مستقبل شهادة الانتساب المطور

[mad77000]

احل لكم الموضوع.

لنفرض مثلا اثنان تخرجا من الدراسه الثانوية معا اتجة الاول الى الجامعة وانتظم واتجة الاخر الى وظيفة متواضعة لنقل في احدى الشركات الخاصه وبعد خمس سنوات تخرجا الاثنان معا

الاول لا يحمل الا الشهادة الجامعة
الثاني يحمل الشهادة الجامعية + خمس سنوات خبرة

انت كمسؤول توظيف ايهما تختار؟ اترك الجواب لكم

[دعـانـي الشوق]

بختار شهادة الأنتظام لأن الطالب طازه ومعلومات راسخه فـ ذهنه وقادر عللى صقلها في مجال العمل
بعكس المنتسب فتجد معلوماته أندثرة أومحدود لديه بسبب أنشغاله في وضيفته


أما مسألة الخبره إذا بتخدم الوضيفه المقدم لها بشكل مباشر فلا بأس بتفضيلها على غيرها

[وردة الحجاز]

كنت يوما طالبه منتظمه

والان طالبه منتسبه


يمكن فيه فرق ظاهري ... لكن .. والله يبعض الطالبات اذكرهم قسم

ماتحضر ولا محاضره .. ولا تجيك اخرررر شئ بالذااات المحاضرات التلفزيونيه

ومكبره المخده طول الترم بعدين صحت من نومها وتبدا تدور ملازم وملخصات

زييها زي الانتساب التقليدي زماان ...

الله يازمان اول >> غبااااااااااار

بس صراحه الواجبات كنت اتعب فيها .. اروح المكتبه اقعد ساعه ساعتين ادور على كتب فيها مسائل

مشابهه لاسئله الواجب عشان بس تساعدني بالحل

واحيانا بعد جهد جهيد القى حل بعضها بمركز التصوير تبع الجامعه

واطلعي 4 ادوار وانزلي 4 ادوار والمصعد زحمه والاستاذه مالها خلقك

والمشي بساحة الجامعه بعز الظهر والخ الخ


ان شاء الله معتمد ... وهذا اللي اعرفه ...

والواحد مايدري وش يستناه بكره ..

تفاءلوا بالخير تجيدوووووه ..

[فيصل الهلالي]

بالنسبه لتخصص اللغه أعرف شخص متخرج من جامعة جده انتساب وموظف حكومي راتبه اكثر من 9500 ويملك تخصص تخصص مهم في مجال عمله وخلص الجامعه في بداية السنه 1432 وقدم على التدريس وقبلوه

[المسآفرة]

المشاركة الأصلية كتبت بواسطة HR Professional

ولكن للمعلومية ما عمري شفت واحد يدرس انتساب وهو قاعد بالبيت ، اكيد ان عنده وظيفة حتى لو تمشية حال

انا انتساب وجالسه بالبيت لا وظيفه ولاهم يحزنون

[المسآفرة]

يا اخوان الله ما شفناه بالعقل عرفناه

يعني الحين الدوله بتفتح جامعه الكترونيه ولها ميزانيه وش كثرها

عششان بالاخير يقولون مالكم قبول بوظائف حكوميه ؟؟؟؟؟؟؟؟؟؟؟؟

مو معقول

يعني وش الغرض بالله انو كل السعوديين تصير شهاتهم جامعيه بس ؟؟؟

لا ما اتوقع اكيد راح تفتح وظائف جديده

والوظائف مو مقتصره على انك تكون معلم او معلمه اذا هذا الغرض من دراستكم اجل انتظروا طابور المتخرجين

زبدة الكلام :-

كملوا مشواركم التعليمي بكل جد ومثابره والانتساب المطور مثل الانتظام انا كنت منتظمه 3 سنوات وصارت ظروف وماكملت والحين رجعت انتساب
وربي احس كل دراستي بالانتظام تبخرت بالرغم اني كنت شاطره

واللي يتخرج ويبغى التدريس ياخذ دبلوم تربوي وخلاص

الفرق بين الانتساب والانتظام انو عندهم مواد طرق تدريس وبعدها يطلع تربيه عملي يمكن عشان كذا استبعدوا الانتساب المطور

بس لمن تكملو ا دبلوم تربوي مافيه اي نظام بيمنعك انك تتوظف معلم او معلمه

[فارس740]

[غرور الورد1]

لآ إله إلآ الله محمد رسول الله

[HR Professional]

لا زلت لا أرى فرقاً جوهرياً بين الاثنين

في الأول والأخير يعتمد على الوظيفة اللي بقابل عليها

اذا كنت ابغى واحد في منصب حساس واحتاجه يسوي لي شغلة اليوم قبل بكره راح اخذ اللي عنده خبرة

اذا كنت ابغى ابني لي موظف يخدمني 5 سنوات قدام اطور فيه واعلمه راح اخذ المتخرج الجديد

وتضل وجهة نظري ان الدراسة بالنسبة للاثنين وحدة ، هالأيام ما يهم وين دارس بقدر ما يهم المعرفة حقتك

ولا زي ما قالت الأخت ورد الحجاز في ناس انتظام ولكن مو شرط يحضرون المحاضرات يومياً

طيب انا اسألك ، منهو راح توظف ، خريج حديث من جامعة الملك فيصل ولا خريج انتساب من جامعة الملك فهد للبترول والمعادن

انا انتساب وجالسه بالبيت لا وظيفه ولاهم يحزنون

قصدي المنتسبين الذكور ولا يهونون الإناث

[خزنه]

انا جربت انتظام انتساب انتظام والان انتساب مطور
الي بدا يكمل ويشد حيلة ولا يسمع كلام المثبطين
موظف ولله الحمد والانتساب في جامعة الملك فيصل من وجهة نظري افضل
والخبرة تخدم في بعض المجالات والتخصص حسب الحاجة يمكن اليوم تخصص ما احد يحتاجه بكره
يحتاجونه ويمكن تخصص اليوم مطلوب وغدا لو انتظام ومعدل 4 مايطلبوه شد حيلكم من اجل كسب العلم
والعاقل خصيم نفسه واحد يقول التدريس مايقبلوه والثاني يقول لازم دبلوم لادبلوم ولا شئ خلص البكالوريوس
وشف وقتها يبون سنه تربوي وألا يمكن ينزلون اخر سمستر تربوي إلى الامام لا رجوع الهمه الهمه يانصر والموعدالقمه انتساب مطور يعتمد على التقنية والتحصيل وحضور المحاضرات اكثر من الانتظام واصلوا والله معاكم