اقتراح بالنسبه حول الاختبارات الفصليه &.

[Shoroq]

حلوه الفكره عشان يعرف كل واحد درجته واش اخطائه وعشان مايصير فيه ظلم ويرتاح نفسيا

[شباب الرياض]

لا حلوة ولا شي فكرة تودي في داهية يعني مار اح يجيب لك اي سؤال منها وتطب في اسئلة تشيب الراس خلنا على قردنا لايجينا اقرد منه

[مــجــازفــــ]

المشكلة انهم مشددين على المراقبين انه ممنوع تصوير الاسئلة فما بالك انهم يبي ينزلون الاسئلة لك مع الحل ما اعتقد الجامعة تفتح باب عليها لان الطلاب راح يراجعون درجة درجة ورا الجامعة وتطلع فضايحهم لو انه عندهم شفافيه كان جعلوا درجات المشاركة تظهر فورا للطالب قبل اغلاق النظام والناس تعرف ايش لها وايش عليها ولكن ما زال هناك مزيد من التعتيم كما هو الحال في بقية المؤسسات الحكومية والخاصة..

[ماريوت]

اخوي احترم وجهك نظرك ولكن والله لها مساوى اكثر

لو نفذت هالفكره معناه انسى يتكرر اي سؤال من الاسئله الماضيه

اتركو عنك هالافكار ترى ضررها اكثر من نفعها والطلبه هنا ماهو مقصرين يتم حلها ونسبه الخطا فيها قليله جدا

ولكن لو تم حلها عن طريق دكتورالماده مستحيل يتكرر اي سؤال

فلا تطالبو باشياء تضرنا مستقبلا

[الجــــ@ـارح]

اسمحولي بوجهة نظري ان الفكره غلط , ومثل ماقال اخوي ماريوت

رح يلغى تكرار اسئلة الاعوام الماضيه ,,

لكل مستوى , فيه امور كثيره الجامعه متغاضيه عنها ,, ولكن مشكلتنا نحن من يقوم بتوضيح

شي للجامعه يكون مردوده على الطلبه وليس في صالحهم ,,

اما اخواني في حل الاسئله يكفي شخص يتطوع وله الاجر وادعاء من اخوانه ,,

اي ماده يبي يحل اسئلتها يشوف مدرس متخصص في تلك الماده , يقوم بحل الاسئله

وانزالها في المنتدى وهنا كسب اجر بالدعوات الي رح يحصلها ,, واستفادو الطلبه الي بعده

في المستوى الجديد ,,

[تحقيق المستحيل]

الفكره حلوه
جات في بالي يوم أختبار الصحه واللياقه نص الأسئله مانعرف وش حلها الأكيد والصح والكل يفتي من راسه
ورحنا نختبر ولا ندري وين الله حاشرنا وخلصنا من الأختبار وبرضو مش عارفين وش الصح
وطلعت النتايج ومكانك سر ماندري عن شيء
بس جامعتنا الله يجزاها خير ماينفع معهم هالنظام يحلون لك الأسئله ثم يجيبون لك نفسها
غش ياخوي
دكتور الصحه واللياقه بس درى أنه بنذاكر من أسئله العام بس أكتشف هالمعلومه حاس الدنيا حوس
ريح بالك وخل جامعتنا تمشي على عماها

[The Golden Pen]

عني انا ما اتوقع الدكاترة يبون الفكه منا وباقي تبون يراجعون معنا الا اهم شيء يتأكدون من اجهزتهم حق التصحيح انها تمام والله يكثر خيرهم

[سادن كنان]

تاج راسي امي شكرا على التنبيه

المشاركة الأصلية كتبت بواسطة بحـر الكـلام

السلام علييكم ورحمه الله وبركاته ...

في البدايه احب اشكر الجميع علي كل الجهد الي بذلوه من اجلنا وابارك لطلاب والطالبات الي حالفهم الحظ بالنجاح ونقول للي ماحالفهم النجاح معوضين خير في الفصول القادمه وشدوا حيلكم ..

اخواني خواتي والله جاتني فكره والمفروض نطرحها علي الجامعه .. لاني لاحظت في تخبطات تصير بيننا عند انتهاء اي اختبار نهائي والي هي اجابات الاسئله ... جات في بالي فكره وودنا نطرحها علي العماده وهي انه بعد عمل اي اختبار لطلاب نهائي ويكون اخر اسبوع في الاختبارات علي كل دكتور يحل الاسئله وينزلونها لنا علي موقع الجامعه عشان نراجع اجوبتنا ومن اجل تثبت المعلومه لدينا .. الحين احنا نهينا الاختبارات وبصراحه انا واحد من الناس مادري وشو الاخطاء الي عندي اصلا لكن عند حل الاسئله من قبل الدكتور فيما بعد سوف ترتكز المعلومه عند الطالب اولاا ... وكل واحد يعرف الخطاء الي حله والدرجه التقريبه هذا ثاني .... ثالثا تكون قاموس مراجعه لطلاب والطلابات الجدد بصراحه هذي الفكره جاتني وحبيت اطرحها عليكم ... وكل عام وانتم بالف خير مقدما

اخوكم بحر الكلام

بحـر الكـلام الجامعه لن تؤيد هذه الفكره هم اصل يمنعون ان ناخذ الاساله معنا

[omjehaad]

أخوي بحر أصلا في دكاترة مايعرفو إنو الأسئلة مسربة
في دكتور ملفي الرشيدي الله يسعدو نزل حلول الأسئلة في المنتدى بدون طلب يعني كل دكتور وضميرو
الفكرة الأفضل إننا نذاكر بدري وننشبلهم في المحاضرات المباشرة وبدل الأسئلة الماسخة واللي مالها داعي من قبل الطالبات الله يهديهم نطرح الأسئلة الغير واضحة والمختلف في حلها ونسوي نفسنا فاهمين ومذاكرين ونسال السؤال ومانبين إنه من أسئلة الإختبار وهو إن شاء الله زي الطيبين يجاوب
وبالتوفيق للجميع

[H N O O]

الفكره جونآن


بس آحس م حد رآآح يعطيها وجه


الا آذآ بووه طلاب وطالبآآآت متحمسين وفيهم دفعه تفآؤل

هم يكلمون الدكآتره ويقنعونهم


ممكن انها تزبط في هذي الحاله