|
افكر افصل من الجامعه
نعم افكر افصل من الجامعة والسبب( رغبتي في الحصول على معدل جيد لإكمال الماستر وان احبطت واحباطي لأن المعدل ماراح يرتفع على حسب كلام الاخوان بالمستويات الاخيره حتى لو جبت كلها ممتاز ولااعلم عن صحفه هالكلام؟؟؟؟؟ انا الان رايح مستوى الخامس من تخصص اداره اعمال وتبقى النصف عندي الرغبة للنجاح موجوده والحماس موجود لكني احبطت بالمعلومه اللي ذكرتها لاني ابي معدل 3 وانا الان رايح المستوى الخامس ومعدلي 2.2 ارجوا التوجية لاني لااريد تضييع عمري وبالاخير معدل مثل السلحفاه
|
رد: افكر افصل من الجامعه
توعذ من ابليس وتوكل على الله واترك الاحباط عنك تراه اساس الفشل حتى يأثر عليك نفسياً
(بإذن الله تقدر وتقدر ويمديك) بس شد حيلك وهي بسيطه بإذن الله كم وكم واحد رفع معدله وهم ماعندهم الفرص اللي عندك انت وبعدين حتى لو مايمديك على المعدل بتفصل بعد مانصفت المسافه وتترك شهاده الكل يتمناها !!!! |
رد: افكر افصل من الجامعه
توكل على الله وافصل:Cry111:
|
رد: افكر افصل من الجامعه
باقي لك 4 مستويات لو جبت فيها كلها امتياز بتحصل معدلك التراكمي وصل 4
^ توكل على الله وشد حيلك ومن جد وجد |
رد: افكر افصل من الجامعه
شد حيلك وافضل تتخرج سواءً بمعدل مرتفع او لا احسن من لا شيء والله يوفق الجميع :cool:
|
رد: افكر افصل من الجامعه
خلصت النص حرام تطلع شد حيلك والله يوفقك
|
رد: افكر افصل من الجامعه
اقصى حد في المعدل ممكن توصل له 3.65 اذا كل المواد المتبقية +a واذا كلها a بتجيب 3.5 واذا كلها +b بتجيب 3.38 واذا كلها b بتجيب 3.10 وبالتوفيق |
رد: افكر افصل من الجامعه
لا تفصل ولا شي توكل على الله وادع الله ان الله يوفقك
وكمل بهالزمن انت محتاج وبقوة الشهادة الجامعية علشان تثبت نفسك انت ماتدري على ظروفك لاتفصل وكمل وحاول انك تشد حيلك والله كريم سبحانه ماتدري يمكن يرتفع بعزيمتك واصرارك نصيحه لوجه الله لا تفصل حتى لو كان منخفص اهم شي انت جامعي بالاول والاخير تعتبر جامعي بكالوريوس اتمنى تتقبل النصيحه |
رد: افكر افصل من الجامعه
لا تسمع الي يقولون لك لا مايصير وكذا انت سو الي عليك وتوكل على الله فالاخير ماراح تاخذ الا المكتوب
|
رد: افكر افصل من الجامعه
انت في البكالوريوس ماقدرت تتجاوز معدل ال2 ف كيف تطمح للماستر ..؟؟
ماتحس انك متناقض :biggrin: الافضل كمل والماستر مش نهاية الدنيا سواء حصلت على معدل اولا :biggrin: |
رد: افكر افصل من الجامعه
انت ليش متحطم قطعت نصف الطريق وبقى لك شوي
وتبي ماستر وتبي تفصل شلون كذا ؟؟! يعني انت اهم شي عندك الماستر ونسيت الخطوات الي توصلك له وبعدين ماتدري وش يصير معك وش مايصير لاتخسر اثنين ماستر وبكالريوس اقلها انجح وخلي معك شهاده جامعيه واذا ربي كتب لك بتكمل ان شاءالله انا ومعدلي ممتاز التراكمي اللهم لك الحمد ماتجراءت اقول بكمل ماستر وانا اخر ترم بشوف نهايه تعبي وتخرجي واذا ربي كتب كملنا واذا ماتيسرت الحمدالله اقلها طلعت بشي مفيد الدراسه مو لعبه جد واجتهاد ~ سوري قسيت بكلامي بس لازم عشان تنتبه للنفسك وتصحى من الاحباط والافكار الي مو كويسه |
رد: افكر افصل من الجامعه
نصيحه مشوار وكمله لسه معاك النص الثاني حرام عليك مدام تقول لسه عندك النشاط والاصرار وممكن ان شاء الله يتحسن المعدل بالاترام الباقيه لاتنسى انا الاحباط يسبب لك فقد اللذه باستمرار انا عن نفسي معدلي الحمدالله تمام هدفي الان هو الشهاده ومافكرت بالماستر رغم معدلي سامح لان افكر باللي بايدي لاتنظر الى الكوب انظر الى النصف وتفائل يارب مايضيعلنا تعب
|
رد: افكر افصل من الجامعه
لا تخلي احباطك وترددك يجلب لك طاقة سلبيه
الماستر اللي انت متعلق فيه تقدر تجيبه بأكثر من دولة مثل ( مصر . ماليزيا . الهند . الفلبين .. الخ ) واغلبهم يقبلون الانتساب بدون العقد والعراقيل الموجوده عندنا مع الاسف وازيدك من الشعر بيت بأقل مدة من هنا .. صدقني اكثر اللي نصحوك وانا من ضمنهم ظروفنا العائليه والعمليه كانت صعبه محاكيك يطامر 7 سنوات من جامعة الى أخرى عشان البكالوريوس وياما سمعت كلام سلبي من ناس كثير .. انت كم صار لك تدرس وللحين ما رسيت ع جامعه ولا تخرجت ولا اثر فيني هالكلام بالعكس .. والحمد لله تخرجت الحياه حياتك والمستقبل مستقبلك .. استمر واللي ربي كاتبه لك راح يصير بطلوا تجيبوا لنفسكم طاقه سلبيه خلوكم إيجابيين تحلا الحياة بعيونكم استمر يا صاحبي وفالك الدكتوراه |
رد: افكر افصل من الجامعه
الرأي رأيك،،وأنت أقرب الى مستقبلك ،، الاقتناع هو طريقك للأختيار،، استرخي،،فكر،،وضع لك نقاط: والأفضل راح تختاره بالطبع،، رأيي ما راح يقدم ولا يأخر،، ولكن بالإمكان تضعه في نصب عينك وبتحكيم عقلك،، قبل كل شيء ،، •انجزت سنتين دراسية"4مستويات".. •فيك تجتهد وتحصل على a+،،وفيك ترفع معدلك الى 4،،معدل ليس سيء!! •عصفور في اليد خير من عشرة على الشجرة،، على الهامش: •الأمر يعتمد عليك ،،ايش مدى قبولك بإكمال الدراسة ومدى قناعتك التامة بقرار الفصل،، •لقيت تخصص أفضل ،وجامعة أفضل،وفي مجال يكون المعدل أفضل ،معك وأشد على يدك للأفضل!! بالتوفيق |
رد: افكر افصل من الجامعه
اقتباس:
يعطيك العافية اخوي لتوضيح،، توقعت 4 بالإمكان يرتفع المعدل! ممممممم،،كمان 3.65 لابأس!!! مقارنة بالمعدل الحالي! •عصفور في اليد خير من عشرة على الشجرة،، انت ملك لنفسك،، كل التوفيق:rose: |
رد: افكر افصل من الجامعه
يعني كيف حاطط براسك معدل ومعدلك متدني لهالدرجة !
مستحيل !؟لو شادد حيلك شوي كان معدلك لا يقل عن 4 وأقول لو شوي بس كيف لو كثير ؟؟ اسمحلي هذا عذر عشان تترك الجامعة بس شكلك مالك في الدراسة |
رد: افكر افصل من الجامعه
تشوف إن تفكيرك منطقي لما تقول اذا مابأقدر اكمل ماستر ماأبغى اكمل بكالورويس..؟!!
والغريب مو هنا الغريب لو كان الماستر هو فعلآ طموحك فكان معدلك مهما كان ماراح ينزل عن 4 ...!!!! لكن حاول تتعب شوي في الشيء اللي تبغاه وجرب تآخذ شي بجهد وتعب ترا أحلا أما اذا تبغاها بالتمني اللي ظاهر في التناقض بين معدلك ومجهودك وبين طموحك فأنصحك أفصل وتوكل على الله قبل كل شي . |
رد: افكر افصل من الجامعه
كمل والعن ابليس
بكالريوس باليد خيراً من ماستر ع الشجره:biggrin: |
رد: افكر افصل من الجامعه
كمل ولايكثر وخل عنك البربسه
|
رد: افكر افصل من الجامعه
خلص الجامعه بالاول
وبعدها فكر بماستر والماستر من اي دوله تاخذه لوجد طموحك وانت قطعت نص المسافه لاتفكر باافكار عبيطه �� |
رد: افكر افصل من الجامعه
اقتباس:
|
رد: افكر افصل من الجامعه
لالا ليش تفصل كمل واذا حاب تدرس مره ثانيه يكون كويس عندك شهادتين تعزز لك ..اصلا الحين ماعد فيه جامعات عن بعد تقبل عندك جامعة الامام فقلت وفيصل ماتقبل الا اليممتاز وماعندك الا الكترونيه وبرضو صايرين مايقبلون اي احد اعرف ناس قدمو عليها ذا الترم معدلهم 86%وماقبلوهم لان الموضوع تفاضلي فامسك شهادتك ومعدلك ماهو شين غيرك يتمناه شد حيلك والله يوفقك .
|
رد: افكر افصل من الجامعه
لا تحطم نفسك بهالأفكار
و نظام ( آخذه كله و لا اضيعه كله ) هذا اهو اللي ضيعنا للأسف و انا من الناس اللي كان تفكيرهم كذا و ضاع من الفرص و العمر بما فيه الكفايه, الحين انت المطلوب منك تجتهد اكثر و لا تفوت هالفرصه من يدك و بالنسبه للماستر الحلول و البدائل موجوده و لكل حادث حديث و بإذن الله تقدر و الله يكتبلك الأفضل |
رد: افكر افصل من الجامعه
الله يوفقك وتأخذ في جميع المستويات +a
|
رد: افكر افصل من الجامعه
|
رد: افكر افصل من الجامعه
تبي تفصل وشهادة الثانويه بيدك<< وش تفيد فيه!!
مدامك حصلت على هالفرصه غيرك يتمناها الحين والكل يبي بكالريوس بعد ماحصروها بنسب معينه وما عاد يقبلون اي احد كمل دراستك وحلو الشخص لما يكون طموح وعنده هدف |
رد: افكر افصل من الجامعه
انت الوحيد الذي تقرر مستقبلك وتحدياتك مع الذات ولكنك فتحت الموضوع للتوجية والاستشارة للاخوان والاخوات-- فاذا نظرت للردود السلبية فلن تستطيع المواصلة -- وان نظرت للردود الايجابية فهذا هو الصح فتوكل على الله وكمل الجامعة والتوفيق بيد الله فالمثل يقول لو حسب الزراع ما زرع فانت تنظر للماستر ولم تكمل البيكالريوس فكمل الله يرضى عليك وربنا يوفقك |
رد: افكر افصل من الجامعه
دراهمك تخدمك حتى لو معدلك ستين صفر ... كمل مشوارك
|
رد: افكر افصل من الجامعه
كلامك على راسي كله حتى اللي انتقدوني بقسوه اشكركم انتم على راسي كلكم اولا بعقب انا انخفض مستواي لظروف محد يلوموني عليها لانها خاصه لكن انا كلامي واضح لمن قلت بفصل يعني اذا كان فيه بديل ولكن لااتوقع فيه بديل اذا اردت فهم كم استطيع الحصول علية في حاله الاجتهاد ولم احد فيكم يعقب على صحه كلام المعدل اللي ذكر انه مهما اجتهدت ماراح يزيد الى القليل وانا حبيت اعرف كم القليل هذا اما الماستر فاانا والله مستعد ادفع فلووس لو برا ادرس بالانتساب ولاراح ايأس بالعكس واشكر الجميييييييييع سااكمل ان شاء الله صحيح لن اتخرج بتفوق لكن يهمني ارضي ذاتي واعدل الصوره والحمدلله على كل حال
|
رد: افكر افصل من الجامعه
يا رجال كمل ولا يهمك ترا ما تدري ايش يصير في المستقبل
كلنا في البداية بدينا لهدف معين وبعد اربع سنين تغيرت اشياء تغيرت اجبرتنا نضع الشهادة في برواز ونعلقها على الاقل مؤقتا ونبدا نخطط للقادم باذن الله ولكن الذي لم يتغير طعم النجاح وحلاوة طعم التخرج وتحدي الذات لعدة سنين اللهم لك الحمد على كل حال |
| All times are GMT +3. الوقت الآن حسب توقيت السعودية: 09:04 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه