بخصوص رد الجامعة على امكانية فتح ترم صيفي والحلول المقترحة من قبلنا

[سعوديات]

انتو يعني مصدقين ان هذي هي المشاكل اللي تعوق الترم الصيفي وجالسين تحطون حلول


ي حليلكم الجامعه لو يبون الترم الصيفي ب تتسهل لهم كل الامور وبدون اي مشاكل

بس الجامعه ماتبي وعطتكم هالاعذار عشان تقنعكم وتسكتون

[غزيّل الريم]

-



على فكرة يعني ترا كل شيّ جاهز من محاضرات ومناقشات وواجبات واختبارات
كل شيّ جاهز من المستويات اللي قبل
يعني ما بيسجلون شي جديد ويتعبون نفسهم ..

بس نبي أوادم يجون اسبوعين بس بالاجازة يختبرونا ويتوكلون

مشوار لين التخرج الله يخارجنا

[L,v]

جامعتنا حلوهه ..

بس ناقصها الصيفي وتصير توب

[غيرهم]

من جد ي ليييييييييييييت يحطون لنا اترام صيفيه
و اذا على المراكز بدال مايحطون لنا في المدينه الوحده كذا مركز يحطون مركز ولا اثنين بس

[روحي بحائل]

الله يعطيكم العافيه كااااااااالكم بس ماشاء الله عليكم كل بين فتره وفتره تفتحوون هالموضوع بس ماحولكم احد
واصلووو واصلووو لعلى وعسى

[غيرهم]

المشاركة الأصلية كتبت بواسطة روحي بحائل

الله يعطيكم العافيه كااااااااالكم بس ماشاء الله عليكم كل بين فتره وفتره تفتحوون هالموضوع بس ماحولكم احد
واصلووو واصلووو لعلى وعسى

نحاول والله سبحانه الموفق و من رجاء خير مارجاء شر ان شاء الله

[مكافحه]

طيب مافى نظام صيفى
يزدون الساعات
بكذا مالهم عذر اتوقع

[الامل..]

بجد ليت يحطون بكل منطقة مركز شامل لمحافظاتها والقرى اللي تابعة لها

[كلـــ امل ـــي]

المشاركة الأصلية كتبت بواسطة نون ومهري مليون

ياأخوان فترة الاجازه فترة راحه فا ان لبدنك عليك حق -وتبادل الزيارات للاهل والاقارب -والدراسه ملحوقين عليها -الزمان قدامنا ان اراد الله لنا البقاء-ندرس ونتخرج والله الموفق -

ماقصــــــــــر بدني له سبع سنوا ت مرتااااااااح
والزيارات ملحوق عليها

ليتهم بس يفتحوون ترم صيفي ويخلونا نخلص

[جناح الطير]

باطرح وجهة نظري بالنسبة للصيفي:

اولاً:
بالنسبة للدكاترة فأول شي هم موجودين للانتظام ليش ماقالوا عندهم اجازة , ومع ان طلاب الانتظام يحتاجون دكاترة اكثر مننا, واغلب الدكاترة الموجودين لو تقوله تعال لك اوفر تايم ودرس انتساب بيجون ركض, وكل الجامعات عندها دكاترة تدرس في الصيفي, ولو الجامعة تريد فعلاً تخدم الطلاب وتخدم نفسها قبل كذا فكثير من الدكاترة يتمنى يدرس بالصيف وكل شي بحقة...

ثانياً:
وبالنسبة لمراكز الاختبارات فهذا عذر غير مقبول, لان الجامعات والمعاهد ومراكز التدريب كلها شغالة في الصيف وزي الحلاوة , ليه ماقالوا صيانة؟! هذا بزنس كل شي بحقة, انت معطيهم دراهم يعني بيشتغلون في اي وقت ورهن اشارتك..
وانا شخصياً مستعد لو تكلفني الجامعة ادبر لهم اكثر من 40 مركز في مدينة الرياض لوحدها فما بالك بغيرها من المراكز!!

ثالثاً:
وبالنسبة للانظمة فليس من المنطقي أبداً ان تجلس 3 شهور مقفلها بحجة الصيانة, فالمواقع الحكومية ومواقع الخطوط و البنوك والمنتديات وجميع مواقع العالم شغالة اونلاين طول الايام على مدار السنة وصيانتهم يوم واحد خلال سنة كاملة..



ياجامعة يامحترمة ياحبيبة اسمعوووووونا :

الطلاب عندهم همة عالية ومستعدين بكل شي لو نجي للجامعة في الاحساء ونختبر فيها اهم شي صيفي نختصر على الاقل ترم او ترمين تنفعنا بامور كثيييرة ..

ادري ان هناك صعوبات اخرى تواجه الجامعة , وامور اخرى يمكن الجامعة ماتبي تفصح عنها, بس اذا حطينا ايدنا بايدنكم واجتمعنا وذللنا الصعاب سويا حصلنا على النجاح والشهادة وتحصلون انتم على نجاح هذا البرنامج الرائع (التعليم عن بعد) ..



اخوكم: عبدالله