طلب اعفاء المشاركين بعاصفة الحزم من الاختبارات ومنحهم الدرجة كاملة

[ظاهر راضي]

المشاركة الأصلية كتبت بواسطة وردة الحجاز

بدون مجاملات ،،!

ما اتفق معك ،،

عطوهم إعفاء من الرسوم ،،
وعطوهم كمان خيارات بالنسبة للاختبارات ،،

من 70 او 100 ،، او يسحب الترم

أشوف الجامعه ماقصرت أبد ،،
اما العلامه الكاملة ،، هذا يسئ للجامعة ترى ،،
والله يحفظهم ويحفظ بلدنا ،،

وفوق هذا تم احتساب درجات المشاركة 30 كاملة

وشرايك طال عمرك يطمرونكم كم مستوى

ويعطونكم وثيقة التخرج في البيت

الجامعة ماقصرت معكم , وتشكرون على مشاركتكم في عاصفة الحزم

رغم أن هذا من مهام عملكم ومؤدين القسم عند تخرجكم من الفرد الأساسي

لكن أتمنى من الجامعة أن تطلب من كل عسكري تم اعفائه من الرسم مايثبت بأنه شارك في عاصفة الحزم

خطاب رسمي موقع ومختوم من جهته يفيد بأنه من ضمن المشاركين

وسلامتكم

[وردة الحجاز]

المشاركة الأصلية كتبت بواسطة أبو شيماء

غريب ردك وردة الحجاز..................هذا بدل ماتوقفين لجانبنا
مو مشكلة وجهة نظرك احترمها وقدرها ولكن بقول لك شي من باب التوضيح
اذا كنتي تنامين بغرفة نوم فارهة.........وتحت مكيف سبلت.........وتنعمين بأمان حين تصبحين وحين تمسين.......وتاكلين مما لذ وطاب .
فعلمي أن لكي اخوان هناك على الخطوط الامامية في الجبهة يحرسون هذا الوطن في العراء وتحت اشعة الشمس الحارقة والجو الحار.........حياتهم على كف عفريت بين الحياة والموت.........زتاركين ورائهم اسرهم واطفالهم
أما بالنسبة للجامعة فالاعفاء من الرسوم هي مال لنا مستحق دفعناه من جيوبنا ولم تمنحنا الجامعة ذلك المال هبة من عندها والله تعالى في عون العبد مادام العبد في عون اخيه .

انا أفكر بشكل عقلاني وواقعي ،، بعيد عن العاطفه المبالغ فيها ،،

طيب دام كل هذا تعانونه ،، اذا تسحبون ترم ،،
والجاي تستأنفون فيه دراستكم ،،

بدل ما أنتم جالسين تستغلون ظروفكم ؟
وتبونهم ينقلونكم ع طول للمستوى القادم !!

حتى أكاديميا مايصير ،،

[WALEID]

اخوي ابو شيماء الحمد لله الامور طيبه وروحك انا خوك بين يدي الله عز وجل وليس بين يد عفريت كما تصف .

احتسب الأجر عند الله ولا تجعل اجرك في المرابطه يضيع بسبب طلبك الشكر من الجامعه لانك تجاهد في سبي الله على الحدود .
وانا اشوف ان الجامعه اول جامعه بادرة بمنح امتيازات للطلاب المرابطين ولذلك لابد من شكر الجامعه على المبادرات الجميلة التي تقدمها للجميع .
وكلنا نعمل ونجتهد من اجل الله عز وجل وليس من اجل ان يشكرنا الناس .
وبنسبه للروح المعنويه فجيمع المرابطين لديهم ان شاء الله روح معنويه عالية وذلك لكونهم يدافعون عن دينهم ومقدساتهم ووطنهم وهم على يقين ان ما يفعلونه ماجورين عليه ان شاء الله ولا يريدون جزاء من البشر بل يريدون المثوبه من عند الله عز وجل .

وفي النهايه اسأل الله عز وجل ان ينصرنا على عدونا

[صدز:)]

وش هالاقتراح المخزي اجل الدرجه الكامله وانت ماخشيت الاختبار ع اي اساس


ماقصرو معكم ف الشيء المعقول اما نجاح ودرجه كامله بعد بدون اختبار امحق جامعه لو طبقوها

[احمد الدمام]

المشاركة الأصلية كتبت بواسطة أبو شيماء

غريب ردك وردة الحجاز..................هذا بدل ماتوقفين لجانبنا
مو مشكلة وجهة نظرك احترمها وقدرها ولكن بقول لك شي من باب التوضيح
اذا كنتي تنامين بغرفة نوم فارهة.........وتحت مكيف سبلت.........وتنعمين بأمان حين تصبحين وحين تمسين.......وتاكلين مما لذ وطاب .
فعلمي أن لكي اخوان هناك على الخطوط الامامية في الجبهة يحرسون هذا الوطن في العراء وتحت اشعة الشمس الحارقة والجو الحار.........حياتهم على كف عفريت بين الحياة والموت.........زتاركين ورائهم اسرهم واطفالهم
أما بالنسبة للجامعة فالاعفاء من الرسوم هي مال لنا مستحق دفعناه من جيوبنا ولم تمنحنا الجامعة ذلك المال هبة من عندها والله تعالى في عون العبد مادام العبد في عون اخيه .

انا عسكري و الجامعه ماقصرت واعفتنا من الرسوم بس تبغى شهاده انت ماتستحقها سلامااااات

يعني يعطونك درجات من غير ماتدرس وتتعب مثل غيرك ماعمرها حصلت


بالنسبه لان الناس ينعمون بغرف فارهه وانت تحت اشعة الشمس هذا عملك وانت اللي اخترته وانت تقوم بواجبك اللي تستلم عليه راتب مالك لا منّه ولا فضل على احد

[امل باوزير]

الله يوفقكم وتستاهلون لو قدمتها لكم
مع اني ما اتوقع يسويها الفريدان

[ابو غيداء]

انا عسكري والاعفاء من الرسوم بادره طيبه من مسؤلين الجامعه وبارك الله فيهم

اوما اعطاء الدرجه كامله انا ماقبل فيه قبل الجامعه

ولا ارضى بدرجه واحده لا استحقها
امانيل الشهاده بفخر واستحقاق ولا عمري ما نلتها


كلم العاقل بما يعقل

[7atem]

يعطيك العافيه اخوي ابو شيماء اكثرنا عسكر وكلنا مرابطين بالجنوب بالحرب
انا من الشمال وادافع عن حدنا الجنوبي ودعنا اهالينا ونحن نتمنى الشهاده في سبيل الله
ليس لنطالب بأشياء سواءً مستحقه ام لا طلبك تجاوز حد المعقول والمقبول .. الله يحفظك وينجحك .....

[قلاقل]

يشهد الله اني عسكري ومستوفي الشروط والجامعة ماقصرت خلتني ادرس مجاناً. .
أما بخصوص انك تبي +a عشانك بمهمة عسكرية فهذا استخفاف بعقول الجميع واستغلال لما يحصل..
وبعدين لاتمن على أحد وتقول انا واقف بالحر وانتم بمكيف ياحبيبي هذي وظيفتك ومصدر رزقك يعني مو طيب منك لكن حنا مانجحد تعبكم حاليا وبنفس الوقت مانجحد أنكم أكثر قطاع مرتاحين ولا عندكم شغل إلا بهذي الأوقات يعني حلل راتبك ..
ياخوفي يتطور الأمر ويقول ابي الشهادة وبتقدير ممتاز مع مرتبة الشرف وهو توه مستوى ثالث ههههههه

[عبيط زمانه]

شف انا مثلك عسكري ومرابط والحق ينقال الجامعة ماقصرت إعفاء عن الرسوم وتخيرك بالدرجات وفوق هذا تبي تعطيك درجه كامله بصراحة ومن وجهة نظري غير مقبولة الجامعة ماهي ملزومه تعفينا من الرسوم ولاملزومه تخيرك بالدرجات هي تعاونت معنا وجزاهم الله كل خير هذا وجهة نظري