مصداقية kfu

[جمال3 KFMC]

السلام عليكم

بصراحه انا مستغرب شي غير طبيعي.

مانتم ملاحظين جامعة الملك فيصل كذابه ومافيه مصداقيه عندهم بالمره.
التواريخ الي موجوده في موقع الجامعه ماهي الا خرابيط ,التواريخ غير صحيحة ولا يطبقونه بالمره. يعني يبي لك مصدر موثق تصدقه

في التقومي الجامعي كاتبين موضوع مهم لازم انهم يتقيدون فيه عن غير المواضيع:

بداية الدراسة للفصل الدراسي الثاني من العام الجامعي 1433/ 1434 هـ : السبت الموافق 14/3/1434 هـ.

والتاريخ اليوم 24/3/1434هـ ولا فتح النظام للدراسه.

الاختبارات تبدا في تاريخ:27/6/1434 هـ.

باقي تقريبا 3 شهور فقط 90 يوم اذا فتحوه الاسبوع هذا.

الاغلبية منزين 9 مواد الحد الاقصي للساعات.
و الله اعلم في صعوبتهم من سهولتهم. بس الواحد يبي يبدا عشان يتلاحق عمره ويجب المعدل الي فوق 4.99/5

اما كونك تزحمني في اقل من 3 شهور في 9 مواد وكل هالفتره جالس انتظر يفتح النظام , مو منطق بالمره.

سوال: الان فيه مصادقيه من الجامعه ولا لا؟ وش رايكم انا مستعجل ولا توافقوني الراي !!

[ســــلآف]

أنا معك أن ما فيه اي مصداقيه
المفروض خلاص يبدأ الترم تبدأ نزول المحاضرات والواجبات والمناقشات
عشان ما يكون فيه ضغط على الموقع في نهاية الترم
صراحه لو منظمين كان كل شي نزل بوقته
لا يعتذرون لنا يقولون باقي فيه طلاب ما اكتمل تسجيلها
خلاص فيه تاريخ الكل لازم يتقيد فيه.....
*
*
حنا وش ذنبنا نهاية الترم يكون ضغط على الموقع
ويمكن البعض ما يلحق يحل واجباته ولا مناقشاته والنتيجه صفر

*
*
انا معك وضد اللي يقول الصبر
هذه جامعه ولازم تتقيد بالانظمه
لكي يتعود الطالب على التقيد والانظمة من البدايه

يا رب ما يضغطونا في نهاية الترم
صراحه لاني تابعت البعض نهاية الترم اللي فات يقولون ضغط على الموقع
قبل الاختبارات ..... يا مسهل سهل علينا جميعااااا

[amal901]

يا اخي الكريم لا تنسى موضوع تغيير جدول الاختبارات

هو اللي تسبب في تغيير هالمواعيد كلها ,

وانا معك ان الجامعه عليها بعض الملاحظات ولكن ( كذب) !!!

[بسومـه]

والله اني احاتي الزحمه مثل المستوى الاول مرتين ينزلون 4 محاضرات لكل مواد خلال اسبوع اسبوعين وحضرتي اللحين عندي تسع مواد وشكلهم ناوين خير :

[جمال3 KFMC]

انا خريج جامعتين , جامعة الحدود الشمالية كانت فرع من فروع جامعة الملك عبدالعزيز, والله انهم التسجيل بالساعه عندهم و الاختبار ثابت وبدايت الدراسه ثابته و ...الخ

التقويم الجامعي فيه تواريخ مصيريه.

من ناحية الجامعه الكندية الي تخرجة منه, كل شي الا الوقت. اهم مايملكون الوقت , في التوريخ شي مفرغ منه. كانت اسافر للسعوديه وارجع لكندا علي التقويم الجامعي. لا يتاخر ولا يتقدم.


في جامعة الملك فيصل, المفروض الدراسه باديه من 13 يوم مايقارب الاسبوعين.

واذا فتحت الجامعه ينزلون 4 او 5 محاضرات للماده الواحد وعندك 9 مواد يعني يبي يطلع لك حولي 45 محاضره في خلال اسبوع

[المسافر راااح]

الأخ دكتور في الجامعة

[أفا يا قلب]

بصراحه تأخرو

[wed.y alzuod]

والله ياخوي الجامعه مصداقيتها فعلا صفر
واحنا ما بنصدق ينزلوا خبر عشان نصدق ..
واكبر دليل على صحة كلامك شوف هالموضوع اللي قاااااهرني

http://www.ckfu.org/vb/t423640.html

[سميتكك غلااي]

يسس للاسف مافيةة مصدآقيةة ��
يحبون يضغطون علينآ ��
ليش تسذآ ي جآمعة الملك فيصل ��

[عبدالصمد]

في أغلب الأحيان يكون التأخير بسبب مراعاة الجامعة لظروف الطلاب
فإن تمديد فترة التسجيل للطلبة المستجدين لإعطائهم مهلة للالتحاق بالجامعة
وكذلك تمديد فترة سداد الرسوم مراعاة للظروف المادية للطلبة
هذه الأمور تستحق إدارة الجامعة بسببها الشكر والتقدير، وفي نفس الوقت يترتب عليها عدم قدرة الجامعة على الإلتزام بالجدول الزمني

واعتقد أن التأخير لمدة أسبوع أو أسبوعين لن يؤثر على التحصيل الدراسي خصوصاً إذا نظرنا إلى الفوائد المترتبة على التأخير

ومن جهة ثانية يستطيع الطالب أن يبدأ في دراسة المقررات قبل بدء الدراسة في أنظمة الجامعة بسبب توفر جميع المقررات والمحاضرات على الشبكة العنكبوتية