((رأيك مع تغييرالمسمى مقابل الترم الصيفي)) للأخوة والأخوات الأعضاء فقط

[{{Businessman}}]

ابو عبدالعزيز يالغالي ولايهون الاخوان

لو رفضنا تغيير المسمى وكان رد الجامعه برفض الترم الصيفي
اتوقع هالشي راح يسيئ لسمعه الجامعه وراح تقل نسبه الطلبه الجدد
وبكذا ماراح تقدر الجامعه تستمر بالقرار هذا بل راح تفتح الترم الصيفي ولو بعد مده وهي مجبوره
ولاتنسى ان الجامعه حديثه عهد بالانتساب ,,

هذا توقع مني والله اعلم

[الهذلي]

ياشباب تبغون نصيحتي
صدقوني قد ما تشوة سمعت الجامعه برا قد ماتستفيد قولو كيف
اذا تشوهت سمعت الجامعه برا راح يكون الاقبال على الانتساب فيها او نظامها الجديد التعليم عن بعد قليل
وبالتالي انخفاااااااااااض العائدات المالية
بيدورون عن سبب انخفاض القروش وبيكتشفون ان سمعتهم في الحضيض والسبب تعاملهم مع الطلبة المنتسبين
واللة يستر من كلامك ياعزيزي صايل اخاف يطبقونة علينا ويجبرونا على تغيير المسمى بالاسئلة التعجيزية
ولكن سأجد واجتهد وحلمي باذن اللة سيتحقق فأنا احلم بالحصول على درجة البكالريوس واكمال دراستي بالخارج .
اسأل الله العلي الكريم ان يوفقنا ويدا بيد للتخرج ولا تتهاوني ولا تهمكم القرارات التعسفية التي تهدف الى تحطيم العزيمة

[ليناا]

صدقوني قد ما تشوة سمعت الجامعه برا قد ماتستفيد قولو كيف

عذراً ..
لو مارح استفيد الا بهالطريقه .. عساني عمري ماستفدت
اسلوب غير مبرر
شخصياً ما ارضاه لنفسي ولا للاخرين

دمتم بسمو

[الهذلي]

واللة وش نسوي يالينا اذا جامعتنا العزيزة مافكرت في طلابها
ومافكرت الا في دخلها المادي
نواجهها بالسياسة المالية
ونتي شايفة قراراتها الاخيرة كلها تهدف الى زيادة الدخل .

[ليناا]

ولو اخوي
مو بهالاسلوب ولو مجرد تفكير
متاكده هالامر بس جاي من " حرقتكم "
والجميع باذن الله تفكيرهم نير وراقي ولاتهونون
بس ضغط القرارات المتغيره يمكن هي السبب
الله يهدي الجميع للخير

[الهذلي]

الله يهدي الجميع للخير
معي زملاء لي منتسبين بالملك عبدالعزيز
واللة العظيم رتاحين قرارات ثابتة والامور مستتبة
لا ودرجاتهم نزلت بعد وناجحين ودرجات حلووووة وجاتهم اسئلة زي العسل
الله يعيننا بس

[Ola]

المشاركة الأصلية كتبت بواسطة الهذلي

الله يهدي الجميع للخير
معي زملاء لي منتسبين بالملك عبدالعزيز
واللة العظيم رتاحين قرارات ثابتة والامور مستتبة
لا ودرجاتهم نزلت بعد وناجحين ودرجات حلووووة وجاتهم اسئلة زي العسل
الله يعيننا بس

التسجيل الثاني للجامعه انتساب مفتوح ولا فات التسجيل ؟

<<< مبدأ الحيطه و الحذر

انا ماحسدهم على درجاتهم لان لكل مجتهد نصيب .. لكن احسدهم على قراراتهم الثابته

مريحين راسهم قاسمين طلاب الانتساب المطور لحال والتعليم عن بعد لحال يعجبوني والله

الله يكتب لنا الخيره و يحققلنا امانينا انه على كل شي قدير

[ابو عبدالعزيز2]

المشاركة الأصلية كتبت بواسطة {{Businessman}}

ابو عبدالعزيز يالغالي ولايهون الاخوان

لو رفضنا تغيير المسمى وكان رد الجامعه برفض الترم الصيفي
اتوقع هالشي راح يسيئ لسمعه الجامعه وراح تقل نسبه الطلبه الجدد
وبكذا ماراح تقدر الجامعه تستمر بالقرار هذا بل راح تفتح الترم الصيفي ولو بعد مده وهي مجبوره
ولاتنسى ان الجامعه حديثه عهد بالانتساب ,,

هذا توقع مني والله اعلم

اخوي Businessman جعلك تسلم ومن يسمع ...النظام الجديد للمسمى متى راح يبدأ العمل به ؟ سيبدأ السنة القادمة واتوقع بيسوقون النظام الجديد مع الترم الصيفي لجذب أكبر عدد من الطلبه والطالبات وهنا تنتهي مشكلتهم مع المسمى الجديد ... لكن بالنسبه للدفعة السابقة والحالية(نحن) والدفعة القادمة لهم الحرية في الأختيار بين التسمية القديمة بدون ترم صيفي أو تخضع للأبتزاز الأكاديمي بالتسمية الجديدة مع حفظ حقك ورغبتك بالترم الصيفي أذا طبق في المستقبل القريب ., تحياتي لشخصك الكريم ومرورك لأبداء رأيك..

[Lilac]

المشاركة الأصلية كتبت بواسطة ابو عبدالعزيز2

بسم الله الرحمن الرحيم

السلام عليكم ورحمة الله وبركاتة :-

بما أننا الآن نعتبر في أجازة دراسية و ليست أجازة عمل و حيث أن موضوع تغيير المسمى والدراسة الصيفيه هم الموضوعين الذين آخذا حيزا" كبير من النقاشات في جميع المنتديات ونحن من ضمنهم لذلك رأيت أن أجمعهم في موضوع واحد ....... وهذا الموضوع ليس تصويت (VETO) انما لأبداء رأيك الحر في موضوع أحلاهم مرررر ,, وهل تؤيد توجة المسؤلين في الجامعة في المستقبل ( مساومة ) في تغيير المسمى مقابل دراستك الصيفية,,, يمكن البعض يقول لا أرغب بتغيير المسمى ولا أرغب بالدراسة الصيفية مقابلها ..أقول لة نعم من حقك وبقوة ولكن من يرغب بالترم الصيفي بدون التغيير هنا يكون الموضوع يختلف و هو من أراد تغيير المسمى يحق له الترم الصيفي ومن أراد غير ذلك لا يحق له التقدم بطلب الدراسة الصيفية ,, في الختام آمل من الأخوة والآخوات الأعضاء فقط المشاركة بطرح رؤيته حول هذاااااا الموضوع والله يوفقنا لأتخاذ القرار الصائب في مستقبلنا الدراسي و غيره من القرارات التي تمس حياتنا اليوميه.. والله الموفق لما يحب ويرضى أنه سميع الدعاء..والله من وراء القصد انتهىااااااخوكم ابوعبدالعزيز2

أولا في كلمة احب اصححها هي [ Veto ] ..

الصحيحه [ Vote ] ومعناها التصويت

..

ما اعتقد من الحكمة اننا نساوم لاننا بناخذ شهادة مو عقار !!

برأيي الشخصي افضل الشهادة اللي تنفعنا في المستقبل سواء كانت بمسمى تعليم عن بعد او انتساب .. والصيفي لاحقين عليه

لانه ذكر الدكتور وقال انها فكرة في طور التنفيذ .. يعني ننتظر ونشوف ايش تاليها ..

ولا نستعجل ..

واعتقد كلنا شفنا نتيجة استعجال بعض الاخوان بخصوص الاختبارات اللي سابقة لاوانها وايش لقينا اخرتها ..

[ كل تأخيره فيها خيرة ]

بالتوفيق للجميع ،،

[{{Businessman}}]

المشاركة الأصلية كتبت بواسطة ابو عبدالعزيز2

واتوقع بيسوقون النظام الجديد مع الترم الصيفي لجذب أكبر عدد من الطلبه والطالبات وهنا تنتهي مشكلتهم مع المسمى الجديد ... لكن بالنسبه للدفعة السابقة والحالية(نحن) والدفعة القادمة لهم الحرية في الأختيار بين التسمية القديمة بدون ترم صيفي أو تخضع للأبتزاز الأكاديمي بالتسمية الجديدة مع حفظ حقك ورغبتك بالترم الصيفي أذا طبق في المستقبل القريب ., ..

اخوي ابو عبدالعزيز
كلامك صحيح 100% وانا ماحسبتها صح
الله ييسر لما يحب ويرضى