|
لخبطة ونقص في ملزمة الصحه واللياقه
السلام عليكم
ويسعد صباحكم <<<< مجننتها مادة الصحه واللياقه :bawling: لاحظة ان الملزمه فيها لخبطة ونقص غريييييب ما ادري اكتشافي هذا صحيح او لا صفحة 48 تتكلم عن تصنيف الانحرافات و لما ننتقل للصفحه 49 نلاقيها نقاط عن تأثيرات السمنه <<<< وين طارت مقدمة موضوع السمنه وصفحة 77 بدايتها تتكلم عن نقطه مو واضحه وين بداية هالنقطه وصفحة 86 تتكلم عن الامراض الغير معديه طيب معنى هالشي ان في مقدمه لموضوع الامراض :mh19: وينها هالمقدمه ؟؟ هذا غير ان في بعض الصفحات اول سطر فيها مشطووووب شاطح على فوق ومو واضح منه الا اجزاء من الكلمات ومو قادره اترجمها بالله هالمشكله معاكم والا بس عندي انا , واذا عندكم بعد ؟ يعني مشكله كبيره شلون الدكتور يطلب مننا نذاكر من ملزمه غير صالحه للمذاكره اخاف اضيع وقتي فيها وبالاخير ما استفيد شي ؟؟ |
رد: لخبطة ونقص في ملزمة الصحه واللياقه
هلا اختي انا مثلك ياقلبي وش السالفه
انا خايفه من هالماده |
رد: لخبطة ونقص في ملزمة الصحه واللياقه
وش السالفه هذي ردها عند الدكتور وهالملزمه العجيبه ؟؟
ثاني شي ننتظر .. ادري بيجي احد وبيقول ذاكري المحتوى ,, اوكي بذاكر المحتوى بس الدكتور قال المذاكره من الملزمه واذا كفى الوقت وانتهيت من الملزمه حطوا تحت انتهيت خط احمر ارجع للمحتوى .. يعني الملزمه هي الاساس في المذاكره بس الملزمه فيها كوارث :Cry111: ياربي سهل |
رد: لخبطة ونقص في ملزمة الصحه واللياقه
:bawling::bawling:
والله هالماده شايله همها من كثر ماهي جايبة لي الهم وشفت البنات يقولون فيها لخبطه ما ذاكرت الا من المحتوى مستعده اذاكر كل شوي ولا لخبطة الملمه الماده من غير شي تلخبط وللحين ما خلصتها :bawling: .. الله ييسر علينا المذاكره والاختبار ونجيب فيها درجه عاليه .. :) |
رد: لخبطة ونقص في ملزمة الصحه واللياقه
المشكله اخاف اترك الملزمه واركز ع المحتوى والتلاخيص
واتوهق الله يسهل |
رد: لخبطة ونقص في ملزمة الصحه واللياقه
لااااااااااااااااااااااااااااااااااااااااااااااااا اا والله قهر وتعب
صفحه 91 تتكلم عن امثله لامراض معديه وتكلم عن الكوليرا الصفحه الثانيه 92 يتكلم عن الامراض اللي يسببها التدخين طيب وين مقدمة الموضوع الخاص بالتدخين والله بصيح من القهر |
رد: لخبطة ونقص في ملزمة الصحه واللياقه
اقتباس:
شفتي انا اكره شي عندي هذي اللخبطه اذاكر من المحتوى وافكاري مترتبه من غير تشويش احسن واذا خلصتها اراجع ع السريع من الملزمه اكون فاهمه اذا شفت اللخبطه .. يللا الله يعينك عليها .. :) |
رد: لخبطة ونقص في ملزمة الصحه واللياقه
تعتقدين لو اذاكر من الملزمه
ما علينا خوف :) |
رد: لخبطة ونقص في ملزمة الصحه واللياقه
واللي ماعندة لا ملزمة ولا محتوى
ايش يسوي عطونا رابط لها تكفون بطني يعورني خوفتوني |
رد: لخبطة ونقص في ملزمة الصحه واللياقه
ههههههههههههههههه
الله يعينك اخوي عموما الملزمه راح تلاقيها في محتوى المقرر طبعا في البلاك بورد تلاقيها 4 اجزاء حملها على جهازك ونصيحه لا تعتمد عليها لحالها ذاكر من الملخصات بعد وهذا رابط لملخصات المقررات كلها http://www.ckfu.org/vb/t66376.html موفق |
رد: لخبطة ونقص في ملزمة الصحه واللياقه
هم ليه سموهآ ملزمه
لأنـه مآخذ مصـآدره من أكثر من كتــآب وجمعهم في ذآ الملزمه أكيد بيصير فيه نـآقص بس مـآعليك منه كملي المذآكرهـ |
رد: لخبطة ونقص في ملزمة الصحه واللياقه
الله يعين بس
مشكوره رشوووف ع التواجد |
رد: لخبطة ونقص في ملزمة الصحه واللياقه
آلله يعييييين جد خـآيفه من هـ المـآده أنـآ بذـآكر المحتـوووى بس لاخلصت منه بس رـآح أقرأ الملزمه وعلى مآسمعت ـآنو فيه سؤـآل تطبيقي بـآ الاختبـآر يقـولون آنو الدكتور قـآل بـ المحآضرهـ المبآشرهـ , صحيح والا لا ؟:011: |
رد: لخبطة ونقص في ملزمة الصحه واللياقه
اقتباس:
كيف سؤال تطبيقي ؟؟ :000: |
رد: لخبطة ونقص في ملزمة الصحه واللياقه
,
المحتوى احسه اسهل واريح واخف ومرتب كثير كثير وراح اذاكر منه والملزمه كلها معقده وملخبطه واحس مافيها شي جوهري الا اللي بالمحتوى والباقي هذره لاتودي ولاتجيب هع هع : وتقريبا تقريبا من كم صفحه لفيتها انها فهم ونسبة الحفظ فيها مش واجده خخخ>> قولي والله يعني تقريب زي ماده القراءه والمحادثه >> صحيح :) المهم مالكم بالطويله خلونا نذاكرها هاليوم وننزل اسئله ووش قال نهتم فيه اكثر الدكتور وعلى ايش نركز المشكله اللحين كوول ماارسل على واحد منهم مايرد تقول مسوين اظراب على رسايل الطلاب قبل الاختبار خخخخخخخخخخخخ . . يالله الله يوفقنا واياكم . |
رد: لخبطة ونقص في ملزمة الصحه واللياقه
الحمدلله ان الدكاتره رجاجيل
انتم طالبآت وهبلتوا فينآ وخوفتونآ لو ان الدكاتره حريم وش بيصير فينا ههههههههههههههههههههه باقي ع مادة اللياقة اسبوع وش هو له مستعجلين خليكم في علم النفس ثم التحرير ثم الاحصاء بعدين نجي لهآ *_* موفقين |
رد: لخبطة ونقص في ملزمة الصحه واللياقه
اقتباس:
مدري وآلله , بس بـ منتدى النقـآش اللي حآضرين المحآضرهـ آلمبـآشره قـآلو آنو الدكتور قـآلهم آنو فيه سؤآل تطبيقي ~ |
رد: لخبطة ونقص في ملزمة الصحه واللياقه
الزبده ان ذي الماده بتجيب لي النفسيه والعقد
|
رد: لخبطة ونقص في ملزمة الصحه واللياقه
مافي الا حل واحد ....
ذاكرو المحتوى زييييييين وبعدها تكون الملزمه كمراجعه .... الفرق بينهم ان الملزمه اشمل بقلييييييل من المحتوى وحتى الملزمه فيه بعض النقاط مذكوره بالمحتوى ولا ومذكوره فيها بالتوفيق |
رد: لخبطة ونقص في ملزمة الصحه واللياقه
والله تصدقون انا توني انتبه بس بيني وبينكمانا مومرتاح الكل يقول رغم ان المادة سهله لكن الدكتور اسئلته تشيب الراس
|
رد: لخبطة ونقص في ملزمة الصحه واللياقه
ياعزتي لناااااا بس <<عندي الملزمه وكل مااشوفه اتروووع وش السواه يعني
|
رد: لخبطة ونقص في ملزمة الصحه واللياقه
ذكرى انسان
والله البلاء من الاساتذه الرجال هم اللي معقدين الامور يعني وش الحكمه من مذاكرة الملزمه مع ان المحتوى شامل للمقرر كله !! والا بس يبي يعقدنا احنا الطالبات مسااااكين حالنا ينرحم نبي ندخل الامتحان ونفسياتنا حديد ههههههههههههههههه الله يوفق الجميع |
رد: لخبطة ونقص في ملزمة الصحه واللياقه
طفله اسكتي وربي كل ما اشوف الملزمه اكتئب
من اليوم بجلس اذاكر |
رد: لخبطة ونقص في ملزمة الصحه واللياقه
سؤال مين دكتور الماده ؟؟
نفس دكتورنا في التربيه ؟؟ الصراحه الملزمه كثييييره بشكل يخووف هذا غير ان الخط صغير والملعومااات كثيره .. لو انه دلنا على كتاب ارحم من هالحووسه |
رد: لخبطة ونقص في ملزمة الصحه واللياقه
أنا أتذكر في أخر لقاء (الدكتور عبد الحكيم مطر ) ركز على هذه المواضيع :
- الملزمة أفضل من المحتوى أو الشرائح / ولما سئل أحد الطلاب على الملزمة والمحتوى أي الاثنان أعتمد قال له : الأعتماد على الملزمة و أن الشرائح مكملة إلى الملزمة . - وقال أيضاً المحدوفات / ضغوط النفس و المصطلحات و أسماء العلماء مع معظم الجداول ( الظاهر يقصد الجداول الكبيرة ) وكذلك جدول السعرات الحرارية غير مطلوب . ( وبعض الجداول الصغيرة مهمة ) . - وأما عن / حوادث السير , والتدخين , و المخدرات قال : ( إيضافية ) و أخرى قال : ( محدوفة ) ولا نعلم طبيعة الحال هل فقط للقراءه ويستفاد منها شخصياً ويأتي منهم اسئلة أو هي محدوفة ولن يأتي منهم اسئلة فقط للوعي ؟! - وقال ايضاً القياس الوعائي ( ولكن لم أفهم ما أشار ليه ) - وقال : المقدمات والشروحات لن يأتي منها سؤال - وقال كل الأجزاء الأربعة مهمة ما عدى المحدوفة . - وقال : التركيب الجسماني و الأسعافات الأولية ( مهم ) وختامها مسك قال : ليست كل المعلومات ضرورية ^_^:o3: أتمنى تكون هذه المعلومات تفيدكم في الملزمة . :150: |
رد: لخبطة ونقص في ملزمة الصحه واللياقه
الله يعين
|
رد: لخبطة ونقص في ملزمة الصحه واللياقه
بليييز بسآلكم عن القوام ؟؟ هل بس اللي معانا البنائي والوظيفي فقظ ؟
|
رد: لخبطة ونقص في ملزمة الصحه واللياقه
الله يوفق الجميع ذاكرو ا واجتهدوا ولاتفكرون باللي مضى من المواد
على الاقل نحسن المستوى شو ي وموفقين تحياتي |
رد: لخبطة ونقص في ملزمة الصحه واللياقه
موفق بإذن الله ... لك مني أجمل تحية .
|
| All times are GMT +3. الوقت الآن حسب توقيت السعودية: 03:34 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه