الغش في الامتحانات .. يهمنا رأيك

[قمر الرياض]

يكفينا حديث الرسول صلى الله عليه وسلم (من غشنا فليس منا)

[~ Confidence]

.
.

هو فيها سؤال هذي !
طبعاً ما راح أغش و لا راح أغشش ..
و الدين حسم هذا الأمر ،
و الدين واضح جداً .... الصدق ، ثم الصدق ، ثم الصدق ..
و الصدق يعني .. ما تكذب ، ما تغش ، ما تخون ، ما تغدر ...... ألخ
و ليس مخصص فقط في التجارة يا قلبي ،
لأن الدين [ لا يتجزأ ]
أليس الغش معناه الكذب و عدم الصدق .. يعني ممنوع أغش في التجارة .. لكن حلال أكذب في تعاملاتي مع الناس !!!!


الله بينجحنا بعون منه و توكل عليه ،،، من دون غش ..


؛

[عبدالله عويد]

من حدكم ياجماعه انا اشوف ان الطالب اذا اراد ان يغش مايقدر لانه ما فيه وقت اول ربع ساعه تعبي بياناتك والنصف ساعه الآخرى تقرا فيها الاسئله هذي ساعه الا ربع ما بقى من الوقت الاساعه وربع فقط يادوب تجاوب واحيانا ينتهي الوقت وانت باقي لك شي عشرة اسئله تضطر شتغل الحظ
والله مافيه وقت انا اليوم يادوب بديت اعبي بياناتي الا الي وراي يقول السؤال رقم كذا وكذا وش جوابه
وقفت وجلست اضحك من قلب حتى انتبه لي المراقب ياشيخ حرام عليك توني بديت اكتب بياناتي وما ادري عن الاسئله ولا جيتها
ما اقول الا الله يوفق الجميع لنجاح في الدنيا والاخرة..

[آآريج]

مو مبرر انه مافتح المادة انك تغششه !! المساعدة مو بالغش واخذ درجات مايستحقها
.. فكر بس بيساعدك هالشي لمن تتحاسب ؟!
الله يهدي الجميع..

[ak5748]

ياشباب قال الرسول صلى الله عليه وسلم (من غشنا فليس منا )
ذاكر الماده جيداا والتوفيق بيد الله (من ترك شئ لله عوضه الله خير منه )اتركو الغش ياشباب ويرزق الله ويوفق حتى بالاجابه وهذي نصيحه لكل الطلاب

[دارسين]

انا من وجهة نظري فيه فرق بين الغش والمساعده
اذا سؤال سؤالين ممكن بس يدخل الامتحان وهو مو مذاكر ويستنى احد يعلمه كل الاجابات لا والله هذا مايجوز حتى ياخذ جهد غيره

[فيصل محمد]

والله يا شباب في احد الاختبارات كان المراقب كأنه يقول غشوا بس لا احد ينتبه وكان جوالي شغال و اخر صفحه كانت المنتدى و اقسم بالله اني مافتحته مع اني كنت متوهق واتوقع راح ارسب فيها بس خفت من الله اولاً , والشي الثاني انا مسجل ابغى الفايده ما ابغى اعدي وبس .

[هـــدى ..]

المشاركة الأصلية كتبت بواسطة faris27

السلام عليكم

مساء الخير ومبروك عليكم الاختبارات السهله :)


بصراحه عندي موضوع شاغلني من الترم اللي راح وهو الغش في الاختبارات

نبي نناقش هالموضوع بكل شفافيه كل واحد يقول رأيه بصراحه حول هالموضوع


ولو طلب منك احد تغششه هل تقبل ولا ترفض ؟؟



انا بالنسبه لي من الترم اللي راح وانا اغشش الطلاب حتى لو ماطلبني واشوفه يجاوب خطا اعلمه بالجواب الصحيح الى درجة ان فيه اثنين غششتهم بالانجليزي واتوقع جابو الدرجه كامله

واي واحد يسالني قبل الاختبار اقوله ماعليك تعال جنبي واعلمك بكل شي لان اكثر الطلبه اكتشفت انه يجي للاختبار وهو مافتح اي شي :)

إذاا بليتم فاستتروواا ..

لا تطق الصدر ألحين ترى يوم القيامه انت اللي بتتحاسب وحدك والله ما يفزعون لك ..

[هـــدى ..]

المشاركة الأصلية كتبت بواسطة دارسين

انا من وجهة نظري فيه فرق بين الغش والمساعده
اذا سؤال سؤالين ممكن بس يدخل الامتحان وهو مو مذاكر ويستنى احد يعلمه كل الاجابات لا والله هذا مايجوز حتى ياخذ جهد غيره

الله يهديك كيف سؤال سؤالين ..!!
يعني الغش حلال لى صار على سؤالين واذا زاد حرام ..!!
صار الدين على كيفناا
ونحلل ونحرم على هوانا .؟!

[Ryant alaood]

يارب سامحني غششت وحده اليوم
ما اقدر أشوف انسان محتاج وما أساعده
يارب ساااامحني