ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   أيهما أفضل ( ج الملك فيصل ) أو ( ج الدمام ) (https://vb.ckfu.org/showthread.php?t=761379)

DReex 2016- 8- 18 04:28 PM
أيهما أفضل ( ج الملك فيصل ) أو ( ج الدمام )
 
السلام عليكم ورحمة الله وبركاته



يآ أعضاء المنتدى الكرام , انا ابي فزعتكم وتوني جديد :biggrin:

حبيت اضيف موضوع أستفسر فيه عن الجامعة الافضل من جميع النواحي حيث الدرجات والمشاركات والتساهل بالأمور الدراسيه وغيرها الكثير , ولاحظت انه مافيه قسم بأقسام التعليم عن بعد يخص الإستفسارات فوضعته هنا ..

( أيهما أفضل جامعة الملك فيصل للتعليم عن بعد أو جامعة الدمام للتعليم عن بعد )

وياليت الي عنده معلومه أو اضافه يفيدنا فيها لأني مقبول بالجامعتين ومحتار بين أحد الخيارين لكي ( أخلي طرف من إحدى الجامعتين ) وأكمل بالثانيه .. " الوقت يداهمني "


ملاحظة : التعليم عن بعد وليس انتظام ..




وشاكر لكم :106:

ريم الباسم 2016- 8- 18 05:35 PM
رد: أيهما أفضل ( ج الملك فيصل ) أو ( ج الدمام )
 
كيف تخلي طرف انا كمان قريبتي مسجلتها في الثنتين وانقبلت في فيصل وسحبت ع الدمام معد دخلت لانها تبغى فيصل عادي والا لازم اسوي شي

Dode_282904 2016- 8- 18 05:39 PM
رد: أيهما أفضل ( ج الملك فيصل ) أو ( ج الدمام )
 
جامعة الملك فيصل من كل النواحي حيث فيه تطور كبير في طريقة التعليم
تحياتي

عبدالله الحربي0 2016- 8- 18 05:53 PM
رد: أيهما أفضل ( ج الملك فيصل ) أو ( ج الدمام )
 
جامعه الملك فيصل لازم تحل الواجبات عن طريق النت والمحاضرات المباشره والمسجله
هذه عليها 30 درجه وبالاختبار لازم تجيب على الورقه 30 علشان تنجح يعني 30 عن طريق الموقع و30 على الورقه المجموع 60

عبدالله الحربي0 2016- 8- 18 05:55 PM
رد: أيهما أفضل ( ج الملك فيصل ) أو ( ج الدمام )
 
جامعه الامام لازم تجيب على الورقه 60 علشان تنجح بدون محاضرات وواجبات هذا والله اعلم

ريمنقو 2016- 8- 18 06:01 PM
رد: أيهما أفضل ( ج الملك فيصل ) أو ( ج الدمام )
 
وعليكم السلام ورحمة الله وبركاته


بحكم اني درست في جامعة الدمام ودرسوا زملاء وأقارب بهذه الجامعه ( تعليم عن بعد )
فإنها بالنسبة لنا افضل ،، من حيث جودة التعليم وجودة المخرجات ..
وايضاً زملاء وأقارب يدرسون بجامعة الملك فيصل ويرونها افضل ..

نظام جامعة الدمام شبيه بجامعة الملك فيصل حيث ان اعمال السنة ٣٠ درجه موزعه على محاضرات مباشره ومسجله وواجبات اخرى ..
والاختبار النهائي اختياري من 70 درجه ..
الفرق بين الشهادتين ان جامعة الملك فيصل تكتب نظام التعليم ( انتساب ) واما جامعة الدمام تكتب ( تعليم عن بعد )


ب انبه على موضوعك لقراءة آراء اكثر حول هذا الامر ..

وردة جورية 2016- 8- 18 06:19 PM
رد: أيهما أفضل ( ج الملك فيصل ) أو ( ج الدمام )
 
الي انا اعرفه انه بجامعه الدمام في المحاضرات المباشره لازم تحضرها في وقتها غير عن جامعه فيصل تقدر تحضر بنفس الوقت او تخليها بوقت ثاني ،، جامعه الدمام ماعندهم مراكز اختبار لازم تروح للحامعه نفسها وتختبر لكن فيصل فيه عندها مراكز كثيييييره

DReex 2016- 8- 18 06:31 PM
رد: أيهما أفضل ( ج الملك فيصل ) أو ( ج الدمام )
 
اقتباس:
المشاركة الأصلية كتبت بواسطة ريم الباسم (المشاركة 1057295746)
كيف تخلي طرف انا كمان قريبتي مسجلتها في الثنتين وانقبلت في فيصل وسحبت ع الدمام معد دخلت لانها تبغى فيصل عادي والا لازم اسوي شي
ايه اختي اكيد لازم تسوي انسحاب أو اخلاء طرف لكي لايتم إلغاء الطلب حين اكتشاف انه تم قبولها بجامعه ثانيه من دون انسحاب هذا والله اعلم

DReex 2016- 8- 18 06:32 PM
رد: أيهما أفضل ( ج الملك فيصل ) أو ( ج الدمام )
 
اقتباس:
المشاركة الأصلية كتبت بواسطة dode_282904 (المشاركة 1057295748)
جامعة الملك فيصل من كل النواحي حيث فيه تطور كبير في طريقة التعليم
تحياتي
لاهنت حبيب قلبي :004:

DReex 2016- 8- 18 06:34 PM
رد: أيهما أفضل ( ج الملك فيصل ) أو ( ج الدمام )
 
اقتباس:
المشاركة الأصلية كتبت بواسطة عبدالله الحربي0 (المشاركة 1057295753)
جامعه الامام لازم تجيب على الورقه 60 علشان تنجح بدون محاضرات وواجبات هذا والله اعلم
اخوي المقارنه بين جامعة فيصل وجامعة الدمام , من وين جبت الإمام :16.jpg:

حبيب قلبي شوف أنا سمعت انه تقريبا بين الجامعتين نفس النظام هو انه يعتبر لك نصف ونصف بين المشاركات والاختبارات .. يعني تقريبا نفس الدعوه بالنسبة للدرجات

ويعطيك الف عافيه ع المشاركه :rose:

DReex 2016- 8- 18 06:37 PM
رد: أيهما أفضل ( ج الملك فيصل ) أو ( ج الدمام )
 
اقتباس:
المشاركة الأصلية كتبت بواسطة وردة جورية (المشاركة 1057295771)
الي انا اعرفه انه بجامعه الدمام في المحاضرات المباشره لازم تحضرها في وقتها غير عن جامعه فيصل تقدر تحضر بنفس الوقت او تخليها بوقت ثاني ،، جامعه الدمام ماعندهم مراكز اختبار لازم تروح للحامعه نفسها وتختبر لكن فيصل فيه عندها مراكز كثيييييره
هذي نقطه مهمه جداً , وهي انه أساساً انا ماسجلت تعليم عن بعد إلا لعدم تفرغي لوقتهم المحدد سواءً حضور المحاضرات أو غيره .. وأنا اعلن انسحابي منهم من الآن :smile:

شاكر لك أختي ويعطيك العافيه :icon19:

DReex 2016- 8- 18 06:47 PM
رد: أيهما أفضل ( ج الملك فيصل ) أو ( ج الدمام )
 
اقتباس:
المشاركة الأصلية كتبت بواسطة ريمنقو (المشاركة 1057295756)
وعليكم السلام ورحمة الله وبركاته


بحكم اني درست في جامعة الدمام ودرسوا زملاء وأقارب بهذه الجامعه ( تعليم عن بعد )
فإنها بالنسبة لنا افضل ،، من حيث جودة التعليم وجودة المخرجات ..
وايضاً زملاء وأقارب يدرسون بجامعة الملك فيصل ويرونها افضل ..

نظام جامعة الدمام شبيه بجامعة الملك فيصل حيث ان اعمال السنة ٣٠ درجه موزعه على محاضرات مباشره ومسجله وواجبات اخرى ..
والاختبار النهائي اختياري من 70 درجه ..
الفرق بين الشهادتين ان جامعة الملك فيصل تكتب نظام التعليم ( انتساب ) واما جامعة الدمام تكتب ( تعليم عن بعد )


ب انبه على موضوعك لقراءة آراء اكثر حول هذا الامر ..
الله يعطيك ألف عافيه اخوي ع التفصيل فيما بين الطرفين ,
وانا بالنسبه لي طرحت موضوعين بنفس الوقت بشكل غلط وبيني وبينك عجزت احذف هذا :verycute:
وتبين لي حينها ان الآراء تختلف بين ردك والردود في موضوعي الثاني حيث انه فيه ناس تقول ان الفرق بين الجامعتين الدمام لايوجد نظام اعمال السنه وماشابه .. بعكس الملك فيصل .. وبالمناسبه عرفت ان الشيء المهم هو جامعة الدمام تعطيك محاضرات إلزامية الحضور , يعني ماتحضرها على كيفك وفي أي وقت تشاء وهذا شيء لايرغبه أغلب الطلاب وأنا اولهم ... وبالنسبه لمسمى الشهاده هذي تعتبر ميزه حلوه أنها تكون انتساب ..



واتمنى اذا بالإمكان تنسخ المقال الي بيني وبينك وتضيفه بالموضوع الأنسب وتحذف الموضوع الآخر .. ( لتعم الفائده ) ولآني دخت اروح هناك وارجع هنا :biggrin:

والله لايهينك :106:

j e l L y 2016- 8- 18 07:07 PM
رد: أيهما أفضل ( ج الملك فيصل ) أو ( ج الدمام )
 
وعليكم السلام ورحمة الله


التساهل بالأمور الدراسية؟ جامعة الملك فيصل طبعا ً
جامعة تتساهل في الأسئلة لكن في حقوق الطالب ما تحصل منهم شيء

تبي شهادة وبس ادرس بفيصل لأن هالجامعة اسمها في الحضيض بفضل هذا التساهل الي تدورون عليه
تبي تحلل فلوسك وتجيب شهادة تستاهلها شد حيلك بنفسك ولا تنتظر أن المناهج تفيدك
الدكاتره أغلبهم إلا من رحم ربي ناسي المنهج وكل ترم له جواب يختلف عن الترم الي قبله ولا تناقشه لأنك مجرد طالب
آخر الترم تتفاجأ أن درجاتك منسوفه وتتظلم لكن ما يعطونك حقك لأن عدد الطلاب بالجامعة هائل و90% منهم مستهترين ونصابين ويرفعون تظلم علشان ممكن تصيب وممكن تخيب لكن هل ذاكروا واستحقوا الدرجات الي يتظلمون عليها؟ لا
هل الطالب المتفوق الصادق الي حصل خطأ في رصد علامته يتعوض؟ لا طبعا ً حقك يضيع ولسان حالهم يقول لك احمد ربي تساهلنا معكم وكررنا الأسئلة

لا تبحث عن التساهل ابحث عن جامعة منصفه تسمع للطلاب وما تضيع حقوقهم
التساهل الي تدورون عليه هو الي ضيعنا وضيع قيمة شهاداتنا

AL-ENAZI.A 2016- 8- 18 07:11 PM
رد: أيهما أفضل ( ج الملك فيصل ) أو ( ج الدمام )
 
اقتباس:
المشاركة الأصلية كتبت بواسطة dreex (المشاركة 1057295711)
السلام عليكم ورحمة الله وبركاته



يآ أعضاء المنتدى الكرام , انا ابي فزعتكم وتوني جديد

حبيت اضيف موضوع أستفسر فيه عن الجامعة الافضل من جميع النواحي حيث الدرجات والمشاركات والتساهل بالأمور الدراسيه وغيرها الكثير , ولاحظت انه مافيه قسم بأقسام التعليم عن بعد يخص الإستفسارات العامة فوضعته هنا ..

( أيهما أفضل جامعة الملك فيصل للتعليم عن بعد أو جامعة الدمام للتعليم عن بعد )

وياليت الي عنده معلومه أو اضافه يفيدنا فيها لأني مقبول بالجامعتين ومحتار بين أحد الخيارين لكي ( أخلي طرف من إحدى الجامعتين ) وأكمل بالثانيه .. " الوقت يداهمني "




ملاحظة : التعليم عن بعد وليس انتظام ..




وشاكر لكم:icon1::smile:
وعليكم السلام ورحمة الله وبركاتة
بالنسبه لجامعه الدمام مراكز الاختبار محدوده فقط بين الدمام ورفحا والخفي والحفر على ما اعتقد بغض النظر عن جامعه فيصل اللي بكل مدينه تحصل لهم مركز ماشاء الله والشي الثاني والاهم جامعه فيصل عندك 30 درجه مشاركات مضمونه ان شاء الله باليد والمتبقي على الورقه 70 درجه يعني بتفرق معاك بالمعدل ولو ترجع لجامعه الدمام مافيه مشاركه الدرجه كامله على الورقه فقط استخير وشوف الانسب لك وبالتوفيق للجميع

عبدالله الحربي0 2016- 8- 18 07:13 PM
رد: أيهما أفضل ( ج الملك فيصل ) أو ( ج الدمام )
 
ترى انا اقصد جامعه الامام

AL-ENAZI.A 2016- 8- 18 07:22 PM
رد: أيهما أفضل ( ج الملك فيصل ) أو ( ج الدمام )
 
هو جاه قبول بجامعه الدمام وجامعه فيصل ؟

DReex 2016- 8- 18 08:26 PM
رد: أيهما أفضل ( ج الملك فيصل ) أو ( ج الدمام )
 
اقتباس:
المشاركة الأصلية كتبت بواسطة mad hatter (المشاركة 1057295808)
وعليكم السلام ورحمة الله


التساهل بالأمور الدراسية؟ جامعة الملك فيصل طبعا ً
جامعة تتساهل في الأسئلة لكن في حقوق الطالب ما تحصل منهم شيء

تبي شهادة وبس ادرس بفيصل لأن هالجامعة اسمها في الحضيض بفضل هذا التساهل الي تدورون عليه
تبي تحلل فلوسك وتجيب شهادة تستاهلها شد حيلك بنفسك ولا تنتظر أن المناهج تفيدك
الدكاتره أغلبهم إلا من رحم ربي ناسي المنهج وكل ترم له جواب يختلف عن الترم الي قبله ولا تناقشه لأنك مجرد طالب
آخر الترم تتفاجأ أن درجاتك منسوفه وتتظلم لكن ما يعطونك حقك لأن عدد الطلاب بالجامعة هائل و90% منهم مستهترين ونصابين ويرفعون تظلم علشان ممكن تصيب وممكن تخيب لكن هل ذاكروا واستحقوا الدرجات الي يتظلمون عليها؟ لا
هل الطالب المتفوق الصادق الي حصل خطأ في رصد علامته يتعوض؟ لا طبعا ً حقك يضيع ولسان حالهم يقول لك احمد ربي تساهلنا معكم وكررنا الأسئلة

لا تبحث عن التساهل ابحث عن جامعة منصفه تسمع للطلاب وما تضيع حقوقهم
التساهل الي تدورون عليه هو الي ضيعنا وضيع قيمة شهاداتنا
كلامك في محله اخوي لكن رغم هذا كله تعتبر شهادتهم أقوى من غيرها , ماني عارف وش السر بالموضوع
وبالنسبه للشهاده فيه ناس تبي تستلمها وبس اسم انه يملك شهاده جامعيه وفيه ناس تبي تتعلم ولها اهداف بالشهاده ماتبي ورقه فقط .. وعلى حسب الكم الهائل الي قلته انت والله بديت اتخوف من هالجامعه لتهاونها بدرجات الطلاب وماتدري وش يحصل بالمستقبل من قرارات ضد هالجامعه وهي مهدده بإلغاء القسم الخاص بالتعليم عن بعد كلياً .. وشكرا لك :106:

DReex 2016- 8- 18 08:33 PM
رد: أيهما أفضل ( ج الملك فيصل ) أو ( ج الدمام )
 
اقتباس:
المشاركة الأصلية كتبت بواسطة عبدالله الحربي0 (المشاركة 1057295813)
ترى انا اقصد جامعه الامام
انا عارف لكن موضوعنا عن جامعات المنطقة الشرقيه .. ووجه المقارنه بينهن حيث أنه يعتبر كلهن واحد :love080:

DReex 2016- 8- 18 08:35 PM
رد: أيهما أفضل ( ج الملك فيصل ) أو ( ج الدمام )
 
اقتباس:
المشاركة الأصلية كتبت بواسطة al-enazi.a (المشاركة 1057295823)
هو جاه قبول بجامعه الدمام وجامعه فيصل ؟
إي نعم أنا جاني قبول بجامعة طيبه وجامعة فيصل وجامعة الدمام .. وجامعة طيبه الله لايعطيهم عافيه على نظامهم الإنتحالي لاني صارت لي قصه معهم والحمدلله اني ماكملت فيها بالمختصر جامعة ( ابوكلب ) وحراميه بالنسبه لي

سـلـطـان♕ 2016- 8- 18 08:47 PM
رد: أيهما أفضل ( ج الملك فيصل ) أو ( ج الدمام )
 
اقتباس:
المشاركة الأصلية كتبت بواسطة dreex (المشاركة 1057295841)
كلامك في محله اخوي لكن رغم هذا كله تعتبر شهادتهم أقوى من غيرها , ماني عارف وش السر بالموضوع
وبالنسبه للشهاده فيه ناس تبي تستلمها وبس اسم انه يملك شهاده جامعيه وفيه ناس تبي تتعلم ولها اهداف بالشهاده ماتبي ورقه فقط .. وعلى حسب الكم الهائل الي قلته انت والله بديت اتخوف من هالجامعه لتهاونها بدرجات الطلاب وماتدري وش يحصل بالمستقبل من قرارات ضد هالجامعه وهي مهدده بإلغاء القسم الخاص بالتعليم عن بعد كلياً .. وشكرا لك :106:
مع احترامي لــ اخونا كاتب الرد ولك اخوي لكن الشهادات وحدة في كل الجامعات بنظام الانتساب وقوتها وحدة خذ العلم مني في النهاية بيكون معك بكالوريوس ادارة سواً 4 سنوات من فيصل او 5 سنوات من عبدالعزيز الجهات الوظيفية ما فيها مفاضلة في الجامعات علشان نحكم ونقول جامعة عبدالعزيز احسن من فيصل او جامعة الدمام احسن من طيبة يعني مافي احصائية لـ افضل الجامعات وكل جامعة لها افضلية في النقاط للمتقدم عن الثانية في النهاية تعتبر طالب جامعي تحمل البكالوريوس ما عدى الجامعة الالكترونية والسبب بغض النظر عن نظامهم الدراسي الصارم الوثيقة حق التخرج تمنح بنظام الانتظام :(204):

منتسب 0509 2016- 8- 18 08:52 PM
رد: أيهما أفضل ( ج الملك فيصل ) أو ( ج الدمام )
 
أنا أشوف جامعة الملك فيصل أفضل .نصيحه لك

النك قيد الانشا 2016- 8- 18 09:24 PM
رد: أيهما أفضل ( ج الملك فيصل ) أو ( ج الدمام )
 
بالنسبة للكبار جامعة فيصل مناسبة ..... اما الطلاب صغار السن اللي محالفهم الحظ ومعدلاتهم مساعدت على قبولهم جامعة الدمام افضل لان عندهم فرصه قويه انهم يجيبون معدل 4 من 5 ويحولون انتظام .... وبتوفيق للجميع

ممموني 2016- 8- 18 10:40 PM
رد: أيهما أفضل ( ج الملك فيصل ) أو ( ج الدمام )
 
جامعه فيصل بشغله وحده
مسمى الوظيفه ( انتساب )

الدممام ( عن بعد ) غير معترف فيه بالخدمه المدنيه

ريمنقو 2016- 8- 18 11:00 PM
رد: أيهما أفضل ( ج الملك فيصل ) أو ( ج الدمام )
 
اقتباس:
المشاركة الأصلية كتبت بواسطة ممموني (المشاركة 1057295889)
جامعه فيصل بشغله وحده
مسمى الوظيفه ( انتساب )

الدممام ( عن بعد ) غير معترف فيه بالخدمه المدنيه
معترف به ..

تاج راسي امي 2016- 8- 19 12:43 AM
رد: أيهما أفضل ( ج الملك فيصل ) أو ( ج الدمام )
 
استغرب من اللي يقول درجاتي ملعوب فيها الحين على وشك تخرج ماقد صلحت ورقتي وماجات نفس الدرجة
المناقشات اتفق بس فيه خريطة تقدر تتاكد منها الواجبات احلها بالنظامين لان اوقات تختلف بلاك بورد عن الافتراضي وهذا اما بالحق هم يعطونك اياها و حتى لمن نرفع اعتراض و يكون العدد اكثر من 100 لتاكيد الموضوع يبحث فيه بلجنة متخصصة
فعلاً الانسان ما يرضيه شي
الشي المعيب فقط بجامعة فيصل هي الانظمة و الدخول عليها و التأخر بالنتائج فقط لا اكثر

reaching higher 2016- 8- 19 02:17 AM
رد: أيهما أفضل ( ج الملك فيصل ) أو ( ج الدمام )
 
اقتباس:
المشاركة الأصلية كتبت بواسطة mad hatter (المشاركة 1057295808)
وعليكم السلام ورحمة الله


التساهل بالأمور الدراسية؟ جامعة الملك فيصل طبعا ً
جامعة تتساهل في الأسئلة لكن في حقوق الطالب ما تحصل منهم شيء

تبي شهادة وبس ادرس بفيصل لأن هالجامعة اسمها في الحضيض بفضل هذا التساهل الي تدورون عليه
تبي تحلل فلوسك وتجيب شهادة تستاهلها شد حيلك بنفسك ولا تنتظر أن المناهج تفيدك
الدكاتره أغلبهم إلا من رحم ربي ناسي المنهج وكل ترم له جواب يختلف عن الترم الي قبله ولا تناقشه لأنك مجرد طالب
آخر الترم تتفاجأ أن درجاتك منسوفه وتتظلم لكن ما يعطونك حقك لأن عدد الطلاب بالجامعة هائل و90% منهم مستهترين ونصابين ويرفعون تظلم علشان ممكن تصيب وممكن تخيب لكن هل ذاكروا واستحقوا الدرجات الي يتظلمون عليها؟ لا
هل الطالب المتفوق الصادق الي حصل خطأ في رصد علامته يتعوض؟ لا طبعا ً حقك يضيع ولسان حالهم يقول لك احمد ربي تساهلنا معكم وكررنا الأسئلة

لا تبحث عن التساهل ابحث عن جامعة منصفه تسمع للطلاب وما تضيع حقوقهم
التساهل الي تدورون عليه هو الي ضيعنا وضيع قيمة شهاداتنا

اخوي .. بالغت و اجحفت بحق الجامعة و حق اخوانك الطلبة ..

.. 90% مستهترين و مايذاكرون و يرفعون تظلم .. ايش دراك عنهم كلهم؟
انت اذا عرفت 50 و لا 100 طالب كذا .. يمثلون انفسهم مايمثلون 11 الف طالب.
ايقونة التظلم وضعت لحفظ حق الطالب ..
السؤال اذا صح .. بيرصد لو اشتكوا كل الطلبة.
و السؤال اذا فيه خطأ .. يحسبونه للجميع.

مسأله طلبه مايذاكرون و ينجحون... هذا شئ مو خاص بجامعة فيصل قسم الانتساب .. بكل الجامعات و بالانتظام بتلقى هالفئة من الطلبة.
سواء ساعدتهم اسئله بعض الدكاتره المتساهلين او حظهم.

و العكس صحيح ايضا ..فيه دكاتره اسئلته صعب فيها التفوق. ايضا مثل اي جامعة.


جامعة الملك فيصل اسمها معروف و تأخذ مراكز متقدمة في ترتيب الجامعات السعودية في كذا مناسبة. و هذا تصنيف من اهل الاختصاص.

يكفيك انك كطالب .. تعرف انها تشجعك على الدراسه و التفوق
بمكافأت التفوق .. شخصيا ماسمعت بهالشى بالجامعات الثانيه.

و موفرة لك مراكز الاختبار بكل مدينه تقريبا و بدون رسوم.

رسوم الدراسه هنا تعتبر ضمن اقل الرسوم مقارنة بالجامعات الثانيه. و تمدد فترة التسديد من بداية الترم الى قبل الاختبارات. و بعد تقدر تختبر و انت ماسددت.
مقابل جامعات قبل يفتح النظام بدايه الترم لازم تسدد اللي عليك و لا مافيه دراسه.

جامعة فيصل عندها استعداد تأخذ و تعطي و تتراجع بأي قرار يمس الطلبة. مثل قسم ادارة الاعمال قبل كم سنة لما بغوا يغيرون المسمى.

جامعة الملك فيصل بدون شك اعطتنا فرصة عشان نكمل دراستنا و سهلت لنا كل الصعوبات كطلبة انتساب.
اما الطالب فهو مسئول عن نفسه اذا بيأخذ الشهاده عن جدارة او لا.


ما انكر ان فيه اخطاء تحصل هنا و هناك . بس وين الجامعة اللي نظامها 100%. مالك حق اخوي تصادر كل الحسنات مقابل كم خطأ بالنظام.


الله يوفقنا و ياك.

DReex 2016- 8- 19 04:54 AM
رد: أيهما أفضل ( ج الملك فيصل ) أو ( ج الدمام )
 
الله يعطيكم العافيه جميع من شارك بهذا الموضوع ..

وانا من ناحيتي أستنتجت أن الأغلبيه تقيم لصالح جامعة الملك فيصل ,
وشاكر لكم حسن التعاون
وأسأل الله ان يوفقنا وإياكم .. لنا لقاء بالاختبارات :d

Askazya 2016- 8- 20 09:34 PM
رد: أيهما أفضل ( ج الملك فيصل ) أو ( ج الدمام )
 
يعني اللحين جامعة ملك فيصل التعليم عن بعد المطور
بالشهادة يكتبون انتساب !!!!!!!!!!!!!!!

DReex 2016- 8- 21 04:07 AM
رد: أيهما أفضل ( ج الملك فيصل ) أو ( ج الدمام )
 
اقتباس:
المشاركة الأصلية كتبت بواسطة askazya (المشاركة 1057296606)
يعني اللحين جامعة ملك فيصل التعليم عن بعد المطور
بالشهادة يكتبون انتساب !!!!!!!!!!!!!!!
بالضبط :(204):

منتسب 0509 2016- 8- 21 05:42 PM
رد: أيهما أفضل ( ج الملك فيصل ) أو ( ج الدمام )
 
فيصل ولاتشاور

المدى البعيد 10 2016- 8- 21 09:08 PM
رد: أيهما أفضل ( ج الملك فيصل ) أو ( ج الدمام )
 
جامعة فيصل افضل جامعة في السعودية تقدم الانتساب "عن بعد "
لايوجد جامعة تقدم الانتساب بشكل اقوى وافضل من جامعة فيصل
جوائز عديدة حصلت عليها الجامعة في هذا المجال
من الامارات ومن بريطانيا

https://www.kfu.edu.sa/ar/Spaces/afr...es/userPic.jpg

http://static2.ealriyadh.com/media/c...757e173766.jpg


All times are GMT +3. الوقت الآن حسب توقيت السعودية: 03:43 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه