للمنتسبين الموظفين .. وش وضعكم مع الدوام ؟

[المنادي]

بالنسبه لي ك ( قطاع خاص)

أكيد نطبع جدول الاختبارات اللي مسجل عليه التواريخ من والى

وارفعه للاداره

اليوم اللي اختبر فيه عليهم

واليوم اللي جالس فيه وماعندي اختبار مخصوم من رصيد إجازاتي السنويه

والاجازة قصبن عنهم سواء كان خاص أوعام ( ماهو بكيفهم هو شرط الزامي تاخذ اجازة لو بيوم الاختبار اذا ماعطاك كامله )

وإذا مانفع معهم عندك مكتب العمل اذا كنت خاص او الخدمه المدنيه ان كنت موظف عام

وبالتوفيق

[oOo saudi oOo]

إجازة مدفوعة فقط باليوم الذي يتم فيه الإختبار

بالتوفيق للجميع

[أفا يا قلب]

نفس يوم الاختبار مايحاسبوني عليه من وزارة العمل مصرح للجميع يختبرون
اما الايام الي بينهم اداوم

والله ييسر لنا

[rasila]

اجازه وقت الامتحان هالترم اخذت15 يوم
9ايام اختبارات ويومين اجازه اسبوعيه و4ايام حسم من اجازتي السنويه بس يسوون زحمه اطبعي جدول اكتبي خطاب كم يوم تبين حسم وهاتي ورقة تعريف من الجامعه انك طالبه عندهم واصلا ضيعوا جدولي وانا جيبته اول وحده>>>>قصة حياتي واضطريت اطبع من جديد بس سويت لهم مشكله فاضيه لكم انا كل شوي اطبع

[Dr. Ibrahim]

بالنسبة لي قدمت لهم ورقة الامتحانات والمدير ما قصر كان متعاون جداً
أعطاني من قبلها يوم لين أخر يوم بالامتحانات
يعني الحين أكتب مشاركتي وانا بالعمل :)

اسبوعين كاملة اجازة ولا تخصم من رصيد الاجازات .

[Mr-AyMaN]

بتكلم بالنسبة للقطاع الحكومي .. هناك نظام للإجازات معتمد يسمى ( إجازة إمتحان موظف ) وهو صادر بقرار من مجلس الوزراء من أيام الملك فهد رحمة الله عليه وينص بضرورة منح الموظف الدارس إجازة أثناء الإمتحانات (من غير أن يمس الرصيد الإعتيادي) إجازة مدفوعة الأجر , طيب نجي عند التطبيق / بالبداية تبلغ مديرك - حسب التعامل مع المدير - شفوياً أو رسمياً بخطاب و بإشعار حضور الإختبار (من موقع الجامعة ) لاحظ أن الخطاب أو المحادثة مع المدير ليست إستئذان أو سؤال بل هو مجرد تبليغ منك إنك راح تغيب ..
ثانيا / إحتساب الإجازة : إدارة شؤون الموظفين راح تحسب لك الإجازة على معيار (داخلي أو خارجي) داخل المدينة اللي تعمل فيها أو خارجها , الداخلية يطلب منك العمل في الأيام الخالية من الإمتحان , أما الخارجية يتم حسمها إجازة كاملة من تاريخ أول إمتحان لديك وحتى آخر تاريخ آخر إمتحان لديك .
طبعا إنت قل أختبر بالإحساء عشان يعطونك إجازة كاملة .
وسلامتك

[المربع]

الله يسهلها .. من رصيدي وبعد تفحيط طبعا .. الله لا يعقدها على مسلم .

[اتسآم.]

اقدم لهم الجدول مع شهادة حضور الإختبار

الإجازة منهم على عدد أيام الاختبارات فقط.

بس من وزارة العمل أسبوعين و طبعا إذا زادت عنها فتخصم من الراتب

بالنسبة لي أخذ كل فترة اختباراتي + يومين قبل ويوم بعد


بالتوفيق للجميع

[واحد من الطيبين]

بالنسبة لي موظف عسكري النظام يقول من حق
كل موظف عسكري يأخذ اجازة اختبارات ولاتعتبر
من رصيده بشرط حصولك على موافقه بإكمال الدراسه
يعني اول ماتسجل بالجامعه وتقبل تأخذ إفادة من الجامعه
انك طالب منتسب وترفع اوراقك وتجيك موافقه بناء عليها
وعلى جدول الاختبارات ترفع كل ترم للشؤون الإدارية ويصدر
لك قرار اجازة بمسمى إجازة أداء اختبارات ( اجازة مدرسية)
ومالها دخل برصيد اجازاتك السنوية
طبعا الاجازة تبدأ حسب جدولك وتنتهي آخر يوم اختبار عندك
الأيام الي ماعندك اختبار تعتبر اجازة لأن قرار الاجازة يكون
من تاريخ كذا إلى تاريخ كذا

[منصور الفيفي]

وعليكم السلام
طبعاً من حقك اذا كان اختبارك برا المنطقه الي انت فيها تاخذ فيها اجازه كامله من بداية يوم الاختبار إلى نهايته واذا كنت تختبر بنفس منطقتك عملك اليوم الي ماعليك فيه اختبار تداوم فيه وبرضوا ع حسب تساهل عملك معك وبالتوفيق،،"