استطلاع وتصويت (مارأيكم فى توقيت الاختبار "عصر" رمضان)؟

[@بوفهد]

المشاركة الأصلية كتبت بواسطة أبـو جنا

اكبر همي ادافع عنهم

لكن الغثاثه والطلبات الزايده والتشكي والتبكبك على شئ منت مجبور عليه هنا اللي اتكلم عنه

الواحد يشتكي من الاختبارات وطريقتها

مهو كل ماصار شئ لا مانبي لا مانبي لا حطوه كذا لا هذا ماينفع لنا

والوقت هذا مايصلح لنا

مابقى الا يختبرونك في البيت ويدقون عليك الباب ويحددون اي وقت تبيه المغرب والا مسيان

وش اللي يناسبك

ويورونك الاسئله اذا عجبتك والا غيروها

اخوي
صباح الخير

ترى هذا اللى تقوله يحسسك انك اقوى شيء وانك بطل وان الناس الثانيه فاشلين وانت بس اللى مع الانظمة والقوانين .....هذا فكر معوج وخيال مريض (بل وباء استشرى فى الكثيرين نسأل الله العافية )

بالعكس الانسان الذي يتبكبك ويتشكى تراه (يطالب بما يرى انه يناسبه) فقط ...لا اكثر ولا اقل ...والجامعة ليس لديها - فى الظاهر - مايمنع ان تكون الاختبارات فى اى وقت ...والا فليخبروننا ان التوقيت (عصرا) هو الممكن الوحيد...لكن هم لم يخبروا احدا حتى الان وواجبهم يحتم عليهم التصريح الرسمي.

[أفا يا قلب]

خلاص هم قررو واخلصو

[abo0000nawaf]

يسر الله لكم ووفقكم
اما انا فلم اخذ الترم الصيفي

[H N O O]

آنا اقول صبآحا حلو وش رآيكم

[أنت تحلم]

العصر انسب وقت في رمضان



اذا كان في الليل بيكون زحمه الطريق يبي لك ساعه على ماتروح الجامعه وساعه على ماترجع وساعتين اختبار



طار اليوم كله !!!!!!!!!!!!!!!!!!


اذا كان في العصر الطريق عشر دقايق بيكون

[وله منثور]

بالنسبه لي انا الوضع عادي جدا انا واعوذ بالله من كلمة انا ابي اقطع اكثر من 1500 كيلو عشان اختبر
لذلك دام الترم الصيفي جانا ما اقول الا الحمد لله وجزاهم الله خير بعدين الوضع عادي يعني زين
ان الاختبار العصر ولا يكون الصباح اقل شيء الواحد يرقد ويقعد الظهر ويروح يختبر وبالتوفيق
للجميع

[aim]

كلامك صحيح ابو فهد ..

ماسجلت صيفي بسبب "التوقيت " ماحد من اهلي ولا زوجي بيوصلني الاحساء للأمتحان وقت العصر ...على مايبدووو اني بتابع مسلسلات رمضان كلها

[سما الخلود]

بالنسبة لى الصباح افضل شئ لازم نرجع قبل المغرب عشان انجهز الفطور
مو مناسب ابدا بعد الافطار الواحد يبى يريح يذكر الله على راحتة ناس اجية ناس تحب تشاهد تلفزيون شنو بالليل وطاويط والا الاحساء مشوار بسيط
عنى ضد ولست مع

[أبـو جنا]

المشاركة الأصلية كتبت بواسطة @بوفهد

اخوي
صباح الخير

ترى هذا اللى تقوله يحسسك انك اقوى شيء وانك بطل وان الناس الثانيه فاشلين وانت بس اللى مع الانظمة والقوانين .....هذا فكر معوج وخيال مريض (بل وباء استشرى فى الكثيرين نسأل الله العافية )

بالعكس الانسان الذي يتبكبك ويتشكى تراه (يطالب بما يرى انه يناسبه) فقط ...لا اكثر ولا اقل ...والجامعة ليس لديها - فى الظاهر - مايمنع ان تكون الاختبارات فى اى وقت ...والا فليخبروننا ان التوقيت (عصرا) هو الممكن الوحيد...لكن هم لم يخبروا احدا حتى الان وواجبهم يحتم عليهم التصريح الرسمي.

يارجال على شحم بس

وانت ذكرتني بالمتعنطزين اللي مشوهين السعوديين لاطلع برى

بفلوسي العن والدى العالم كله كيفي بفلوسي

وصباح الليل ياحليوه

[بندر السعود]

السلام عليكم ورحمة الله وبركاته

بخصوص وقت الاختبار في شهر رمضان المبارك أنا في رأيي يكون من الساعه 11:30 م الى الساعه 01:30 لان يكون عند الطالب متسع للمراجعه بعد صلاة العشاء والتراويح
تحياتي