|
رفضو دخولي للاختبار والسبب >>>
:017::017::017::064: جيت متأخرة على الاختبار ورفضو يدخلوني !!!!! بعد كل هالتعب ومواصلة من امس منعوني من دخول الاختبار ! مالهم جحة يعني لسا ولا طالبة طلعت من الاختبار علشان يقولون انا بنغش طيب وش بيخسرون اذا دخلوني بالعكس انا الخسرانة ان وقت الاختبار نقص علي لهالدرجة التشدد ؟؟؟؟ على ايش هالتشدد .. على المواد الي منزلينها ولا على المساعدات الي مقدمينها لنا 24 ساعة ومو مخلين علينا قاصر ... محسودين حنا على خدمات الحامعة وربي لو انا مسجلين في دورة في اردى معهد في الكون !!!! كان خدماتهم افضل بكثير من الي شفناه من الجامعة وادارتها الموقرة !!!! . فتحولنا قسم انتساب مطور وخلونا بالحالنا وكلن يفتي على كيفه ، يعني ضايعين ، بس نزلولنا المواد وحنا علينا نحوس نشم على ضهور كفوفنا ونتكهن ولا نستعين بعراف ولا ساحر ولا نشوفلنا منجم يقرالنا ويترجملنا وش الي يدور في روس الدكاترة وادارة الجامعة ، طيب وش اسماء الكتب ؟؟؟ وعلشان نعرف لازم ندخل البلاك بورد ونحوس في كل الروابط الي فيه يمكن نحصل شي منطول هنا ولا هنا نعرش وش اسم الكتاب والمؤلف ، والحوسة الثانية طيب وش نذاكر فيه اقصد وش نذاكر في الكتب الي حاطينها واي فصول ؟؟؟؟؟ طبعا مافي جواب ننفخ يفي قربة مقطوعة ، ولا نصرخ في جدار اصم نااااعم مدهون بطبقة ملسة علشان يرتتد لنا صدا اسئلتنا بدون اي جواب ، والمصيبة المحاضرات تنزل لآخر اسبوع قبل الاختبار ؟؟؟ يعني يبغالنا اسبوع تنسيق وش الي نقراه وش الي مانقراه ؟؟؟؟ ، طيب وش بيخسرون اذا نزلو كل المحاضرات ومحتوى المقرر من اول اسبوع دراسة وحنا نختار طريقة دراستنا ويصير عندنا وقت نحوس اسبوع ولا اسبوعين ولا حتى شهر علشان يمدينا وش ندرس وش لون نتصرف ، لا ماعندهم هالكلام . لزووووووم يعجزونا بأي طريقة مادري ليه ؟؟ على بالهم كذا بيفهمونا ويثبتونلنا انها جامعة محترمة ، كذا يعني تجري الامور عندكم ، كل ماقدرت تعقد طلابك وتعجزهم ؟؟ كل ماقدرت تثبت نيفسك وتفرض احترامك وتبين للعالم انك شخصية محترمة ؟؟؟ امحق تعليم ، وامحق انظمة حنا يبغالنا 100 سنة علشان نستوعب وين وصلو العالم في التعليم !!! ويمكن يبغالنا الف سنة علشان نبدأ نطبق شي من الي استوعبناه !! هذا اذا فعلا قدرنا نستوعب الي يصير حولنا ؟؟؟ اقول الله يخلف بس علينا وعلى احوالنا ؟؟؟ هالحين الي حط هذا النظام المتخلف الي اسمه بلاك بورد ، كان نايم في بيته ويحلم وجاه مارد وقاله سو كذا وكذا ولا جاه شيطان وعطاه طريقة هالنظام العقيم !!!!! طيب انت .. وخطابي للعبقري الي سوى هالنظام ... يومنك فرضت علينا نظامك الي صممته ونت في بوتقة محصور داخل افكارك انت وبس .... ليه ماعملت حسابك وحطيت نفسك مكان الطلبة الي بيستخدمونه وكيف بيستخدمونه ويستفيدون منه ؟؟؟ ، ولا علشانك خلاص عندك احدث الاجهزة وآخر التقنيات والبرمجيات خلاص كل شي عندك سهل والباقي بالطقاق .. انت تدري ياسيد عبقري ان غالبية الطلبة الي دخلوا الاختبارات اعتمدو على غيرهم في اخذ الملخصات والمحاضرات وكل شي يخص تخصصه ؟؟؟ يعني دخلو الاختبارات وهم اصلا مايدرون وش يعني (بلاك فيس) عفوا اقصد (برك بورد) قعدنا اكثر من شهر وحنا رايحين جايين على محلات الكمبيوتر علشان نقدر بس نفتح البلاك وفعلا هو بلاك لايف ... وذا فتحت المحاضرة تعلق وتطفي وكأنك تتعامل مع انظمة جايتنا من المريخ ، وذا اشتغلت معك اليوم بكره تلقاها ماتشتغل ، وياويلك لو فكرت انك تنزلها على جهازك ؟؟؟؟ مية رسالة ورسالة تجيك تقولك انقلع وخر عني رح جيب البرنامج الفلاني والفلاني والفلاني ويارب مايشتغل معك ، ونروح زي المهابيل مراكض على محلات الكمبيوتر ماخلينا برنامج في السوق الا ونزلناه مابقى الا نزل العاب بلايستيشن وقيم بوي كود انها تنفع !!!! ونرجع فرحانين ونفتح البلاك !!!!! وبرضو نفس المشكلة ، ونفس الحكاية لمحتوى المقرر لابغيت تفتحه ياويلك سوالف وعلوم ويمكن فيها قبايل !!! يمكن محاولتنا لفتحها وكأنا نقدم على جريمة (فيها قبايل حبيبي) انتو تدرون غير انا دافعين قروش حق الدراسة ؟؟؟ تردون اني خسرانة حول عشر الاف ريال بس لتوفير البرامج المعجزة لفتح المحاضرات ؟؟؟؟؟؟؟؟؟ ومتى صار ياشطار ، خلاص بكرة الاختبار وش نفتح وش نحضر وش نعرف ... انا ماعرف يعني الي مصممين هالبرنامج الاسود الي اسمه بلاك لهم مصلحة في انا نروح نشتريى هالبرامج من السوق ولا انبدل اجهزتنا ، يعني لهم نسبة ياخذونها من السوق ؟؟ ولا كل السالفة بس تعقيد في تعقيد ؟؟ تبون تثبتو لنا انكم متعلمين ومثقفين وعلى مستوى عالي من التقنية ...الخ ، اوكي عرفنا وقسم بالله عرفنا ياحضرات المثقفين ، بس كل ذا جا على حسابنا ومستقبلنا خليكم كذا ستعرضوا علينا مثل ماتبون وترقوصوا من شدة الفرح بنجاحكم وفشلنا ياحضرات السادة المثقفين المتعلمين العباقرة والله انا نحسدكم على ما انتم فيه من نجاح ؟؟؟ ولاتعذرون وتعطونا من هالكلام المرتب والمنمق والخادع (والذي هو في الحقيقة اجوف) ولاتقولو والله المشكلة في الشبكة او الاتصالات او في عدم توافق اجهزتنا مع اجهزتكم العبقرية انا ماخليت شبكة الا وستخدمتها ، واخرها كنتكت بردباند سرعته اكثرمن 7 ميقا بايت يعني صاروخ الا شوي ، بس والله شكلكم تعمدين تثبتو انفسكم على حسابنا ياقادة التعليم المطور امحق تطور ، وصلنا القمر من زحمة التطور يعني بكل بساطة الي يبي يعلم انسان لزوم يبسط افكاره ونظرياته ومعاملاته على مستوى تفكير الطلبة الي عنده علشان يفيدهم ويستفيدون ، ولا هو بس استعراض على خلق الله محسودين والله ياحضرات السادة اصحاب الانتساب المطور ، لقد تعلمنا على ايديكم دروسا في الحياة لن ننساها الى الابد !!! اصبحتم قدوتنا ، وعرفنا كيف السبيل الى تذليل شخصياتنا ونفسياتنا ، لنكون في المستقبل نسخة اصلية منكم ومن افكاركم وما تؤمنون به مبروك علينا انتم !!! ومبارك عليكم نحن نعدكم بأن نكون نحن انتم وننحني لكم لتتكرمو وتتعطفو وتغرسو فينا افكاركم النيرة والمستنيرة في تخطيط الحياة والمستقبل لنا ولأجيالنا القادمة نشكركم على احساسكم المرهف في تفهم مشاكلنا وتذليل الصعاب امامنا ونشكركم جزيل الشكر على الاخذ بأيدينا لعبور بحور التخلف من خلال جسور العلم والتطور للوصول الى المستقبل الموعود لشباب الوطن والوصول بنا الى بر الامان لضمان مستقبل باهر نكيد به العالم باسرة بما وصلنا اليه من ادوات ووسائل علمية ليست موجودة في كل العالم سوى عندكم ياقادة التعليم المطور ان رؤوسنا لتنحني امام مساعداتكم وخدماتكم لشبابكم وابنائكم الذين يتطلعون اليكم بنظرة اعجاب واقتداء انتم اصحاب الفرس يافرسان بني انتساب ونحن نتعلق بأذيالكم لعلنا نحصل على لقمة ترمونها او معلومة تسقط منكم سهوة فربما نستفيد منها وتضيئ لنا المستقبل انتم اصحاب الهمم والمجد والاستعلاء يا اصحاب الفخامة .. نقول لكم شكرا شكرا على كل شيئ ، شكرا لكم حتى لو لم تفعلو لنا شيئا ، فواجبنا تجاهكم ان نشكركم فهذها هو ديدننا ، الشكر والتصفيق ، فكما تعلمون ان عقولنا (خاوية) املئوها من مجدكم ومساعداتكم وتواضعكم علمونا كيف نكون مثلكم ونهرول على خطاكم ونبشركم بأننا نعلمنا الدرس جيدا شكرا لكم على تنازلكم للتعامل معنا ، وشكرا لنا على ولائنا لكم !!!!!! (المعجبة والعاشقة لكم اختكم <لاهدت نفسي>) ولكم تتحياتي واخلاصي واخترامي !!!!! (لاهدت نفسي) :017: |
رد: الله لايسامحهم ولايوفقهم يااااااااااااارب
لاحول ولا قوة الله بالله
الله يعوضك قلبي معك |
رد: الله لايسامحهم ولايوفقهم يااااااااااااارب
ليه ماخلوك تدخلين الاختبار وتختبرين؟؟:mh19::t1:
|
رد: الله لايسامحهم ولايوفقهم يااااااااااااارب
أختي أنا معك كونك متنرفزة ومتضايقة
لكن مع احترامي لك أنت الغلطانه وجنيتي على نفسك .. دامك تعرفين الوقت كوني في القاعة الساعة 3 عصرا قبله بنصف ساعه مآحد راح يقول لك لاتدخلين .. لكن أنظمة الاختبارات المتآخر دقيقتين من بدء الاختبار .. لايدخل . الله يعينك راسلي الجامعه ووضحي وجهة نظرك لربما يعيدون لك الاختبار .. ترى انتساب .. وهم متعاونين لكن راجعيهم واكتبي معرووض بظرفك شكرا |
رد: الله لايسامحهم ولايوفقهم يااااااااااااارب
معقوله ...
انتي وين تختبرين ؟؟ الله يعوضك ؟؟ |
رد: الله لايسامحهم ولايوفقهم يااااااااااااارب
الله يعينك
والله حاسه فيك:Cry111: |
رد: الله لايسامحهم ولايوفقهم يااااااااااااارب
الله يعينك ,,
|
رد: الله لايسامحهم ولايوفقهم يااااااااااااارب
هونيها وتهون ... وبصراحه تخلف مشرفات ليه تعقيد لو بنطبق نظام على اصوله الكل بيدعي
على ثاني ولا تكون موده ورحمه بيننا ... عموما وخيتي قلتي اللي بخاطرك واستفيدي من اللي راح ولسى مشوار في بدايته ما توقف على ماده اغلب طلاب يدخل ولا ذاكر مايدري يحملها والا لا لكن بداخله اسرار وعزيمه ومعروف اي شي يكون في البدايه لابد يكون لخبطه وحوسه وتكون نتائجه غير مرضيه شوي ... متاكد بداخلك عزيمه وإصرار على مواصلت دراستك تحلي بصبر وعسى ربي يعوضك بترم ثاني ولا تيأسين إن شاء الله تنحجين بمواد اللي راحت وها ماده اسالي قبل ممكن يقبلون عذرك والا لا ... والأفضل من غير شر ... تجبين عذر طبي وتقدمينه وراح يقبلونه وتعوضين مافااات لعلها خيره ما تدرين ...أعرف بعض طلاب بجامعات ثانيه إنتظام راحت عليهم نومه وراح إختبارهم وجاب عذر طبي وأختبار وطلعت اسئالته اسهل من اللي راحت ربي يوفقك دوم:119: |
رد: الله لايسامحهم ولايوفقهم يااااااااااااارب
تاكدي انها خيره لك من رب العالمين وراسلي دكتور لعل يساعدك بشي و موفقه
|
رد: الله لايسامحهم ولايوفقهم يااااااااااااارب
لا حول ولا قوة الا بالله ان شا ءالله تنحل مشكلتك اختي حاولي و كلمي الجامعة
بعدين اختي اذا صار خطا او كان في شي واحد سلبي مو يعني تخلين كل شي سلبي وتنكرين الايجابيات كلها بس عشان نكون عادلين وكلامنا عادل صح ولا لا ؟ |
رد: الله لايسامحهم ولايوفقهم يااااااااااااارب
لا حول ولا قوة الا بالله
انا لله وإنا اليه راجعون |
رد: الله لايسامحهم ولايوفقهم يااااااااااااارب
الله يكوون بعوونك..
|
رد: الله لايسامحهم ولايوفقهم يااااااااااااارب
لا حول ولا قوه الا بالله العلي العظيم
والله حاله :017: اختي .. الواحد مو عارف وش يسوي ليرضيهم اعرف وحده تدرس انتظام .. توفى أبوها فتره الاختبارات راجعت الإدارة .. جابت ورقه وفاه أبوها .. ما خلت شيء ما سوته عشان تثبت ان ابوها متوفي في النهايه .. يقولوا ليها .. عفوا عذرك مو مقبول :s12: ما ادري البنت اتطلع جثت ابوها يعني من القبر وتجيبها اليهم .. عشان يقبلوا عذرها :103: ما قول غير الله يصبرنا على مابتلانا. |
رد: الله لايسامحهم ولايوفقهم يااااااااااااارب
الله يسامحهم وش دا التعقيد !:011: تقدرين تختبرين وقت ثاني انشالله |
رد: الله لايسامحهم ولايوفقهم يااااااااااااارب
لا حول ولا قوه الا بالله الله يعينك بس غريبه مادخلوك وربي :mh19: بس مثل ما قالو اخوانا راسلي الجامعه وانشالله يفيدونك:s12:
|
رد: الله لايسامحهم ولايوفقهم يااااااااااااارب
اللهـ يكون بعونكـ حبيبتي:Cry111: ((عساء أن تكرهو شيئآ وهو خيرآ لكم)) واالهـ قهر:017: |
رد: الله لايسامحهم ولايوفقهم يااااااااااااارب
الله يعينج
بس فديتج عنوان الموضوع شوي حنا ننتظر نتيجه تكفون لاتدعون على احد الله يوفقج |
رد: الله لايسامحهم ولايوفقهم يااااااااااااارب
ياقلــــــبي انتـــــــــي..
الله يكووون بعووونك يااااارب.... طيب قلبوو رااسليهم ان شاءالله ياارب يعيدوون لك الاختباار... مووفقه يااقلبي... |
رد: الله لايسامحهم ولايوفقهم يااااااااااااارب
لاحول ولاقوة الا بالله
__________ الله يكون بعونك ويجبر خاطرك |
رد: الله لايسامحهم ولايوفقهم يااااااااااااارب
الله يعينتس
راسلي الدكتور احمد وحاولي فيهم وان شاء الله خيره ماتدرين :011: |
رد: الله لايسامحهم ولايوفقهم يااااااااااااارب
اختي الله يجزاك خيــر
لاتصرين كذا كل شي صار لك الله كاتبه لك وبعدين قدر الله سبحانه ومشاء فعل ! وبعدين رد لك ولغيرك والله ان مشكلتنا مانعرف مين نوجه له الرساله !! انا قابلت الدكتور يوسف مدير الجامعه والدكتور احمد والله متعاونين معنى لدرجه ماتتوقعونه انا اشتكيت على مشرف دكتور مراقب علينا بمركز الاميره بالدمام قال ولايهمكم كل شي تطلبونه راح نلبيه لكم بالحرف الواحد واقولك خلي احد من اخوانك او ابوك يروح لدكتور احمد او يوسف وصدقيني راح تنفرج في وجهكـ!! ===================== وبعدين اي شخص يدعي على اي احد صدقوني ما راح الله يوفقه!! كيف راح تطلب من الله العفو والعافيه وانت ماتعفي وتدعي على اخوانك المسلمين والله مجرد نصيحه يا اخوان وانا اولكم مقصر بالموضوع هذا بالذات! بس لو انتي مارحتي لين تحاولين بكل الطرق انك تدخلين لو تتصلين ع الدكتور ! لكن قدر الله وماشاء فعل! والله راح يعوضك احسن من كذا واحسني الظن بالله اتمنى لك التوفيق |
رد: الله لايسامحهم ولايوفقهم يااااااااااااارب
انا معاكي بكلي الي تقولينه
والله خساره يروح الاختبار وبعدين ليش هم ما يسمحون للطلبه بالخروج من الاختبار الا بعد مضي نصف ساعة علشان الي متأخر يدخل وبالنسبة للنظام انا متذمر منه وهو فاشل فعلاً لان محد فاضي يقعد يستمع ياناس هذا انتساب يعني صمم للي مشغول مثل الموظفين وربات المنازل والموظفات وغيرهم والي عنده اسره واغلب المذاكره من المذكرات والكتب بالنسبه لي ماعمري دخلت وشفت اي محاضره لانها تجيب الهم اكتبي للشعيبي واشكيله لربما يساعدونك |
الله يوفقهم ويجازهم خير
وجهة نظر بعيداً عن العاطفة والمجاملة
كلام مبالغ فيه وأنا شخصياً أشوف النظام ناجح جداً وسهل مقارنة بالجامعة الأخرى وكلنا عندنا ضروف بس هذا ما يمنعنا أننا نهتم أو نقصر ونحط عيوب بالنظام بالعكس ما قصروا معانا ولكن عذر ..... مسح السبوره حنا يبغالنا 100 سنة علشان نستوعب وين وصلو العالم في التعليم !!! حنا يبغالنا 100 سنة علشان نحترم مواعيدنا وما نحمل أخطائنا الغير !!! انتو تدرون غير انا دافعين قروش حق الدراسة ؟؟؟ تردون اني خسرانة حول عشر الاف ريال بس لتوفير البرامج المعجزة لفتح المحاضرات ؟؟؟؟؟؟؟؟؟ مع إحترامي كلام مبالغ فيه تقبلي مروري |
رد: الله لايسامحهم ولايوفقهم يااااااااااااارب
غريبة والله ماخلوكي
تدخلين احنا والله في ناس تتأخر نص ساعة وأكثر ويخلونهم يدخلون اكثر من مرة صارت.... على العمووووم قدمي لهم عذرك وان شاء الله يقبلوووووون |
رد: الله لايسامحهم ولايوفقهم يااااااااااااارب
مسألة ان ما سمحوا لك تدخلين هذا شي غريب والله يعوض عليك
ولو بكرتي بجيتك كان افضل بس يمكن ظروفك كانت السبب بالتأخير اما مسألة هجومك على النظام غريب صحيح ان احيانا يعلق معانا واحيانا ما يفتح بس كان الكل ماشي .. وغريب انا ما احتجت لبرامج عشان افتح النظام .. عزيزتي النظام يفتح معاك عادي ما يحتاج روحات وجيات عشان تنزلين برامج كوني عادله .. عموما الله يعوض عليك وتفائلي بالخير موفقه يارب |
رد: الله لايسامحهم ولايوفقهم يااااااااااااارب
الله يعوضك يارب وتنجحين يارب
|
رد: الله لايسامحهم ولايوفقهم يااااااااااااارب
شي يقهر بجد
بس اكيد خير لكي وان شاءالله ربنا راح يعوضك |
رد: الله لايسامحهم ولايوفقهم يااااااااااااارب
مالهم حق يمنعووك
الله بيحاسبها الي منعتك |
رد: الله لايسامحهم ولايوفقهم يااااااااااااارب
خييره لك ان شاءالله والله يعطيك على قد نيتك اتمنى يحلون مشكلتك والله يوفقك .. |
رد: الله لايسامحهم ولايوفقهم يااااااااااااارب
الله يعينك خيتوووو والله قلبي معك
وبصراحه كلامك صحيح وباقي النتايج الله يستر هذي اولها ينعرف تاليتها تهئ |
رد: رفضو دخولي للاختبار والسبب >>>
معوووضه خير خيتوو إن شاءلله
بس معرووف وفي كل العالم انو اللي يتاخر عن الموعد بكثير ما يدخل يعني هذي مو سالفة تخلف وإن شاءلله خيره لكم راجعيهم وان شاءلله خير اما بالنسبه لـ كلامك ع النظام اسمحي لي فـ كلامك كله مبآآآآآآآآآآلغ فيه بقوه بالعكس النظام اول مره يصير فـ اكيد بيكون عليه ملاحضات بس مو بـ المبالغه الي انتي قلتيها بالعكس الا هو نظام ناااااجح وانا عن نففسي وعن كل الي اعرفهم ما في احد احتاااج اي برنااااااامج يمكن الخطاء منك وهم وفرووو لنا دوره بـ الفيديوو وفيها كيفية اننا ندخل النظام ونعرف كل شي فيه والكتب كل الدكاتره عطونا خبر عنها من اول محااضره وكان الكل كاتبها بـ المنتديات والا آغلبيه كانو متعاونين معانا الحمدالله انا مقدره انو الي صار لك شي صعب بس برضوه ما يعطيك عذر لـ كلامك الي قلتيه عموما معوضه خير ان شاءلله |
رد: رفضو دخولي للاختبار والسبب >>>
الله يعينك اختي ..ومثل ما قلت قمر شمر شئ مكتوب من رب العالمين ويمكن خيره ..
ان شاء الله بتتسهل . |
رد: رفضو دخولي للاختبار والسبب >>>
انا عن نفسي مستحيل اسكت لهم حالي مثل حال غير
احنا نجي بدري وندخل وناس يجون متاخرين كانهم جاين بدري فراسلي الجامعه ولا كلميهم لاتسكتين اذا انك مو غلطانه الله يكون بالعون ويسهل عليك انشالله |
رد: رفضو دخولي للاختبار والسبب >>>
الله يعينك بصراااحهـ قهر ... بس بصراحه بالمدرسه الي اختبرت فيها يتأخرون بنات ويدخلونهم لأنهم المعلمات كانوا متعاونين .. وماقصروا بسـ حاولي تراسليين الدكتور و انشااء الله يتفهم وضعكـ والله يسامح الي ما دخلتك وش بتخسر ... لأني أتوقع محد يتأخر على الاختبار الا عنده ظروف جبرته على التأخيير .. المفروض دخلتك عسى ماشر تطردكـ ..
|
| All times are GMT +3. الوقت الآن حسب توقيت السعودية: 10:54 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه