|
استفسار عاااااااجل جداً عن المستجدين
السلام عليكم ،،أنا تم قبولي كطالب مستجد في قسم إدارة الأعمال للفصل الدراسي الثاني
وأرسلت المستندات ونموذج البريد بعد طباعته في منتصف شهر صفر حسب المدة المحددة وإلى الآن ما جتني رسالة باسم مستخدم والرقم الجامعي !!! ولا أدري متى تسديد الرسوم وكيف أسجل مقررات !!! بصراحة موقع الجامعة ما فيه أي معلومات وأنا ما صدقت قبلوني بعد معاناة كم سنة وودي أعرف وش الوضع بالضبط وكيف الإجراءات للمستجدين وإذا أحد جاته رسالة أو سدد لاتحرمونا من خبرتكم جزاكم الله خير ؟ |
رد: استفسار عاااااااجل جداً عن المستجدين
انتظر لازالت الجامعه مشغوله بالامتحانات وفرز النتائج وسوف تصلك الرساله مع بداية الدراسه باذن الله
|
رد: استفسار عاااااااجل جداً عن المستجدين
وعليكم السلام ورحمة الله وبركاته
عزيزي وضعك بالسليم عليك الإنتظار خلال الأسابيع القادمه لتفعيل الرقم الجامعي من العماده ومن ثم تستخرج الرقم السري وتبدأ الدخول للأنظمه بالتوفيق |
رد: استفسار عاااااااجل جداً عن المستجدين
الله يعطيكم العافية على ردودكم ،،، ولكن الأسبوع بعد القادم تبدأ الدراسة !!!يعني بالعادة هم يتأخرون كذا ؟
الرسوم متى أسددها ؟ تسجيل المواد متى يكون بعد السداد أو قبله ؟ |
رد: استفسار عاااااااجل جداً عن المستجدين
1- ما عندك تسجيل مواد موادكم ثابته 5 مواد 2- انتظر رساله من الجامعه لا تستعجل ما بدت الدراسه
3- يمكن تبدا الدراسه ولا تنزل محاضرات الا بعد شهر 4- لا تخاف فلوسهم بياخذونها لو الترم الثاني ما عليك بعد ما تاخذ الرقم وتدخل الموقع متى ما حصلت الموقع مقفل روح سدد ويفتحون لك الموقع |
رد: استفسار عاااااااجل جداً عن المستجدين
عزيزي التفعيل يتأخر دائما من العماده لا باس
مافيه إشكال ... ومتى تم التفعيل عليك إستخراج الرقم السري والرسوم تحتاج تفعيل من العماده حتى تُرفع للبنك وتبادر بالسداد ... أما المقررات راح تضاف لك مباشره من العماده ما يحتاج منك تسجيل هذا الفصل بالتوفيق |
رد: استفسار عاااااااجل جداً عن المستجدين
أخوي راح تجيك رساله من الجامعه من خلالها راح تقدر تدخل الانظمه بالنسبه للمواد المستوى الاول تنزل دايركت من الجامعه والرسوم يعطونك فرصه لسداد وراح ينزل تاريخ محدد لتسديد الرسوم لاتخاف اخوي ... وبالتوفيق
|
رد: استفسار عاااااااجل جداً عن المستجدين
نصيحتك لك حاول تجيب معدل زين من اول سمستر
بالتوفيق |
رد: استفسار عاااااااجل جداً عن المستجدين
الله يعطيكم العافية جميعاً ويجزاكم كل خير على ردوركم وتوضيحكم شاكر ومقدر تعاونكم ووقفتكم هذي
شكراً جزيلاً ثامر |
رد: استفسار عاااااااجل جداً عن المستجدين
الدراسه دائما تتاخر ولاتعتمد ع تورايخ التقويم بالدراسه التواريخ الي تعتمدها من التقويم اوقات التسجيل للمواد والسداد والمحاضرات المباشره والاختبارات اما تواريخ بدايه الدراسه لاتعتمدها دايم نتاخر بعد الموعد اكثر من اسبوعين الى شهر وحط ببالك اذا بدينا حنا بالدراسه بتتفعل ارقامكم وتدخلون الانظمه معنا اما الحين ماعليكم شئ دام اوراقكم عند الجامعه وعندك رقم جامعي كل الي عليك تنتظر بدايه الدراسه عشان تتفعل لكم
|
رد: استفسار عاااااااجل جداً عن المستجدين
الله يعطيك العافية ،،،شكراً لك على التوضيح ،،،
|
رد: استفسار عاااااااجل جداً عن المستجدين
العفو وحياك الله عزيزي ... في الخدمه
بالتوفيق |
رد: استفسار عاااااااجل جداً عن المستجدين
تسلمين يا أختي وهذا من حسن أخلاقكم وتعاملكم الطيب
|
رد: استفسار عاااااااجل جداً عن المستجدين
افادوك لشباب والله يوفقنا وياك ,,,
|
| All times are GMT +3. الوقت الآن حسب توقيت السعودية: 02:02 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه