|
اداره اعمال او انجليزي رايكم لاهنتم
السلام عليكم ورحمة الله وبركاتة
بالنسبه للتخصصين المطروحه للانتساب عن بعد رايكم فيها من ناحيه الصعوبه والمشاكل اللي واجهتوها انا ان شاء الله بسجل السنه ذي بالعلم العام الماضي قبلت وعند ارسال الاوراق بلغوني عدم قبلوك لعدم ارسال شهاده الثانوي الاساس والسنه هاذي ولله الحمد تم فتح القبول للانتساب عن بعد بعد ما اخذ الموضوع طويلا بين اغلاق الانتساب عن بعد وفتح القبول اغلب المتخصصين يشتكون من ماده الرياضيات باداره الاعمال من ناحيه الصعوبه انا اسعى للشهاده فقط لتحسين المرتبه الوظيفيه وطرحت الموضوع نشوف رايكم الانجليزي الحمد لله اللغه الانجليزيه مقبوله عندي رايكم بارك الله فيكم من ناحيه التخصصين والتجارب اللي مريتو فيها وجزاكم الله خير واسف على الاطاله دمتم بود |
رد: اداره اعمال او انجليزي رايكم لاهنتم
توكل على الله و اختر اللي رح يفيدك بوظيفتك
|
رد: اداره اعمال او انجليزي رايكم لاهنتم
اللغه الانجليزية عدد المواد اكثر بس عدد الساعات متساوي بمعنى انك في ادارة الاعمال لديك ٤٦ مادة خلال ٤ سنوات
بينما اللغه الانجليزية لديك ٦٢ مادة خلال ٤ سنوات انت وميولك وقدراتك انا خريج ادارة اعمال الحمدلله المواد كانت بين سهلة ومتوسطة وبعض المواد صعوبتها لان الدكتور يكون يقوم بمجرد القراءه ولا يقوم بالشرح من خلال تجربتي الدكتور اللي يكون جزائري او مغربي يكون شرحه صعب لان لديه مشكله باللغة العربيه كما انه يحاول تصعيب المادة ولو كانت سهله الدكاترة السعوديين ما شاء الله عسل ما عدا الدوغان يضع أسئلة مستفزة عموما كانت تجربه جيده لكن ينقص الجامعه ان يكون للخريجين بوابه على موقع الجامعه عشان نتخلص من سالفة صورة طبق الأصل والتي انتهت منذ القرن الماضي وجميع الجامعات لديهم بوابه للخريجين ما عدا جامعتنا |
رد: اداره اعمال او انجليزي رايكم لاهنتم
اذا عندك ميول للرياضيات والمواد الحسابيه وتشوف انك تعدي فيها توكل على الله وادخل اداراه واذا تشوف انك ماتقدر ولاراح تمشي فيها ادخل انجليزي التخصصين ماهي سهله بس شوف الي تميل له هو الي راح تمشي فيه بالتوفيق
|
رد: اداره اعمال او انجليزي رايكم لاهنتم
انا طالب ادارة اعمال وهذا باذن الله راح يكون ثاني سمستر لي.. وماعندي الخبرة الكافية اللي تخليني افيدك.. لكن انا راح اتلكم من خلال تجربتي في السمستر الاول الماضي..
