المطلوب لاكمال دراسة العسكريين

[احمد الدمام]

المشاركة الأصلية كتبت بواسطة ابراهيم مطر

بس الرخصه وقت الاختبارات تنفع يعني اذا ما وافقو عليك مافي رخصه

والله ياخوي انا بامن المنشات

بوقت الاختبارات اخذت عرضية عشر ايام

والاختبارات الي قبلها اخذت رخصه على تعديه يعني جمعت لي اسبوعين

لان عندنا موقفين اجازات الاختبارت اصلا

[احمد الدمام]

اهم شي اجيب جدول الاختبارت

[حنايا الروح2]

اخوي عسكري كيف يكمل دراسته الجامعيه عن بعد؟

[أبوليان]

وعليكم والسلام

شروط موافقة صاحب الصلاحية (مدير الأمن العام)

1/ نموذج موافقة من الجامعة مختوم وتكون الورقة ملونه (طبعاً الطلبة المستجدين للأن لم تفتح الخدمات الطلابية)
2/ أستدعاء من الطالب وأن تكون الدراسة على حسابة وإلا تأثر على سير العمل
3/ صورة الهويه الوطنية
4/ صورة شهادة الثانوية
5/ جدول نسبة (خاص بالعمل .. عشان مفاضلة للأفراد المنتسبين)
6/ تزكية من رئيسك المباشر (يعني مثل مشهد حسن سيرة وسلوك)
7/ نموذج أبتعاث يطبع من موقع الأمن العام ويسجل حسب شروطهم .
وترفع جميع الطلبات قبل يوم 20/3/1434هـ

والله أعلم ..

[@ابو نايف@]

والله عني انا يادارتي مافيه احسن منها وقت الاختبارات اجيب الجدول وتعريف ومنحوني اجازه

وبنسبه لتريقه والله ترقيهت فيها بشهر ثمانيه باولى جامع

بالتوفيق ياحمات الوطن

[alshammary]

يعطيكم العافية الجميع

[ابراهيم مطر]

المشاركة الأصلية كتبت بواسطة ابونايف777

1/ قبول الجامعة ماهو شي اكيد يعتمد على نسبتك في الثانويه انا الترم الماضي لما قدمت بالجامعة ماقبلوني وبعد شهر تم اشعاري بالقبول (رغبة للجامعة في قبول اكبر عدد ممكن من ابنائها الطلاب )

2/ في العمل كذلك الموافقه جدا جدا صعبة لانها نسبة وتناسب يعني الادارة فيها 100 موظف القبول يكون فقط 5 % من اجمالي عدد الموظفين يعني 5 موظفين فقط يتم السماح لهم بالانتساب
وتدخل فيها الواسطات والمحسوبيات وتاريخ تقديم الطلب (صف سرا يعني )

الاستمارة الي مرفق تخص بعض الادارة العسكرية فقط وليس الجميع

مشكور اخي على هذا الطرح الرائع
نسئل الله التوفيق للجميع

يعطيك العافيه على الافاده ..

[أبو حور]

تختلف المسألة من ادارة لأدارة

بالنسبة لي كنت اداوم الصباح والعصر اروح اختبر

لأن الموافقة على الدراسة ماجت وقدامي مئات مقدمين ويمكن اتخرج وماتجي موافقة

وكل السالفة عشان الاجازة مايبونك تطلع

بالنسبة للترقيات حتى لو ماوافقوا مايقدرون يمنعوني من النقاط

وش الفرق بيني وبين اللي اخذها قبل مايتوظف ؟ حتى هو ماعنده موافقه

[بوبديـــــْع]

بالنسبة لي ادارة فاشلة وحسد في احد افرع القوات المسلحة .. ولا ابي موافقة انا قريب اتخرج انا في مستوى سابع هالترم والترم الجاي مضبط وضعي تربية عملية في شهر 10 مع اجازتي السنوية ،، وخل اتخرج بسجل في الديوان واسحب على امهم .. عفانة ..
وربي كل ترم اطق مشوار للجامعة يبغون تتوقعون اييش ..... تدرون يبون ختم وورق رسمي وتوقيع من العميد .. مايبون ورقة الاختبار المطبوعه والمختومه .. عندنا قائد فاشل يقول وش الي يضمن لي ان هالورقه ماهي مزوره مسوي فاهم .. هههه الحمد لله والشكر ...
حمدوا ربكم يالامن العام .. ترااا عندنا ناس وربي احسن مصطلح لهم انهم فاشلين جداً ويبون الي وياهم يعيشون الفشل الي اهم فيه ..

[عبدالله الجنوب]

المشاركة الأصلية كتبت بواسطة عزيّـز

كلامك صحيح لكن ادارتي لا توقع نموذج من عندها الا بوجود الطلبات السابق ذكرها .. وبعض الادارات ايضا تحب تعقيد الامور
المهم في الموضوع :
عند انجازك 15 ساعة ستحصل على نصف نقطة وهي تؤهلك في الترقية ..
ولكن ان لم يكن لديك قبول من ادارتك مسبقا فلن تحصل الا على 15 ساعة غير معترف بها
علما ان الساعات المطلوبة للدخول في مسابقة الترقيات لا تقل عن 30 او 34 ساعة ( لست متأكد ) ولكن حسب ما سمعت من الكثيرين واحتاج معلومات مؤكده .

وبعض الادارات لا تقبل اجازة الامتحانات التي تقدمها لهم الا بعد استكمال الشروط السابقة

هذي كل الفكرة

اما كدراسة واكمال الجامعة على هامش الذكرى فهي عادي تقدر تكمل بدون شروط وبدون اوراق او ثبوتيات والكثير مسموح لهم بمواصلة الدراسة وبوجود جدول الامتحانات تستطيع الحصول على اجازة اختبارات

لكن بعد التخرج تبي ترفع شهادتك لمرجعك على اساس تستفيد ترقية او تغيير مجال عملك راح يسألونك سؤال ( من أين لك هذا ؟ ) وقتها ماراح تقدر ترد لان المادة رقم ( ... ) تنص على عدم الاعتراف بالشهادات الغير معترف بها مبدئيا
والمادة رقم ( .. ) تقول من يحصل على شهادة الجامعة بدون علم وخبر يضرب ضربا مبرحا لين ما يبان له صاحب
والمادة رقم ( .. ) تقول اذا اخذ اجازات بقصد اللعب واللهو شوفو له سارية في حدى الميادين وخلوه يداوم عندها صيفا وشتاءا
بكره تطلع لك مادة جديدة ( خروج نهائي ) والسالفه كلها انك تبي تتعلم وتفيد وتستفيد وتطور نفسك ووطنك وعملك

فخلك في السليم

شاكر لك اخي ولكن انا اضيفت لي النقاط وانا ماعندي موافقه بالعكس النقيب يقول مايحتاج
وفعلا اضفتها ولله الحمد ترقيت عريف بالعكس الموافقه العسكريه ماتصلح لان فيه تعهد انك ماتفصل الابعد خدمتك في قطاعك نفس سنواتك الدراسيه والا سيعتبر فصلا غير نضامياً ولاتستطيع ان تاخد مكافاءة نهاية خدمه ولا حقوقك ولا تستطيع ان تضيف خدمتك الى وظيفتك الاخرى
لي صديق انتهى من الجامعه وترقا بها وجاته وظيفه في مستشفى بالصحه بالمرتبه السابعه وشكرالكم