اللهم بلغنا واياكم شهر رمضان الكريم ادخل ولا تتردد

[ohood-]

واما بنعمة ربك فحدث كلن عنده خير ولا يقول تجاربه ولا كيف يمد يده للجميع للمساعدة وانت اخوي المقيرن ماشاء الله تبارك الرحمن فكرة وانجاز وتعاون بارك الله فيكم

[ابوفيصل 2012]

الله يباركلك فيما تملك ويبارك لنا فيما نملك والملك والشان كله لله اهم شئ الصدقه

[المقيرن]

من لا يشكر الناس لا يشكر الله
الشكر لكم جميعا الله يبارك فيكم جميعا ويرزقكم الصحه والدين والعلم والمال والبنون وحسن الخاتمه
اخوي ابو فيصل بالنسبه للزكاه فهي واجبه وبالنسبه للصداقه فما نقص مالا من صدقه
واهم شيء بعد رضا الله عز وجل رضا الوالدين ودعائهم لابنائهم وبرهم وحسن معاملتهم
اقسم بالله لم اقصد بقصتي الشهره او التفاخر بل اقصد عدم اليأس والعمل واقسم بالله اني افرح اذا شفت سعودي او سعوديه في مجال التجاره وافرح حتى ان كان موظف في محل فالعمل ليس عيب انا تخرجت من الثانويه وما كملت جامعه بسبب الطيش مع اني درسة بالبترول وبالبحرين ولاكن ما حصلت من يوجهني وبعدين اشتغلت 2 براتب الف ريال والحمد لله الان موظف حكومي وعندي محلات تجاريه كله بفضل الله عز وجل وبالتعب والجهد بصراحه لما رحت تركيا شفت جميع الاعمال واصغر وظيفه يعمل فيها تركي وماعندهم احد اجنبي يعني اخر احصاء 140 مليار ريال تحويلات من العماله الى الخارج هذا غير الي ماهو معروف طيب وين شباب السعوديه اقسم بالله بقاله صغيره ربحها شهريا مب اقل من 13 الف ريال شهريا صافي ومحل جوالات ماهو اقل من 20 الف ريال الى 15 الف ريال طيب ليه ما يفتح المواطن السعودي او المواطنه ويكون له عموما ابي عزم قوي من الجميع ما ابي ضعف توكل على الله واهم شيء عدم الغش في التجاره حتى تكون حلال

[AbuAbdulaziz]

جزاك الله خير اخوي المقيرن وبارك لك في مالك , وهذي نصيحه مهمه بدل مالواحد جالس في الاجازه فاضي لاشغل ولا مشغلهوفيه حديث ضعيف يقول (تسعة أعشار الرزق في التجارة)
اللهم بلغنا رمضان وتقبله منا يا ارحم الراحمين.

[المقيرن]

مشكور اخي الكريم ابوعبدالعزيز
الله يبارك فيك ويسعدك ويرزقك من حيث لاتحتسب وجميع المسلمين

[عذايب]

أخي العزيز ما شاء الله ع طموحك وكفاحك .. بس عندي تعليق وش نوعية المشاريع اللي راس مالها 15 ألف ريال ...

[المقيرن]

السلام عليكم الاخت عذايب مبروك عليك الشهر الكريم اولا ماهي 15 الف انا قلت 25 الف من 15 سنه تحديدا عام 2000 م طبعا انا اخذت محل ايجاره 25 الف دفعت 12500 للمكتب بدون سعي لانه كان صاحب العماره الله يرحمه وتبقى عندي 12500 ريال اشتريت طاوله ومكيف وشويت اكسسوارات نشاطي كان بيع الجوالات وكنت تقريبا 4 جوالات فقط هذيك الايام نوكيا رهيب وعنيد وكت كات والسفير والحمد لله ربي سخر لي بعض الشركات وعطتني بالاجل والحمد صدقت معهم حتى وصل الان حساب الاجل عند كل شركه مليون ريال طبعا قبل الشركات محدوده والان كثرت والاجهزة تنوعت كثير وسلمتك