شوف بشكل عام مافيه شي اسمه سهل وشي اسمه صعب في الدراسة يعني اذا راح تذاكر اول باول وما تراكم شي على نفسك راح يكون الوضع عليك سهل وسلسل باذن الله لكن اذا خليت المذاكرة والمراجعة الى قبل الاختبار باسبوع او اسبوعين طبيعي راح تتعب ويكون كل شي قدامك صعب وصعب جدا.. لكن لو خصصت كل يوم من ايام الاسبوع ساعة الى ساعة ونص الامور راح تكون عال العال.. اذا تسال عن الرياضيات فا كمقرر الرياضيات راح يكون معاك في المستوى الاول فقط في ادارة اعمال وللامانة الدكتور جدا جدا مميز في الشرح ورااائع.. يعني لو انت مثلا ماتحب الرياضيات او من زمان عنها صدقني راح تكون سهله عليك.. بس تحتاج لورقه وقلم وتحل معاه اول باول الامثله اللي بالمحاضرة لانها تحتاج تطبيق.. مشكلة الدكتور الوحيدة كانت بالاختبار فقط.. لانه جاب اسئلة سهلة لكن حلها يحتاج لوقت اطول.. وعشان كذا الاغلب طلع وهو زعلان لكن اتوقع ان نسبة كبيرة نجحت ولله الحمد.. انا عانيت فقط في مادة الاقتصاد الجزئي والسبب هو الدكتور فقط.. لان هالدكتور للاسف يفكر ان الطلاب (خُبراء اقتصاديين) وجايين يبون يضيعون وقت او يبون بس يسوون ابديت لمعلوماتهم جدا بخيل في الشرح وتوصيل المعلومة.. يعطيك نص المعلومة ويقولك ارجع للكتاب.. ومع كذا ولله الحمد نجحت فيها وبدرجة جيده اذا حاب تدرس وتسجل توكل على الله وماراح نندم اذا صعب عليك شي الشباب هنا ماراح يقصرون الملخصات منتشره في المنتدى هنا والاخوان جدا جدا متعاونين بس يحتاح منك انك تفضي نفسك كل يوم ساعة الى ساعة ونص للمذاكرة وامورك تمام باذان الله |
رد: اداره اعمال او انجليزي رايكم لاهنتم
من وجهة نظري ادارة الاعمال علشان ترقيتك في الوظفيه
او سجل انجليزي اذا بتدخل سلك التعليم وبتوفيق ان شاء الله |
رد: اداره اعمال او انجليزي رايكم لاهنتم
اقتباس:
|
رد: اداره اعمال او انجليزي رايكم لاهنتم
انا اسألك اش رغبتك تدرس اداره ولا انجليزي ؟
اهم شي الرغبه وكل التخصصين لازم تواجهه صعوبات لكن اذا حبيت اللي تخصصته راح تجتازها بأمتياز التخصصين قويه لها مستقبل ، كلها مجالات مختلفه اذا بتحسن مستواك الوظيفي من رائي االانجليزي اقولك ليش ؟ عشان تطور نفسك بلغه غير لغتك الام راح تستفيد من التخصص بحياتك بسفراتك او اي مكان يتطلب تتحدث اللغه تجربتي بالتخصص جميله يارب لك الحمد ، في موادد سهله وفي ممتعه ، في مواد ماا اقول صعبه لكن الدكاتره اللي يعقدون لك الاسئله بس الحمدلله استفدت وتخرجت بتوفيق وصل استخاره .. |
رد: اداره اعمال او انجليزي رايكم لاهنتم
انا اشوف ان ادارة اعمال تنفعك بالترقيه لانها تخصص ادآري
من ناحية الصعوبه ابد مع نظام بلاك بورد كل شي سهل تحضير مواد وواجبات ومناقشات وقبل الاختبار تكون فيه مساعدات وكويزات واشياء كثيره الدراسه بصفه عامه جدا سهله وتجتازها بنجاح اما الانجليزي اذا انت انسان مقبول في لغتك راح تجد صعوبه بالدراسه |
رد: اداره اعمال او انجليزي رايكم لاهنتم
اشكركم على تفاعلكم ولاكن ان شاء الله بنشوف مسارنا بالانقلش الحمد لله اللغه ماشي وضعها معي مو التوب ولاكن تجمل بالنسبه للاداره فيها احصاء واستخدام الحاسبه يعني بياخذ جهد ووقت كبير من غير المواد الثانيه اسال الله لي ولكم التوفيق
|
رد: اداره اعمال او انجليزي رايكم لاهنتم
الادارة صعب شوي
لان فيه مواد كثيرة يدخل فيها الرياضيات والمعادلات وطالما انك متمكن من الانجليزي اتوكل على الله وادخل هالتخصص |
رد: اداره اعمال او انجليزي رايكم لاهنتم
اقتباس:
وانا ما تحسفت اني دخلت أدب إنجليزي والحمدلله تخرجت وحبيت للتخصص وتوقفت والله يوفق ويسر للجميع ❤🌹❤🌹 |
رد: اداره اعمال او انجليزي رايكم لاهنتم
المشكله التخصص الانسب للموظفين بشكل عام هو علم اجتماع وموقف بكل الجامعات التعليم عن بعد من سنتين تخصص حلو وخصوصا تاخذ بطاقه اخصائي من مستشفى كتطبيق وتنفع بالمجال الوظيفي كثير ورواتب حلوه جدا الكلام هل فيه مجال بعد اول ترم او اول سنه مسموح التحويل او لا
|
رد: اداره اعمال او انجليزي رايكم لاهنتم
ترا حتى الانجليزي فيه احصاااء
الاحصاء شر لابد منه هنا والا هنا الزبده مو بالتخصص والا كلمة سهل وصعب من اي واحد الزبده هل انت صامل ومستعد وبتاخذها بجديه وتحضر وتشارك بتسهل عليك القسمين |
رد: اداره اعمال او انجليزي رايكم لاهنتم
بدر انت تخصصك اداره اعمال ايش المواد الثانيه اللي واجهت فيها صعوبه غير الاحصاء :mh12::mh12:
|
رد: اداره اعمال او انجليزي رايكم لاهنتم
مافيه شي صعب << فيه بعض المواد الشباب يقولون صعبه وانت اذا درستها بتحس انها بقمممة السهوله
وشوف الي مناسب لميولك وبالتوووفيق |
رد: اداره اعمال او انجليزي رايكم لاهنتم
ما في قسم سهل كذالك ما في قسم صعب كل قسم فيه
مواد صعبة كذالك مواد سهلة هنا يعتمد على ميولك اذا انت تحب ادارة او انجليزي اتبع ميولك افضل موفق |
رد: اداره اعمال او انجليزي رايكم لاهنتم
ادارة اعمال مناسبة لك احسن من الانجليزي ..!!
|
رد: اداره اعمال او انجليزي رايكم لاهنتم
حدد الاسباب للدراسة كي نقول لك اين ستتجه واترك عن سالفت صعب او سهل
|
رد: اداره اعمال او انجليزي رايكم لاهنتم
مافي شي صعب ، اراء ا لناس هي الي تشتت تركيز الواحد لان كل واحد له وجهت نظر مختلفه وتجربته الخاصه فيه , الطلبه الي درسوا اول ترم يعتقدون ادارة الاعمال صعبه وفي الحقيقه انه هذي هي البدايات المنطقيه لأي شي جديد على اي شخص يكون فيه نوع من الصعوبه ويبذل فيه جهد أكبر وتكون الدراسه كل يوم تقريبا لكن مع الوقت لن تحتاج الى وقت طويل للمذاكره وتستطيع تقليص الوقت الازم لتحضير لفترة الاختبارات بشكل كبير وتجتاز بتفوق ايضا ,,, المقصد مافي شي صعب ولا تفكر من منطلق وش الشي الي راح تبدع فيه وتجتازه بسهوله المهم في اعتقادي وش الشي الي بينفعك من وجهة نظرك بعد التخرج لأن في النهاية التعب واحد والدراسه اربع سنووات .. ملاحظه كثير من طلبة ادارة الأعمال أجلوا مادة ا لانجليزي والي هي المفروض ناخذها بسنه الأولى الترم الثاني الى اخر ترم .. لأن البعض كان يشفهونها صعبه |
رد: اداره اعمال او انجليزي رايكم لاهنتم
اقتباس:
|
رد: اداره اعمال او انجليزي رايكم لاهنتم
اقتباس:
|
| All times are GMT +3. الوقت الآن حسب توقيت السعودية: 11:13 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام