يثبت في السجل الأكاديمي ووثيقة التخرج والشهادة ما يفيد بأن دراسة الطالب ( بالانتساب ).

هنا رابط تصاريح مسؤولي الجامعة

وهنا رابط بيفيدك عن الإنتساب .
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ

أول شي ربي يعوضك ان شاء الله مادفعته وصرفته .

وإن كنت عديت كثير من الساعات بما لا يقل عن جيد فيمديك إن شاء الله إن قبلت في الجامعة ووجدت في خطة المقرر عندك نفس المواد درستها فإبمكانك معادلتها . بمعدل أقصى حد 15 ساعة فقط . مع إحضار السجل الأكاديمي مختوم من الجامعة مع وصف لكل مقرر تريد معادلته .

وضحت لك كل شيء في كلامك اللي أقتبسته فوق .

بوضح لك شي بعد عن الـ 30 درجة

يعني بدل ماتدخل الإختبار من 100 درجة لأ راح تدخل الإختبار من 70 .

طبعاً كيفية حساب الـ 30 كالآتي :

1- 10 درجات للواجبات . كما قلت لك واجبين لكل واجب عشر درجات وإن شاء الله مافيه صعوبه في الحصول على عشر الواجبات
2- 10 درجات للمحاضرات المباشرة ( يعني عندك مثلاً 5 مواد لكل مادة ينزلون من محاضرتين إلى 4 مباشرة يعطونك وقتها وانت تدخل وتحصل على الدرجة طبعاً العمادة قالت أن من لا يستطيع الدخول عليها مباشرة يحضرها لما تنزل مسجلة ويحصل على نفس الدرجة تقديراً لظروف المنتسبين ) وهذي أعتقد مقدور عليها .
3- 10 درجات لمنتديات الحوار داخل البلاك بورد عندك لكل مادة مشاركة وحدة في الأسبوع يعني عندك خمس مواد في خمس مشاركات كل اسبوع وأظن عشر دقايق في الأسبوع تكفي تشارك بها للخمس المواد . ولا تراكمها عليك يجي ضغط عالبلاك بورد وتتحسف خلص شغلك أول بأول . وكذلك المحاضرات المسجلة مرة يقولون عليها درجات تنزيلها هي والمحتوى ومره يقولون المباشرة فقط . بس راح تعرف كل شي .

عندك مشكلة تواجهنا أحياناً وهي الضغط على موقع الجامعة والبلاك بورد أحياناً مع الضغط لا يفتح ولا تقدر تحل الواجب والمشاركة وتنزيل المحتويات .

بس حنا عانينا هالنظام الحين لأنه في البداية واعتقد الترم القادم راح يكون كل شي مبسط .

إذن أنت إذا عملت المطلوب بالنسبة لـ 30 درجة راح يبقى لك من درجات النجاح 30 درجة من سبعين وأعتقد راح تكون بسيطة جداً .

هذا ما أردت أن أفيدك به وبالله التوفيق .

هلا بك اخوي .

أبد خذ راحتك راح نساعدك لين نطفش منك .. <<<< :(284):

أفا عليك . عاد . لا تشيل هم .

بالنسبة لتخصص إنجليزي لحد الآن سنة تحضيرية عندي يعني الترم القادم راح ادخل تخصص إن الله شاء .

وبالنسبة لي انا محب لهالتخصص . من زمان .

بس مع الأسف الذاكرة بدت تخذرف شوي ‘ عندي : الكبر شين . ( :(269): )

شوف عاد إن كنت هاوي إنقلش فراح ترتاح وتنبسط خلص السنة التحضيرية في الآداب وصدقني راح يكون كل شي ميسر .

بس حبيت اعطيك فكرة ترى درست ثلاث مواد إنجليزي وحدة بالمستوى الأول وثنتين بالثاني وكلها شرح إنجليزي مافيه ولا كلمة عربي . بس ماعليك من هالشيء الدكتور في نهاية الترم ينزل محاضرة شرح بالعربي لبعض النقاط واخوانك واخواتك هنا راح يترجمون المحتويات .

الإنجليزي وإدارة أعمال والتربية الخاصة في نظري هي أفضل التخصصات هنا . بما أنها لها مجال في سوق العمل بعد التخرج بإذن الله .

والإنجليزي لمن لديه رغبة في التقديم لديوان الخدمة المدنية تدريس هو التخصص الوحيد من التخصصات مقبول شهادة الإنتساب .

أما باقي التخصصات حسب ما سمعت مايقبلون تدريس .

وربي يوفقك .

أبد اللي في بالك قوله .

وبالله التوفيق .