حملة للذهاب الى مدير جامعة الملك فيصل ( نقص الدرجات

[دكتور نت]

عساك على القوة و كم أتمنى لو أنا قريب من المنطقة الشرقية وكنت لن أتردد بالحضور و فيما يخص خصم درجات المشاركة لماذا تكون المشكلة من الطلبة ... الذين قاموا بتأمين أحدث الكمبيوترات المحمولة ( اللاب توب ) والاشتراك في أعلى سرعات النت ... لكي لا يكونوا تحت ضغط بطئ الاتصال بالنت و لكي لا يلومون انفسهم بقول ليتني عملت و ليتني فعلت .... و الطامة و المصيبة الأكبر أن الجامعة هي أول من يعرف و مطلع على ضعف سيرفراتهم و عدم تمكنها من استيعاب ألكم الهائل من الطلاب ... فلماذا لم تقم الجامعة بتطوير أنظمتها القديمة و التي بقيت ثابتة رغم تزايد الطلبة في كل فصل دراسي و طبيعي كلما زاد عدد الطلاب زاد الدخل المادي و ضعفت الأنظمة في تلبية حاجات الطلبة ... و هذا ملاحظ في كل ترم عند قرب الاختبارات يصبح الدخول بصعوبة بالغة ... و إن أحسنا الظن نحن الطلبة المتضررين من خصم درجات المشاركة رغم قيامنا بكل ما هو مطلوب منا القيام به و بأنفسنا و خلال الفترة المسموحة ( و لا تنسون بأننا لسنا طلبة جدد نجهل أهمية الحصول على 30 درجة ) نقول قد يكون هذا الخطأ الحاصل لنا و الذي تضررنا منه نتيجة اخفاق هذه الأنظمة و ضعفها و لكن ما لا نستطيع احسان الظن به هو استغفال الجامعة لنا بأيقونة فتحت لامتصاص الغضب و الرد بعد ذلك برد موحد للجميع اما ان النقص بالمناقشات او بالواجبات او بالمحاضرات رغم يقيننا و تأكدنا بأننا قمنا بكل ما هو مطلوب مننا ... مما يثير في داخلنا سؤال ... لماذا يا جامعتنا الموقرة ؟ و هل تعتقد يا مدير الجامعة بأن جامعتك هي الوحيدة التي يدرس فيها طلبة الانتساب ؟ و الا تعلم بأننا نادمين أشد الندم على الالتحاق بجامعة فتحت باب الانتساب لتقوم بمعاملة طلبة الانتساب أشد من طلبة الانتظام رغم أن طلبة الانتساب يدفعون ثمن تعليمهم و لديهم من الالتزامات الأسرية و العملية ما الله به عليم ... و أزيدك من الشعر بيت في جامعة الملك عبدالعزيز ... عند اقتراب الاختبارات يقوم كل دكتور و أستاذ لمادة بوضع ملخصات و تحديد ما هو مهم و ما هو محذوف و ينزلها لهم في منتدى الجامعة ..

[иαšeя αłωαđαич]

ياخي هالجامعة نفسي اعرف وش لها وقروشة المحاضرات المسجلة والمباشرة ليه ما تسوي مثل الجامعات

الاخرى الدرجة على الاختبار من 100 وبس ولا فيه اعمال فصلية ولا خرابيط

خصوصا وان الجامعة غير قادرة على ضبط انظمتها سواء بدرجات المشاركة او في غيرها من الاجراءات الالكترونية

الله لا يوفقهم خصمو علي 13 درجة من المشاركة وانا متأكد منها 100% واخرتها جاء الرد في التظلمات يقول بسبب عدم تحميل المحاضرات

ليتهم قالو المناقشات كان يمكن امشيها لهم اما تحميل المحاضرات مازالت محاضرات جميع المواد موجودة عندي على سطح المكتب ودي اجيب الفريدان وامسكه مع ارقبتة واخليه يتمقل فيها لا بارك الله فيه ولا في انظمتة الفاشلة



.

.

[بو فروحه]

ألدرجة من 100 مو من صالحنا مع صعوبة اسئلة الاختبارات

[إربيان]

1- اللي يظهر لي إن تحميل المحاضرات هي الشماعة اللي يعلقون عليها سبب نقص الدرجات ..لأن نظامهم يخبط وما يقدرون يعترفون فيه لأنه فضيحه ..

وهذا الشي واضح للجميع ..لأن لو تلاحظون ماقالو على المشاركات شي .. على الرغم من إني اشوف بعض المشاركات مالها دخل >>>>>> اللي خبركم

2- تغيير درجة مشاركاتي .. يعني .. مارح تقدم ولا تأخر بشي ... بس مع ذلك مقهووووووووره قهر

لأن اول مره تصير لي .. مع حرصي الشديد والمتابعة الدائمه .. واللي خوفني أكثر إن بعض الطلبة حرصين

مثلي وناقصين أكثر مني .. يعني ممكن اللي صار معهم يصير لي .. لأن كلنا واحد... خبط مع واحد ممكن

يخبط مع الثاني

3- لاززززززززززززم نطالب موبس بتعديل الدرجات .. نطالب بأن يكون تحميل المحاضرات واضحه أمامنا ..

يعني عند كل محاضره نحملها يطلع " تم التحميل " مثل المشاركات والواجبات

علشان نقدر نصورها ونحتفظ فيها في حالة حدث أو تكرر مثل هالشي ..

أنا معكم .. بس ما بيدي شي أسويه .. الله يوفقكم

بصراحة .... أنا وشلون بعيش الفترة الجاية 4 شهور وأنا على أعصابي ما يسوى علي 30

يعني نتعب ونتعب ونتعب .......وبالأخير ناقصة !!!!!

لو يحطون نفسهم بس مكانا .. يداوم كل يوم ماعنده غياب أبد .. وبالأخير مخصوم من الراتب .. وش يصير له .. أشوفهم بس ..

[Novelist]

الله يوفقكم بصراحة شي يقهر ومثل ما قالت الاخت لو مناقشات اقدر امشيها مع ان صعبه لان الدرجات في كل المواد ناقصة على درجتين واكثر لو مادة قدرت استوعب ان يمكن مني الغلط. ما لنا غير ندعي لكم ان الله يقدركم عليهم.

[بنوته فله]

والله أنا من وجهة نظري اذ هم مو قادرين يعطون كل واحد حقه الحقيقة إلغاء ٣٠ درجة افضل من الظلم الي يصير

[E.girl]

حرام عليهم انا متأكدة مليون بالمية انه مشاركاتي كاملة بس لقيت نقص كبير جدا في الدرجات ما ادري ليش
والله خسفت المعدل اول مرة اجيب معدل نازل زي كدا
دايما معداي ماينزل عن 4.60

[ريم 2012]

والله لو بوادرين واني رجال لااشغل موتري وانطلز للاحساء

بس خساره بنيه ومابيدي شي وان شاء الله يرجعون لك مظلوم حقه لانه هزلت والله ومصخت السالفه

مشرفين وعميد ليش بس مركز على الفاضي؟

خافو الله وادو واجبكم كامل بكره في محاسبه وجنه ونار بس تقولون لمين يحسره

الله ينصركم يااخواني الي بروحون باتسر وليت في قسم نسائي لنا والله

موفقيـــــــــــــــــــــن يارب

[فارس740]

معاكم لكن لا استطيع ان احضر اذا الخميس ما عندك اي مشكلة

[Novelist]

up