ملتقى طلاب وطالبات جامعة الملك فيصل,جامعة الدمام - نصيحتي لا تدخلون الجامعه الالكترونيه

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)

- - نصيحتي لا تدخلون الجامعه الالكترونيه (https://vb.ckfu.org/showthread.php?t=807415)

شرقاوي منتسب505

2017- 8- 1 11:56 AM

نصيحتي لا تدخلون الجامعه الالكترونيه

سلام عليكم
حبيت اوضح للناس الي بتخسر فلوس علئ الفاضي ترئ الجامعه الالكترونيه كله انجليزي اذا ما تعرف انجليزي لا تتعب نفسك

coronoos

2017- 8- 1 01:44 PM

رد: نصيحتي لا تدخلون الجامعه الالكترونيه

أساسا من شروطها يكون عندك التوفل او استب (اختبار انقلش ) والا مايقبلونك فطبيعي مايقبلون اللي مايعرف انقلش قبل يسجل

مُلهمــــة

2017- 8- 1 03:49 PM

رد: نصيحتي لا تدخلون الجامعه الالكترونيه

هذا اكبر فائدة انه تقوي اللغة
وانا انصح بالي يحب يدرس فيها لا تردد وشهادتها قوية واذا كانت في البداية اللغة ضعيفة بعد الوقت والممارسة راح تقوي اللغة عندك
ولا تسمعون كلام المثبطين لانه الان التعليم الالكترونية مغلق في اغلب الجامعات ولكن الالكترونية نظامية وقوية ولن تغلق بالعكس تتطور

شرقاوي منتسب505

2017- 8- 1 05:25 PM

رد: نصيحتي لا تدخلون الجامعه الالكترونيه

اقتباس:

المشاركة الأصلية كتبت بواسطة ســــنديان (المشاركة 1061412452)

يا عزيزي ما عندك لغه ما ينفع لانو الدراسه بفلوس مافي وقت تقعد تتعلم او تخسر فلوس بدون فايده ترسم ونسبة النجاح قليل جدا كثير من الزملاء درسوا فيها ولا واحد نجح من صعوبتها وكلهم انسحبوا عشان كذا الجامعات حولوكم على الالكترونيه يعني قابلني اذا نجحت وعاد بكيفكم انا حبيت اوضح لكم

تحياتي

بدر الذيابي

2017- 8- 2 11:05 PM

رد: نصيحتي لا تدخلون الجامعه الالكترونيه

اقتباس:

المشاركة الأصلية كتبت بواسطة شرقاوي منتسب505 (المشاركة 1061412404)

السلام عليكم

هذه وجهة نظرك اخي العزيز واقدرها واحترمها

ولكن محاولة التعلم لها فائدة كبيرة حتى وان رسبت او خسرت فلوس او تعبت ومهما حصل مع الاجتهاد والمثابرة بتوصل الى مبتغاك بإذن الله

Starlight••

2017- 8- 3 05:17 AM

رد: نصيحتي لا تدخلون الجامعه الالكترونيه

بالعكس هالشي يعتبر ميزه في الجامعة الالكترونية مو كارثه والواحد لازم يتعب ع نفسه شوي ويطور من ذاته

coronoos

2017- 8- 3 06:26 PM

رد: نصيحتي لا تدخلون الجامعه الالكترونيه

عندي لغة الحمدلله وبكمل ماستر باذن الله

أم عبدالكريم

2017- 8- 3 07:17 PM

رد: نصيحتي لا تدخلون الجامعه الالكترونيه

بالعكس انا اشوف بنتي درست بجامعة سعود ادارة اعمال وكانت كل دراستها بالانجليزي وبالعكس تقوت عندها اللغه وانا اشجع وبي قوة هذا الاسلوب انا اتمنى اني اعرف اتكلم انجليزي لانه كل شي الاحين فيه انجليزي

Sent from my iPhone using ملتقى فيصل

مههها

2017- 8- 3 07:35 PM

رد: نصيحتي لا تدخلون الجامعه الالكترونيه

بالـــــــــــــتوفيق

شرقاوي منتسب505

2017- 8- 6 03:41 PM

رد: نصيحتي لا تدخلون الجامعه الالكترونيه

اقتباس:

المشاركة الأصلية كتبت بواسطة starlight•• (المشاركة 1061413087)

بالعكس هالشي يعتبر ميزه في الجامعة الالكترونية مو كارثه والواحد لازم يتعب ع نفسه شوي ويطور من ذاته

اتعب علئ نفسي اذا الدراسه ببلاش صدقني مافي مثل الانتساب على الاقل تضمن 30 درجه في جيبك لكن الالكترونيه قابلني اذا نجحت ههههههههههههههههههه اعرف كثيررررررررر ناس والله سحبوا شهاداتهم من الالكترونيه وانت بكيفك انا حبيت اوضح لكم والله يوفقنتا وياكم

m_ajmi

2017- 8- 6 04:11 PM

رد: نصيحتي لا تدخلون الجامعه الالكترونيه

بعيد عن الميثاليه .. انا مادرست فيها لكن كثير من الزملاء جربوا الدراسه فيها تكثيف اللغه الانجليزيه المفروض ماهو بالطريقه هاذي خصوصاً أن الانتساب وقفوه فالمفروض انه السنه الاولى تكون مبسطه ويبدون بالتكثيف تدريجياً

