وجهة نظر : ضد بعض المطالب والسوالف اللي تعجن بعضها بعض ..!!

[¸¸مـلآكـ¸¸]

المشاركة الأصلية كتبت بواسطة آي فون

كلام سليم وبارك الله فيك

ولكن بنفس الوقت لا تقولي لاحد لا تشتكي ومو من حقك يا طالب ويا طالبه تشتكوا ،، ونبيكم دايم تمدحون في الجامعة وترفعون في عميدها وطاقمه الاداري و و و طبلوا على مضض

يا اخت ملاك صدقيني لو الطاقم الاداري يشتغل شغله صح ما شفتي هالسوالف ،، اكثر الناس تجي تشتكي هنا لانهم طلاب انتساب ومالهم الا المنتدى يتكلمون فيه تعرفين ليش ،، لانه للاسف الخطوط مشغولة ،، ومحد يرد عليهم ويشفي ما في صدورهم ،، فيلجأوا اكثرهم للمنتدى للتنفيس

معلومة مهمة " مو معناته رد علي الفريدان في تويتر انه صار صديقي وازعل اذا احد جاب طاريه او طاري الجامعة "

أعتقد قلت ماله داعي التشهير بالصحف والتويتر بالأخص الهاشتاقات

ماقلت مالكم حق تتكلمون عن رأيكم بمنتدى وبعدين اللي ألاحظه أن مشكله اللي يشتكون بالمنتدى يتعصبون ويزرعون بقلوب الغير الغضينه والتحمل ع الجامعه فيهجمو عليهم بالتويتر أطالع بالتويتر لااسلوب لا احترام وكأن الطالب يتكلم مع زميله وبالأخص مع الأستاذ احمد الشعيبي ومع هذا الأستاذ يرد باحترام !!!

قلت ارتقو بالحوار والاحترام


وسالفه مطبله لن ارد عليك

[¸¸مـلآكـ¸¸]

~


ولاتمدحون بالجامعه ماهي محتاجته لكن لاتذمونها وتنسون جهودهم وتهضمونها وكأن الجامعه كلها سلبيات مافي شئ إيجابي

[مشعلي]

الى متى ونحن ان لم تكن معي فأنت ضدي

اساليب بعيده كل البعد عن ما يجب ان نكون
شيء مؤسف جداً مع احترامي للجميع بأن الاغلبيه طلاب بكالوريوس وهذا ديدننا شد وجذب في حلقه مغلقه,,,

ارتقوا بالحوار والمطالبه بدرجه متوازنه في احترام وجهات النظر وقرارات الغير ولا تضع نفسك ابو العريف في شتى المجالات فيخالفك الصواب

احترم راي الجميع مع تحفظي على الكثير مما يكتب بهذا الصرح,,,

[%حصن الزعامهـ%]

¸¸مـلآكـ¸¸ : أصبتي بارك الله فيك

فوق التعليم والمشاكل والإقتراحات والحوار > ( الأحــتــرام مـع مـن هـم أسـاتـذهـ لك )

أنا لا أبرر لأخطاء الجامعة ومثل ما قلت جلا من لا يخطىء ولكن أزعلني ما رأيته من تهكم قاسي

وتصريحات عابثه ورسائل لا تمت بالأدب ضد الأساتذهـ في جامعتنا

وفي الوقت نفسه نحن مع كل الطلاب ونحن أخوهـ والمشكله هي مشكلتنا جميعاً

ولكن يجب أن نتحرى الصدق أولاً ثم نملك الأعصاب ونجتهد ثم نقدم الشكوى بإحترام

وبارك الله فيكم وبالتوفيق للجميع

[البياعي]

هناك ناس تحب الاعتراض لمجرد الاعتراض

وهناك ناس تعترض لكي تخفي فشلها

وهناك ناس تجد نفسها خلف الاسم المستعار

وهناك وهناك وهناك وهناك


وفي النهاية

ماتكتب يعكس صورة عنك ....

وانا من لآن اسجل اعتراض على اي قرار يصدر من الجامعة او الاعضاء او من جيرنا

[Juventus]

رضا الناس غايه لاتدرك


والله مهما فعلت الجامعه ستجد المؤيد والمعارض .. وهذه سنة الحياة

يجيك طالب مذاكر ملخص والا اسئله الفصل الماضي .. ويروح جزرة وقت الاختبار

ويقعد يتشكى ويتبكى

وخذ لك دعاوي .. ويبداء يصلي الوتر عشان يدعي على الدكتور .. ماشاء الله

+ + +

والا يجيك واحد مثل حبيبي مطر .. ويقول اموركم طيبه .. ومافيه تعمق في الاختبار مجرد رؤؤس عناوين

وانت جالس تذاكر ومتحمس

ووقت الاختبار تأتي الطامه الكبرى .. عمق المتعمق وفصل المتفصل


÷ ÷ ÷ ÷


في النهايه نتطلع للأفضل لما تقدمه الجامعه ... وان تتدارك سلبياتها

[Adel F]

المشاركة الأصلية كتبت بواسطة ¸¸مـلآكـ¸¸

~

شلون لكم حق تطالبون هذه جامعه دخلتها تحت قوانين وترضى ع ماتفرضه عليك ياطالب

من متى كلام الطالب يعلى ع المعلم فمبال المدير

أتوقع فاهمين كلمه مدير عميد ايش تعني هم رأس الهرم هم الطاقم الإداري ومعروف أن الاداره هي من تفرض القوانين
والطالب ينفذ أو العميل

المشاركة الأصلية كتبت بواسطة ¸¸مـلآكـ¸¸

^
لها قوانين وفروض أعجبتك وافق وأدخلها ماتجوز لك بسلامتك

المشاركة الأصلية كتبت بواسطة ¸¸مـلآكـ¸¸

^
حذف مقررات طيب هذه خطه الجامعه كيف تعترض ع خطه يعني من يضع الخطه الطالب مثلا !!

المشاركة الأصلية كتبت بواسطة ¸¸مـلآكـ¸¸

ولاتمدحون بالجامعه ماهي محتاجته

نظام ( من أنتم ! ) ..

..*

[بو عبد المحسن]

اووه مشاء الله الحديث لا زال داير طيب الخص لكم الحوارات الثلاث في نقاط :

1- يا جماعة الخير التفاحة الخايسة لو كانت بصندوق حد سمع في المثل هذا اذا الطيبين الي يقولون ما يأثر بقرار الجامعة هذا المثل نمحيه .

2- الي يقول الجامعه لها حد معين ما نقدر نجادله اجل وش له دارسين دمقراطيه بالإدارة وان مافي هناك سقف والتعاون المشترك هو اساس النجاح.

3- اللي يقول انا ادفع فلوس ومن حقي اطالب اوكي يا بعد قلبي انا معك طالب بس بحقك يعني فلوسك اخذت عليها دروس وشروحات وواجبات باقي ياخي تفتح مخك وتذاكر لان هذي مالها دخل في الجامعه هذي راده عليك .

4- الدكتور انسان زيه زي اي واحد فينا انت لما يجيك اخوك الصغير يلقلق فوق راسك بشي مال امه داعي مو تعطيه فوق راسه هذا الدكتور نفس الشي لما تجي وتسأل يا دكتور زي السنه الماضيه يا دكتور ها اكيد اذاكر هذي يا دكتور ترا ماراح اذاكر شي ثاني اكيد بيقولك يا حبيبي اعتمد من السنه الماضيه الاسئله ولا غيرت شي علشان يفتك منك بعدها لو جاب اسئله ثانيه فهي انتقام من الجماعة الحلوه ربع ((( استاذ نجحني وابي الاختبار ترسله لي بالنص دافع فلوس يا حبيبي ))) .

وبالنهاية مافي حد يمسك حد عن الكلام ولا عن الشكاوي هذا الشي حق مكفول للجميع بس في حاجه الا وهي ياخي مثل ما اسمعك اسمعني واختلاف وجهات النظر وارد وبالعكس شي ايجابي لما يكون في الشكوى تصحيح مستقبلي .

شاكر لكم ردودكم وحماسكم وما جينا الا لاجل الفايده
تركو التعصب والي بيزعل ما يشوف شر

[بنت الداود]

الله يحرم يدينكم عن النار


استهدو ب الله

[جـلـوي]