ملتقى طلاب وطالبات جامعة الملك فيصل,جامعة الدمام - لكل الطلاب الجدد / شرح لكل مايهمكم من طريقة الدراسة عن بعد + شرح مفصل بخصوص نظام البلاك بورد & النظام الافتراضي + الخطة الدراسية للجامعة + شروحات ومعلومات اخرى

لكل الطلاب الجدد / شرح لكل مايهمكم من طريقة الدراسة عن بعد + شرح مفصل بخصوص النظام الافتراضي + الخطة الدراسية للجامعة + شروحات ومعلومات اخرى مهمة ....

بسم الله الرحمن الرحيم

السلام عليكم ورحمة الله وبركاتة

اولأ مبروك لكل الاخوان والاخوات الجدد القبول وأرجو لكم كل التوفيق والنجاح ...

طبعأ أول مايتم قبولك وترسل الاوراق عن طريق البريد ( شهادة الثانوية العامة الخ ) وتسدد المبلغ المطلوب عليك
عن طريق الصراف الألي او عن طريق الهاتف المصرفي او عن طريق الاون لاين

بعدها راح يرسلون لك رقمك الجامعي ورقمك السري

ملاحظة

في بعضكم لحد الان ما ارسلو له الرقم السري

اقولكم انتظرو لاتخافون راح يرسلون لكم

حتى لو بدت الدراسة ماعليكم انتظرو

في نقطة مهمة / الى مايدخل معه الرقم السري ويقوله خطاء يدخل على الرابط التألي

http://www.kfu.edu.sa/ar/pages/newupdate.aspx

بعدها حطو رقمكم الجامعي وكملو البيانات وغيرو الرقم السري بعد ماتغيرون الرقم السري راح يدخل معكم على الخدمات الطلابية الى هي هذي على الرابط التألي

http://del.kfu.edu.sa/entisab_app/index.asp

ملاحظه / الرقم السري لازم ارقام احرف مثل كذا >> Fofo@999 أول حرف كبتل

اوك بكذا انتهينا من الرقم الجامعي والرقم السري

===============================================

بعدها نركز على التألي وبدقة لنا الكلام التألي راح يعيش معنا في كل السمسترات ( المستويات ) حتى التخرج بأذن الله

بسم الله

اولأ للدخول على المواد الى راح تدرسونها هناك نظأمين

النظأم الأفتراضي

هذا رابطه

http://del2.kfu.edu.sa/vls/Login.aspx

http://del.kfu.edu.sa/entisab_app/images/54ov.jpg

نظام البلاك بورد

وهذا رابطه

http://lms.kfu.edu.sa/

http://del.kfu.edu.sa/entisab_app/images/05ov.jpg

لمن تدخل على واحد من هالنظامين راح تشوف موادك المسجلة لك وراح تشوف فيها

محاضرات الدكتور / الاستاذ

الـــ 14 المسجلة + المحاضرة التمهيدية

و الـــ 3 محاضرات المباشرة في كل شهر محاضرة
و الـــ 3 واجبات
و الـــ 14 مناقشة

اوك بكذا فهمنا شنو موجود في النظامين

وهذا شرح النظام الأفتراضي بالصور

على الرابط التألي

http://www.ckfu.org/vb/t314826.html

http://www.ckfu.org/vb/t439544.html

وهكذا في جميع المحاضرات الــ 14 + التمهيدية حملوها ترها محسوبة

مثل ما انتو شايفين

مشاهدة المحاضرة / لمن تضغطون عليها راح تشتغل معكم وتشوفون خشت الدكتور البشوشه وهو يشرح وتابعو معه في الشرح

المحاضرة بالشرائح نسخة جوال / حجمها صغير وراح تتحمل معكم بسرعه ( راح تشوفون شرح الدكتور عن طريق البروجكت بس مو واضحه كثير )

تحميل المحاضرة المسجلة / هذي حجمها كبير من 50MB ومافوق وصيغتها Avi او MP4 وصافيه هذي للناس الى تبي تحمل المحاضرة على الجهاز صافيه عشان تشوف شنو يكتب استأذ المادة عن طريق البروجكت ( السبورة الذكية )

تنزيل المحاضرة بالصوت فقط / طبعأ حجمها صغير وراح تتحمل معكم بسرعة و الصيغة هذي للناس الرايقة ههههههههههه :hahahahahah:المفهيه الدوافير مشاء الله الى بس يبي يسمع ويفهم الى تمسك خط طويل سواء سيارة او طيارة ويجلس يستمع MP3 للمحاضرة ويجلس يتصيد للدكتور يمكن يقول ملاحظه او شي معين خاصه في المحاضرات المباشرة يتصيد على الدكتور يمكن يلغي شي ينبه على شي يطلب شي الدكتور الخ الخ

هذا كل الصيغ شرحتها لكم بالتفصيل الممل ( يعني لحد يجيني يسأل كيف ماكيف :30: لا يقوم التمشع والتسطر :007::oao: )

.
للي يسألون كيف اي صيغة نحمل وراح تحسب لنا الدرجه ؟؟

اي صيغة اي صيغة حملها وراح تحسب لك الدرجه سواء مشاهدة المحاضرة بس او تحميل اي صيغة راح تحسب لك الدرجة

===============================================

الان المطلوب منكم في كل سمستر ( مستوى دراسي )

لكل مادة 14 مناقشة

يعني مدرس او دكتور المادة ينزل في كل أسبوع سؤال للنقأش
وأنت كل الى عليك تجاوب عليه في مربع الجواب وبعدها تضغط على ارسأل الاجابة

( ترا لاتصدقون ينزلها دكتور المادة الجامعة مخزنة هالنقاشات وكل سنه ينزلونها نفس ماهي هع )

لكل مادة 14 محاضرة
وعندك خيارات كثيره في التحميل وصيغ كثيره واحجام كثيره او المشاهدة

لكل مادة 3 واجبات
كل شهر واجب

لكل مادة 3 محاضرات
تنزل في كل شهر محاضرة وحدة
( انتبهو لهم لتنسونهم هذول الــ 3 غير الــ 14 ومطلوبة )

يعني بالمختصر

3 واجبات لكل مادة

14 مناقشة لكل مادة

14 محاضرة لكل مادة + المحاضرة التمهيدية

3 محاضرات مباشرة لكل مادة

لاتنسونهم

===============================================

الان في بداية الدراسة راح يفتح نظام البلاك بورد وبعد فترة قليلة راح يفتح النظام الافتراضي

- لمن يفتحون النظامين راح تشوفون جميع المحاضرات الـــ 14 جاهزة للتحميل وبعدة صيغ
- وراح تشوفون جميع الواجبات الـــ 3 لكل المواد
- وراح تشوفون جميع المناقشات الــ 14 جاهزه للحل والنقاش

مثل ماقلت سابقأ راح تشوفون هذي الأشياء كلها جاهزه في البلاك بورد حاليأ وبعد فترة قليلة في الافتراضي راح يفتحونه وراح تشوفون نفس الشي

لمن تشوفون كل هالأشياء يا متحمسياً يا دوافير يا مجتهدين يالي دفعتو فلوس ومتحمسين وتبون تنكبون على وجيهكم في الدراسة وتحللون فلوسكم :biggrin:

اقولكم وقفو STOP لحد يعمل شي ولا أحد يحمل شي ولا يحل واجبات ونقاشات

لأنه ماراح يحسب لكم درجات .... لية ؟؟

لنا النظام في بدايتة ولسه متبرمج , وبعد فترة قليله يمكن أيام قليلة ( يوم يومين 3 أيام ويمكن أسبوع ويمكن أكثر عادي عادي تحملو :hahahahahah: ) راح يعيدون النظام من جديد وراح يحذفون كل هذي الأشياء المحاضرات كلها والواجبات كلها والنقاشات كلها

لمن يحذفون كل هذي الأشياء راح يبتدون معنا وحده وحده حبة حبة دار دار زنقة زنقة من أنتم :mad:

- كل أسبوع ماحضرة
- كل أسبوع نقأش
- كل شهر واجب
- كل شهر محاضرة مبأشرة الى هي 3 محاضرات

لمن تشوفون النظام بداء معنا من الصفر ونزلت المحاضرة الاولى , والمناقشة الاولى
خلاص بكذا ابتدو تحميل المحاضرة الاولى لكل مادة وحل المناقشة الاولى لكل مادة

و هكذا الطريقة في كل أسبوع

=============================================

الان لشرح كيفية تحميل المحاضرات

طريقة تحميل المحاضرات

لكل مادة 14 محاضرة + المحاضرة التمهيدية + 3 محاضرات مباشرة في كل شهر محاضرة

اولأ انصح الجميع بتحميل برنامج

Internet Download Manager

اضغطو على الصورة لتحميل البرنامج

http://www.gulfup.com/G.png

بعد ماتثبتون البرنامج في اجهزتكم تدخلون على النظام الافتراضي او نظام البلاك بورد
وتدخلون على المحاضرة كل اسبوع وتحملونها بالصيغة والحجم الى يعجبكم

وبكذا راح تنحسب لكم درجة حضور المحاضرة

على فكرة مشاهدة المحاضرة راح تحسب لك الدرجة
بس خليك على التحميل أضمن

شاهد المحاضرة عشان المذاكرة فقط سواء قبل التحميل او بعد التحميل

لمن تجي تحمل المحاضرة لكل مادة افتح ملف وسمي هذا الملف بأسم هذي المادة وحمل محاضراتها وكل محاضرة سميها المحاضرة الاولى والثانية والثالثه الخ الخ

عشان ماتضيع بين باقي المواد وتنسى ايش حملت وايش ماحملت من محاضرات ومن مواد

وبكذا انتهينا من تحميل المحاضرات

ملاحظة

لاتنسون تركبون برنامج RAR عشان تفكون الضغط وتستخرجون الملف

الى ماعنده برنامج RAR في جهازه هذا رابط التحميل

http://www.rarlab.com/rar/wrar511b1ar.exe

لاتنسون برضو تسكرون برنامج الحماية الى موجود على اجهزتكم

لنا برنامج الفيروسات راح يتعرف على ملف بأسم P a t c h بــأتش على انه فايروس

تطمنو ماهو فايروس بس هذا لتفعيل البرنامج

الى مايعرف يستخدم البأتش يشوف الشرح التالي

http://www.youtube.com/watch?v=eoAvxAi3QJk

ملاحظة

الى يحمل محاضرة في جهازه وماتشتغل عنده يحمل البرنامج التألي وراح تشتغل معه

http://files1.majorgeeks.com/97737a7..._1065_Full.exe

===============================================

طريقة حل الــ 14 مناقشة

ركزو

حل المناقشات لازم متصفح اوبرا Opera اصدار رقم 1164

وهذا رابط البرنامج جاهز للتحميل

http://www.filehippo.com/download_op...58ed35e9ff6cd/

لمن تفتحون صفحة التحميل اضغطو على السهم الاخضر وراح يبتدي التحميل

ميزة هذا المتصفح بهذا الاصدار يختصر عليك كثير

المناقشات افتحو صفحة البروفايل الى في التعليم الافتراضي على هذا الرابط

http://del2.kfu.edu.sa/vls/Login.aspx

بعدها لكل مادة 14 مناقشة طبعأ تفتحون مناقشة مناقشة ولاتتعبون أنفسكم تحلون يامجتهدين وتكتبونها كتابة او تتفلسفون

المناقشات محلوله على الرابط التألي

●●|~~حلـــول مناقشـــات مــواد مــستوى أول كــاملــة :) ʚϊɞ ~~|●●

الان شرح حل المناقشات بمتصفح اوبرا

أغلب الطلاب قبل الاختبارات راح يبتدي حل

المناقاشات

وتحميل المحاضرات + المحاضرة التمهيدية << تراها محسوبة حملوها

وحل الواجبات

وتحميل الــ 3 المحاضرات المباشرة << لاتنسونهم هذول حملوهم

.

طبعاً لاتنسون تشيكون على اخر تاريخ لرصد الدرجات من التقويم الدراسي ( او الخطة الدراسية )

الان طريقة حل المناقشات في أسرع وقت و أسهل طريقة كالتألي

ركزو معي

لمن تدخلون المناقشات راح تشوفون اجوبة الطلاب في وجهكم مكتوب عليها جميع المشاركات

مثل هذي الصورة هذي مشاركات الطلاب الى سبقوكم في الحل

http://i.imgur.com/mVYrbPkl.png

انتو بمتصفح اوبرا النسخة القديمة

تروحون تظللون على الاجابة الى موجوده في نفس المناقشة بالفارة تختارون لكم وحده من الاجابات

وبعدها تضغطون على النسخ من الكيبورد مثل كذا control + c بكذا انتو نسختو الكلام

بعدها تروحون لمربع الاجابة وتضغطون control + v وبكذا انتو لصقتو الاجابة وانتهينا

يعني مايحتاج تفتحون المنتدى وتاخذون الاجابة منه

الاجابات موجوده في نفس المناقشة في الموقع الافتراضي والبلاك بورد كل الى عليكم متصفح اوبرا وطريقة النسخ الى شرحتها لكم

او براحتكم ادخلو على رابط حلول المناقشات وخذو منه الاجابه

الى ترتاحون له

طبعاً بعد ماتخلصون كل هالأشياء راح تفتح لنا الجامعة الخارطة الاكاديمية هذي قبل الاختبارات النهائية بكم أسبوع

تدخلون على الخدمات الطلابية

http://del.kfu.edu.sa/entisab_app/index.asp

وبعدها تروحون لهذي الايقونة

ايقونة الخارطة الاكاديمية

http://del.kfu.edu.sa/entisab_app/images/90ov.jpg

ونتأبع حل المناقشة , و الواجبات , و تحميل المحاضرات

وهذا صورة للتوضيح

http://i.imgur.com/8VDr5V6l.png

طبعاً أول ماتدخلون على أيقونة الخارطة الاكاديمية

راح تدخلون معلومات عنكم

بعدها راح تجي شروط تأشرون صح وتقبلون فيها

وبعدها راح يقولكم أختارو النظأم الأفتراضي او البلاك بورد عشأن تشيكون على موادكم

وبس خلاص

ملاحظة

بس اذا فتحت

في بعضكم راح يلاحظ انه حل واجب المادة الفلانية بس الى الأن ماطلعت علامة الصح

هذا بسبب أنهم يعملون تحديث في كل أسبوع مره ويرصدون درجتك في حل الواجب او المناقشات او تحميل المحاضرات

ولو تلاحظون تأريخ اخر تحديث في الجدول بالأحمر فوق تحت بيانات كل شخص

راح تشوفون علامة الصح في النظأم الى انتو حليتو فيه بس

وبعض الأحيان راح تشوفون لخبطة يعني راح تشوفون علامة صح في الافتراضي وانتو ماحليتو فيه والعكس

ماعليكم منهم هذا سستم الغبرة حقهم ومالنا الا الصبر

أنتو بكيفكم حلو في النظامين المهم تشوفون علامة صح

وعلى فكرة يكفي علامة صح في اي نظام مو شرط في النظامين

===============================================

وهذا طريقة حل المناقشات بمتصفح قوقل كروم

هذا رابط تحميل متصفح قوقل كروم

http://www.google.com.sa/intl/ar/chrome/browser/

المناقشات محلوله على الرابط التألي

●●|~~حلـــول مناقشـــات مــواد مــستوى أول كــاملــة :) ʚϊɞ ~~|●●

الان افتحو صفحة حلول مناقشات في صفحه لحالها

وصفحة ثانية افتحو البروفايل الى فيه مناقشة المادة الى تبون تحلونها

مثلاَ افتحو المناقشة الاولى بعدها دورو اجابة المناقشة الاولى في رابط حلول المناقشات بعدها

اعملو تظليل على حل المناقشة واسحبو الاجابة الى المربع الى نكتب فيه حل المناقشة واتركوه

ملاحظات

في اليوتويب شروحات اخرى

اكتبو حل مناقشات جامعة فيصل وتطلع لكم

طريقة السحب هذي ماتنفع مع متصفح اكسبلور جربو متصفح اوبرا وانا انصح فيه أو قوقل كروم

وبس بكذا تخلصنا من 14 مناقشه لكل مادة في فترة وجيزه

===============================================

حل الواجبات

لكل مادة 3 واجبات

في كل شهر ينزل واجب لكل مادة

أنتو كل الى عليكم تدخلون قسمكم

مثلأ تخصص أداب مستوى أول وراح تشوفون موضوع مثبت ومحلول فيه الواجبات لكل المواد

حل الواجبات كله بطريقة تأشير في الدائرة

وبس بكذا انتهينا من الواجبات

===============================================

اذا عملتو كل هذي الأشياء باذن الله من نصيبكم الـــ 30 درجة لكل مادة ويبقى لكم 70 درجه وشدو حيلكم فيها في النهائي

النهائي كله اختار الاجابة

===============================================

شوفو أهم حاجه تأبعو اخبار الجامعة في الخطط الدراسية ,,, الجامعة تنزل جدول فيه خطة موسمية كاملة شاملة والكامل وجهه سبحانة فيها تواريخ بداية ونهاية

- مثلأ متى يبتدى التسديد ومتى ينتهى
- متى تقدر تنسحب وانت مسدد ويرجع لك المبلغ كامل والكامل وجهة
- متى تبتدى معادلة المواد ومتى تنتهي لهذا الفصل
- متى تقدر تقدم الاعذار حقت الغياب ومتى تنتهى
- الخ الخ

في كل سمستر ( فصل دراسي ) الجامعة تنزل خطة دراسية وتاريخ كل حاجه بكذا انت تفهم شنو لك و شنو عليك

وهذا الخطة الدراسية لكل فصل تتحدث في كل سنه او كل فصل دراسي

http://www.kfu.edu.sa/ar/Deans/E-Learning/Pages/calender.aspx

عشان لاتسألون انا مدريت ان اليوم اخر تسديد او فأتني التسديد او ما ادري او متى اخر يوم ارفع الغياب الخ الخ

كل شي واضح لكم الأن احنا مانجيب شي من عندنا ونجاوب على استفساركم من عندنا كل شي تحطه الجامعه وهذا الخطة عندكم والتواريخ عندكم

كل مره الجامعة تغير في التواريخ او تمدد فترة احتساب الدرجات او تمدد تاريخ دفع الرسوم او اي خبر اخر

لمتابع هذي الاخبار وتغير التواريخ دخلو على الرابط التالي

http://www.kfu.edu.sa/ar/Deans/E-Learning/Pages/AllAnnouncements.aspx

===============================================

ملاحظات

لا أحد يجي ويتفلسف فوق روسكم ويدوخكم عشرين دوخه ويقولك روح حل واجباتك في الأفتراضي و حلهم في البلاك بورد

وحمل المحاضرات في البلاك بورد والافتراضي

والمناقشات في البلاك بورد والافتراضي

الافتراضي او البلاك بورد بداية الدراسه راح تشوفونه مايفتح او متعطل او متسبب او يتحرش
ويمكن يصادفكم مشاكل حتى في منتصف الدراسه

لاتخافون في بداية كل سمستر كذا وتحملو سستم الغبره

اختارو نظام واحد بس وخليكم عليه لاتغيرون حتى لو تشوفونه في فتره متعطل

بالنسبة لي أفضل الأفتراضي ولكم حرية الأختيار

للى يسأل وفي رأسه صياعه ويقول طيب لو أجي في أخر الدراسه و أحل كل الواجبات و أحل كل المناقشات واحمل كل المحاضرات عادي

اقوله ايه عادي مو شرط كل أسبوع تنزل محاضرة تروح تحملها او مناقشة تروح تحلها كل أسبوع
او واجب كل شهر تروح تحله

لو تبي تضغط نفسك وعندك استعداد في اخر الدراسه تحل الواجبات والمناقشات وتحمل كل المحاضرات لكل المواد براحتك

وراح تنحسب لك الدرجه كاملة والكامل وجهه

( انا مجرب شخصيأ هذا الشي السمستر الأول ماكنت فاضي للدراسه وعملت كذا )

بس انا ما انصح لانه مجهود تخيل كل مادة 14 مناقشة وعندك 8 مواد

.
وكل مادة 14 محاضرة + 3 محاضرات

.
كل مادة 3 واجبات تطلع روحك لو تخلصهم في يوم او حتى يومين قمة الصياعه هع

بس حبيت انبه لهذا الشي يعني لاتخاف اذا فوت ماحملت ماحضرة او ماحليت الواجباو المناقشات

يمديك لأخر أسبوع قبل الامتحانات

بالنسبة للى راح يدرسون عن طريق ايباد او ايفون او جوال اقوله راح تحسب لك الدرجة بس مو مضمونه وانت براحتك وهذي دراسه يعني خليها على لاب توب او دسكتوب ( كمبيوتر شخصي )

يأخي اذا انت عجاز مره وكسول حمل كل أسبوعين وحل واجبات ,, كل أسبوعين ,, او كل 3 أسابيع ,, او كل شهر

واذا انت مخربها مره يا راعي المزاج ومألك خلق دراسه خلاص لجا أخر الدراسه قبل الاختبارات النهائية كذا بأسبوع او أسبوعين خلاص حل كل الواجبات لكل المواد وحمل كل المحاضرات لكل المواد وحل كل النقاشات لكل المواد

وراح تنحسب لك الدرجه لاتخاف

ملاحظه مهمه ( المحاضرة المباشرة )

بالنسبة للمحاضرات المباشرة الــ 3 الدكتور راح يطلع لكم فيس تو فيس واي احد عنده سؤال او استفسأر او يبي يغث الدكتور ويجنن فيه ويطلع روحه يقدر يسأل ويستفسر عن اي شي

والدكتور راح يجاوب ان شاء الله بدون جلطات هههههههه

ويرحم والديكم فكونا من السؤال الخنفوشاري الى خاصة يسألونه البنات في كل فصل:017:

دكتور :g2: هل راح تجيب من اسئلة الاعوام السابقة :060:

وان شاء الله كلكم بعد التخرج تجيدون فن اللغات

http://www.youtube.com/watch?v=jh-1j5vlME0

والله يوفقنا وأياكم يالمتسببين المنتسيبية الانتسابية في الجامعة الفيصلية

وأسف على الاطألة وكتابة كل المعلومات في موضوع واحد ....

رد: لكل الطلاب الجدد / شرح لكل مايهمكم من طريقة الدراسة عن بعد + شرح مفصل بخصوص نظام البلاك بورد & النظام الافتراضي + الخطة الدراسية للجامعة + شروحات ومعلومات ا

اوكيك ياكيك

بعد ماعرفنا كيف طريقة الدراسه عن بعد ( انتساب ) وعرفنا وين ندخل ونبتدى دراستنا ونتابع مع الدكاترة وكيف نحل الواجبات والمناقشات وكيف نحمل المحاضرات الخ الخ

وبكذا خلصنا من 30 درجة للمشاركة لكل مادة

يبقى لنا الـــ 70 درجة كيف نذاكر لها للأختبارات النهائية

لمن تشرف علينا أبواب الاختبارات النهائية ندخل على القسم الى احنا متخصصين فيه

ادارة اعمال

ادارة اعمال 1

كلية الأداب

المستوى الأول - كلية الأداب

تربية خاصة

تربية خاصة 1 الى 4

( اضغطو على الاسماء وراح توديكم للقسم )

ملزمة = ( كتاب )

- راح تشوفون مواضيع اجتهادات شخصية من المشرفين والاعضاء فيها ملخصات وملازم شخصيه و ملازم لدكتور المادة
وشوفو اسهل ملزمة او الملزمة الى تناسبكم وذاكرو منها وشوفو ملخصات الخ الخ

- راح تشوفون مواضيع فيها نصايح

- ومواضيع فيها مذاكرة جماعية للأختبار النهائي لهذي المادة و الكل يجتمع ويعايب الثاني هع ( جست جوكن ) والى مفهي ما ذاكر والى يسأل سؤال مدري وشيبي والى ينصح والى يضحك والى تمشع كشة الثانية وتحمسها للمذاكرة الخ الخ

- ومواضيع فيها اسألة الاختبارات النهائية لهذي المادة للأعوام السابقة راح تشوفون صورة مسربه لاختبار سابق وكيف طريقة الدكتور في الأسألة

- ومواضيع يحطونها المشرفين والاعضاء فيها اختبار لهذي المادة وتجربون أنفسكم في الاختبار وتطلع لكم درجتكم ويعني جو حمأس

يعني بشكل عام لجا وقت الأختبارات النهائيه خليكم في قسمكم الى هو مستوى أول وراح تشوفوون كل حاجه تسركم بأذن الله حتى لو قبل الاختبار بكم ساعه يمكن الشباب ينزلون ملخصات جميلة ومختصره او ملزمه مختصرة وهكذا

لاتخافون يـــ سمستر 1 ( مستوى أول ) راح تشوفون تعاون وروح مرحه وضحك وسهر ليلة الاختبارات وضحك

ونصيحتي لكم جهزو الطابعه عشان تنسخون و تطبعون الملازم والملخصات الى تعجبكم

==============================================

ملاحظه

راح تشوفون ملازم لهتان

وملازم لبو موزة

وملازم لدكتور المادة

وملازم اخرى لأخوان عزيزين نسيت اسمائهم

اختارو الملزمة الى تعجبكم وترتاحون لها

للي نسيت اسمائهم الى ينزلون ملازمهم الخاصه المختصره مابي ابخس حقكم وسامحوني على نسيان اسمأئكم

بالتوفيق للجميع ...

..

موضوع رائع ؛ واستفدت من شروحاتك كثير اول
المتسجدين جيبوا كوب قهوه واستكنوا ع الموضوع بروقان :biggrin:

سلمت ي فتى :icon1:

شرح وافي وكافي
الله يجزاك الفردوس

مجهود طيب

جزاك الله خير

والله انك كفيت ووفيت موضوع جدا متكامل الله يعطيك العافيه
ما يحتاج نقل على طول للقروب ....
الله يجزاك خير

يعطيك الف عافية عالتعب دا ..
بس عندي سؤال بالنسبة للمحاضرة المباشرة بما انها حتكون اون لاين او فيس تو فيس على قولك معناتو ليها تاريخ معين
مو في اي وقت انا أحب احملها ؟؟

ماشاء الله شرح كامل و واضح ماقصرت

مجهود كبير بارك الله فيك

الله ييسر لك جميع امورك و لا يحرمك من الأجر

الله يجزاك خير .. على جهودك ~

اقتباس:

المشاركة الأصلية كتبت بواسطة عليآء (المشاركة 11321521)

اختي علياء راح اجاوب على سؤالك بعد إذن صاحب الموضوع

المحاضرات المباشرة ايه راح يكون لها يوم معين و وقت محدد
الجامعه بعدين راح تنزل لنا جدول المحاضرات المباشرة

و بكيفك تبغين تحضرين المحاضرة المباشرة و تشوفينها في وقتها أو عادي مو مشكله حتى لو فاتتك و ما حضرتيها هي راح تنزل لك بعدين على النظام مسجله و حمليها في الوقت اللي تبغينه و نزليها على جهازك و شوفيها متى ما تحبين :smile:

شكرن ياقمرة ❤️❤️

شرح كافي و وافي

جزاك الله الفردوس الأعلى

يعطيك الف عافيه شرح كافي ووافي بس عندي سؤال انا قدمت وجاني اني انقبلت في الجامعه وارسلت اوراقي وقاعده انتظر ماجاني رقم جامعي ولا كلمة سر انا بس حابه اعرف يرسلولي هيا على فين على رقم الجوال ولا الايميل شاكره جهودك ....

جزاك الله كل خير على ابموضوع تطمنت
مشششششكور

انا كمان عندي نفس مشكلة الرقم السري يقولي المستم غير صحيح حتى لما جيت اسوي تحديث
فبنتظرهم وان شاء الله يبعثوها

اقتباس:

المشاركة الأصلية كتبت بواسطة ندااااا (المشاركة 11322242)

راح يرسلون لك لاتخافين فقط انتظري

راح يرسلون لك على الجوال

اقتباس:

المشاركة الأصلية كتبت بواسطة om.raghad (المشاركة 11322259)

بصراحة مافهمت عليك

اذا ارسلو لك الرقم السري خلاص روحي غيري الرقم بالطريقة الى شرحتها لك في بداية الموضوع

اما اذا لسة ما ارسلو لك الرقم الجامعي + الرقم السري خلاص انتظري

ملاحظة

لاتخافون ترا الجامعة راح تطفشكم من روتينهم الصايع هع

بكل بساطة واختصار لاتخافون وتأخذون الامور بجد بالمره

اهم شي تأبعو جدول الخطة الدراسية وتواريخها وفوق كذا راح تشوفون الجامعة ماهي منتظمة بجدولهم وتواريخهم هع ...

السلام عليكم
مع هذا الشرح المفصل الجميل اعتبر نفسي تخرجت بامتياز
شكرا جزيلا ... كذا المواضيع ولا بلاش

الله يعطيك العافيه ياقدع :10111:

للحين شرحك العام براسي الله يسعدك مع انو فصل مخي بالاخير من طول الموضوع :hahahahahah:

قوة يارب :icon19::cheese:

اشوى اني قريت الموضوع وقهوتي جنبي
الله يجزاك خيير شرح فوق انه واضح ممتع جداا

بس سؤال صغير :$ لاحظت انك ذكرت نسخ ولصق للمناقشات
وسبق وقريت أن ماراح تحسب الدرجة بهالطريقة
سؤالي سوا تحسب أو ماتحسب الدرجة بهالطريقة
مافي إمكانية أكتب الجواب بنفسي؟ ماراح اتفسلف بس بقرأ الجواب من الموضوع اللي نزلته الله يجزاك خير .. وأكتبي بنفسي *معليش وحده موسوسة:$ وإلا الأجوبة تكون طويله مره ؟

مررررة شكرا..

الله يجزاك خير :icon1:

اقتباس:

المشاركة الأصلية كتبت بواسطة Mary.aug (المشاركة 11323098)

نفس سؤال الأخت سمعت انه المناقشات لو كانت نسخ ولصق ماتنحسب لنا الدرجة:sm4:

اقتباس:

المشاركة الأصلية كتبت بواسطة ندااااا (المشاركة 11322242)

رقمك الجامعي موجود اللي سددتي عن طريقه اللي موجود بورقة البريد :41jg:

باقي الرقم السري يرسل بعد فترة ع الجوال للتفعيل

بالتوفيق

اقتباس:

المشاركة الأصلية كتبت بواسطة coco wawa (المشاركة 11323806)

نفس سؤال الأخت سمعت انه المناقشات لو كانت نسخ ولصق ماتنحسب لنا الدرجة:sm4:

نعم ماتحسب الافضل كتابتها

ونقطه ثانيه ماتحسب اذا كان الرد غير مناسب او غير متعلق بالموضوع

مثل كلمه ( اهاا او السلام عليكم ..... الخ )

بالتوفيق

اقتباس:

المشاركة الأصلية كتبت بواسطة Omniat (المشاركة 11322829)

الله يعافيك

اوه من ناحية طول الموضوع وتعبه يهد الحيل مشاء الله :hahahahahah:

هذا والله بسبب البنات أغلب شي تعرفين حريصين مشاء الله ويطلعون اسئلة من تحت الارض :Looking_anim:

على اني دايم انصح الجميع واقولهم طريقة الانتساب روق بألك وخذوها بصياعه بس مافي فايدة :hahahahahah:

اقتباس:

المشاركة الأصلية كتبت بواسطة Mary.aug (المشاركة 11323098)

حيأك خيتو

شوفي بختصر عليك

تبين تكتبينها كتابة اكتبيها براحتك

تبين نسخ لصق او سحب الاجابة ووضعها براحتك

صدقيني كلهم راح يحسبون لك الدرجة ,, اهم شي لجيتي تبتدين حل المناقشات طفي المودم وشغليه عشان يتغير الايبي

ولجيتي تجاوبين انسخي الاجابة ولصقيها وغيري في بعض الاشياء يعني حطي اخر شي نقط او علامة استفهام او زيدي كلمة ورتبي الكلام فقط

راح تحتسب صدقيني والوعد قبل الاختبارات النهائية بأسبوعين كذا راح تفتح الخارطة الاكاديمية وراح تشوفين مناقشتك عليها علامة صح

اقتباس:

المشاركة الأصلية كتبت بواسطة Coco wawa (المشاركة 11323806)

نفس سؤال الأخت سمعت انه المناقشات لو كانت نسخ ولصق ماتنحسب لنا الدرجة:sm4:

يما راح تسمعين في هالجامعة ومن حقك تخافين

بس بالنسبة لي اقول الشي الى يصير معي ومجربة بنفسي وكل واحد وبراحته

تبين نسخ لصق براحتك

تبين تكتبين الاجابة بنفسك براحتك

اقتباس:

المشاركة الأصلية كتبت بواسطة مشاري رشيد (المشاركة 11323824)

يارجال وكل الله هي تحتسب والوعد في الخارطة الاكاديمية اذا شفت علامة الصح معناتها خلاص

لمن تشوف الخارطة الاكاديمية كلها فيها علامة صح روح صورها بالكامل عشأن اذا نقصوك درجة تقدر تحتج وترفع لهم الاثبات

الجامعة تنقص درجات المشاركة للي يشكون فيه متعامل مع مكتبه تحل له او الجهاز الواحد يحل فيه اكثر من شخص

ولاتنسى تخبط الجامعة يما نقصت درجات على ناس تحل بنفسها وتكتب بنفسها والعكس ...

صادق انا الترم الماضي منقصين بالمحاضرات

مع ان الخارطه تمام وانا اللي احملها بالدوام والجهاز لحالي

واعترضت وجاني نفس الرد تم مراجعه مدري ايش

المهم انهم نصابين ولله بس الله فوق

o_lg_ll

الله يجزاك خير .. زين طمنتنا الحمدلله

بس ممكن تتحملنا شوي:$ انت قايل البنات اسألتهم كثير ههههه
ابي اسأل وش الحكمة اطفي المودم ويتغير الأي بي؟ إذا الجهاز انا فقط اللي أستخدمه

اقتباس:

المشاركة الأصلية كتبت بواسطة مشاري رشيد (المشاركة 11324072)

لا الخطاء منك اخوي

جهاز الدوام يشتغلون على الايبي نأس كثيره عشان كذا يشكون فيك

صدقني خل الحل في البيت وحمل برنامج اوبرا وانسخ والصق

يعني ممكن الدوام حقك في غيرك يدخل على الجامعة وبكذا يشكون

وتبي الصراحة في بعضهم في بيوتهم ونقصو عليهم خلها على ربك بس

هذول السنع ماينفع معهم

يارجل شوف بالنسبة لي دايم احل على جهاز واحد وما اغيره

يعني جهازي الى في البيت والمودم الى شغال عليه بس خلاص هذا الوحيد الى احل عليه كل شي وما اروح لجهاز اخر

وما اتعب نفسي معهم طريقتي كل نسخ لصق

اقتباس:

المشاركة الأصلية كتبت بواسطة mary.aug (المشاركة 11324185)

اممممممم

اعتبريها فلسفة زايدة هههههههههه

والله خيتو هالجامعة نفسية انا اطفى المودم واشغله عشان يتغير الايبي واشتغل على ايبي نظيف

واتبع طريقة نسخ لصق بمتصفح اوبرا

اطفى المودم فقط ادور لي اي طريقة اتجنب تخبط الجامعة في حسب الدرجات لأنهم نفسيه بصراحة هع هع

وطبعاً احرصي على تحميل المحاضرات ببرنامج دولند مانجر

ونصيحتي لك المحاضرة الوحده حمليها بأكثر من صيغة

هو صحيح اي صيغة تحملينها خلاص كفاية راح تحتسب الدرجة

بالنسبة لي المحاضرة الوحده احملها اكثر من صيغة واكثر من مره

وصدقيني المناقشة امرها سهل

الى يطفشونك فيه ومايحسبونها كويس تحميل المحاضرات

دايم لفتحت الخارطة الاكاديمية نشوف كم علامة اكس على بعض المحاضرات ونرجع نعيد ونزيد في التحميل لمن نشوف علامة الصح

والحمد لله

طريقتي اذا شفت نزلت 7 محاضرات + 7 مناقشات اروح احملهم مره وحده لكل مادة

واحل الــ 7 مناقشات لكل مادة مره وحده

وكل واحد وطريقته

كل اعمل كذا وتجيني الدرجة كاملة والكامل وجهة ...

.
.
.
يعطيك آلعآفيه
موضوع كآمل * آلكامل وجهه سبحانه * ومهم لكل مستجد / هـ ومو ناقصو شي
راح يستفيدو منو كثير
بآلتوفيق للجميع

^مرحبآ
الله يسسعدك انا ارسلت اوراقي للبريد وكل شيء مزبوط
بس للحين ماجاني الرقم السسري

وموب عارفهه الحين شسوي
اخاف تفوتني شغلات انا مدري عنها يعني تسجيل مواد او محاضرات او
ششيء
لاني مو فاهمه حاجه ابدا

ومعتتمده على الله ثم قوقل:icon9:

اقتباس:

المشاركة الأصلية كتبت بواسطة aljori999 (المشاركة 11324828)

:Looking_anim:

انتي قريتي الموضوع :no:

لاتخافين ان شاء ماراح يفوتك شي :16.jpg:

انتي بس روحي ارجعي لبداية الموضوع و اقريه كله وراح تلاقين ان شاء الله كل الاجوبة الى تحتاجينها ...

اقتباس:

المشاركة الأصلية كتبت بواسطة o_lg_ll (المشاركة 11324842)

:looking_anim:

انتي قريتي الموضوع :no:

لاتخافين ان شاء ماراح يفوتك شي :16.jpg:

انتي بس روحي ارجعي لبداية الموضوع و اقريه كله وراح تلاقين ان شاء الله كل الاجوبة الى تحتاجينها ...

تبي الصراااحهه والله بغيت ابكي يوم قريت الكلاام اللي في البدايهه
احس كني هبله اقرأ ومو فاهمهه ولاا شيء:139:

اقتباس:

المشاركة الأصلية كتبت بواسطة aljori999 (المشاركة 11324857)

تبي الصراااحهه والله بغيت ابكي يوم قريت الكلاام اللي في البدايهه
احس كني هبله اقرأ ومو فاهمهه ولاا شيء:139:

خلاص خلاص أسف اسف :verycute:

الحين افهمك حبه حبه :biggrin:

انتي الحين كل الى عليك تنتظرين فقط رسالة من الجامعة

هذي الرسالة فيها الرقم السري

لمن يرسلون لك الرقم السري تعالي هنا المنتدى وبلغيني وانا بعدها اعلمك شنو الخطوة الى بعدها :biggrin:

لاتخافين مابعد تبتدي الدراسة ولا راح تتوهين وتضيعين :hahahahahah:
هنا في المنتدى في كشيش :g2: مثلك كثير راح يساعدونك ويتواصلون معك وتكونين علاقات معهم
ويشلخونك وتشلخينهم :41jg:لاتستعجلين :biggrin:
خلاص كذا ارتحتي :119:

كفيت ووفيت .. الله يبارك لك في وقتك وجهدك

اقتباس:

المشاركة الأصلية كتبت بواسطة o_lg_ll (المشاركة 11324917)

الله يسسسعدك ويريح قلبكك :119:

خلاااااص بس يرسسلون لي الرقم السسري
برجع لك هناا وبنشب لك ':smile:

يعطيك العافية اخوي ماقصرت

مشكوور اخوي ع الموضوع
من خلال ردودك عندي سؤالين
الأول
وش يعني خارطه اكاديميه من وين اطلعها ؟؟؟
الثاني
انا وزوجي مستجدين لما وعندنا جهاز واحد لما نجي نحل الواحبات
ونحمل المحاضرات مايصير نحملهم من نفس الجهاز او كيف ؟؟،
لانك كاتب اكثر من شخص يستخدم الجهاز يشكون فيه وينقصونه
مادري فهمت صح والا؟؟

اقتباس:

المشاركة الأصلية كتبت بواسطة توته البسكوته (المشاركة 11326363)

الخارطه تنزل قبل نهاية الترم وتكون بالخدمات الطلابية تحت اخر شي

بس لاتعتمد عليها كثير خلي لك جدول خاص بالبيت او ع الجهاز

2 / لا عادي حلي انتي وزوجك وحملي هم قصدهم بعض المكتبات اللي تحمل وتحل

لبعض الطلاب ... اظن الى 3 او 4 عادي

بالتوفيق

اقتباس:

المشاركة الأصلية كتبت بواسطة aljori999 (المشاركة 11325138)

خلاااااص بس يرسسلون لي الرقم السسري
برجع لك هناا وبنشب لك ':smile:

ههههههه :biggrin:

حيأك واكتبي الى تبين لاتستحين وصدقيني انا او غيري راح يساعدونك لاتحاتين

اقتباس:

المشاركة الأصلية كتبت بواسطة توته البسكوته (المشاركة 11326363)

ايه فهمت صح لاتخافين :biggrin:

وانا شرحت شنو يعني الخارطة الاكاديمية في بداية الموضوع

وجاوبك مشاري رشيد واتوقع جوابه واضح

اذا مافهمتي عليه :biggrin: اكتبي ونشرح لك الى مافهمتيه :119:

احلا موضوع يعطيك العافيه وان شالله بس يوصلني الرقم السري راح اتكي مع قهوتي واراجع موضوعك

بس طولوها متى يضبطون السري ملينا الانتظار:mad:

ماشاء الله تبارك الله .. شرح من الألف الى الياء الله يجزاك بكل حرف كتبته اجر ..

يسلموا الآي أدى على الطرح

أثآبك الله ووفقك .. وجعل النور منك .. والسعادة غمامه تضلك :smile: ..موضوع متكامل ورائع كما صاحبه :d5: .. لا حرمنا جديدك .. ننتضر الرقم السري ويا رب تساهيل :g2: .. تقبل مروري المتواضع :rose:

السلام عليكم ....
لو سمحت اخوي انا دخلت ع الرابط الاول اللي هو تحديث البيانات
بكل مرة ادخله وادخل الرقم الجامعي يقولي خطأ مع العلم اني ارسلت اوراقي وسددت
وش المشكلة هنا ؟!

وعليكم السلام ورحمة الله وبركاته

مجهود وعطاء ملموس .. جزاك الله خير الجزاء
شكرآ لك عزيزي ... وبالتوفيق

متى يرسلون الرقم السري؟

اقتباس:

المشاركة الأصلية كتبت بواسطة laylamalmatrouk (المشاركة 11336327)

متى يرسلون الرقم السري؟

ان شاء الله الاسبوع هذا وبالكثير اللي بعده

[align=justify]
___

الله يعطيكم العآفيييه ~
[/align]

اقتباس:

المشاركة الأصلية كتبت بواسطة أم رعود (المشاركة 11334543)

انا نفس الشي ..؟؟ :Cry111:جاييني احباط:000:

يعطيك العافيه

اقتباس:

المشاركة الأصلية كتبت بواسطة نهله علي (المشاركة 11337398)

انا نفس الشي ..؟؟ :cry111:جاييني احباط:000:

كلنا كذا يا اخوان شي طبيعي لانها لسا ما تفعل الرقم الجامعي انتظرو حتى تاتيكم رساله رقم السري عبر الجوال وتتفعل ان شاء الله لا داعي للقلق :119:

يعطيك العافيه :icon19:

اقتباس:

المشاركة الأصلية كتبت بواسطة نهله علي (المشاركة 11337398)

انا نفس الشي ..؟؟ :Cry111:جاييني احباط:000:

وانا مثلكم شسالفة ؟؟:sdfgdsf::sdfgdsf::sdfgdsf::sdfgdsf:

ارسلو لي الرقم الجامعي والرقم السري لما ادخل في الرابط تحديث البيانات ما يقبل يرفض

مشكـــــــــــــــووور يعطيك العافيه

انا الى الحين ماارسلو لي الرقم السري واذا سويت التحديث يقول غلط تكفون ساعدوني

السلام عليكم

انا لسى ما وصلني رسالة رقم سري

يعني انتظر ؟

الكلام للجميع

الى ما أرسلو له الرقم السري ينتظر لمن يرسلون له

والى أرسلو له الرقم السري

يدخل ويغير الرقم السري مثل ماشرحت لكم في بداية الموضوع عن طريقة تغيير الرقم السري

واذا ماضبط معه يحاول بأكثر من متصفح والافضل يستخدم متصفح قوقل كروم

اذا مافاد يعطى اي احد يعرفه وخاصة الطلاب القدامى الى يعرف في طريقة تغيير الرقم السري ويخليه يحاول يغير الرقم السري له

برضو اذا مافيه فايده ينتظر الجامعة لمن تحدث صفحة تغيير الرقم السري أو يتواصل مع الجامعة ويعلمهم بمشكلته

لاتنسون الرقم السري مثل ماشرحت لكم بالضبط لابد فيه حرف كبتل ...

الله يعطيك العافيه

الله يعافيك اخوي شرح وافي كفيت ووفيت ويبارك فيك ويوفقك يا رب وتحملنا راح نزعجك انت ورطت نفسك تحمل :41:

اقتباس:

المشاركة الأصلية كتبت بواسطة °l||l°Abdullah° (المشاركة 11355018)

الله يعافيك اخوي شرح وافي كفيت ووفيت ويبارك فيك ويوفقك يا رب وتحملنا راح نزعجك انت ورطت نفسك تحمل :41:

لاتخاف اخوي مافيه اي ازعاج

خليهم يفعلون لكم الارقام السريه وبعدها يفعلون روابط تغيير الرقم السري وبعدها يفعلون انظمة الدراسة كلها ويحدثونها من البداية

اذا عملت الجامعة كل هالسؤالف :hahahahahah:هذيدك الساعة اطلب الى تبي ومن عيوني ...

قريت الموضوع وجزاك الله خير الحين السؤال ايقونة المحاضرات التمهيدية بأي مكان القاها ؟ :o
+ الحين ابدخل ع البلاك بورد مايرضى يدخل >>>> هو ذا الوضع لما تقول انتظروا لين يتفعل ؟؟

شكراً لك اخوي شرح وافي..ربي يديك العافية.. :29:

اقتباس:

المشاركة الأصلية كتبت بواسطة lo0ody_6 (المشاركة 11359523)

ايقونه المحاضرة التمهيديه

تحصلينها ب البلاك بورد ب المحاضرات اول وحده

بس الحين تحديث للنظام الاحد راح يفتح باذن الله

بالتوفيق

بعد ماارسلوا الرقم ننظر فتح النظام وله شلون؟ وكيف اعرف المواد اللي راح أدرسها

جزاك الله خير
.........................

اقتباس:

المشاركة الأصلية كتبت بواسطة LaylamAlmatrouk (المشاركة 11360011)

بعد ماارسلوا الرقم ننظر فتح النظام وله شلون؟ وكيف اعرف المواد اللي راح أدرسها

ايه نعم تنتظرين واحتمال الاحد يفتح النظام

تعرفين من الخطه الدراسية
http://www.kfu.edu.sa/ar/Deans/E-Lea...0الأكاديمي.pdf

بالتوفيق

السلام عليكم اول مشاركه لي ارجو الرد
لوسمحتو طال الله عمركم انا اعتذرت قبل سنه بعد نزول الجدول ورفض الاعتذار ولم ادفع الرسوم والترم الي بعده مادرسته ولمن ادخل اليوزر مايفتح معي فاايش الحل وكيف اكمل دراستي

شكرا علي هالموضوع
بس عندي سؤال بكل مره ادخل لازم اغير الرقم السري؟
انا تتكرر معي

وعليكم السلام ورحمه الله وبركاتـةة :rose: ..

من جد الجد :verycute: كفيت وفيت ..

وإني مركزه معك لين فصل المخ :no: :sm12: ..

والاكيد إني أحتاج كوب قهوة حالياً :16.jpg: ..

يعطيك العافيـة ع مجهودك ..

[ :rose: :004: ]

طيب فيه تسجيل مواد بالمستوى الأول؟

مشكورين وسوري كثرت الأسئلة

اقتباس:

المشاركة الأصلية كتبت بواسطة laylamalmatrouk (المشاركة 11362500)

طيب فيه تسجيل مواد بالمستوى الأول؟

مشكورين وسوري كثرت الأسئلة

لا مافي تسجيل هي بتنزل في البلاك بورد

يعطيكم العافية
كيف اعرف رقمي الجامعي
مضيعة الرقم و ما حفظتو .. و ابي اعين كلمة السر و ماني حافظة الرقم الجامعي
ايش العمل
مشكورين

تسلم يمينك يالغالي .كفيت و وفيت

الله يكتب لك الااجر...

السلام عليكم ورحمة الله

ماشاءالله الشرح كافي ووافي ، مرره مشكور

بس عندي استفسار صغيرون :verycute:

اللحين المحاضرات اذا نزلت وين القاها ؟ وكيف اعرف مواعيد المحاضرات ؟ وهل فيه كتب او اي شي نجهزه قبل المحاضرة ؟

اييييييييييي انا مستجدة :16.jpg:

شنو افضل للمذاكره الملازم والا الملخصات ؟

عليكم السلام والرحمة والإكرام

شرح كافي بأسلوب رائع جداً و جميل و شيّق و طريف و سهل و سلس و مُبسّط قدر الإمكان ,

ألف شكر لك أخوي جد ماقصرت الله يجزاك خير و يوفقك و ييسر أمورك مثل ما يسرت علينا وخليتنا نعرف اللي لنا واللي علينا بعد ما كنّا في " دوّامه "

استفسار بسيط : معادلة المواد تكون من ثاني مستوى صح ,
يعني بالمستوى الأول تكون دراسة المواد كلها إجباري ؟

بالتوفيق للجميع :106:

اقتباس:

المشاركة الأصلية كتبت بواسطة Lavender Home (المشاركة 11363547)

.
هذآ آلموضوع رآح يفيدك

http://www.ckfu.org/vb/t614767.html

بآلتوفيق

شكرا يعطيك العافيه

ألف الحمدلله وأخيرا تحدث الرقم وارسلوا لي

والله يعطيك العافية ماقصرت .

. بس ممكن استفسار أخوي الحين تفعل معاي الرقم السري وحدثت البيانات بس ماعندي محاضرات مسجله ??

هل فيه عندي مشكلة ولا من النظام ?

وتسلم يعطيك العافية

اقتباس:

المشاركة الأصلية كتبت بواسطة Lavender Home (المشاركة 11363547)

إدخلي الرابط هذا وكتب رقم السجل المدني ورقم الجوال
اللي كتبته في بياناتك عند التسجيل
http://apps.kfu.edu.sa/EDEAdmission/
بعد كذا إدخل على الأيقونه هذي

http://apps.kfu.edu.sa/EDEAdmission/...reset-over.jpg

إذا ماحصلت ماقدرت تطلع بنتيجه إتبع ماهو مكتوب

لاتوجد بيانات للسجل المدني المدخل
برجاء التأكد من رقم السجل المدني ورقم الجوال

في حالة نسيان كلمة المرور ولم تستطع إسترجاعها

أرسل رسالة إلى

banner@kfu.edu.sa
وأرسل بياناتك التي أدخلتها في طلب القبول (الإسم الرباعي - رقم السجل المدني - رقم الجوال - الرغبة الاولى (الكلية)

اقتباس:

المشاركة الأصلية كتبت بواسطة TheRose (المشاركة 11365506)

:16.jpg: تلقينها إذا دخلتي على هذا الرابط رابط الخدمات الطلابيه فيه أيقونة البلاك بورد والنظام الافتراضي بتحصلين
المحاضرات وكل شيء تحتاجينه من مناقشات ومحاضرات وبالتوفيق لك

/http://del.kfu.edu.sa/entisab_app/index.asp

اقتباس:

المشاركة الأصلية كتبت بواسطة بدور العتيبي (المشاركة 11365567)

شنو افضل للمذاكره الملازم والا الملخصات ؟

بدور يعتمد على كلام الدكتور بعضهم يكتفي بالمحتوى وبعضهم بالكتاب شاهدي المحاضرات اللي نازله في البلاك بورد وبعدين تقدريت إتحددين

اقتباس:

المشاركة الأصلية كتبت بواسطة Mona_M3 (المشاركة 11373500)

بعد إذن أخوي
من النظام فيه ضغط عليه هاليومين
إدخلي الآن للخدمات الطلابيه أيقونة البلاك بورد

http://del.kfu.edu.sa/entisab_app/index.asp

الله يجزاكِ ألف خير أختي دخلت عليها يكتب لي حالة الطلب فعال لكن ليس لديك مواد مسجلة للأن

اقتباس:

المشاركة الأصلية كتبت بواسطة mona_m3 (المشاركة 11373600)

الله يجزاكِ ألف خير أختي دخلت عليها يكتب لي حالة الطلب فعال لكن ليس لديك مواد مسجلة للأن

إنت المستوى الأول بتنزل لك مواد مايحتاج تسجيل إنتظري لآخر الإسبوع لأن النظام غير مستقر فيه ضغط
وتطمي

اقتباس:

المشاركة الأصلية كتبت بواسطة mona_m3 (المشاركة 11373600)

الله يجزاكِ ألف خير أختي دخلت عليها يكتب لي حالة الطلب فعال لكن ليس لديك مواد مسجلة للأن

دخلتي أي أيقونه إنتي

دخلت على الرابط وطلع لي حالة الطلب فعال ودخلت بعدها على نظام التعليم الافتراضي ودخلت الرقم الاكاديمي والرقم السري وطلع لي لم تقم بتسجيل \اي مواد..

اقتباس:

المشاركة الأصلية كتبت بواسطة mona_m3 (المشاركة 11373646)

إدخلي البلاك بورد الحين لأن البلاك بورد تنزل فيها المواد قبل الإفتراضي أحيانا"

مايدخل على البلاك بورد ؟ كل ماحاولت رفض بس يدخل على ايقونة الخدمات الطلابية فقط .. تتوقعي عشان تو اليوم بس تفعل رقمي؟؟:confused:

اقتباس:

المشاركة الأصلية كتبت بواسطة mona_m3 (المشاركة 11373756)

أختي النظام مابعد أستقر ضغط على الموقع إنتظري لآخر الإسبوع حتى القدمى ماراح يحلون ويبدون دراسه إلا بعد كم يوم لأن الأنظمه الحين شوي معلوماتها فيها غلط اللي تعطيها للطالب

تسلمي اخت نوره ماقصرتي الله يسهل دروبك ��

اقتباس:

المشاركة الأصلية كتبت بواسطة سعد العصيميي (المشاركة 11361603)

وعليكم السلام

كلم الجامعة اخوي وتراسل معهم

اقتباس:

المشاركة الأصلية كتبت بواسطة muneera_4 (المشاركة 11361662)

شكرا علي هالموضوع
بس عندي سؤال بكل مره ادخل لازم اغير الرقم السري؟
انا تتكرر معي

جربي متصفح قوقل كروم فقط

ولاتنسين في الصفحة نفسها راح يطلع لك حفظ المعلومات او الكلمة السرية دائماً لهذا الموقع

هذي الحركة موجوده في جميع المتصفحات

اقتباس:

المشاركة الأصلية كتبت بواسطة LaylamAlmatrouk (المشاركة 11362500)

طيب فيه تسجيل مواد بالمستوى الأول؟

مشكورين وسوري كثرت الأسئلة

لا الطلاب الجدد لأول مستوى الجامعة تنزل لمهم المواد

من المستوى الثاني راح انتي بنفسك تختارين المواد الى تبينها وتسجلينها بنفسك

حتى لو تبين تدرسين مادة من مستوى 8 وتحطينها في مستوى 2 عادي الجامعة مالها دخل فيك

لاعادي اسألي واستفسري وخذي راحتك انتي وغيرك

اقتباس:

المشاركة الأصلية كتبت بواسطة Lavender Home (المشاركة 11363547)

الله يعافيك

جاوبتك نورة الشمالي مشاء الله عليها

تراسلي مع الجامعة وراح يبلغونك

وخذيها نصيحه مني

خذي لك جهاز لاب توب وحطي فيه ملف واكتبي فيه الرقم الجامعي والباسورد

وفي جوالك بعد احفظي الرقم الجامعي والباسورد في الهاتف

دراسة الجامعة طويلة 4 سنوات

ونصيحتي لك حلي في جهاز واحد

بالتوفيق

اقتباس:

المشاركة الأصلية كتبت بواسطة TheRose (المشاركة 11365506)

وعليكم السلام ورحمة الله وبركاتة

راح تلقين المحاضرات مثل ماشرحت في بداية الموضوع

ركزي انا حاط روابط لمواضيع اخرى في نفس هذا الموضوع

هذي الروابط مشروح فيها وين تحصلين المحاضرات والمناقشات والواجبات

ارجعي لبداية الموضوع وراح تشوفين هذي الروابط

لا مافي شي تجهزينه قبل المحاضرة فقط الى شرحته في هذا الموضوع ركزي فيه كل كلمة قلتها وطبقيها بالحرف

وان شاء الله امورك تيقا تيقا هي

ارجعي في بداية الموضوع وشوفي الرد الثاني

اقتباس:

المشاركة الأصلية كتبت بواسطة بدور العتيبي (المشاركة 11365567)

شنو افضل للمذاكره الملازم والا الملخصات ؟

كلها نفس الشي اختي

الملازم = كتاب << اذا كانت الملزمة لهتان او احدى الاخوان تراها مثل ملزمة الدكتور بس مكتوبة بطريقة احلى ومختصره

الملخصات = كم ورقة او صفحة مختصرها احد الطلابه المصطفية هنا في هذا المنتدى ورفعها لنا :biggrin:

وتبين الصراحة انا مثلك أول مادخلت الجامعة رحت المكاتب وشريت ملازم دكاترة المادة وخسرت نفسي فلوس

ومالومك صراحة الواحد يقول هذول طلاب وكل واحد ينزل ملزمة من راسة ويحذف من راسة

خليك على ملازم الدكتور اضمن الخ الخ

والله تبين الصراحة مافي احسن من ملازم الاخوان هنا في المنتدى

وجد اختي والحين الحمد لله ادرس سمستر 4 + 5

شوفي وركزي في كلامي

انتي ارجعي للصفحة الاولى لهذا الموضوع

وتابعي الرد الثاني رد رقم 2

http://www.ckfu.org/vb/11320842-post2.html

لجأت الاختبارات النهائية وقربت
ادخلي قسمك وحملي من الملازم الى ينصحون فيها الاخوان هنا والى تشوفين نفسك انتي ترتاحين لها

وصدقيني ملازم الدكاترة فلسفة زايدة وهذرة زايدة

الطلاب يختصرونها فقط

وخذت درجات ممتازه وجيدجداً والحمد لله
بسبب متابعتي للمنتدى وملازم وملخصات الاخوان هنا في المنتدى وتفاعلهم ومذاكرتنا مع بعض في المنتدى

بالتوفيق

اقتباس:

المشاركة الأصلية كتبت بواسطة تاك تاك (المشاركة 11372989)

عليكم السلام والرحمة والإكرام

شرح كافي بأسلوب رائع جداً و جميل و شيّق و طريف و سهل و سلس و مُبسّط قدر الإمكان ,

استفسار بسيط : معادلة المواد تكون من ثاني مستوى صح ,
يعني بالمستوى الأول تكون دراسة المواد كلها إجباري ؟

بالتوفيق للجميع :106:

ايه خيتو

المستوى الثاني ان شاء الله ارفعي طلب بالمواد الى تبين تعادلينها

بس ركزي في الى بقوله

الجامعة هذي حالها حال اي داىرة حكومية عندنا تسيب ولعب والواحد تطلع روحه على مايأخذ الشي منهم

المختصر من الكلام

معادلة المواد تتأخر على ماتطلع نتيجتها يعني عادي يعادلون لك المواد قبل ماتتخرجين :hahahahahah:

مافي اليه او سياسة معينه الواحد يتبعها معهم عشان يعرف المواد الى يقدر يعادلها في هذي الجامعة الخ الخ

انتي لجاء وقت المعادلة ارفعي اي مادة تشكين فيها ايييييييييي مادة

يعني لاتقولين لا مايصير هذي المادة اسمها غير وهذي غير

انا اقولك ارفعي المواد الى تشوفينهم مثل بعض

وباقي المواد ارفعي خربطي وصديقيني راح تجي معك :hahahahahah:

والله اكلمك جد لنا اعرف المسؤالين عن المعادلة لأني من الاحساء واعرف الجامعة كويس الخ الخ

انتي اكتبي الطريقة الى قلت لك

ولجاء وقتها عطيتك رقم المسؤال عن معادلة المواد مصري الجنسية مع اميله

هذا تتراسلين معه على الاميل او تتصلين عليه وتقولين له رقمك الجامعي لمن تطلعين عيونه ويعادلك المواد في أسرع وقت

على فكرة المفروض هو هذا شغلته في الجامعة يستقبل اميل الطلاب ومكالمات الطلاب ويعادل لهم المواد

بس الجامعة او هذا الموظف عن تنسيق معادلة المواد ماهم ناشرين هذا الشي للجميع

ومدري ليه هالتخلف وانا صدته بسبب معارف الجامعة ورحت له بنفسي وخليته يخلص موضوعي وتابعت معه على الاميل والتلفون

راح احاول افتح موضوع عن معادلة المواد واكتب لكم فيه رقم تلفون المسؤال هذا + اميله

بالتوفيق

اقتباس:

المشاركة الأصلية كتبت بواسطة Mona_M3 (المشاركة 11373500)

لا ماعندك مشكلة بس عادي تعودي ترا نظام الجامعة هشك بشك

يعني تعودي وتعلمي من الان وسعي صدرك مع نظام الغبره

تراه نظام عبر نفسك وادرس وفكنا :hahahahahah:

اقتباس:

المشاركة الأصلية كتبت بواسطة Mona_M3 (المشاركة 11373756)

مثل ماذكرت في بداية الموضوع

راح يفتح نظام البلاك بورد أول شي

وبعدها بفترة راح يفتح الافتراضي

ومثل ماذكرت خليك على نظام واحد وتابعي فيه وانا افضل الافتراضي وكل واحد براحته

بالتوفيق

أسف لعدم مشاركتي والرد في الموضوع في الايام السابقة بسبب السفر

وان شاء الله غيري يجاوب على استفسارتكم سواء انا موجود او لا

ويعطيكم العافيه جميعاً وخصوصاً الى جاوبي على اسئلة الاخوان

وان شاء الله تنألون الى يفرح قلوبكم جميعاً ...

يا حبييييلك مره شكرآ :verycute:

اقتباس:

المشاركة الأصلية كتبت بواسطة TheRose (المشاركة 11376325)

يا حبييييلك مره شكرآ :verycute:

حبتك العافيه :119: يور ولكم

لاتنسين الرد الثاني في نفس الموضوع

http://www.ckfu.org/vb/11320842-post2.html

ان شاء الله يفيدك هالرد ويفيد الجميع

بالتوفيق ....

وعليكم السلام

موضوع جميل .. يعطيك العافيه