|
مضغوط نفسيا
السلام عليكم اخواني شلونكم اليوم خلصت اختياراتي اخواني انا في هم لا يعلم به الا الله سبحانة عشان موضوع اني تأخرت بالجامعة هو المفروض ان متخرج الترم الماضي بس ربي مااراد واحتمال اتخرج الترم الجاي اذا ربي راد هذا غير الناس وأخوياي اللي ماعندهم غير هالسالفة والضحك والاستهزاء فيني عشاني ماتخرجت وهم تخرجوا ماشاء الله عليهم يقولون لي انت الظاهر تبي تصير معيد والثاني يقولي رح خذ لك دورة البكالريوس بعيد عليك ومن هالكلام حبطوني للامانة بس ماحبيت ابين لهم على اني خلصت الاختبارات اليوم والحمد لله هالترم بلنسبه لي جيد الا ان كلامهم حبطني والحمد لله على كل حال وادعولي
|
رد: مضغوط نفسيا
ليشش ماعندك ثقة بنفسك تسمع كلام الناس
وبعدين كلامهم كله مزح لاتصير حساس موضوع مادري وش يبي |
رد: مضغوط نفسيا
روى مسلم في صحيحه عن رسول الله صلى الله عليه وسلم أنه قال : (( من سلك طريقاً يلتمس فيه علماً سهل الله له به طريقاً إلى الجنة )) وش تبي اكثر من كذا طنش كلام الناس واكسب رضا الله عليك |
رد: مضغوط نفسيا
انت تريد وانا اريد والله يفعل مايريد
علعموم بالنسبه للاحباط هذي مشكلتك انت انت اللي تحبط نفسك المفروض ماتسمع كلام احد سواء محبط او غيره اهم شي انت مقتنع باللي تسويه سواء نجحت بمستوى عالي او منخفض فالشي هذا يرجع لمجهود الشخص واجتهاده واذا انت في هم صل ركعتين وبر والديك يروح الهم وتزين امورك كلها فالك التوفيق والنجاح والتخرج |
رد: مضغوط نفسيا
اخي الكريم
محد يحس بوجع الشهاده الا راعيها يعني لما فكرت تدخل جامعه وتصير جامعي ، يعني فيه ندم على ايام مرت كنت مقصر بحق دراستك ، هذي فرصصه من ربي ، هل كلام فئة مثل هذي بيخليك تضيع هذي الفرصه الحياه فرص ، والآن انت اكبر وافهم يعني مهما حصل او نجلس ٧ سنين ، اهم شي بالاخير الشهادة ، خل كلامهم حافززز يقويك ويساعدك على انك تكون جامعي وتحقق حلمك ورغباتك ؛: كلنا نعاني من ضغوط مهما اختلف شكلها الا ان الندم على مافات ، يجعل هذه الفرصه اكبر همنا اتمنى يكون كلامي دافع ايجابي لك كل تمنياتي بالتوفيق |
رد: مضغوط نفسيا
يارجال عساك سالم والله مسجل بالجامعه 1429هـ في الامام ولا عرفت اتخرج
وسجلت بفيصل عام 2013 مفروض اني خريج المستوى الجاي وانا بمستوى سادس الحين بس عادي التقصير مني وبكمل ولايهمني كلام اي احد وسع صدرك وكمل والي يتشمتون بك خلهم يشربون من البحر |
رد: مضغوط نفسيا
خلاص هانت باقي ترم وتتخرج وترتاح نفسياً
|
رد: مضغوط نفسيا
ياأخوي لاتفكر في كلام الناس عليك من نفسك وإلي أنت مقتنع فيه ..
أخوي الله يرحمه جلس خمس سنوات وباقي له سنتين ومأجل هذا الترم ولكن ماله نصيب يكمل جامعه وتوفى قبل ثلاثه أسابيع الله يرحمه وكنت دائما أقوله عن الجامعه وأبغاه يخلص بدري بس كان مقتنع وش كان يسوي وماله في كلام أحد وإنت خليك مقتنع باالشي إلي تسويه وماعليك من كلام الناس لأنهم يبغون يحطمونك فاأنت أسمع كلامهم وأرميه وراء ظهرك .. دعواتكم لأخويه باالرحمه والمغفره .. |
رد: مضغوط نفسيا
- لا تخلي كلام الناس يتحكم في طموحاتك ، رغباتك هم تخرجو انا ما تخرجت هذه ارادة رب العالمين شرف انك تدرس و تحاول احسن من انك تقعد هي فرصه عض عليها و لا تضيعها و صدقني نهاية هالتعب فرحه و رضا نفسي طويل آتمني لك التوفيق |
رد: مضغوط نفسيا
مزح الرجال اللي مدري شلون قايل !! خخخخخ
طيب ! الحمدلله باقيلك ترم عادي العبره بللي بعدها تبدا رحلة الوظيفه ان شالله |
رد: مضغوط نفسيا
صديقك من صدقك لا من صدقك
الكل يطبطب عليك خلني انا اواجهك انت وضعك هذا اسمه دراما كوين الشيء اللي يأثر على نفسيتك يوم تنقله لناس انت ماتعرفهم وهم مايعرفونك هذا اسمه استجداء للعاطفه اذا مافي احد بمحيطك اهل لانك تشكيله وجاي للعالم الافتراضي تشكي فصدقني وانا اخوك المشكله فيك مو فالناس اللي حولك احيانا نحتاج احد يصدمنا عشان نصحى ادعلي او ادع علي i don't care بالتوفيق لك اقولها من كل قلبي |
رد: مضغوط نفسيا
وعسى ان تكرهوا شيئا وهو خير لكم
اقولك انا اليوم ماذاكر اختبارنا لظروف خاصه بس ذاكرت اسئلة الاختبارات السابقه وسبحان الواحد الاحد قدرت احل مع اني لو ذاكرت المنهج مثل طلاب المستوى اللي معي رااااح اجيب العيد خل عندك ثقه بربك وادعيه ييسرلك الخير |
رد: مضغوط نفسيا
عادي ي اخوي انا من سجلت بالجامعه والكل ينتقدني
ويحاولون يحبطوني وان التعليم عن بعد ماله مستقبل والحمدلله طنشت كلامهم وكملت والحمدلله باقي لي سنه واتخرج بقناعتي انا وان شاء الله تفرح قريب بتخرجك وربي بيرزقكك ع قد تعبك |
رد: مضغوط نفسيا
ياخي طنششش
|
رد: مضغوط نفسيا
انا اعرف واحد شخصيا تخرج بعد 7 سنين ونص كان يقولون شكلك خوي العميد والحين أخصائي بوزارة الصحة وراتبه فوق 12 الف
|
رد: مضغوط نفسيا
سويت تعديل لردي على بالي موضوعك عن شهادة الانتساب تو ادقق
االموضوع عادي ي خوي الخيره فيما اختاره الله وتأخر ترم او ترمين شي عادي تفائل |
رد: مضغوط نفسيا
شكلك حساس
وين تخصص علم اجتماع يعطونك الحلول حتى موضوعك غامض مدري انت تمزح او تشتكي ماعرفنالك هههههههههه |
رد: مضغوط نفسيا
شفلك أخويا غيرهم |
رد: مضغوط نفسيا
إذا شفت الشهادة بين يديك راح تنسى التعب والكلام السلبي وش فرقت تتخرج هالترم والا الي بعده دام النتيجة وحده وهي الشهادة الجامعية غير هذا مو مهم ، كيف وكم استغرقت عشان تاخذها ماتفرق بعدين كلمة معيد فال طيب ماشاء الله ههههههه
تفائلو بالخير تجدوه :) |
رد: مضغوط نفسيا
زعلان عشانك ماتخرجت الترم الي راح؟؟؟
احمد ربك انا بهالجامعه من 2010 والمفترض متخرجة 2013 ورسبت الترم الي راح بسبب المقالي وانظلمنا مع هالاسئله ومازلت اجاهد وكلن يتشمت من جهه لكن ربي عالم بجهودنا قد ايش نكافح ناهيك عن المسؤوليات بالبيت ماعليك منهم وشد حيلك ولا كانك تسمع |
رد: مضغوط نفسيا
بإذن الله انت والإخوه والأخوات نفرح بنجاحكم وتخرجكم
بالتوفيق لك وللجميع |
رد: مضغوط نفسيا
الصحة و العافية
أعظم نعمة من رب العالمين كل شيء في الحياة يهون إلا فقد العافية المكان إلي يسبب إزعاج ابتعد عنه وإذا ما تقدر لا تتكلم معهم للأسف الكل يعاني من الكلام السيء حتى من المقربين سواء فشل بالدراسة ، الزواج ، الاولاد في ناس عندها حروب ، إعاقة ، مرض ،.. الخ المشكلة بسيطة لا تخليها تكبر تضيع صحتك و تتمنى الماضي يرجع |
رد: مضغوط نفسيا
كلام الناس اضربه بعرض الحيط واذا احد تفلسف قول له وبثقه انا ادرس عشان نفسي وعشان مستقبلي رسوبي او نجاحي بياثر عليك انت شي ووقتها صدقني محد بيتجرا ويفتح فمه انت الي معطيهم فرصه يتمادون صديقك الي يدفعك انك تكون احسن ويزعل منك لما تخفق اما حقون التريقه والضحك اسمح لي اقول لك مااهم اصدقاء ولازم تسحب نفسك من صداقتهم شوي شوي الين تقطع مره وحده شف لك ناس طموحه ناس تشجعك لااخفقت ناس تقوى معها واذا مالقيت مو لازم اصدقاء اهم شي انك تناضل وتجتهد عشان نفسك ومستقبلك والله يوفقك ويوفقنا وان شاء موضوعك الجديد تبشرنا فيه بتخرجك
|
رد: مضغوط نفسيا
هههههههههه لو بفكر بكلام الناس كان الحين انا بعدني ماتخرج من المتوسطه
اصحابي كلهم خرجييين امريكا ومهندسين ولكن الاراده فوق كل شي |
رد: مضغوط نفسيا
السلام عليكم
بعلمك حاجة: قبل لا أدخل الجامعة أبنتي الله يحفظها ويسعدها كانت تقول لي: يابابا أنت بليد ..أفااااااا يابنت ليش أنا بليد!! قالت: أنت ماعندك جامعة؟ قلت لها: أبشري بدخل الجامعة وإذا أخذت الشهادة بلصقها بكل جدران البيت عشان تسكتين وتفكيني من كلامك. كلام بنتي كان حافز قوي لي، والحمد لله كان يوم أمس آخر اختبار لي بل آخر عهد لي بالجامعه لأني واثق ولله الحمد من نجاحي. الشاهد ياخوك أن الأمور السلبية قد تكون إيجابية . وفقك الله لما تحبه وترضاه |
رد: مضغوط نفسيا
وكل مازادوا بالضحك والاستهتار زد انت بالجد والاجتهاد
|
رد: مضغوط نفسيا
يارجال الوضع سهالات .. المحصلة النهائية بكالوريوس باذن الله سواء بعد 4 ولا 8 سنوات .
|
رد: مضغوط نفسيا
يا اخوي ما عليك كلنا زيك المفروض اتخرج من الجامعة الترم اللي راح
كل اللي معاي بالسنة الاولى اللحين تحصلهم مكتوب جنبهم خريج جامعي اجلت ترم وباقي لي خمس ساعات خليتها الترم الجاي السنين تروح ولاشي بس اهم شيء العافية |
رد: مضغوط نفسيا
بما أني تخصص علم اجتماع رح اعطيك الحل
بدل ما تكون مضغوط خلك مندي امزح الله ييسر امرك احنا في زمان العهد الاول لسقوط الدوله المصريه نهتم في توافه الأمور ما نشتغل على أنفسنا الشعب كله همه الطقطقه ولا يؤدي واجباته الاسريه والاجتماعيه والوظيفية على اكمل وجه تدهور النظام الاسري والاجتماعي ناهيك عن الترهل في الدوائر الحكومية خصوصا القطاعات الخدميه دخلنا في كل شي افسدناه حتى الأجنبي يشوف السعودي ما يشتغل يسوي مثله ولاحظ انا بدأت معاك بمزحه سامجه خلاص صار يجري في دمنا فلا تهتم نحن شعب نهتم في القشور اشتغل على نفسك للمعلومية ترا في مركز اختبار جده هناك العديد من تجاوزو سن الخمسين يدرسو معانا حتى المراقبين ينادوا الشخص منهم يا عّم ويأخذوا بيده حتى يوصل مقعده |
رد: مضغوط نفسيا
ابتعد عن المحبطين هذا اقل شي تسويه في حق نفسك
ثق بقدراتك وادعي ربك يوفقك هذا انت ماشاء الله باقي لك فصل واحد فقط وتتخرج |
رد: مضغوط نفسيا
الحل : تضحك معهم وتسانس خذ الموضوع سعة صدر في الحياة هاذي اذا تبي تعيش مرتاح ارض ربك واقم فرضك وخل كلام الناس يولي |
رد: مضغوط نفسيا
ياعمي الناس بتتكلم حتى لو انك ما دخلت الجامعة اصلا
الكلام فيك فيك فعطهم الخامس وشكرا |
رد: مضغوط نفسيا
والله إرضاء الناس غاية لاتدرك
مش من العقل ولا المنطق يوجع الواحد قلبه وراسه ويخسر حلمه وطموحه .. عشان كلام فلان من الناس .. بعدين معليش اصحابك اذا من النوعية الي تتمسخر عليك وانت ماتتحمل فحط حدود لهم يعنى امورك الشخصية مالهم دخل فيها .. خلصت دراسة ماخلصت شيء راجعلك يحشروا انفسهم ليش !! وانت الحمدلله باقي لك ترم واحد وتتخرج يعنى هانت فلا تلتفت لكلامهم .. الي صدق يبغى مصلحتك بيشجعك مو يحطمك استمر يابطل ولاتهتم لسخافاتهم |
رد: مضغوط نفسيا
بدت المسلسلات
بالله هذا كلام يقوله رجل جامعي لو بنت نقدر نقول قلبها مايتحمل لكن رجل يقول هم وهذي السالفه!!!!! كثير دقوا بالجامعه الى 6 سنوات وياخويه اللي تمزحون الله يخليكم لا تمزحون معه الولد حساس قلت وش هالهم وهالموضوع اللي ماهو بسيط عموما الله يوفقك |
رد: مضغوط نفسيا
بالتوفيق للجميع
|
| All times are GMT +3. الوقت الآن حسب توقيت السعودية: 02:51 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه