قبل النتائج موضوع يخصنا جميعا

[فجر الظهران]

للآسف ياخذون مني 10 وانا مسويه تحديث للبيانات ولا توصلني على هالرقم
يعني رايحه علي عالفاضي

[ابوفهد100]

هلا اخوي تركي لايوجد هناك تكتم بخصوص النتائج بقدر ماهو عمل متواصل من الجامعه لايستطيعون تحديد وقت معين لعدم معرفتهم متى سوف ينجز العمل وتجهز النتائج قامو بتحديد وقت تقريبي من البدايه فقط

العشره ريال هي قيمة الرسائل لكل طالب في كل ترم يعني سوف تدفع لهم 80 ريال طول دراستك الجامعيه موزعه على 8 اترام دراسيه وهذه النقطه محدده في رسوم التسجيل للمستجدين وليس الأمر بصعب فهو مبلغ بسيط فرسوم الأشتراك بخدمة الرسائل في اي قطاع عام او خاص 12 ريال شهريا


اي استفسار تفضل و ان شاء الله نجيبك عليه

تحياتي

[عيون ALmaha]

جت ع العشرة .... ملعوب علينا يا خوك وخلها ع ربك

[ذهب صـــــآفي]

أنا مشتركة في الرسايل ومع هذا علي دين 10 ريال مدري وش سالفتها

وياليت من زين الرسايل ماشفت ولا خبر واحد يخص القسم اللي أنا فيه مستوى ثاني تربية خاصة

اذا بترفع شكوى ياليت كلنا نكون يد وحده ونرفع شكوى سوى علشان يعرفون ان الدنيا مو لعبة صح مو كثيرة بس ماهي من حقهم ولازم نوقف في وجه أي نوع من انواع الغش

[سمو الإحساس]

معك حق في مسألة الرسائل
حتى الترم الماضي ماارسلوا رسائل النتائج الا بعد ظهورها بيوم
وأعتقد ان خدمة الرسائل في الجامعة فيها تقصير ولامبالاة وان شاء الله يتحسن الوضع ،،

لك تحياتي ،،

[ابوسماسم]

المشاركة الأصلية كتبت بواسطة lubna

10 ريال والله عن نفسي ولا فكرت فيها سددت رسومي و بس العشره انضافت ولا لا ما ادري و مع كذا بكل مره يطلع خبر ارسلوا لي رساله

ما توقعت 10 ريال بتقلب الحال كذا اجل لو هي 100 وش بيكون الحال ترا كلها 10 اعتبروها حق كاس عصير


مشكلتنا انهم يصلحون البلاك بورد ع السنه الجايه ان الله اراد و اعطانا عمر

لا ياخوي كلامك مو صحيح اذا بياخذون 10من كل طالب وعدد الطلبة35000 كم يطلع الناتج بعدين ماستفدنا منه بشي نعرف المعلومة من المنتدى قبل ماتوصلنا الرسائل الي جاتني انا 3 رسائل واخوي اللي يقول بيصعد المشكلة الى الجهات العليا اقولك روح وانا معاك

[العنقا]

اي ولله سالفه 10 ريال مو دخله مخي
الحين دفعت الرسوم قبل انتهاء السداد بيووووم واحد يوم سددت ورجعت البيت الا يقولون باقي 10 ليه ماضافوها وخلصوووني
بعدين ياحلوين ال 10 ريال تستفيد منها الجامعه يعني الطلاب 35000في 10 يعني فايدت لجامعه 350000
والله اعلم
استغفرا الله ماحط شي في ذمتي

: سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ ،

[من و الى]

المشاركة الأصلية كتبت بواسطة ترٍكيُ السديرٍي

السلام عليكم ورحمه الله وبركاته

اسعد الله مسائكم بكل خير

صراحه انا كل يوم اتعجب من اشيـآء بالجامعهُ ولاا انكر انها تقدم تسهيلات بموضوع الواجبات والمشاركه التي تميزها عن غيرها ومشكوره من الناحيه هذي
لاكنُ فيه اشياء صراحه ما ينسكت عنهـآ انا ماراح اتدخل في شي ليس لي التدخل فيــه مثل السيرفرات المستخدمه ولا اعلم عنها شي
لكن الي يهمني بالدرجه اوليُ استفسار يدور في راسيُ هل النتجيه سريه ولا يجب احد يطلع عليها حتي اشوف هالتكتم ؟
انا ما اعرف وش النظام المتبع يوم يخفون موعد النتيجه ويخلونه سري للغايهُ هل بيسون سبرايز مثلاً
ثانيا: فيه موضوع انا ساكت عنه من بدايه الترم بس لتعلم اداره الجامعه ان السكوت ليس معناه الرضاء على ما يقدمونه
موضوع الرسم 10 ريال للرسايل وانا سمعت انه الي ما يدفعها يمنعون عنه النتايج او يسون له حركات ومدري وش
طيب يا جامعتيُ العزيزه حنا دفعنا 10 ريال لكن ما شفنا شي كلها اربع رسايل من بدايه الترم وكلها تحذيرات ,,
طيب ياجامعتي العزيزه حنا نبي الباقيُ .. انا ادري انها ما تفرق معنا العشر ولاا رسوم الترمُ بكبره بس ما نسكت ع الاستغلالُ
انا عن نفسي انتظر الي نهايه النتايج واشوف وش وضع العشره والباقي منها هل يضاف للترم الي بعده او لا؟
اذا ما يضاف فان لن اسكت بل سوف اصعد الموضوع للجهات االرقابيه العليا والجهات العليـآ لفتح تحقيق ولو اضطريت التوجه للمقام الساميُ
واتوقع توجيهات وقرارت الملك الله يحفظه الاخيره واضحه وضوح الشمس مادري هل القائمين على الجامعه غافلين عنها

وبالاخير اتمنا اني احصل على اجابه لو جزء بسيط من استفسارتي واستفسارات الطلاب ,

10 ريال و بتشتكي للمقام السامي بعد الله يعين من انت صديقه ولا جاااااااااااره

[قلبي مملكتي]

10 قليله بنسبه لنا

واشوف انها استغلال فقط

بس اهم تطلع لهم الملايين

[ام فلوة]

المشاركة الأصلية كتبت بواسطة من و الى

10 ريال و بتشتكي للمقام السامي بعد الله يعين من انت صديقه ولا جاااااااااااره