Sent from my iPhone using ملتقى فيصل

وقتي	2017- 8- 6 05:23 PM

رد: نصيحتي لا تدخلون الجامعه الالكترونيه

اللغة والحمدلله عندي ممتازه , بحكم دارستي خارج المملكه في مجال عملي سنتين ونص ,
ولا اجد صعوبه في كون الدراسه باللغة الأنجليزيه
بل على العكس فهي نوع من المتعه والتغيير ,
المهم هو ان تجد الوقت الكافي للحضور يوم او يومين في الأسبوع على ما اعتقد
أما اجادة اللغه في البداية للأنظمام للجامعة الألكترونيه فهي ليست المطلب الوحيد ,
أذا وجد الوقت الكافي فمن محاسن الجامعة اتقانك للغة الانجليزيه ،

m_ajmi

2017- 8- 6 06:03 PM

رد: نصيحتي لا تدخلون الجامعه الالكترونيه

اقتباس:

المشاركة الأصلية كتبت بواسطة وقتي (المشاركة 1061414859)

اللغة والحمدلله عندي ممتازه , بحكم دارستي خارج المملكه في مجال عملي سنتين ونص ,

ولا اجد صعوبه في كون الدراسه باللغة الأنجليزيه

بل على العكس فهي نوع من المتعه والتغيير ,

المهم هو ان تجد الوقت الكافي للحضور يوم او يومين في الأسبوع على ما اعتقد

أما اجادة اللغه في البداية للأنظمام للجامعة الألكترونيه فهي ليست المطلب الوحيد ,

أذا وجد الوقت الكافي فمن محاسن الجامعة اتقانك للغة الانجليزيه ،

الكلام ماهو عن شخص او شخصين انا اعرف وانت بس حنا نتكلم بشكل عام الطلاب يتخرجون من المرحله الثانويه بتعليم انجلش مايأهله يمشي بهالجامعه المفروض يبدأ مبسيط ويتكثف تدريجياً

Sent from my iPhone using ملتقى فيصل

وقتي	2017- 8- 6 07:31 PM

رد: نصيحتي لا تدخلون الجامعه الالكترونيه

اقتباس:

المشاركة الأصلية كتبت بواسطة m_ajmi (المشاركة 1061414880)

الكلام ماهو عن شخص او شخصين انا اعرف وانت بس حنا نتكلم بشكل عام الطلاب يتخرجون من المرحله الثانويه بتعليم انجلش مايأهله يمشي بهالجامعه المفروض يبدأ مبسيط ويتكثف تدريجياً

sent from my iphone using ملتقى فيصل

تبي الصدق الجامعة نكبه حتى للي يجيد اللغه الأنجليزيه لمن لديه التزامات وليس لديه وقت
عشان كذا اقول اللغه مو الملطب الوحيد لازم يكون عندك وقت تحضر مره أو مرتين
في الاسبوع الزامي ... بعدين وجهت نظر الي يدرس باللغة العربيه لغته الأم يكون عنده الفهم اكبر
والتحصيل العلمي والاستيعاب افضل

شرقاوي منتسب505

2017- 8- 9 04:29 PM

رد: نصيحتي لا تدخلون الجامعه الالكترونيه

اقتباس:

المشاركة الأصلية كتبت بواسطة وقتي (المشاركة 1061414859)

يا عزيزي الناس تدفع فلوس مو بلاش عشان يعقدني بالانجليزي صدقني لو الدراسه بلاش ما عندي مشكله لكن تاخذ وتعقدني مافي فايده

des_FaHoD

2017- 8- 9 11:43 PM

رد: نصيحتي لا تدخلون الجامعه الالكترونيه

اسلوبك تحطيمي
مو اسلوب طالب جامعي ابد
الناس تحث على التعليم والمعروفة وتطوير الذات والحصول على شهادات عاليه
المفروض بدال ماتقولهم هالكلام.. توجههم افضل
وتقول لا يسجل بالجامعة قبل مايقوي لغة الانجليزية ويطورها وبعدين يسجل
لكن التحطيم والتنفير بهالطريقة ماراح يجيب نتيجة ابد
ما ضيعنا من البداية الا هالكلام.. انبتهو ترى صعب ترى في انجليزي ترى يعتمد على الفهم
الى ان ضعنا..
وش المانع ان الواحد يتحمل الصعب اليين يصير سهل
وش المانع ان الشخص يطور من لغته الانجليزية
وش المانع ان الشخص ينمي قدراته اللي تعمد على الفهم والتحليل

للاسف ونبي نتطور
الله المستعان
الله يوفق الجميع

s3eed

2017- 8- 12 08:14 AM

رد: نصيحتي لا تدخلون الجامعه الالكترونيه

انا كنت تخصص لغة انجليزيه في جامعة فيصل وجلست سنتين وغيرت تخصص
لاني اكتشفت ان اللغة الانجليزيه عن بعد فااشله اذا لم يكن عندك حصيلة كبيره من اللغه
رغم ان عندي لغة خفيفه ولكن في الدراسة واجهت صعوبة من حيث المواد اغلبها ادبية مابتفيدني اساسا كممارسة
ادب وشعر وتاريخ انقليزي ..

يعني اللغة اللي حاب يدرسها عن بعد عشان يستفيد ويتعلم ( ينسى ) لانك تحتاج تواصل مع الدكتور وتاخذ وتعطي معه وتعرف وين الصح والغلط
واللي عنده لغة من الاساس ويبغى شهادة فقط فهذا ممكن يستفيد لانه مأسس نفسه ..

فاللي حاب يتعلم اللغة لابد من تواصل وممارسه .. يعني يامعهد يامنتظم يا أنك تقفل على نفسك الباب وتشد حيلك مع دروس اليوتيوب ..

ليندا13

2017- 8- 13 03:02 AM

رد: نصيحتي لا تدخلون الجامعه الالكترونيه

سووواء تعليم عن بعد او انتساب أو انتظااااام لكل طريقه لازم اجتهاااااد و مماارسه.. تطور من نفسك راح تبدع اكثررر.. تجي تعتمد فقط على دروسك اللي تأخذها بدون فهم اسمح لي اقول كيف راح تفهم وتنتج.. البعض وليس الكل يبغى مايتعب وبالأخير يتذمر انا مااستفدت شيء.

des_FaHoD

2017- 8- 13 12:40 PM

رد: نصيحتي لا تدخلون الجامعه الالكترونيه

اقتباس:

المشاركة الأصلية كتبت بواسطة s3eed (المشاركة 1061417456)

صاحبي ( طبيب )
اخته الصغيرة تدرس لغة انجليزية معانا في جامعة فيصل انتساب..
يحلف انها بدات من الصفر
والان لغتها الانجليزية فوق الممتاز

ameenah_

2017- 8- 13 03:42 PM

رد: نصيحتي لا تدخلون الجامعه الالكترونيه

اقتباس:

المشاركة الأصلية كتبت بواسطة s3eed (المشاركة 1061417456)

تخصص اللغة الانجليزية في جامعاتنا يدرسون فيه الأدب الانجليزي و سواء درستي انتساب او انتظام تحتاجين تطورين لغتك بنفسك لانه حتى المنتظمات يعانين من صعوبة التخصص و فيه كثيرات انتقلوا لتخصصات ثانية .. يعني التواصل مع الدكاتره مو سبب كافي عشان تتعلمين اللغة . لأنه تخصص الانجليزي ما يعلم الطالب اللغة نفسها بل أدبها و تاريخها و ثقافتها .
أما اللي يبي يتعلم لغة كلغة يدرسها بالمعاهد أو يتعلم بنفسه من المواقع و غيرها

اللغة تحتاج تدريب ثم تدريب ثم تدريب و هذا يعتمد على الطالب بالدرجة الأولى

شرقاوي منتسب505

2017- 8- 14 02:26 PM

رد: نصيحتي لا تدخلون الجامعه الالكترونيه

اقتباس:

المشاركة الأصلية كتبت بواسطة des_fahod (المشاركة 1061416556)

انا اقصد انو جامعة الملك فيصل انتساب افضل بكثير من الالكترونيه والثلاثين الدرجه الي كنت تاخذها اول انسئ الحين تاخذها وانا اتكلم يا عزيزي من كلام ناس كثير درسوا في الالكترونيه وعطونا وجهت نظرهم الله يجزاهم خير احسن من تدخل وتخسر فلوس وبالاخير ما تنجح اكررها مره ثانيه يا شباب ترئ الالكترونيه مو مثل الانتساب في جامعة فيصل والله ثم والله ما ينجح فيها الا الدافور والي فاضي ما عنده دوام غير الدراسه واكثر الناس مو فاضي دوامات يبي بس ينجح عشان يترقئ يا ليت يرجعون الانتساب ويفكون العالم من الالكترونيه وانا الحمدالله انقبت في جامعة فيصل من الترم الجاي اللهم لك الحمد لحقت عليها قبل يقفلون الانتساب والله يوفق الجميع

Maaadawi

2017- 8- 14 05:41 PM

رد: نصيحتي لا تدخلون الجامعه الالكترونيه

اختي درست فيها وتورطت
حاولت وحاولت وكانت تحضر كل المحاضرات
وجابت مدرسات واخر شي انسحبت
اللي يبي شهاده ولغته مو زينه لايدخلها
اما اللي يبي يطقطق ومايهمه ضياع الوقت
وفلوسه واجد يدخل يجرب

All times are GMT +3. الوقت الآن حسب توقيت السعودية: 12:02 AM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه