(مشروع التخرج) .. بين مطرقة المثالية الزائفة .. وسندانْ الواقعية المؤلمة

[أفا يا قلب]

من بدايتها ريحو روسكم ولا تسوونها بأنفسكم
خلو احد متمرس بالبحوث يسويها لكم
ومن تجربه الحمدلله اخذت a+

[game]

والله مدري وش السواة همي أتخرج ممتاز مع مرتبة الشرف وأي حمل للمادة بيلغي مرتبة الشرف ماهمني المستوى التاسع واني اعيد ترم عشان مادة همي اتخرج ممتاز مع مرتبة الشرف
ربك يعين

[اخصائي اجتماعي1]

الله يخلي المصري تضمن ال٩٠-٩٥ درجه وانت مريح راسك

[rasila]

بالنسبة لي مره بدري على المشروع لكن من الحين شايله همه
أصلا ليه مشروع أقلها ينزلون طلاب ميداني اذا بيعجزونهم يعني
وإذا الواحد يتعب واخرتها مقبول من الحين بجهز لي احد يسويه دام ماعندهم لا ذمه ولا. ضمير

[ام نيرسيان]

انا امتياز في كل المواد والترم هذا تخرجت ولله الحمد لكن مشروع التخرج لعب بمعدلي صح اخذت 67 سويت تظلم على الاقل 70 يعطوني بتفرق في المعدل الحمد لله على كل حال والله لو ادري كان سويت مشروع بحثي عن المشكلات الاجتماعية التي يعاني منها الطالب في مشروع بحث التخرج .. لكن راحت علي والله باخذ فيها درجة الماجستير من كثر معاناتنا في مشروع البحث

[Tariq.Q]

كويس أنكم علمتونا عشان ما نتعب حالنا ونكتب بحث متعوب عليه ..

تذكرت مسابقة بحثية أقيمت في صالة إجتماعية للمتقاعدين بمدينة الجبيل عن موضوع الحوادث المرورية شارك فيها والدي وبذل جهد كبير وأخذ أكثر من شهر وهو يكتبه ويُقلب مراجع كثيرة .. وفي الأخير أخذ المركز الثاني ، والأول وهنا تكمن المٌفارقة لم يستغرق بحثه أكثر من عشرة دقائق (قص ولصق من النت) ..

والسب الي ذكره من يقيم البحث أن الأول بحثه مكتوب بالوان وفيه صور والورق كشخه (هذي معايير البحث ) .. بينما أبوي كتبه بخط يده ( والدي يربو عمره على 75 وما يعرف للكمبيوتر والأجهزة الحديثة)

فأحتمال يكون سبب قصف الدرجات عندكم راجع لنوع الخط الي استخدمتوه والألوان ..

عليكم بالألوان الصيفية المُبهجة ( أصفر أخضر وردي ..الخ )

[طمووح لاااينتهي]

السلام عليكم
من ناحية المفارقات في الدرجات والتعب رأيت العجب...من صديقاتي من كتبت بإحترافية بدءا من موضوع بحثها وانتهاءا بالتنسيق والتحليل والتفسير ولم تحصل الی علی السبعين...ومنهن من اشترته من مكتبه او كتبته بطريقة عشوائيه وأخطاء إملائيه ولغويه فادحه ونالت فيه الإمتياز...وهذا كله ان دل علی شيء فهو إنما يدل علی عدم المصداقية في التصحيح والتدقيق....ولكنه في الوقت نفسه لايحلل لأحد أن يتخذه ذريعة ليشتري بحثه أو يأخذه جاهزا من أي أحد...ويعلم الله اني استفتيت الشيوخ ليس واحدا فقط وكلهم أفتوني بعدم الجواز لأنني سوف أنال به درجه علميه لا أستحقها ولم أتعب فيها...ومن يريد الاستزاده في هذا الموضوع فليطلع عليه في اليوتيوب...توكلوا علی الله واستعينوا به ومن طلب رضی الله فلن يخيبه...عملت علی بحثي طوال الشهرين مستعينة بالله فقققط دون أي مساعده من أحد...ولم تكن المشرفة راضية تمام الرضی عن موضوعي...ولكني كنت مقتنعة تماما به...والحمدلله قدمته وبكل جدارة نجحت فيه...أتمنی لكم التوفيق

[أم المهند]

����

فتحت جروح ذكريااات ،،،
الله يخارجنا منه جميعا
بأعلى الدرجاااات ...

[al_hawawy]

مشروع التخرج مادة سهله ولكن بطريقة الاساتذة وألية تصحيحهم وتوزيع درجاتهم وبعض الظلم للطلبة اصبحت مادة بالغة الصعوبة وبالطريقة هاذي لا يلام الطلبة اذا صلحه احد لهم والي يقول لايجوز وهل ماتفعلة الجامعة بحق الطلبة في المشروع يجوز ؟!

[أخلاق]

بحكم التجربة حبيت اضيف نقطة

النقطة الأولى ان الدكتور فصفص مشروعي فصفصة اخطاء املائية عدلها وغير بعض الكلمات في وسط الكلام وطلب تعديل بعض النقاط بمعنى انه قرأ البحث كامل وبدقة ويمكن تختلف من دكتور لآخر


النقطة الثانية بالنسبة‏ لحمل مشروع التخرج لايلغي مرتبة الشرف وهذي انا متأكد منها لان واحد من اخوياي حمل المشروع واخذ ترم تاسع فقط كان عنده مشروع ونجح فيه وتخرج بتقدير ممتاز مع مرتبة الشرف الثانية لانهم اذا نجحت في المشروع فقط يعدلون الدرجة في السجل الاكاديمي

وبالتوفيق ان شاء الله