|
كثر الدق يفك لحام التروم الصيفي
السلام عليكم ورحمة الله وبركاته
ياخوان تعرفون فترة الصيف والإجازه طووووووويله جداً والواحد المفروض يستغلها احسن استغلال لذالك لنوحد الصفوف والكلمه ونطالب ادارة الجامعه بترم صيفي خصوصاً اننا طلاب انتساب يعني مافيه حظوووور وقروووشه وتعب ففط تجي وتختبر وتمشي وهذا شيء يميزنا احنا طلاب الأنتساب اتمنى الكل يراسل الفريدان وهذا ايميله afridan@kfu.edu.sa طبعاً مايهم طريقة الرساله واسلوبك فيها اهم شيء توصله انك تبغى ترم صيفي وكل واحد يرسل بأسلوبه وطريقته الخاااصه ومع كثرة رسايل بإذن الله يفتحون لنا ترورم الصيفي |
رد: كثر الدق يفك لحام التروم الصيفي
احد يعرف مسؤلين في الجامغة ممكن تكون عنده واسطة؟
|
رد: كثر الدق يفك لحام التروم الصيفي
وعليكم السلام ورحمة الله وبركاته انسوا موضوع الصيفي مانزلوا صيفي والميزانية فوق 2 مليار! بينزلونه الحين لما صارت مليار ونصف ؟ من انتهت الاختبارات إلى الآن فوق 50 موضوع عن الصيفي بـأحب أقول لكم شغلة بحكم عملي في جامعة مافي جامعة ترضخ لطلبات طلبتها وبما إن الصيفي يحتاج عقد مجلس جامعة وموافقة ورفع ... إلخ غير كذا والأهم ( $$ ) راح يكلف الجامعة مبالغ طائلة وأساساً المتضررين من الصيفي الموظفين والمنتفعين أعضاء هيئة التدريس |
رد: كثر الدق يفك لحام التروم الصيفي
مواضيع الصيفي كثرت
ومحد حولكم وهاذي سياسة الجامعه تبي بدون صيفي ومافيه امل لو واحد بالميه بالتوفيق |
رد: كثر الدق يفك لحام التروم الصيفي
اقتباس:
رسوم الطلاب وحدها تغطي الصيفي وزيادة : ) لا ما أعتقد السبب مادي هناك أسباب أخرى والله أعلم ! |
رد: كثر الدق يفك لحام التروم الصيفي
اقتباس:
تبيهم يدفعون من رسوم الطلاب عشان يسوون ترم صيفي هههههه رسوم الطلاب تمويل ذاتي للجامعة يعني دخل إضافي تغطي فيه مصاريفها توظيف على بند التمويل الذاتي مكافآت خارج دوام من التمويل الذاتي مكافآت للجان عمادة التعليم عن بعد ( أساتذتنا يعني ) العهد المؤقتة ( عهد المناسبات - الاحتفالات - المؤتمرات - المعارض الدولية ) وأشياء كثير ما تقدر تصرفها الجامعة من الميزانية العامة ومافي أي جامعة صاحية تدفع ملايين من التمويل الذاتي عشان ترم صيفي |
رد: كثر الدق يفك لحام التروم الصيفي
الصيفي متوقف على مدرسين المقررات
وبما انهم مريشين اكيد ما راح يحتاجون صيفي وراح يتمتعون مع اسرهم في الاجازة لأنه ما راح يفتح صيفي الا بموافقة مدرس المقرر اذا ما وافق ما راح يفتح الصيفي ابداً ابداً ابداً ولا تفكرون فيه |
رد: كثر الدق يفك لحام التروم الصيفي
يا شباب الصيفي اعلنوا عنه لكن فقط للانتساب حسب خطة الفصل الصيفي لهذه السنة مع الأسف
الانتساب أو التعليم عند بعد ما له في الفصل الصيفي نصيب، و سبق اني راسلت الفريدان و رد علي بأن الموضوع محتاج صلاحية أكبر من صلاحيتهم و توجهت بالإرسال لمدير الجامعة لكن للأسف ما فيه تفاعل و لا رد لي أكثر من أسبوعين،،، إذا لكم مطالبات وجهوها لمدير الجامعة أو للوزير هذا من أبسط حقوقنا و مالهم فضل لأننا نتعلم مع الأسف بفلوسنا في جامعة حكومية ؟؟ فالمفروض يكون لنا رأي و نشارك الجامعة بالقرار،،، تحياتي للجميع و حليفنا التوفيق اجمعين من رب العالمين. |
رد: كثر الدق يفك لحام التروم الصيفي
اقتباس:
تقصد للإنتظام فقط أخي |
رد: كثر الدق يفك لحام التروم الصيفي
انا أتذكر عندنا اذا اردنا فتح فصل صيفي بالكلية
نعلن للطلاب ونضع ورقة فيها جدول يكتب الطالب اسمه والمواد الي راح يسجلها وبعد كذا نرفع الأوراق ثم الأقسام تشوف عدد الطلاب بكل ماده ويتفاهمون مع مدرس المقرر اذا موافق او لا اذا وافقوا مدرسين المقررات يتم الإعلان عن الفصل الصيفي والمواد الي راح تنزل لذلك مالكم الا انكم ترسلون اسمائكم او ارقامكم الاكاديمية مع موادك المتبقية وانك مستعد تسجل أي مادة من المواد المتبقية او ترسل موادك الي راح تسجلها وكل طالب نفس الحكاية ممكن بها لطريقة تفيد يشوفون عدد الطلاب و المواد الي ممكن على ضوئها يتم فتح الفصل الصيفي مع موافقة مدرس المقرر |
رد: كثر الدق يفك لحام التروم الصيفي
والله الكل محتاج الصيفي
لكن حتى لو نراسلهم ليل ونهار وايميلات وتويتر اذا هم مو مجهزين من قبل ومرتبين مع الدكاتره وموافقين الدكاتره انه بيكون في صيفي هالسنه مستحيل بيكون في فائده حتى لو راسلنهم الله يوفق الجميع يارب |
رد: كثر الدق يفك لحام التروم الصيفي
رسلت للفريدان والرد سريع والي ههههه
نفس المعروض الطويل العريض المنتشر في المنتدى |
رد: كثر الدق يفك لحام التروم الصيفي
والله لو ذا اللحام بينفك كان انفك من يومنا بالمستوى الثاني وحطوا صيفي قدنا فالسابع
|
رد: كثر الدق يفك لحام التروم الصيفي
كل سنه نطالب بالصيفي ومحد عطانا وجه
|
رد: كثر الدق يفك لحام التروم الصيفي
استمروا بالمطالبه وارسلوا رسايل للدكتور ولاتلتفتوا للمحبطين
|
رد: كثر الدق يفك لحام التروم الصيفي
الإجازة طويلة مستعدين نأخذ صيفي بس من يسمع
|
رد: كثر الدق يفك لحام التروم الصيفي
فعلا ....!!! لو بيفتحون ترم صيفي كان أكد الدكتور عبدالله الفريدان هذا الشي من زمان .... أنا من أشد المحتاجين للترم الصيفي لأن عندي مواد من المستويات الللي راحت أجلتها وما بقي لي إلا سنه وشكلي على كذا يمكن اضطر ادرس مستوى تاسع ....... مافيه أمل بالمره خسااااره !
|
رد: كثر الدق يفك لحام التروم الصيفي
نبي صيفي بمشروع التخرج نرفع المشاريع وإذا جو من الاجازه يعطونا النتايج مشروع التخرج ماله اختبار وبعدين يقدرون كل المستويات ياخذونه
|
رد: كثر الدق يفك لحام التروم الصيفي
لو تطالبون من اليوم لبكره مافي صيفي يتم بين يوم وليلة
هي مره وحده صار فيه صيفي وليته ما صار ما قدرنا نسجل مواد لان المواد اللي نزلت تخصص عام وكل الاقسام يبون يسجلونها |
رد: كثر الدق يفك لحام التروم الصيفي
كثر الدق يصنع السيوف
|
رد: كثر الدق يفك لحام التروم الصيفي
لاحول ولا قوة إلا بالله
|
| All times are GMT +3. الوقت الآن حسب توقيت السعودية: 02:47 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام