة تعطى اجازة علي ايام الاختبار فقط لكن البعض من المدراء يتساعد عشان عارف ضغط الاختبارات

رابعا : المفروض من الجامعة ماتكتب الملاحظة اللي بجدول الاختبار عشان ماتحرجنا بعملنا

[ابن خلدوون]

ياجماعة الخير اللي اعرفه إن الموظف يستحق إجازة في وقت الإختبارات من بدايتها الى نهايتها ..

أنا بالنسبة لي اعمل في قطاع خاص وأقدم لهم جدول الإختبارات والتعريف ويمنحوني اجازة طوال مدة الإختبارات حوالي اسبوعين ..

وهذا نظام موجود بالدولة حسب مااسمع ..

ولو ماعطوني اجازة ابرفع فيهم شكوى لوزارة العمل وآخذها من وراء خشومهم ..

هذا اللي ناقص .. بالإختبارات اداوم ! !