الموظفين مثلي كيف رفعتوا طلب اكمال دراسة

[نبراس الأمل]

المشاركة الأصلية كتبت بواسطة just have fun

وزارة التربية و التعليم لها وضع خاص

لأن الشهادة غير تربوية

المشاركة الأصلية كتبت بواسطة عبدالكريم مسند

وزارة التربية والتعليم ، بالنسبة للمعلمين والمعلمات ماتقبل أي شهادة دراسية غير تربوية
أما الإداريين والإداريات المعينين على السلم العام للموظفين فيعاملون معاملة الموظف الحكومي بكل الوزارات

طيب لو كان معي دبلوم تربوي سنتين وهو اللي أنا متعينه علية حالياً
مع إني قريت قبل انه تخصص اللغة الانجليزية لايشترط انه يكون تربوي

[عبدالكريم مسند]

اذا انتي متعينه على الدبلوم التربوي وحطوك مثلن على الدرجة الرابعة
وجبتي لهم شهادة الجامعة الي ماهب تربويه بيرفضون يعدلون لك الدرجة لإنه ماهب تربوية
الا ان كملتي سنة تربوي بهالجامعات وتصير وقتها شهادتك جامعية تربوية
المشكلة بنظام الشهادات والإعتمادات بالجهات صاحبة الصلاحية وتأويلها للنظام على مزاجها

[cruel2bkind]

المشاركة الأصلية كتبت بواسطة ماريوت

فاهم قصدك
عموما انا معي بالجامعه احد الموظفين الكبار وظيفياً وايضا لم يحصل على موافقه ( دائره حكوميه )

وعلى لسانه غير مطلوب هالشي

المطلوب الاحتفاظ بجدول الاختبارات ( طلب ديوان الخدمه عند التخرج لتسجيل الشهاده )
وانك تقدم اجازه دراسيه كل اختبار ( طلب شئون الموظفين بالجهه الي تعمل فيها )

وهذا هو الدليل على اختباراتك ودراستك

وعلى فكره احنا بجامعه حكوميه غير قابل الشك والطعن بدرجاتها ولكن اذا كانت جهة عملك لديها نظام يمنع الترقيه الا باذن وموافقتها مسبقاً على الدراسه فهذا كلام اخر

بالنسبه للوظائف الحكوميه لا اعتقد هناك حاجه ومثل ماقلت لك اذا عملك لديه نظام خاص يعتبر كلامي لاغي وعليك التقدم بطلب السماح بالدراسه

ولكن بكل الاحوال انصحك بالدراسه وافقو او لم يوافقو مصيرهم يوافقو بالاخير لان النظام بالامر الملكي واضح وصريح وهو اعطاء الموضح اجازه اختبارات وهذا حق مكتسب للموظف والموظفه ولم ينص على اخذ موافقه جهة العمل الا بالدراسه بالانتظام او التفرغ فقط


وعملك اذا حب يعقد الامور كل الي يقدر عليه يقولك تحسب الاجازه بايام الاختبارات الفعليه فقط ، اما الايام الي بين الاختبارات ياتداوم فيها او تحسب من اجازتك

أخ ماريوت
اثريت الموضوع بحديثك بارك الله فيك
فعلاً كلام مفيد

[ابن خلدوون]

وزارة الخدمة المدنية لاترحم ولاتبي رحمة الله تنزل بعباده ..

يريدون من الموظف أن يبقى مركوناً الى قيام الساعة ..

من غير تطوير ولا حوافز ولا ترقيات ..

المفروض يعطونك شهادة شكر مع الترقية ..

بالنسبة للقطاع الخاص وكنت أعتقد انه أصعب من القطاع العام ..

مالهم شغل بالموظف .. يدرس والاّ يجلس ..

المهم يعطونه اجازة وقت الاختبارات غصب عنهم ..

نصيحتي لك وكما قال الأخوان من قبلي .. إدرسي بأي وسيلة .. يوافقون أو يضربون راسهم بالجدار ..

وصدقيني .. كل شيء فيه منفعه ومضرّة ماعدا العلم كله نفع بإذن الله ..

وربي يكتب لك التوفيق .

[المسافر راااح]

مرسوم ملكي بعدم منع الدراسة بس جيبي جدول الاختبارات وقدميه لجهة العمل.

[شمالي40]

عني انا رفعت طلب موفقه انتسب بالجامعه ورفضو ومع ذلك درست وحتى إجازه اخذت من رصيدي رفض المدير يقول نظام الديوان ينص اذا اختبارك مسائي داوم وتختبر انجبرت اخذ اجازه

[نبراس الأمل]

المشاركة الأصلية كتبت بواسطة ابن خلدوون

وزارة الخدمة المدنية لاترحم ولاتبي رحمة الله تنزل بعباده ..

يريدون من الموظف أن يبقى مركوناً الى قيام الساعة ..

من غير تطوير ولا حوافز ولا ترقيات ..

المفروض يعطونك شهادة شكر مع الترقية ..

بالنسبة للقطاع الخاص وكنت أعتقد انه أصعب من القطاع العام ..

مالهم شغل بالموظف .. يدرس والاّ يجلس ..

المهم يعطونه اجازة وقت الاختبارات غصب عنهم ..

نصيحتي لك وكما قال الأخوان من قبلي .. إدرسي بأي وسيلة .. يوافقون أو يضربون راسهم بالجدار ..

وصدقيني .. كل شيء فيه منفعه ومضرّة ماعدا العلم كله نفع بإذن الله ..

وربي يكتب لك التوفيق .

آمين الله يكتب التوفيق
صادق بكلامك مايرحمون لكن ربي يرحمنا
يعني الحين انا أدرس أطور نفسي وأنا على رأس العمل وعلى حسابي بعد
وماأبي منهم إلا تحسين المستوى والاعتراف بالشهادة بس
لكن عندنا بوزارة الخدمة المدنية تعقيد ماله داعي واللي ينقص منهم تكمله وزارة التربية والتعليم
الله يكتب لنا ولكم الخير

المشاركة الأصلية كتبت بواسطة شمالي40

عني انا رفعت طلب موفقه انتسب بالجامعه ورفضو ومع ذلك درست وحتى إجازه اخذت من رصيدي رفض المدير يقول نظام الديوان ينص اذا اختبارك مسائي داوم وتختبر انجبرت اخذ اجازه

ايه هذا اللي أتوقع انهم مايعطون إجازة والاختبار مسائي
والشي الثاني انه فيه نموذج تعهد موقع منك ان الدراسة ماتؤثر على عملك وهذا يقدم للموافقه منهم على الدراسة المسائية وموجود هذا التعهد بموقع وزارة التربية والتعليم

المشاركة الأصلية كتبت بواسطة المسافر راااح

مرسوم ملكي بعدم منع الدراسة بس جيبي جدول الاختبارات وقدميه لجهة العمل.

ايه اكيد بادرس بإذن الله بس هل بيقبلون بشهادتي بعدين او لا
أنا أحاول الحين اقدم طلب اكمال دراسة وأجهز الاوراق للطلب علشان تجيني الموافقة
ولو جتني موافقة على الاكمال معناها انهم مجبرين على تحسن وضعي واعتماد شهادتي

[خليط العود]

وانا كذلك لم ااخذ اي اذن من العمل ولم تطلب مني الجامعه اي اوراق موافقه من العمل

الدراسه انتساب وليست انتظام لو انتظام انا معك لازم موافقه من العمل

بالتوفيق يارب

[أبو ربى]

ويش الحل العمل رفض ما يحتسب الساعات التى عندي بحجة ما عندي موافقه والنظام يقول يسمح للعاملين في القطاع الحكومي بمواصلة الدراسة وين احصل هذا الامر ياليت تساعدوني

[أبو حور]

الدائرة الحكومية ماتقدر تمنع الموظف من الدراسة ( خارج اوقات العمل ) لأن خارج اوقات العمل انت حر مانت محكوم من عملك

وبالنسبة للشهادة مايقدرون يرفضونها اذا كانت شهادة من جهة حكومية مثل جامعة الملك فيصل

الموافقة بس عشان الاجازات اذا اعطوك العمل موافقة تقدر تقدم على اجازة دراسية واذا ما اعطوك موافقة يحق لهم يرفضون بحجة عدد اللي بيطلعون اجازات يمكن يزيد عن النسبة المسموح بها

مسألة الموافقة وعدم الموافقة الغرض منها تحديد نسبة المتمتعين بالاجازة الدراسية فقط

اما الشهادة معتمدة وما يقدر اطلق مدير يرفضها