|
عدد الساعات 9 كم المبلغ الي اسدده ؟؟؟ مهم
1 مرفق
السلام عليكم
مشاغل الدوام لا تسمح لي اني انزل ساعات قد ما اقدر خليت احد من اهل الخبرة يحذف لي المواد ويحط لي مواد سهله اقدر امشي الترم فيها المهم عدد الساعات 9 لما دخلت البوابة الأكترونية لقيتها مغلقه ولا فيه إلا التشيك السداد وطالع لي المبلغ 2980 الحين ما ادري وش الدبره ما اقدر ادخل اشيك عدد الساعات لأن البوابة مغلقة بحط الصورة لكم سؤال اخير متى الاختبارات :060: |
رد: عدد الساعات 9 كم المبلغ الي اسدده ؟؟؟ مهم
اخوي مفروض رسومك تكون بهالشكل9*165 =1485
وياخذون كل ترم 10ريال رسوم رسايل الجوال يعني مفروض يكون رسومك 1495 |
رد: عدد الساعات 9 كم المبلغ الي اسدده ؟؟؟ مهم
انت متاكد انه حذف لك مواد
9 ساعات يعني 3مقرارات كل مقرر3ساعات |
رد: عدد الساعات 9 كم المبلغ الي اسدده ؟؟؟ مهم
المبلغ اللي طالع لك لـ 18 ساعه..
لان الساعة بـ 165 ريال فلو كان 9 ساعات يطلع لك 1485 وزائد 10 ريال للرسايل ياخذون يعني 1495 ريال.. طيب شيك من الاون لاين تبع البنك اللي بتسدد منه دخل رقمك الاكاديمي وشوف كم يطلع لك المبلغ.. موفق:) |
رد: عدد الساعات 9 كم المبلغ الي اسدده ؟؟؟ مهم
او ممكن حذفتهم في وقت ماتقدر تسترد المبلغ للمواد ولازم تسدده كامل،،
الاختبارات تبدآ ١٩ رجب يوم الثلاثاء .. |
رد: عدد الساعات 9 كم المبلغ الي اسدده ؟؟؟ مهم
هلا هلا اختي ميوش
طيب ليش كاتبين لي 2980 ؟ وجدول الاختبارات كيف احصله |
رد: عدد الساعات 9 كم المبلغ الي اسدده ؟؟؟ مهم
شرحت لك الاخت ربي يجزها خير
الجدول اذا مافتحت معك الخدمات الطلابيه اكتب اسماء مقرراتك اللي اخذتها وباذن الله نحصل يفيدك |
رد: عدد الساعات 9 كم المبلغ الي اسدده ؟؟؟ مهم
هلا اختي دلوعه فيه شي اسمه حذف من غير ما ينقصون المبلغ ؟؟؟
وش ذا الزرف |
رد: عدد الساعات 9 كم المبلغ الي اسدده ؟؟؟ مهم
اقتباس:
اذا حذفت المقرر بالتاريخ المحدد للحذف ماراح ياخذون عليك شي بس اتوقع انك تاخرت للامانه ماعرف بحذف المقررات وهالاشياء بس انت راسلهم بقسم الاسئله المتكرره مع العلم اكيد بيتاخرون عليك والاختبارات يوم الثلاثاء |
رد: عدد الساعات 9 كم المبلغ الي اسدده ؟؟؟ مهم
كان فيه وتواريخ للحذف وتقدر تسترد المبلغ،،
بس اخر الترم كاتبين في الجدول الزمني للجامعه انو تقدر تحذف المادة من غير استرداد للمبلغ،، |
رد: عدد الساعات 9 كم المبلغ الي اسدده ؟؟؟ مهم
فعلاً دخلت من مباشر البنك وحطيت رقمي الجامعي وطلع لي المبلغ 2980
وقيمة المواد الي منزلها 9 ساعات 1495 يعني راح علي 1485 ريال حقت حذف مواد لو ادري ما حذفتها والله الخطاء مني اني غير متابع مع الجامعه اول بأول ونفس الشي ما يليق بجامعة حكومية فاتحه انتساب لتساعدنا نكمل الدراسة انها تستنزف جيبك ما حذفت إلا لأني منحد على على الحذف عموماً حسبنا الله ونعم الوكيل وأن شاء الله تكون دافع لي اني استمر لين التخرج ان شاء الله شكراً اختي ميوش ..ودلوعة |
رد: عدد الساعات 9 كم المبلغ الي اسدده ؟؟؟ مهم
اخوي ربي يعوضك اضعاف المبلغ اللي راح عليكنصيحه اخت خلك متابع اول باول للجامعه مااقول لك ذاكر واهتم من اول الترم
بس علي الاقل شيك كل 3ايام عن اخبار الجامعه عشان تكون امورك بالسليم ولاتدفع لهم ريال زياده عن حقهم ان شاء الله تكون دافع لك للاستمراريه و لاتفرط بدراستك لان الجامعات ماعاد تقبل الا بالتعجيز |
رد: عدد الساعات 9 كم المبلغ الي اسدده ؟؟؟ مهم
بالتوفيق يارب ومعوض خير
|
رد: عدد الساعات 9 كم المبلغ الي اسدده ؟؟؟ مهم
.. معوض خير اخوي وهذا رقم شؤون جامعة الملك فيصل تواصل معهم يمكن يفيدونك 8003030308 - موفقق :rose: . |
رد: عدد الساعات 9 كم المبلغ الي اسدده ؟؟؟ مهم
حقك محفوظ ولا هو بضايع ان شاء الله كلم الجامعه و بيخلونها لك رصيد اضافي للترم القادم ... يعني بدل ما تدفع مثلا 2500 للترم القادم تدفع 2500-1485 = 1015 فقط لا تشيل هم الموضوع و شد حيلك بالمواد بالتوفيق |
رد: عدد الساعات 9 كم المبلغ الي اسدده ؟؟؟ مهم
اخوي اهم شي خلك متابع مع الجامعه عل الاقل تكون عارف الانظمه واطلع عل التقويم كل شي مكتوب بالتفصيل موضح بالتواريخ والايام وانا سبق انسحبت من ماده وراح المبلغ علي
بداية السماح للانسحاب من مقرر أو أكثر بدون استرداد الرسوم للفصل الدراسي الثاني من العام الجامعي 1437/1436 هـ2016/02/17 1437/05/08الأربعاء اخر موعد للانسحاب من مقرر أو أكثر بدون استرداد الرسوم للفصل الدراسي الثاني من العام الجامعي 1437/1436هـ2016/02/25 1437/05/16الخميس اتوقع انسحاب من مواد بعد بدايه الترم وانتهاء موضوع تسجيل مواد تروح عليك المبلغ لكن حتى الانسحاب له بدايه ونهايه وبعده ماتقدر تنسحب من مواد الله يعوضك ويسهل امورك يارب |
رد: عدد الساعات 9 كم المبلغ الي اسدده ؟؟؟ مهم
اقتباس:
ان شاءالله حقك مايروح كلم العماده واشرح وضعك لهم وبأذن الله راح يتفهمون ومهم جداً تتابع اخبار الجامعه خصوصاً اللي مثل حاالتنا يالانتساب :mh12: |
للعلم!
|
رد: عدد الساعات 9 كم المبلغ الي اسدده ؟؟؟ مهم
كلم العمادة او راسهم عن طريق ايقونة الاسئلة المتكررة وربي يعوض عليك ان شاء الله،،
بس لازم تتابع حسابات بتويتر او اي برنامج فيه طلاب ماشاء الله شادين حيلهم ويكتبون كل المعلومات تقريبا عن التواريخ والانسحاب وكل شي،، ربي يوفقك ويسهل امورك.. |
رد: عدد الساعات 9 كم المبلغ الي اسدده ؟؟؟ مهم
اقتباس:
الله يجزاك الخير انتي وكل الموجودين هنا مثل مين الي يكتبون عن الانسحاب والتسجيل والمعلومات ذي كيف احصلهم عشان اتابعهم |
رد: عدد الساعات 9 كم المبلغ الي اسدده ؟؟؟ مهم
في تويتر مدري عادي احط حساباتهم ولا لأ بالملتقى ..
|
| All times are GMT +3. الوقت الآن حسب توقيت السعودية: 03:59 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه