|
موظفي البنوك
السلام عليكم
حبيت استفسر من موظفي البنوك المنتسبين في الجامعه هل تواجهون مشاكل من ناحية الاجازه ايام الاختبارات وهل يتم تفريغ الموظف كل ايام الاختبارات او يحسبونها من رصيد الاجازات وهل هي براتب او بدون. وشكرا. |
رد: موظفي البنوك
وعليكم السلام ورحمه الله وبركاته فز قلبي يوم شفت بنوك حلمي أتوظف في بنك ويارب يتحقق قريبا المعذرة م عندي رد أرد عليك بخصوص الإجازات لكن مثل م قلت فز قلبي ودخلت يجي من يفيدك باذن الله وبالتوفيق يارب .. |
رد: موظفي البنوك
اخوي متفائل والله الجواب هنا صعب لأنك تعتبر قطاع خاص وهو يعتمد على مديرك زاد على زد على ذالك هل
اخذت موافقة من جهة العمل على الدراسة ....؟؟ اخيرا انت تختبر في الفترة المسائية تقريبا بعد فترة الدوام الدوائر الحكومية عادة ما تمانع |
رد: موظفي البنوك
اقتباس:
ههههههههههههههههههههههه نفس الشعور :16.jpg: بس خاطري اول شي اخذ تدريب في بنكك |
رد: موظفي البنوك
اقتباس:
حسب النظام إجازة الإختبارات إجازة رسمية براتب أهم شي عندك موافقة على الدراسة وأمورك سهالات إن شاء الله إذا أعطوك موافقة على الدراسة يصيرون مجبرين يعطونك إجازة اختبارات اجازة الإختبارات تختلف من بنك لبنك فيه بنوك تعطيك إجازة بس يوم الإختبار ، وفيه بنوك تعطيك يوم الإختبار واليوم الي قبله ، وفيه بنوك تعطيك إجازة طوال فترة الإختبارات من أول يوم اختبار لآخر يوم اختبار. يفترض تشوف هذا الشي مكتوب في سياسة شئون الموظفين، واذا ماعندك السياسة كلم شئون الموظفين استفسر منهم. إذا ماعندك موافقة الأمور تكون صعبة شوي لأنك راح تضطر تاخذ إجازة من رصيدك ، أو تتفق مع مديرك تطلع قبل الإختبار بساعة أو ساعتين وهذا الشي متعب ويدحدر بالمعدل. |
رد: موظفي البنوك
اقتباس:
|
رد: موظفي البنوك
اللي اعرفه ان نظام العمل والعمال يسمح للموظف باكمال دراسته من غير الرجوع لموافقة عمله ويحسب له اجازه خاصه ليوم الاختبار وهذا موجود بنظام العمل والعمال .
|
رد: موظفي البنوك
في انظمة للوائح و قوانين كثير بس ما تطبق
اسئل مجرب وانا اخوك |
رد: موظفي البنوك
بيض الله وجيهكم جميعا
انا توي على وشك مباشرة العمل وكنت حاب اكون في الصوره من بدري |
رد: موظفي البنوك
اقتباس:
المشكله في عدم تطبيق النظام يرجع للموظف نفسه بعدم معرفته اخذ حقوقه ، النظام واضح اذا العمل خالف النظام اول خطوه وجه خطابك للاداره واذا تم الرفض وهذا مستحيل ان الاداره تدين نفسها بالدليل ، مشكله البعض يشتكي بالكلام وهذا يضيع حقوقه |
رد: موظفي البنوك
اجازة يوم الاختبار من وزارة العمل يعطونك
كل جهة عمل خاصه او حكوميه المفروض تعطيها للموظظظف "غصب مو طيب" |
رد: موظفي البنوك
اقتباس:
نعم غصب اذا عندك موافقه اذا ماعندك تاخذ من رصيدك واذا انت حكومي ماتحسب لك الشهاده العلميه بالترقيات الا بأخذ مووافقه من مرجعك حسب النظام المتبع عندنا بالدوام بالتوفيق |
رد: موظفي البنوك
وعليكم السلام ورحمة الله وبركاته اخوك الصغير نائب رئيس قسم في البنك السعودي ...... - الدراسة لا تشترط لها موافقة من مديرك او قسم معين .. يعني ادرس انتساب وما عليك من أحد..وأي أحد يوقف عقبة في طريقك فهدده بوزارة العمل + مؤسسة النقد..لأن دراستك انتساب وهي حق من حقوقك حيث لا يشترط لها موافقة تفريغ من العمل..على عكس الانتظام او السفر للخارج فهذي يشترطون عليها موافقة عملك. - الاجازة .. يوم الاختبار هذا يوم اجازة من وزارة العمل ولا يتم حسمها من الرصيد..وطرق عن خشم البنك والمدير ..تطلع في هاليوم اجازة ولا تحسم من رصيدك.. واذا خصموها من رصيدك...فورا ارفع شكوى عليهم بوزارة العمل + مؤسسة النقد ..وبأسبوع يؤدبون لك البنك والمدير... - يعني عندك اختبار في 5 مواد ..فاللي تسويه كالتالي : تطبع الجدول + شهادة حضور الاختبار ..وبالتالي يصير عندك 5 أيام اجازة لا يتم خصمها من رصيدك.. أما لو فرضا .. أخذت اجازة 10 أيام .. فيتم خصم فقط 5 أيام من رصيدك .. وخذها مني .. صحيح اني نائب رئيس يعني أعلى من مدير .. لكن فعلا فيه مدراء يضحكون على موظفينهم..ويهددونهم او يكذبون عليهم ..ان الاجازات يحسموها من رصيدهم..لكن هذي دناءة فيهم.. واصلا .. يوم الاختبار ..لا تداوم فيه ..ولو يهددون بالفصل او الانذار .. بس قول لهم ..برفع الموضوع لمؤسسة النقد ووزارة العمل...واتحداهم يسوون لك شيء.. وبالتوفيق يارب :d5: والسلام مسك الختام. |
رد: موظفي البنوك
اقتباس:
1+ :d5::d5::d5: |
رد: موظفي البنوك
نظام مكتب العمل والعمال .. يعطى الموظف إجازة مدفوعة الراتب طوال فترة الاختبار لكن هناك شرط لابد من توفرة ( موافقة جهة العمل على دراستك ) .. بالتوفيق
|
رد: موظفي البنوك
اخوي على حسب مديرك لكن أقل شيء راح تاخذ اجازة في ايام الاختبارات لكن انا طبيعة عملي في الادارة العامة مو فرع وفيه معي اكثر من موظف كلنا نؤدي نفس الشغل فاعطوني اجازه لكل الايام .. شد حيلك وجب معدل مرتفع صدقني يتساهلون معك اما اذا كان معدلك منخفض راح تتعقد شوي ...
|
رد: موظفي البنوك
اقتباس:
لكن هناك قانون في مكتب العمل يجب الاطلاع عليه الا وهو ( اذا كان لي الشركة سياسة داخلية توافق مكتب العمل فعلا الموظف اتباع السياسة الداخلية للشركة ) المقصود اذا محل عملك يطلب منك اخذ اذن للدراسة فعليك طلب الموافقة على الدراسة في حين الموافقة على الطلب فأن دائرة العمل تعترف بالشهادة . البطل الي وده يجرب المعمه يقدر يأخذ الاجازة بس يكمل بطولته ويأخذ اعتراف رسالة ( مو كل شئ بالقانون بعض الامور تحتاج سياسة المحاباة ) بعض الادرات ماتحبذ اكمال الدراسة |
رد: موظفي البنوك
اقتباس:
حلمك صغير دام ودك تتوظفين في بنك .. انا موظف بنك ومنلعن خامس جدي .. بالإدارة العامه في قسم التدريب وماسك إشراف على مراكز تدريب المنطقه الوسطى.. نصيحه من أخوك شي البنك من راسك اذا تبغين السعاده والراحه .. قسم بالله أني نادم يوم دخلت وأحتري اي فرصه وظيفية تجيني لو بأقل راتب من راتبي.. |
رد: موظفي البنوك
خل عنك الي يقول وزارة العمل وما وزاره العمل ..
انا موظف بنك واذا بغيت أخذ إجازة أختبارات أحب يدينهم ورجوله تقول كأنه مهو حقي إجازه الأختبارات .. الله يلعن البنوك كلها.. حبيبي ووخيي وبعد راسي .. زبده الكلام ضبط وضعك مع مديرك تسلك في كل شي .. لك يوم الأختبار تاخذها طرق على خشومهم وماتحسب من رصيدك واذا ودك تاخذ يوم قبل الأختبار أو يوم بعد الأختبار تحسب من إجازتك السنويه .. وسلامتك يالأمير |
رد: موظفي البنوك
انا موظف في احد البنوك الاجنبيه في السعوديه
ويحق لي اخذ اجازه في يوم الاختبار كل ما عليك طباعه الجدول وبعد الاختبارات طباعه حظور الاختبار . هذا حقك من مكتب العمل ولا حد يقدر يقول لك شي |
| All times are GMT +3. الوقت الآن حسب توقيت السعودية: 05:07 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام