المذاكرة والنعااس ..

[GLitter Sun]

انا إذا جاني نوم وقت المذاكرة أشوف هل انا مانمت زين ولا مفلله نوم إذا مانمت زين أنام واوقت الساعه واصحى مرة ثانيه واذاكر وإذا عرفت أني مفلله ما اعطي نفسي وجه أقلها ذاكري احسن لك تراك بعدين بتندمين وقت النتائج واتحمس واذاكر وأتعوذ من الشيطان

[بعيدة المنال~]

ياسبحان الله احس اني عتيقه جدا او من زمن اخر ....بالنسبه لي العكس عندي طقوسي الخاصة اهمها انقل المذاكره من المكتب للمجلس ..مجلس الحريم ..ع الارض يعني ..عشان مايداهمني النوم وبعدين لازم البخور لازززم بقوة ويكون من النوع الفاخر ذو الرائحه الزكية ..احب ادلع نفسي اشريه قبل الاختبار ات من العربيه للعود (هو اصلاً عودين اشريهم ب300 اكسرهم واحطهم عند المبخره )والشي المهم القهوة سخان قهوة محد يسويه غيري له تحويجه خاصه انا اكونها وياويل اللي يلمسها ..عاد لجى وقت الاختبار اروح للمجلس وابخره واحط المركى وعليه ملزمتي واوراقي وجبت سخان القهوه وصحن التمر وسكرت بابي وسميت بالرحمان وبديت اذاكر ...اذا تعبت وحسيت النوم خلاص بس مابي اطول ..عندي شرشف الصلاه التف بيه _ع قولت اختي مثل اليرقه _ نصف ساعه واصحى واتعوذمن الشيطان واكمل مذاكرتي ....ولا اجيب النعاس ع بالي مررره..

[المحترمه]

وعليكم السلام ورحمة الله وبركاته


صدقتِ يا ورده ... والله هذي المشكله كنت ولازلت
أعاني منها وبشكل أكبر وقت الإختبارات والهمّه
لكن حسب ما قرأت أنها نفسيا وليس بدليل أنك
مجرد ما تنقطعين عن المذاكره راح يعود لك نشاطك


أعتقد أقرب الحلول هو حل القدير prestigious
اسأل الله التوفيق والنجاح وأن يسهل كل عسير

تقديري للجميع

[خلواااد]

يؤؤؤؤؤؤؤؤؤؤه اسكتوا بس لا تذكروني قسم بالله اني اتحمس ولمن اجي لاول محاضره يلروح الحماس ويجي الصداع والنوم بس ما استسلم اقوم اخذا لي لفه علي البيت والرجع اكمل انا احس انو شي طبيعي لان من زمان عن المذاكره ومسكت الكتاب صح نعاني بس انشاء الله نجيب a+وشدوا حيلكم

[أبان]

يعني إيش مذاكرة

[YouseF2011]

اتكي بالمجلس بعد الساعه 9 وتكون توها المبارايات باديه واشوف كل المباريات االي بالتلفزيون الدوري السعودي القطري الاماراتي الاسباني الالماني الايطالي البرتغالي البرازيلي الانجليزي ما احبه

المهم وناظر بالهمباريات ومن قناه لقناه الجزيره الرياضيه كلها وبعدين كل الرياضه واحب اشوف ناشونال جويغرافي ولا جات الساعه 12 بديت استوعب ان الوقت مشي واذاكر وقلب بها لمنتدى ودور على اي معلومه وبس ويوم الاختبار افتح الملخصات
السالفه طويله

[l a v e n d e r]

عجبني رد ابان ..

اختصر كل شي يا جماعه ..


وردة ..

من جد ترا حاله نفسية ..


الاغلبيه كذا اعوذ بالله + انا وراثه الوالد كذا

كل واحد حر بوراثته

عالعموم كل شي بتوفيق الله ..

اذا ربي اراد لنا التوفيق ما في شي بيوقف بطريقنــا والعكس صحيح ..

نسأله من خيرة مالا يعطية احد غيرة ..

بالتوفيق يارب ..

[فضيل]

انا مستغرب، البعض يحب المذاكرة مع البخور!

نجرب البخوووور

[مدرك]

نفس حالتك بالضبط

[am3]

اول نفطه خففو اكل , يخف النوم والنعس ..
حاولي تكون وجباتك خفيفة لا توصلين لدرجه الشبع المفرط , وبين الوجبات فواكة ,,
لان كثرة الاكل تجيب خمول ..
..
ولما تبدء المذاكره اتخيلي نفسك دكتورة وانك تشرحين لطلبة قدامك ,,, وحاولي توصلين لهم المعلومه بشتى الطرق , اذا فهمتي المحاضرة معناته هم فهموها , واذا مافهموهاا كرري عليهم لين يفهموها ,, بكذا تنشغلين بالطلبه وتنسين النوم ..

..
جربوها وان شاء الله تفيد ..