|
اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
السلام عليكم ورحمة الله المشكلة تم تحميل جميع المحاضرات و المحاضرات المباشرة و مع تحديث الخارطة ظهرت كلها إكس أحمر !!! و مصيبة إعادة تحميل 108 محاضرة !! كلمت الان على العمادة على الرقم الرسمي ورد الموظف يقول هذا التحديث لما تم قبل أسبوع !!!! مع أن تاريخ التحديث أمس و المشاركات كانت بنفس التاريخ وحسبت ويقول الله يعينك أعد تحميلها للتأكيد والا انتظر للتحديث الجاي وإن شاء الله بتظهر قلت التحديث بيكون مع آخر يوم قال مدري إيش أقول لك بس لا تفوتك الثلاثين درجة أعد التحميل :Cry111: 108 محاضرة حرام والله |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
حسبي الله عليهم
|
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
اقول بس خل احد يحملك بالاب توب حقك وعطه فلوس ماعاد به وقت
|
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
هذا الكلام يخص الأهل ،، و نحن حملنا جميع المحاضرات المسجلة والمباشرة و المناقشات و الواجبات و لدي جميعها خضراء و مكتملة وهي ولا شي من المحاضرات المسجلة والمباشرة |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
والله شفت مصيبتك وهانت علي مصيبتي
انا عندي 11 محاضرة عليها اكس مع اني شفتها اكس في التحديث السابق ونزلتها مره ثانية لكن في التحديث الجديد لا زالت اكس والرقم المجاني يقول مالك عندي حل حط سؤالك في الخدمات وانتظر الرد |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
للتواصل مع عمادة التعلم الإلكتروني والتعليم عن بعد
8003030308 |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
الله يعينكم بجد
حملوها بالصوت اسرررع انا جربته واحتسبت درجه ومالكم الا تتناوبون ع الاب توب لما تتحمل 108 |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
اجل انا بخير :53:
عندي بس 3 اكس وكنت زعلان :24_asmilies-com: الصراحه مصخر لابعد درجه يعني الواحد يتعب وييسوي كل شي وحقه مايعطونه :41jg::41jg: وواحد زياده يستاهلون :41jg: |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
توني مكلمهم يقول اذا اسمك موجود في المناقشة ودرجةالواجب حاصل عليها كامله يعني محسوبة لك
واذا انت نزلت المحاضرة من الطبيعي انها تحسب لك والله اعلم |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
لا حول ولا قوة إلا بالله ..
الله يكون بالعون ويعديها عليك وعلى الجميع بخير ., |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
2 مرفق
صورة ملفات موادي وتواريخ تنزيلها وارسلتها عن طريق ايقونة الاستفسارات وانتظر ردهم مش معقول ننزل ونحل واخر شي ماتحسب لنا
هذا شي مؤسف ان تهضم حقوقنا بسبب سوء خدمات الجامعه الالكترونية |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
حسبي الله ونعم الوكيل
|
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
اقتباس:
راح اسوي مثلك لازم يمددون الوقت الى اخر الاختبارات نضام خياس للاسف:icon9: |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
هههههههههههههههههههههههههههههههههه
شر البيلية مايضحك لما شفت مصيبتكم هانت مصيبتي انا حملت المباشره كلهم وطلع لي اكس احمر وقمت اعدت تحميله وبعد التحديث طلع لي المحاضرات المباشره كلها اكس بس ماده وحده كلها صح هههههههه شلون هاذي مدري رغم اني كلهم محملهم بنفس الطريقه ماقول الا حسبي الله ونعم والوكيل |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
نفس المشكله
الغريب ان عندي ٤ محاضرات حملتها في نفس اليوم وبنفس الطريقه ٢حسبوها لي و ٢ اكس احمر يعني بفهم وش الفرق ؟!! |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
نفس المشكله عندي كلمتهم الان يقولون اذا انت محملها على الافتراضي روح حملها على البلاك بورد يعني قمت المصخره المشكله عندي فوق 60 محاضرة ما بين مباشره ومسجله هذا بعد تطوير السيرفرات الله يستر بالاختبارات وش بيسوون فيها |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
سلام عليكم
شلون اعرف كم اكس عندي وكيف الطريقه اعرف كم محاضره نزلت |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
^ من ايقونه الخارطه الاكاديمه ب الخدمات الطلابيه
. انا عندي حل كل واحد يصور المجلد تبع تحميل المحاضرات لكل ماده ؛ و يكلمهم بايقونه الاسئله ان تم التحميل بس مشكلة بالخارطه عني بسوي كذا بس بالليل لان عندي اكسات مع اني متاكده رجعت حملتهم مرة تاني بس الخطا عندهم |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
لعنة الله على الظالم حسبنى الله ونعم الوكيل
المحاضرات طالعه عندي كلها اكس وانا محملها كلها قبل تفتح الخارطة وبعد مافتحت الخارطة طلعلي اكس على المحاضرات بس اما الواجبات والمناقشات كله تمام ورجعت حملتهم ثاني مرة والتحديث الجديد طالع اكس للمحاضرات كلها ماعدا بحوث الأعمال الله يحرقها من جامعه مثل مااحرقت اعصابنا |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
اقتباس:
اقتباس:
صباح الخير الخارطة ستفتح اليوم صباحا وايقونة تحديد المراكز مساء تذكر مايظهرلك بالخارطةلايعني حصولك على الدرجة هي علامة وصول ماقمت به للجامعة https://twitter.com/alfraidan/status/539281624274202626 |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
حتى انا حسبي الله عليهم حمت المحاضرات المباشرة والمسجله واكثر من النص x الله لا يوفقهم برجع احملها مره ثانية
|
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
انا نفس الشي ودقيت عليهم وكان الرد حملي من جديد من نظام البلاك بورد لان الافتراضي نظام مساعد
|
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
أخوي إلحق على عمرك ونزلهم بصيغة الصوت أسرع وأضمن للدرجه
ولاتهتم في كلامهم ولاتدور حلول وتروح عليك درجات المحاضرات وإنت تنتظر |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
اولا حملها بالصوت ثانيا كيف كانت طريقة تنزيل المحاضرات لابتوب ايباد ؟؟؟؟ ثالثا يوم نزلتها هل انتظرت الدكتور يتكلم ثم اغلقتها رابعا هل كنت تضغط تنزيل قبل اكتمال المحاضره السابقه ام واحد ثم واحد ؟؟؟؟؟ |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
اقتباس:
انا احملها بالصوت عن طريق لاب توب اشغلها شوي واسكرها انزل المحاضرات وحده وحده واخر شي اكس احمر على بعض المحاضرات :icon9: :icon9: |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
بشأن الخارطة فغالبا هناك خطأ أو أن التحديث كان الساعه 12 ليلاً والتحميل صار بوقت بعده
من وجهة نظري الملفات موجودة بجهازك وهذا دليل أنك حملتي المحاضرات بالنسبة لي أنا احمل المحاضرات صوتي أو نسخة جوال لأنها أقل حجم وبسرعة تتحمل واحملها في النظامين لإبعاد الشكوك حول قضية التحميل وتبقى الملفات دليل على تحميلها بعد خروج النتائج ولا انظر للخارطة |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
اقتباس:
الصراحه انا شكيت ان وقت التحديث خطأ بس الغريب ان عندي محاضرات محملها بنفس الوقت وبعضها انحسب لي وبعضها لا وهذا يوضح ان وقت التحديث للخارطه ماله علاقه :icon9: الله يصبرنا بس مالي الا اني ارجع احمل اللي عليها اكس والشكوى لله :icon9: |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
انا الحمدلله حملتها كلها ولما جيت اشوف الخارطه المحاضرات المباشره الثالثه < مع اني حضرتها وحملتها حاطين جنبها × -- واليوم هذي ثالث مره ارجع احملها والله يعينا بس
|
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
الله يعين
الوقت ضيق والخارطة هذي كدرت خاطري |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
نفس المشكله تنزيل واستماع بعد ومع ذلك تحدث مواد ومواد لا والمشكة الاكثر شغلي على الافتراضي والقاه ( اكس ) وفي البلاك بورد ( صح )
مثل الواجبات حليتها في الافتراضي والقاها ( اكس ) وفي البلاك بورد ( صح ) .. والله حوسة ..... |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
حسب التغريده الخاصه بجامعه الملك فيصل بتويتر
تنبيه هام في مشكلة بتحديث الخارطة الأكاديمية لا تعتمدون عليها أهم شي كل واحد يتأكد من الحلول https://twitter.com/ekfuu/status/542810074092040192 |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
اقتباس:
الله يكون بعونك انا قبل التحديث الاخير بعض المشاركات حصلتها اكس وحليتها مره تانيه ومع التحديث الاخير ضبطت معي. بالنسبه للتحميل انصحك عن طريق الجوال للاجهزه الحديثه تحميل سريع افضل .وحمل بايفونة الجوال. او خل النت الاهم شي سريع وحمل واعييد عن طريق البلاك بورد افضل . وان شاءالله تضبط امورك وتنحسب لك ويمدي معك وقت بالتوفيق |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
الله يعينك ي صاحب الموضوع
ولله الحمد ماعندي اكس بعد التحديث كان واحد وظبطته تدارك الوضع وحملها واحتسب الاجر |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
ممكن سؤال
لازم احمل المحاضرات ولا يكفي المشاهدة بس |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
السلام عليكم ,, يا اخوان ارجوا ان يتم مراسلة د. عبدالله الفريدان مباشرة من خلال حسابة في تويتر . الكتابة في المنتدى ما راح يلتفتون لها . اذا الدكتور وصلته شكاوى كثير على حسابة وقتها راح يشوفون حل للمشكلة . ومنها نوثق شكوانا واننا راسلناهم من بدري نعلمهم عن المشكله , عشان بعدين اذا ما انحسبت مشاركاتنا يكون لنا وجه نطالبهم يردون حقوقنا.
|
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
اخخخخخخخخخخ
اعيد تعبت نفسيأ :( |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
للأسف الخارطة لاتعني حصولك الأكيد ع ال ٣٠
السمستر اللي فات محاضرة مباشرة حضرتها قبل حتى مايجي الدكتور وحضرتها كاملة في الثلاث محاضرات المباشرة المهم طلعت الخارطة x عند هالمقرر رحت وراسلت الفريدان قلت شلون اكس وانا حاضرتها كلها وأرسلت صورة من المحاضرة تظهر اسمي في الثلاث محاضرات وقال بشيك ع الوضع المهم حملتها من جديد وفعلا مع التحديث صارت صح بدل الإكس ولما طلعت النتائج نقصت بالمشاركة درجة في هالمقرر ولما سألت قالوا تحميل المحاضرات !!! للأسف النظام آلي يعطي وياخذ درجات ع كيفه |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
اي نظام تستعملون ؟؟؟
انا البلاك بورد وكلها خضراء ولله الحمد |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
لا أحد يشيل هم
اللي حمل المحاضرات وطلعت اكس بالتحديث الاخير هذا خطأ تقني بحت في الخارطة ولاحظت أنهم اعتمدوا بالتحديث الاخير على حذف المحاضرات المباشرة الرابعة وليس تسجيل المحاضرات المسجلة الجميع عندهم نفس المشكلة ولا يمكن للجامعة أن تتهور ولا تحتسب الدرجات لأنه سيكون هناك طوفان بشري عليهم وشكاوي لا حدود لها اعقلوها وتوكلوا |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
اقتباس:
شكرا لك اخوي سعد ولكن للاسف الموظف كذاب لاني انا شخصياً شاركة في المناقشة يوم امس وظهرت لي اليوم يعني التحديث فعلاً جديد ، لكن حسبي الله عليهم كل سنة على ذا الموال |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
حسبي الله عليهم ان محملتها وطالع غير محمله
|
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
الله يعينكم يا شباب ونصيحة كل واحد يهدي أعصابه وحمل محاضراتكهوخلاص وانتظرو التحديث, عندكم الى أول يوم أختبارات
ترى هذا نظام وعادي يصير فيه أغلاط ما فيه داعي هالسب والشتم في الجامعة |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
احد يكلم الشعيبي يرجعو يحدثو الخارطه يمكن لخبطه وماتعدلت مزبوط بعد التحديث
|
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
لان الواجبات والمناقشات تحدثت والمحاضرات لا
فلو رجعو حدثوها وتعدل مالو داعي نرجع نحمل انا المحاضرات كلها عليها اكس وجالسه احمل فسهم من جديد والله هذا ثالث تحميل وكل تحميل بصيغه يارب رحمتك: ( |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
والله لو مافيه خارطة اكاديمية احسن سببت لنا قلل ياليت يعدلون الموقع اول مو يوهقونا معهم
|
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
والله هالخارطه مامنها فايده لانها ماهي دقيقه :119:
يا ان التحديث يكون كل 3 ايام او يلغون الخارطه :007: مو معقول احمل المحاضرات بكل النظامين ويطلع لي اكسات بالافتراضي ! وبعدين تنظيم الخارطه غلط يعني جدول الافتراضي خاناته واضحه بس المشكله انهم ما ينزلون المحاضرات اول باول عليه :119: اما البلاك خانتين وحده للمحاضرات ووحده للمباشره ! طيب انا وش يضمن لي انهم حاسبينها لي ع هالنظام ؟ قسم بالله طفشت حملتها بكل صيغه وسويت مشاهده فوق كذا ولما تحدثت الخارطه حاط لي اماكن صح واماكن اكس :119: ( بالعقل كيف يحط صح ع اول محاضرات ومن بعد الثالثه اكسات الى السابعه هي صح والباقي اكس ) ^ صارت لي بكذا ماده حسبي الله ونعم الوكيل لما كلمتهم في الخدمات الاجابه كانت مبهمه ( نظام احتساب الدرجات الكتروني ) < لا تعليق :no: عموما انا اسجل كل شي خطوه بخطوه بورقه واذا تحدث النظام وماتغير شي راح اصور لهم الملفات :119: |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
الفريدان مغرد بتويتر بخصوص الخارطة يقول لازم تعيدون الي عليها اكس
الله يعينكم |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
اقتباس:
|
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
الظاهر النظام حدث التاريخ للكل وما بعد احتسب المشاركات والدرجات
انا نزلت وحليت كل شيء وعندي اكسات بالهبل خير الواحد مهيئ نفسه للمذاكرة للاستعداد للاختبارات وهم يشغلونه بالخارطة تراك ماحملت !!! |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
للمعلوميه :
الخارطه الأكاديميه ( ليست إلا للتأكيد ) فقط ..! وهذا عملها وجميعنا نعرف هالشي .. تكلم الدكتور الفريدان عنها سابقا وأنا أذكر الحوار قائلا .. ( أنها ليست دقيقه 100% ) فيما يعني وجودها من عدمها عندي ( ولكن تأخذ بعين الإعتبار إذا كان هنالك مشاركه أو إثنتين غير محلوله ) .. أما كل المشاركات أو ما يقارب 60% لم تضاف بالخارطه ( مع إنك حفرت وحملت وكل شي ) هذي مهزله والله يعين : الجامعه تثبت فشلها كل ترم بالتوفيق للجميع يارب |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
انا اليوم دخلت على الخارطه ومع العلم اني منزله كل شي بس نسيت احلى منقاشه 12-13-14 وحاطين لي اكسات على جميع المواد في المحاطره الرابعه والخامسه كل المواد وانا والله والله منزلتهم يعني شلون ؟
ورجعت نزلت المحاطرات بس شكله خلل في الخارطه |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
الخارطه غالبا ماتكون دقيقه
انا المستويين الي فاتو كل محاضره احملها او مناقشه احلها احط اكس بجدول المتابعه الي مسويته والحمدلله واثقه من متابعتي وطلع لي اكسات ببعض المحاضرات ولارجعت حملتها والحمدلله اخذت الـ 30 بجميع المقررات فاللي يحل ويحمل بنفسه وواثق من مناقشاته انها مو سلام او كلام بس عشان تنحسب له فلايفكر بالخارطه ويشغل باله بإذن الله حياخذ الـ30 |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
حسبي الله عليهم كيف كذا محمل المحاضرات وكاتبين عندي اكس ع تحميل لييييييييش |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
سلام عليكم
هل مازال احتساب الدرجات مفتوح واذا مفتوح الي متي اخر شي؟؟ استفسار ثاني ايقونه تحميل المحاضره بلصوت مختفيه لو حملت من اليقونه غيرها تحتسب؟؟ مثل ايقونه المحاضرات المسجهله او المحاضرات المسجله نسخه للجوال احملها من اللاب توب عادي ؟؟ |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
حسبي الله ونعم الوكييييييييييييييييييل بس
|
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
؟؟؟؟؟؟؟؟؟؟؟
|
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
الغريب اني ما ادخل البلاك بورد ولا استعمله ابد
وبالخارطه حاط عندي صح على واجب ومحاضره اصلا ماحليت شي في البلاك بورد كيف حاط لي صح مدري الخارطه رايحه فيها |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
نصيحتي لكم اللي واثق من مشاركاتة بالمحاضرات والواجبات والمناقشات
يريح باله ولا يتعب نفسيته لان الخارطة مخرفة شوي وتحتاج وقت عشان تعطيكم النتيجة . ولو قلنا أن الخارطة هي تأكيد لصحة مشاركاتنا ورغم ذلك تطلع لنا أكسات × فهذي مصيبة وطامة كبيرة وصاعقة على رأس الجامعة . حتى اللي يردون ع الاستفسارات ماعندهم سالفة . |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
اقتباس:
واشاهدهم ايضا للاستفاده وبرغم هذا وذاك نصهم أكس والحل يعني ؟! |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
اقتباس:
|
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
خواتي واخواني الطلبة الأعزاء
^تقدم إذاعة مالكم بالطويلة على قولة واحد من الاخوان اللي سبقوني اذا انتم واثقين انكم حليتوا وحملتوا خلو الخارطة تولّي والله اني الترم اللي فات كان كل شي مولع اخضر ويقول اعبر طريقك بسلام ومع اني محملة كل شي إلا إن جتني حفرررة مب طبيعية في الدرجات لذلك ريحوا روسكم وفكروا باختباراتكم مابقى إلا ثلاث أيام الله يوفقكم وايانا |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
جامعه تحب تقردنااا ههههههههههه
|
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
كان عندي 23 محاضره وعدتها و لاتروح 30 درجه
|
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
وش وضعهم الله يصلححهم
دخلت الخارطة قبل شوية كنت اذاكر ياحليلي كلل كلل كل ابوو المحاضرات احمر :eek: .. والواجبات كمان لييه خيير وش صاير وين انا :confused: .. طمنوني قولوا انه عادي او انه مخرف النظام او انهم ملخبطين تكفون لانه صدق بروح وطي لو ما حسبوها , ذاكرة اللاب كلها راحت ع المحاضرات ف النهاية م تنحسب ؟؟!! |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
حملوها صوت او مشاهدة 5 دقايق وان شاءالله تحسب
|
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
طيب وش الحل كلها عندي احمر حتى الواجبات احمر مع العلم إني شيكت ع الواجبات لقيت إني حالها
مافيه اخضر إلا المناقشات ويمكن مع التحديث الجاي يمكلمونها احمر مع باقي العائله ياخي الجامعة ماتخلي حركاتها لازم يطقطقون علينا ويذلون جدنا الخامس عشر عندي 9 مواد وكلها اكسات حمر بواجباتها تقولون حملها صوت مانيب محملها بتقولون حل الواجب مانيب حالها ويــــ أنا يالجامعه :*****_no: <<< كيف المهايط :(8)::(8): |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
ما أقول إلا لا حول ولا قوة إلا بالله بصراحه ماندري وش نسوي حتى لو حملنا وحلينا من جديد بنضمن الدرجه وإلا لا هنا الكلام ..................!!!!!!!!!!!!!!!!!!!!!!!!!!!!!!!! !
|
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
الحل الفريدان يعطي الطلاب 30
|
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
التحميل من اللاب بصيغة الجوال تحسب الدرجات لا صيغة الصوت انحدفت |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
نفس مشكلتكم ونزلتهم اكثر من مره ونظامهم مصر يحط لي إكس:Cry111:
|
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
رجعت اعيد تحميل من البلاك بورد لانه بعضهم قالو من هناك اضمن المهم يكتب لي بكل محاضره تنزيل المحاضره تحتاج الى برنامج quicktime وانا ماعندي البرنامج ورفض يتحمل او انا ماعرفت ولكن بنفس الوقت اقدر احمل المحاضره عادي بس اخاف ماتنحسب بعد ؟
|
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
يستهبلون !!!!
الخارطه معدومه كانت كلها خضراء والحين صارت اخضر واحمر شكل ساهر مفتح نص عين ^-* وصيغة الصوت طارت لا يكون بداية فلونزا |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
تركنا المراجعة والإستعداد للأختبارات , ورجعنا إلى إصلاح ما شوهته الخارطة الأكاديمية من مجهودنا وأتعابنا , حسبنا الله عليهم وعلى نظامهم . |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
الحمدلله صورتها وهي خضراء
والحين ^-^وماراح افتح الا اللي قبل ما ولع اخضر خير ترا احنا مو اجهزه الكترونيه تعبنا فينا عيون وفينا عمود فقري ما يحسون ذولا ولا يحسبون عن بعد ومريحين !!!! |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
طيب تحميلها بصيغ الجوال على الاب توب تنحسب او لا .. في احد حملها من قبل على الاب توب وانحسبت له؟؟؟؟؟
|
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
انا هالترم توني ادري عن هالخارطه وفتحت المحاضرات قبل التحديث الاخير وفوق كذا
معطيني اكس ولا قبل الترم ولا شفتها واخذت كامله وافتحها ابو 5 دقايق واسكرها كلهم كذا وحسبو لي نص اخضر ونص احمر اي الحل يعني |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
ضربني وبكى وسبقني واشتكى
مابيدينا شي نحمل وامرنا لله |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
الله يعين
|
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
ياشباب وربي سطلوني منزل جميع المحاضرات المسجله والمباشره
وحليت الواجبات والمناقشات ولم يحت سوى الواجبات والمناقشات والمحاضرات ولا شي حسبي الله عليهم |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
حسبي الله عليهم :)
حتى للحين ماحطو عناوين المدارس عشان نعرف :mad: استغفر الله كل شي بالاخير يسوونه :) |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
وبعدين معاهم؟ انا حاضرة كل المحاضرات بنفس الموعد ومع هذا سمعتهم مرة ثانية بالصوت على الافتراضي وبعد التحديث علامة الأكس موجودة !!! الحين أظطريت أني اسمعهم مرة ثالثة من البلاك بورد حسبنا الله ونعم الوكيل فيهم. |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
اقتباس:
الخطأ من الجامعة هذي مافيها كلام لكن المشكله ان الفريدان في تويتر بدل ان يتدارك الوضع اصبح يلقي اللوم على الطلاب و يعتقد ان سيرفراته على صواب و الغلط علينا و هذا يسبب زود تشتيت للطالب و يخيل للطالب انه على خطأ و الجامعة على حق https://pbs.twimg.com/media/B4p9a_wCQAAYN0i.jpg https://pbs.twimg.com/media/B4p9a_RCYAArOrs.jpg الرجل مع الاسف كل ترم يثبت فشله ادارياً مع احترامي لشخصه المفروض يعترف بالخطأ حتى الطلاب يهدأون و الواحد يفضى يذاكر اما كل نهايه ترم على هالموال مقاشر حنا وياهم ماصارت الترم الماضي لخبطونا في مراكز الاختبارات يوم اخترنا المراكز حطوها لنا عشوائيه اللي في شرق الرياض حطوه في الغرب و اللي في الغرب جابوه للشرق و لخبطه مابعدها لخبطه و اكيد تذكرونها و كان الشعيبي يقول يجب ان تلتزم بالمركز اللي ظاهر لك و صارت لجه وصجه في تويتر و اخر شيء تداركو الوضع في الوقت البدل الضايع و رجعو كل شخص لمركزه اللي اختاره طيب من اول قل لي ان فيه خطأ و بتحلونه لا تلعب باعصابي و تشتت ذهني حسبي الله و نعم الوكيل الله يخارجنا من هالجامعه سالمين بس ... |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
أعيد وأكرر
نصيحتي من أجل قطع الشك باليقين وكذلك أسهل وأفضل عليكم بمشاهدة المحاضرة ع الأقل 15 ثانية لأن التحميل أو التنزيل احياناً مايكتمل خصوصاً إذا حملت أكثر من محاضرة في وقت واحد يعني مثلا لما تحمل محاضرة ومازال التحميل جاري وتجي تحمل ألي بعدها . هذا هو المصيبة . هنا يخفق التحميل ومايكتمل وحنا نحسبها اكتملت |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
حسبي الله و نعم الوكيل
لازم الجامعه تشوف حل لهذي المهزله .. احنا نتعب و ما ينحسب لنا !؟.. بالنسبه لي عندي اكسات مع اني محمله كل المحاضرات و شايفتها ..!! |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
جامعتنا تطور للأسوا للأسف :mad:
|
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
حسبي الله ونعم الوكيل رغم التحميل الاكس موجود ورغم اعادة التحميل مازلو مصرين ع الاكس شسالفه ناوين علينا والا حالفين مانتخرج...اللهم وكلتك امري
|
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
ما اقوول الا الله لا يضيع تعبناا حضرت المباشرة بوقتها وحملتها مرتين ولا زالت الاكسات وهذي الثالثة :mh12: |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
مرحباااااااااا
ابشركم تم تعديل خارطتي الاكاديميه اليوم بس بااقي كم اكس على المحاطره الرابعه والخامسه مع الغلم اني نزلتهم من جديد انشاء الله تروح باقي الاكسات ياااااااااااااارب |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
سبحان الله كلمني أحد الزملاء وأنا جالس ومبسوط وشاباً النار في الملحق واتقهوا وأتابع مبارات الأتحاد والشباب وقالي راجع الخارطه المهم يوم فتحت على الخارطه إلا والله جميع المحاضرات المسجلة والمحاضرات المباشرة لم تتحمل وأنا والله أنها ثاني مره احملها في المره الأولى التمس العذر للجامعة اقول الغلط مني انا وطالع الغلط والله من النظام الخايس واللحين انا مادري ارجع احمل من جديد ولا انتظر التحديث الجديد وكل شيء يتبين لي تسع مواد وكل ماده اربعة عشر محاضرة غير المباشرة بحددود مائة واربعين محاضرة راح احملها من جديد الله يعين بس ويعاون اقتباس:
كلها يابعد حيي تنحسب بالجوال والصوت وحتى لو تشاهده لمدة دقيقتين تنحسب |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
اقتباس:
ي عزيزي ايش مراكز !! رسبونا في مواد بسبب لخبطة نظامهم العالم تسجل موادها واحنا نستنى موادنا الساقطة تترفع عجيب أمرها هالجامعة على كثر م تسحب فلوس على كثر م يزيد فشلها ذلوو امنا بالثلاثين درجة خلاص ي حبيبي قفلوها وخلونا نجيبها بالورق لابوو ثلاثينكم اللي توهقنا |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
لاحول ولا قوة الا بالله العظيم انا وش اقووول بعد التحديث ككككل شي اكس
طيب ياجماعه متى التحديث الجاي بشوف الحق اعيد كل المواااد |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
يعني الحين نرجع نحمل الأكسات ولا ننتظر 😑😪
|
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
يلعن ام القهر مستاجر فندق عشان النت قوي يفتح معي واخر شي ماتحسب يشمتت ابلا طازا فية
|
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
حملها صوت فقط وبتحسب لك درجاتك ان شاء الله
|
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
والله ندري ظلم انه 100% دامكم متأكدين من التحميل
لكن برضو ماقدامكم الا تحملون من جديد مافي وقت انكم تناقشون ابد الامتحانات اقل من اسبوع خلو احد من اهلكم يفتح المحاضرات لكم مشاهده بس لمده 15 دقيقه او انتم اجلسو عليها وانتم تذاكرون افتحوها واكتمو الصوت لين تخلصون اعيد واكرر مافي وقت تحلطم اظمنو هالثلاثين |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
اقتباس:
عملنا السابق كله تحميل الملفات الصوتية فقط ملاحظة : الجامعة حذفت اختيار تحميل المحاضرة كصوت الان من النظام الافتراضي !!!! |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
حجم الملف للمحاضرة الواحدة يبدأ من 200ميقا :000::000: و تحميل الملفات الصوتية لم يعد موجود |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
الكل يشتكي من عدم احتساب الدرجات الفصلية
الله يعينا بالاختبارات .... هالسنه مبدعين فينا يا طالبات وطلاب |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
ياجماعه لاتحملون افتحوها مشاهده لمده ربع ساعه
انا اسوي كذا من مستوى ثاني |
رد: اتصلت على الجامعة بشأن مشكلة الخارطة الأكاديمية و عدم احتساب المحاضرات المحملة وهذا ردهم ...
ظهر عندي اكسات في بعض المحاضرات اللي حملتها لكن بتوكل ع الله مثل كل سمستر ولا راح اعتمد على الخارطه
دايم كنت اكتفي بجدول متابعه خاص فيني وأي شي اخلصه سواء حل واجب او مناقشه ولا تحميل محاضرة اسجله بالجدول والحمدلله تجي بالسليم الله يسهل ويكتب خير .. |
| All times are GMT +3. الوقت الآن حسب توقيت السعودية: 08:52 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه